ཉེ་བའི་ལོ་གཉིས་རིང་། ཀུའེ་ཀྲོའུ་རོང་ཅང་དང་རོང་ཅང་“ཚུན་ཁྲའོ”ནི་མིང་དུ་གྲགས་པའི་IPཆེན་པོ་ཞིག་རེད། 2023ལོའི་ཟླ་5པའི་ཚེས་13ཉིན། རོང་ཅང་(སན་པའོ་ཏུང་སྡེ)དང་མཛེས་མཐུན་གྲོང་གསེབ་རིམ་མཐོའི་རྐང་གྲུག་འགྲན་བསྡུར་འགོ་ཚུགས་པ་དང་། ཡུལ་དངོས་སུ་མི་ཁྲི་ལྷག་གིས་འགོ་ཚུགས་མཛད་སྒོའི་འཁྲབ་སྟོན་ལ་མྱོང་རོལ་བྱས་པ་དང་རྐང་གྲུག་འགྲན་བསྡུར་དྲ་ཐོག་ཏུ་ས་ཁྱབ་རྡོ་ཁྱབ་བྱས་པས། དྲ་གྲོགས་ཚོས་དབྱིན་ཇིའི་རིམ་མཐོའི་རྐང་གྲུག་འགྲན་བསྡུར་དང་ཀྲུང་གོའི་རིམ་མཐོའི་རྐང་གྲུག་འགྲན་བསྡུར་སོགས་ཀྱི་མིང་འདོགས་སྒྲིག་སྲོལ་གཞིར་བཟུང་རོང་ཅང་གྲོང་གསེབ་ཀྱི་རིམ་མཐོའི་རྐང་གྲུག་འགྲན་བསྡུར་ལ“ཚུན་ཁྲའོ”ཞེས་འབོད་པ་རེད།
ད་ལོའི“ཚུན་ཁྲའོ”ཡང་ཚ་ཚ་འུར་འུར་ངང་སྤེལ་བཞིན་འདུག
ད་ལོར། རོང་ཅང་གིས་གྲོང་གསེབ་ཀྱི་རིམ་མཐོའི་རྐང་གྲུག་འགྲན་བསྡུར་དང་རྒྱལ་ཡོངས་ཀྱི་ཤུལ་བཞག་ཟས་མཆོག་གི་མཛའ་མཐུན་འགྲན་བསྡུར། “རྒྱུད་གཅིག་ལམ་གཅིག”གི་གྲོང་གསེབ་ཀྱི་རིམ་མཐོའི་རྐང་གྲུག་མཛའ་མཐུན་འགྲན་བསྡུར་དང་ཀུའེ་ཀྲོའུ་ནས་ཀོང་ཏུང་དང་ཤང་ཀང་། ཨའོ་མོན་སོགས་ཏ་ཝན་ཁུལ་གྱི་རྐང་གྲུག་མཛའ་མཐུན་འགྲན་བསྡུར་ཟུང་འབྲེལ་ཡག་པོ་བྱས་ཏེ་འགྲན་བསྡུར་གྱི་མཐོ་ཚད་དང་དྲོད་ཚད་མཐོ་རུ་གཏང་རྒྱུ་དང་ཆབས་ཅིག །ཧ་ཅང་ཞིམ་པའི་ཟས་མཆོག་མཁོ་འདོན་དང་སྡོད་གནས་ཀྱི་ཆ་རྐྱེན་ཤིན་ཏུ་ལེགས་སུ་གཏོང་བ། འགྲོ་སྐྱོད་ཞབས་ཞུ་ཤིན་ཏུ་ལེགས་སུ་གཏོང་བ་དང་། སྐྱོད་བདེ་བའི་ཡུལ་སྐོར་ལམ་ཐིག་ལེགས་ཤོས་གཏོད་པ་སོགས་ཀྱི་བྱ་ཐབས་བཏོན་ནས། ཡུལ་སྐོར་པར་གཅེས་སྐྱོང་དང་། “ཚུན་ཁྲའོ”ཞེན་མིར་གཅེས་སྐྱོང་།
མི་དམངས་མང་ཚོགས་ལ་གཅེས་སྐྱོང་། ཚོང་ཁང་ཆུང་ཆུང་གི་ཚོང་པ་ལ་གཅེས་སྐྱོང་། ཁེ་ལས་མཁས་ཅན་གྱི་ཤེས་ལྡན་མི་སྣར་གཅེས་སྐྱོང་། རོང་ཅང་ལ་རོགས་སྐྱོར་དང་རྒྱབ་སྐྱོར་བྱས་མྱོང་བའི་སྡེ་ཚན་དང་མི་སྒེར་ཚང་མར་གཅེས་སྐྱོང་བྱས་ཤིང་། དངོས་མིན་ཤུལ་བཞག་རིག་གནས་མཉམ་བསྲེས་བྱས་ནས་རྒྱལ་ཡོངས་ས་གནས་ཁག་གི་མི་རྣམས་ལྟ་སྐོར་རམ་བྱེད་སྒོར་ཞུགས་རྒྱུའི་ཡིད་དབང་བཀུག་སྟེ། 2024ལོའི“ཚུན་ཁྲའོ”ལ་མུ་མཐུད་དུ་སྐྱེ་སྟོབས་འཕེལ་བར་བྱས།
རིགས་གཅིག་མཁས་པ་མང་པོས་རྩོམ་ཡིག་བྲིས་ནས“ཚུན་ཁྲའོ”ཡིས་གྲོང་གསེབ་འཕེལ་རྒྱས་ལ་སྐུལ་ཁྲིད་བྱེད་པའི་ནུས་པ་ཁས་ལེན་བྱས་པ་དང་། རོང་ཅང་མིའོ་རིགས་ཀྱི་རིག་གནས་དང་ཏུང་རིགས་ཀྱི་རིག་གནས་དེ་ལུས་རྩལ་འགྲན་བསྡུར་དང་ཟུང་འབྲེལ་བྱས་ཏེ། ས་གནས་དེ་གའི་ཁྱད་ཆོས་མངོན་གསལ་དོད་ལ་ས་གནས་དེ་གའི་མང་ཚོགས་ལ་ཕན་པའི་འཕེལ་རྒྱས་ཀྱི་ཐབས་ལམ་ཞིག་འཚོལ་ཞིབ་བྱས་ནས་གྲོང་གསེབ་དར་རྒྱས་ལ་དཔེ་དབྱིབས་ཤིག་མཁོ་འདོན་བྱས་པའི་ངོས་འཛིན་བྱས་པ་རེད། །