སྤྱི་ཟླ་6པའི་ཚེས་23ཉིན།རྔ་བ་ཁུལ་གསེར་མཚོ་ལྗོངས་ཁུལ་གྱི་2024ལོའི་ཡུལ་སྐོར་པ་སྣེ་ལེན་བྱེད་ཚད་ས་ཡ་གཅིག་ལས་བརྒལ།གྲུབ་འབྲས་འདིས་གསེར་མཚོ་ལྗོངས་ཁུལ་གྱི་དུས་མཉམ་ཡུལ་སྐོར་མི་གྲངས་སྣེ་ལེན་བྱས་ཚད་ཀྱི་ལོ་རྒྱུས་ཟིན་ཐོ་གསར་པ་བཀོད།
ཁྲོན་ཆིང་ལྕགས་ལམ་གྱི་ཆིང་པའེ་ཅང་གཙང་པོ་ནས་ཀྲེན་ཅང་འགག་སྒོའི་བར་ཤར་གཏོང་གཉེར་སྐྱོང་དང་བསྟུན་ནས། འགྲིམ་འགྲུལ་སྟབས་བདེ་སོང་བས་གསེར་མཚོའི་ཡུལ་སྐོར་པ་ཇེ་མང་དུ་ཕྱིན། ཞིབ་ཕྲའི་གཞི་གྲངས་ལྟར་ན། ད་ལོའི་གསེར་མཚོ་ལྗོངས་ཁུལ་གྱི་ཡུལ་སྐོར་པའི་གྲུབ་ཚུལ་ལ་འགྱུར་ལྡོག་བྱུང་ཡོད།རང་ངོས་ནས་ཡོང་བའི་མགྲོན་པོ་ཡིས་19.4ཟིན་པ་དང་།2023ལོ་དང་བསྡུར་ན་5.32ཇེ་མཐོར་སོང་འདུག།དེའི་ནང་ཕྱི་མགྲོན་གྱི་སྣེ་ལེན་བྱེད་ཚད་ཡང་ལོ་རྒྱུས་གསར་པ་བསྐྲུན་ཡོད། ཕྱི་མགྲོན་མི་ཐེངས་41889སྣེ་ལེན་བྱས་ཡོད། མགྲོན་པོ་སྣེ་ལེན་གྱི་སྤྱིའི་ཚད་ཀྱི་4.19%ཟིན་ཡོད། དུས་མཉམ་དང་བསྡུར་ན་783.3%འཕར་ཡོད།
གསེར་མཚོ་ལྗོངས་ཁུལ་གྱིས་འཛམ་གླིང་རིམ་པའི་ཡུལ་སྐོར་མཛེས་ལྗོངས་ཁུལ་འཛུགས་སྐྲུན་བྱ་རྒྱུར་དམིགས་ནས།ཡུལ་སྐོར་+ཡི་ལས་རིགས་རྣམ་པ་མང་པོ་མཉམ་འདྲེས་ཟབ་མོར་སྐུལ་འདེད་དང་།ཅོང་བརྡུང་ནས་སྨོན་ཞུ་བྱེད་པ།ལྷ་མཚོའི་སྒྲ་དབྱངས།གོ་ལ་སྲུང་སྐྱོབ་བྱེད་པར་དོམ་ཁྲའི་ཕོ་ཉ་སྐྱོད་བཞིན་པ་སོགས་ཀྱི་བྱེད་སྒོ་སྣ་ཚོགས་སྤེལ་བ་དང་།གསེར་མཚོ་ལྗོངས་ཁུལ་གྱིས་མུ་མཐུད་དུ་འཕྲིན་སྦྱོར་དང་སྤྱི་ཚོགས་འབྲེལ་དྲ་སྟེགས་བུ་སོགས་དང་མཉམ་འབྲེལ་བྱེད་ཤུགས་ཇེ་ཆེར་བཏང་ནས།དངོས་ཞུགས་ཐད་གཏོང་སོགས་ཀྱིས་རྣམ་པ་སྣ་ཚོགས་སྤྱད་ནས།གསེར་མཚོ་ལྗོངས་ཁུལ་གྱི་མཛེས་སྡུག་ཉམས་སུ་རོལ་བ་དང་།མགྲོན་པོའི་ཚོར་སྣང་སྤུས་ཀ་ཇེ་མཐོར་གཏོང་བ།ལྗོངས་ཁུལ་གྱི་ཁ་ལས་སྔར་ལས་རྒྱས་པར་གཏོང་བར་འབད་དང་འབད་བཞིན་ཡོད། །