འཆར་བརྙན་ཅན་གྱི་བརྙན་གཟུགས་ཞིབ་དཔྱད་ཚད་ལེན་ས་ཚིགས་བཀོད་སྒྲིག་བྱས་ཤིང་། བོད་རྒྱ་སྐད་གཉིས་ཀྱི་ལམ་ནས་སྔོན་བརྡ་གཏོང་བ་དང་། དུས་ཚོད་7*24ལ་ཕྱོགས་ཡོངས་ལ་ཞིབ་དཔྱད་ཚད་ལེན་བྱེད་པ་སྟེ་དཔལ་ཡུལ་རྫོང་གིས་གྲངས་འཛིན་ཅན་གྱི་ཐབས་ལ་བརྟེན་ནས་མཐོ་སྒང་གི་སྐྱེ་ཁམས་ལ་སྲུང་སྐྱོབ་ལེགས་པོ་བྱས།
ནགས་ཚལ་རྩྭ་ཐང་གི་མེ་འགོག་མེ་སྐྱོབ་ལས་ཀ་ནན་གྱིས་སྒྲུབ།
གཡུ་ལོ་ཐགས་སུ་བཀྲ་བའི་ནགས་ཚལ་དུ་དཔལ་ཡུལ་རྫོང་གི་ཁྱབ་ཁོངས་ལ་རྟགས་དམར་པོ་བརྒྱབ་ཡོད་པ་དང་། དཔལ་ཡུལ་རྫོང་གི་ཡུལ་ཚོ་དང་གྲོང་རྡལ་སོ་སོའི་ནགས་ཚལ་དང་རྩྭ་ཐང་གི་ཐོན་ཁུངས་གནས་ཚུལ། དྲ་རྒྱའི་གནས་ཚུལ། ནགས་སྲུང་གི་གནས་ཚུལ་སོགས་དཔལ་ཡུལ་རྫོང་གི་ནགས་སྲུང་ལམ་ལུགས་ཀྱི་ཕྱོགས་བསྡུས་དོ་དམ་སྟེགས་བུའི་གྲངས་འཛིན་འཆར་ངོས་སྟེང་གསལ་པོར་འཆར་འདུག །འཆར་ངོས་དྲུག་གི་ནང་ལ་རྩྭ་ཐང་དང་གཙང་པོའི་འབབ་ཡུལ་སོགས་ཡུལ་གྱི་བཀོད་པ་གསལ་པོར་མངོན་ཞིང་། གཞན་ཞིབ་དཔྱད་ཚད་ལེན་སྔོན་བརྡ་དང་། སྡོང་པོའི་མིང་། ནགས་ལས་ཐོན་ཁུངས། གནོད་ལྡན་སྲིན་འབུ་སོགས་ཀྱི་གནས་ཚུལ་ཡང་གསལ་པོར་བཀོད་ཡོད་པས། རང་གིས་ཤེས་འདོད་པའི་གནས་ཚུལ་གང་དེའི་ལེ་ཚན་མནན་ཚེ་འབྲེལ་ཡོད་གནས་ཚུལ་ལ་ལྟ་ཐུབ། དཔལ་ཡུལ་རྫོང་གི་གཅིག་འདུས་ཅན་གྱི་ཚོར་རྟོགས་ཞིབ་དཔྱད་ཚད་ལེན་སྟེགས་བུའི་འཆར་ངོས་སོ་སོར་ས་ཚིགས་སོ་སོའི་གནས་ཚུལ་ལ་གཞིགས་ཏེ་ཉེན་ཁར་འཕྲད་ཚེ་དུས་ཐོག་ཏུ་ཉེན་བརྡ་གཏོང་བ་ཡིན། འཆར་ངོས་ཆེན་པོའི་མདུན་ནི་དཔལ་ཡུལ་རྫོང་གི་ས་བབ་མཚོན་པའི་རི་མོ་ཡིན་ཞིང་། འཆར་ངོས་སྟེང་སྤྱི་གླིང་དང་གཙང་པོ། ཡུལ་ཚོ་དང་གྲོང་རྡལ་གྱི་བཀོད་པ་གསལ་བོར་མངོན་ཞིང་། འདི་ནི་དཔལ་ཡུལ་རྫོང་གི་གཅིག་འདུས་ཅན་གྱི་གྲངས་འཛིན་བློ་སྟོན་ལྟེ་གནས་སུ་སྟེགས་བུ་མང་པོར་བརྟེན་ནས་མཐོ་སྒང་གི་སྐྱེ་ཁམས་ཁོར་ཡུག་སྲུང་སྐྱོབ་བྱེད་པའི་རྣམ་པ་རེད།
