འདན་མའི་གྲུམ་རྩེ་འཐག་བཟོའི་ལག་རྩལ།
འདན་མའི་ས་གནས་རང་སྟེང་ནས་རྒྱུན་འཛིན་བྱས་པའི་སྲོལ་རྒྱུན་རིག་གནས་དང་དེང་རབས་རིག་གནས་ཟུང་འབྲེལ་བྱས་པའི་རིག་གནས་དང་ལག་རྩལ་གྱིས་རྩ་བ་དང་སྡོང་པོ་ཡལ་ག་ལོ་མ་མེ་ཏོག་འབྲས་བུའི་བར་གསལ་རྒྱས་རྫོགས་གསུམ་གྱིས་དཔེ་མཚོན་རང་བཞིན་ལྡན་ལ། དེའང་གནའ་བོའི་ཤུལ་བཞག་རིག་གནས་ཀྱི་མ་ཕྱི་ལོ་ངོ་སྟོང་ཕྲག་གི་ལོ་རྒྱུས་ཚབ་མཚོན་ཁམས་ལྡན་མ་རྩེ་མང་གིས་ཕྱག་སོར་ནས་གྲོལ་བའི་ཡིག་གཟུགས་ཉམ་པར་སོར་ཆུད་དང་མ་ཉམ་གོང་འཕེལ་དུ་གཏོང་བཞིན་པའི་ཡིག་གཟུགས་འབྲི་རྩལ་རྒྱུན་འཛིན་གྱིས་མཛད་རྗེས་མངོན་ལ། གཞན་ཡང་མཛེས་རྩལ་དང་ལག་རྩལ་མཉམ་འདྲེས་ཀྱི་བོད་ལུགས་ཐང་ག་འབྲི་བཞེངས་ཀྱི་ལག་རྩལ་དང་། ས་གནས་གཞན་གྱིས་རིག་གནས་ནང་འདྲེན་བྱས་པའི་ཕྲུག་དང་ས་གདན་སོགས་འཐག་བཟོའི་ལག་རྩལ་དང་། གླུ་དང་གར་འཆམ་གླིང་སྒྲུང་སོགས་དམངས་སྲོལ་རིག་གནས་རྒྱུན་འཛིན་པའི་ཚོགས་པ་འཛུགས་པ། ཁྱད་པར་དུ་ཁམས་འདན་མའི་གླིང་སྒྲུང་གི་སྒྱུ་རྩལ་རང་བཞིན་ལྡན་པའི་གེ་སར་རིག་གནས་དར་སྤེལ་གཏོང་བའི་སྒྲུང་ངག་དང་གྱེར་འདོན་སོགས་འཁྲབ་ཚན་གྱི་རྣམ་པ་བཞེངས་བསྐྲུན་བྱས་ཏེ་རྒྱ་ཆེའི་མང་ཚོགས་ཀྱི་མིག་གི་དགའ་སྟོན་དང་རྣ་བའི་བདུད་རྩི་རུ་གྱུར། དེང་དུས་རྒྱུན་དུ་འདན་མའི་དྲན་གསོ་ཁང་དུ་མི་སྣ་མང་པོ་འདུས་ནས་ཉམ་ལ་ཉེ་བའི་དམངས་ཁྲོད་ཀྱི་གླུ་གར་དང་མགུར་མོ། གཏམ་དཔེ། ཁེད། ལྡེའུ། ལེགས་བཤད། གླིང་སྒྲུང་སོགས་ཀྱི་རིག་གནས་ལ་མ་ཉམས་གོང་འཕེལ་དང་ཉམས་པ་སླར་གསོའི་བྱ་བར་འབད་བཞིན་ཡོད། །
འདན་ཁོག་གི་ཐང་གའི་རིག་གནས།
གེ་སར་འཆམ།
འདན་མར་དར་སྲོལ་ཆེ་བའི་ལྡན་བྲིས།
འདན་མ་དྲན་གསོ་ཁང་གི་དམངས་སྲོལ་རིག་གནས་རྒྱུན་འཛིན་མི་སྣ།