དགུང་སྔོན་དང་སྤྲིན་དཀར། ལྗོན་ཤིང་དང་མེ་ཏོག །ཆང་ཁང་དང་ཁོ་ཧྥེ་ཁང་། དཔེ་མཛོད་ཁང་།
ཁྱད་ལྡན་བོད་ཁང་དང་གནས་ཚང་། ཉེ་བའི་ལོ་ཤས་རིང་། དཀར་མཛེས་ཁུལ་ལྕགས་ཟམ་རྫོང་ལན་ཨན་ཡུལ་ཤོག་གིས་ཡུལ་སྐོར་པ་མང་པོའི་ཡིད་དབང་བཀུག་ཡོད།
ལན་ཨན་གྱི་གནས་ཚང་ཞིག་གི་རྣམ་པ།
ལན་ཨན་ནི་ལོ་རྒྱུས་ཐོག་ཇ་རྟའི་གནའ་ལམ་གྱི་ས་ཚིགས་གལ་ཆེན་ཞིག་ཡིན་པ་དང་ཁམས་ཁུལ་གྱི་གསར་བརྗེའི་སུའུ་ཝེ་ཨེད་སྲིད་གཞུང་དང་པོ་དེ་ཡིན། གྲོང་ཚོ་4ལ་མི་གྲངས་3000ལྷག་ཙམ་ཡོད་པ་ཚང་མ་བོད་རིགས་ཡིན་པ་དང་བོད་རིགས་ཚེམ་དྲུབ་བམ་ལན་ཨན་ཚེམ་དྲུབ་ནི་2022ལོའི་ཟླ་11པར་ཞིང་ཆེན་རིམ་པའི་དངོས་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྣམ་གྲངས་ཁག་དྲུག་པའི་མིང་ཐོའི་ནང་བཅུག་ཡོད། ལན་ཨན་ཡུལ་ཤོག་གི་ཁོར་ཡུག་མཛེས་ཤིང་ཐོན་ཁུངས་ཕུན་སུམ་ཚོགས་པ་དང་། གསར་བརྗེའི་རིག་གནས་དང་། ཇ་རྟའི་རིག་གནས། ཀུའེ་ཆུང་བོད་ཆའང་རིག་གནས་བཅས་འདི་གར་འདྲེས་ཡོད་ཅིང་། ཉེ་བའི་ལོ་ཤས་རིང་། ལན་ཨན་ཡུལ་ཤོག་གིས་རི་ཆུའི་རང་བྱུང་ཐོན་ཁུངས་ཀྱི་ལོ་རྒྱུས་དང་མི་ཆོས་ཐོན་ཁུངས་ཀྱི"ལེགས་ཆ་ཆེན་པོ་གཉིས"ལ་བརྟེན་ནས་སྒྱུ་རྩལ་གསར་རྩོམ་དང་། གནས་ཚང་མ་གཏོང་། ཕ་ཡུལ་དུ་ལོག་པའི་གཞོན་ནུ་སོགས་ཀྱི་ལས་གཏོད་འཇོན་མི་བཅའ་སྡོད་ལས་དར་བྱེད་པར་བཀུག་ཡོད། ཞིན་ཅང་དང་། ཡུན་ནན། ལེའོ་ཉིང་། ཧྲན་ཏུང་སོགས་ནས་ཡོང་བའི་ཕྱི་ཡོང་པའི"གྲོང་མི་གསར་པ"20ཙམ་གྱིས་གྲོང་མི་ཚོ་དང་མཉམ་དུ་གྲོང་གསེབ་ལ་དམིགས་ནས་གྲོང་གསེབ་གླེང་བའི་ཕྱོགས་རྐྱང་པའི་བྱ་སྤྱོད་སྤེལ་སྟངས་ལ་འགྱུར་ལྡོག་བཏང་བ་དང་། གྲོང་མི་གསར་རྙིང་གིས་ཐུན་མོང་ཐོག་ཁྱད་ལྡན་གནས་ཚང་འཕེལ་རྒྱས་བཏང་ནས་དངོས་མིན་རིག་གནས་ཤུལ་བཞག་དང་སྲོལ་རྒྱུན་རིག་གནས་གྲོང་ཚོའི་སྤུས་རྟགས་གཏོད་རྒྱུར་སྐུལ་འདེད་བརྟན་པོ་བཏང་སྟེ། དངོས་མིན་རིག་གནས་ཤུལ་བཞག་གི་ལག་རྩལ་དེ་ཁྲོམ་ར་དང་ཉེ་བཅར་གྱི་ཡུལ་སྐོར་ཚོང་ཟོག་ཏུ་འགྱུར་བ་བྱས་ནས་ཐོན་ལས་གསུམ་པ་ནན་མོར་བསྒྲུབས་ཏེ། གྲོང་གསེབ་ཀྱི་ནང་སྐྱེས་སྒུལ་ཤུགས་ལ་སྐུལ་སློང་དང་། ལན་ཨན་ཡུལ་ཤོག་གི་གྲོང་གསེབ་དར་རྒྱས་དང་མི་རིགས་མཐུན་སྒྲིལ་ལ་སྐུལ་མ་བཏང་ནས། གྲོང་གསེབ་དར་རྒྱས་དང་མི་རིགས་མཐུན་སྒྲིལ་གྱི་གཏམ་རྒྱུད་སྔར་ལས་གསོན་ཉམས་ལྡན་པར་གྱུར། །
ལན་ཨན་འཚེམ་དྲུབ། ཡིའུ་ཅན་ཀྲུང་གིས་པར་བླངས།