ནགས་ཚལ་རྩྭ་ཐང་གི་མེ་འགོག་མེ་སྐྱོབ་ལས་ཀ་ནན་གྱིས་སྒྲུབ།
དཔལ་ཡུལ་རྫོང་ནགས་ལས་རྩྭ་ཐང་ཅུས་ཀྱི་འབྲེལ་ཡོད་འགན་ཁུར་པས་ངོ་སྤྲོད་བྱས་པ་ལྟར་ན། དཔལ་ཡུལ་རྫོང་གིས་གཅིག་གྱུར་འཆར་འགོད་དང་ལེགས་བསྡུས་བེད་སྤྱོད། ཕྱོགས་ཡོངས་མཉམ་སྤྱོད། མཐུན་སྦྱོར་ལ་ཤུགས་སྣོན་པའི་རྩ་དོན་དོན་འཁྱོལ་བྱས་ཤིང་། གྲངས་འཛིན་ཆེན་མོ་དང་སྤྲིན་རྩིས། མིས་བཟོས་རིག་ནུས་སོགས་སྔོན་ཐོན་གྱི་ལག་རྩལ་བཀོལ་སྤྱོད་བྱས་པ་དང་། ཆུ་བེད་དང་རང་བྱུང་ཐོན་ཁུངས། ནགས་ཚལ་དང་རྩྭ་ཐང་། འཕྲལ་མཁོ་དོ་དམ་སོགས་ལས་ཁུངས་ཀྱི་བློ་སྟོན་སྙོམས་སྒྲིག་དང་། ཕྱོགས་བསྡུས་འཁོར་སྤྱོད། རེམ་འདེགས་ཇུས་ཆོད་རིགས་ཀྱི་མ་ལག་དང་འབྲེལ་ཡོད་གཞི་གྲངས་ཐོན་ཁུངས་དང་མཉམ་འབྲེལ་གྱིས་གོང་འོག་སྦྲེལ་མཐུད་དང་། གཡས་གཡོན་མཐུན་སྦྱོར། རྫོང་ཡོངས་གཅིག་འདུས། ཚད་མཐོའི་མཉམ་འདུས་ཀྱི་གཅིག་འདུས་ཅན་གྱི་གཞི་གྲངས་མཉམ་སྦྲེལ་གྱི་བློ་སྟོན་ལྟེ་གནས་འཛུགས་སྐྲུན་བྱས། ལས་གཞི་དེར་ཁྱོན་བསྡོམས་སྒོར་ཁྲི་1420ཡི་མ་དངུལ་བཏང་བ་དང་། བཟོ་བཀོད་ཀྱི་རྒྱ་ཁྱོན་གྱིས་སྨི་ཁྲི་བཞི་མ་900ཟིན། འཛུགས་སྐྲུན་དུས་ཡུན་ཟླ་5ཡིན་པ་སྟེ། 2023ལོའི་ཟླ་12པའི་ཟླ་མཇུག་ལ་ལེགས་གྲུབ་བྱུང་ཞིང་། གཙོ་བོ་གཞུང་སྒྲུབ་ཁང་དང་།
བྱེ་གཞོང་།（དངོས་གཞིའི་བྱེ་གཞོང་དང་གྲངས་འཛིན་བྱེ་གཞོང་།）UPSགློག་འདོན་མ་ལག །འཕྲལ་མཁོ་དོ་ད མ་མ་ལག །ནགས་སྲུང་ལམ་ལུགས་ཀྱི་མ་ལག །ལྟ་འཛིན་མ་ལག །གཟུགས་ལམ་ཚོགས་འདུ་མ་ལག་སོགས་ཆ་འགྲིག་སྒྲིག་ཆས་བསྐྲུན་ཡོད།
ནགས་ཚལ་རྩྭ་ཐང་གི་མེ་འགོག་མེ་སྐྱོབ་ལས་ཀ་ནན་གྱིས་སྒྲུབ།
སྤོ་འགུལ་སྣེ་བརྒྱུད་དེ་
བོད་རྒྱ་སྐད་གཉིས་ཀྱི་ཡི་གེ་འཆར་ཐུབ་པར་མ་ཟད། འདྲ་པར་དང་ཡི་གེ། བརྙན་གཟུགས། སྐད་སོགས་བརྒྱུད་སྤྲོད་བྱེད་ཐུབ་པས་སྐོར་ཞིབ་པས་བདེ་བླག་ངང་བཀོལ་སྤྱོད་ཐུབ་པར་ཁག་ཐེག་བྱེད་ཐུབ་པ་བྱུང་། དཔལ་ཡུལ་རྫོང་ནགས་སྲུང་ལམ་ལུགས་ཕྱོགས་བསྡུས་དོ་དམ་སྟེགས་བུའི་མ་ལག་གིས་དྲ་ངོས་སྣེ་དང་སྤོ་འགུལ་སྣེ་ཟུང་འབྲེལ་གྱི་ཐབས་ལ་བརྟེན་ནས་དྲ་ངོས་སྣེ་ནས་གཙོ་བོ་དོ་དམ་གྱི་ལས་བྱ་འགྲུབ་པ་དང་། སྤོ་འགུལ་སྣེ་གཙོ་བོ་སྐོར་ཞིབ་ལ་སྤྱོད་པ་སྟེ། དེ་གཙོ་བོ་གནས་ཚུལ་ཡར་སྤྲོད་པ་དང་། དྲ་ངོས་སྣེ་གནས་ཚུལ་ཐག་གཅོད་དོ་དམ་གཉིས་ཀྱིས་གྲུབ་པ་ཡིན།
ཞོགས་ཀའི་ཉི་འོད་འོག་གི་བོད་གྲོང་། དབྱང་རོང་པིན་གྱིས་པར་བླངས།
རྫོང་ཡོངས་སུ་འཆར་བརྙན་ཅན་གྱི་བརྙན་གཟུགས་ཞིབ་དཔྱད་ས་ཚིགས་53བཀོད་སྒྲིག་བྱས་ཡོད་པས། རྫོང་ཡོངས་ཀྱི་འགོག་སྲུང་ཁུལ་གཙོ་བོ་ལ་དུས་ཚོད་24ལ་བརྙན་ལམ་ནས་ཞིབ་དཔྱད་ཚད་ལེན་བྱེད་ཐུབ། ཕྱོགས་ཡོངས་ནས་ཞིབ་དཔྱད་ཚན་ལེན་དང་སྔོན་བརྡ་བཏང་ནས་དུས་ཐོག་ཏུ་གནོད་འཚེ་ཤེས་རྟོགས་ཐུབ་པར་མ་ཟད། གནོད་འཚེ་ལ་ཚོད་འཛིན་བྱས་ནས་གནོད་སྐྱོན་ཆེན་པོ་ཐེབས་པར་སྔོན་འགོག་བྱེད་ཐུབ། ལག་རྩལ་དོ་དམ་པ་ཧོ་ཅིང་ཡུས་ཀྱིས་ངོ་སྤྲོད་བྱས་པ་ལྟར་ན། དཔལ་ཡུལ་རྫོང་གི་གཅིག་འདུས་ཅན་གྱི་ཚོར་རྟོགས་ལྟ་འཛིན་མ་ལག་ནི་ཀྲུང་གོའི་ལྕགས་མདོང་བརྙན་འབྲེལ་སྟེགས་བུ་དང་གནས་མཐོ་ས་ཚིགས་ཀྱི་ཐོན་ཁུངས་ལ་བརྟེན་ནས་འཛུགས་སྐྲུན་བྱས་པ་ཡིན་ཞིང་། དེར་ཞིབ་དཔྱད་ཚད་ལེན་དང་སྔོན་བརྡ། ནགས་སྲུང་སྐོར་ཞིབ། ཐོན་ཁུངས་དོ་དམ། བློ་སྟོན་སྙོམས་སྒྲིག །མེ་དགྲར་བརྟག་པ་སོགས་ཀྱི་བྱེད་ནུས་འཛོམས་པ་རེད།
ཧོར་སྤོའི་བོད་གྲོང་གསར་པ། དབྱང་རོང་པིན་གྱིས་པར་བླངས།
དཔལ་ཡུལ་རྫོང་གི་GISགྲངས་འཛིན་ས་ཁྲ་ལྟ་འཛིན་ས་ཚིགས་ལས་ཀྱང་འབྲེལ་ཡོད་གནས་ཚུལ་ཞིབ་ཕྲའི་ངང་རྟོགས་ཐུབ་ཅིང་། དེས་གཅིག་བསྡུས་ཀྱིས་མིག་སྔའི་སྔོན་བརྡའི་རྣམ་པ་དང་དུས་མཚམས་རང་བཞིན་གྱི་སྔོན་བརྡའི་གཞི་གྲངས། སྔོན་བརྡ་གསར་པ། ཞིབ་དཔྱད་ཚད་ལེན་གྱི་སྔོན་བརྡ་བཅས་ལ་དོ་དམ་བྱེད་བཞིན་ཡོད། དཔལ་ཡུལ་རྫོང་ཁོངས་ཀྱི་རི་བོ་དང་གཙང་པོ། ནགས་ཚལ། རྩྭ་ས། ཞིང་ས། གཞུང་ལམ། གྲོང་སྡེ་བཅས་ལ་དུས་ཚོད་7*24ལྟར་ཉིན་གང་པོ་དང་ཕྱོགས་ཡོངས་ནས་ཞིབ་དཔྱད་ཚད་ལེན་བྱས་པ་བརྒྱུད་སྔོན་བརྡའི་གནས་ཚུལ་དང་འབྲེལ་ཡོད་གནོད་འཚེའི་ཉེན་ཁ་ཤེས་ཐུབ། གལ་སྲིད་ཞིབ་དཔྱད་ཚད་ལེན་དྲ་རྒྱར་ཉེན་བརྡའི་གནས་ཚུལ་འབྱོར་རྗེས། མ་ལག་ནང་རང་འགུལ་གྱིས་ཉེན་བརྡ་གསལ་འདེབས་བྱས་མུར། ཡུལ་དངོས་ཀྱི་འདྲ་པར་དང་བརྙན་གཟུགས་བརྒྱུད་དེ་གནས་ཚུལ་ལ་དབྱེ་ཞིབ་དང་ཐག་གཅོད་བྱེད་ཐུབ། གནོད་འཚེ་བྱུང་རྗེས་ཞིབ་ཕྲའི་གནས་ཚུལ་ལ་གཞིགས་ནས་ཡུལ་ཚོ་དང་གྲོང་རྡལ། སྡེ་པ། མེ་གསོད་རུ་ཁག །འཕྲལ་མཁོ་མྱུར་སྐྱོབ་རུ་ཁག་གི་ལས་བྱེད་པ་བཅས་བཀོད་སྒྲིག་བྱས་ཆོག་པས། ཆ་འཕྲིན་དུས་ཐོག་ཏུ་བརྒྱུད་སྤྲོད་བྱེད་པ་དང་གནད་ལ་འཁེལ་བར་ཐག་གཅོད་བྱེད་པའི་དམིགས་ཡུལ་གྲུབ་ཐུབ། གཞན་མ་ལག་བརྒྱུད་དེ་ཉེན་བརྡ་འབྱོར་སའི་ཉེ་འཁོར་གྱི་དངོས་གསོག་མཛོད་ཁང་དང་ཆུ་མཛོད། མེ་གསོད་རུ་ཁག་སོགས་ཐོན་ཁུངས་ཀྱི་ས་གནས་ལའང་རྒྱུས་ལོན་བྱེད་ཐུབ་བོ། །
མཐོ་སྒང་གི་མེ་ཏོག །ཀྲའོ་ཡུང་གིས་པར་བླངས།
མིག་སྔར། དཔལ་ཡུལ་རྫོང་གིས་ཆ་འཕྲིན་སྟེགས་བུའི་སྤྱིའི་བཀོད་སྒྲིག་ལེགས་པར་གྲུབ་པ་དང་། རྨང་གཞིའི་གཞི་གྲངས་ཀྱི་བསྡུ་ལེན་དང་། ཚོར་རