བསྭོ་བསྭོ་བསྭོ། ཀི་ཀི་བསྭོ་བསྭོ་ལྷ་རྒྱལ་ལོ། ཕོ་ལྷ་དགྲ་ལྷ་བསྭོ། མོ་ལྷ་མོ་སྨན་ལྷ་བསྭོ། ཡུལ་ལྷ་གཞི་བདག་བསྭོ། འགོ་བའི་ལྷ་ལྔ་བསྭོ། སྐྱོབ་པའི་ལྷ་དགུ་བསྭོ། ཟས་ལྷ་མགྲོན་ལྷ་བསྭོ། ཀླུང་རྟ་སྡེ་བརྒྱད་བསྭོ།
བསྭོ་བསྭོ། སྐྱ་རྒྱལ་མགྲོན་བུ་མཉན་པོ་བསྭོ། ལྷོའི་ཁ་བ་དཀར་པོ་བསྭོ། ནུབ་ཀྱི་གངས་དཀར་ཏི་སེ་བསྭོ། བྱང་གི་གཉན་ཆེན་ཐང་ལྷ་བསྭོ། ཤར་གྱི་རྨ་རྒྱལ་སྤོམ་ར་བསྭོ། རྨ་རིགས་སུམ་བརྒྱ་དྲུག་ཅུ་བསྭོ། རྨ་འཁོར་སྟོང་དང་ལྔ་བརྒྱ་བསྭོ། བོད་ཀྱི་མཚོ་ཆེན་རྣམ་གསུམ་བསྭོ། བཙན་པོའི་རྒྱལ་རབས་རིམ་བྱོན་བསྭོ། ཨོ་རྒྱན་པདྨ་འབྱུང་གནས་བསྭོ། བོད་ཀྱི་རྗེས་འབངས་ཉེར་ལྔ་བསྭོ། འགྲན་མེད་མཁན་སློབ་ཆོས་གསུམ་བསྭོ། ཆོས་རྒྱལ་སྲོང་བཙན་སྒམ་པོ་བསྭོ། དྲིན་ཆེན་སློབ་དཔོན་ཐོན་མི་བསྭོ། པཎ་གྲུབ་ལོ་ཙཱ་བ་རྣམས་བསྭོ།
བསྭོ་བསྭོ། རྒྱ་གར་ཡུལ་གྱི་རྗེ་བོ་བསྭོ། སྟོན་པ་ཤཱཀྱ་ཐུབ་པ་བསྭོ། སྐུ་འཁོར་ལྔ་སྡེ་བཟང་པོ་བསྭོ། སྐལ་བཟང་སངས་རྒྱས་སྟོང་རྩ་བསྭོ། ས་ཐོབ་བྱང་ཆུབ་སེམས་དཔའ་བསྭོ། རྒྱ་གར་པཎ་གྲུབ་བཅུ་བདུན་བསྭོ། ཤིང་རྟའི་སྲོལ་འབྱེད་རྣམ་གཉིས་བསྭོ། ཡེར་པའི་གྲུབ་ཆེན་བརྒྱད་ཅུ་བསྭོ།
བསྭོ་བསྭོ། འཛམ་གླིང་གེ་སར་རྒྱལ་པོ་བསྭོ། གླིང་གི་དཔའ་བརྟུལ་སུམ་ཅུ་བསྭོ། ཡང་ཐུལ་དམ་པ་མི་བདུན་བསྭོ། ཞེ་ཐུལ་ཁྲ་གླག་སྤྱང་གསུམ་བསྭོ། གླིང་གི་ཕ་ཁུ་མཆེད་གསུམ་བསྭོ། མ་སྲུ་མོ་སྨན་ཐམས་ཅད་བསྭོ། སྟོད་གླིང་གསེར་པ་མཆེད་བརྒྱད་བསྭོ། བར་གླིང་འོ་བུ་ཚོ་དྲུག་བསྭོ། སྨད་གླིང་དམུ་སྤྱང་སྡེ་བཞི་བསྭོ།
བསྭོ་བསྭོ། ཕར་འགྲོ་གི་སྐྱེལ་མ་གྱིས། ཚུར་འོང་གི་བསུ་མ་གྱིས། བུ་ལ་དཔའ་རྩལ་སྦྱིན། རྟ་ལ་བང་ཁ་སྩོལ། མཚོན་ལ་རྣོ་ངར་སྐྱེད། དགྲ་མགོ་རྡོག་པས་ནོན། གར་སོང་ལ་ནོར་འཕེལ། གར་བསྡད་ལ་གཡང་ཆགས། གོམ་གསུམ་སྤོས་ན་བཀྲ་ཤིས། ཚིག་གསུམ་བཤད་ན་དོན་འགྲུབ། བསྭོ། བསྭོ། ཀི་ཀི་བསོ་བསོ་ལྷ་རྒྱལ་ལོ། །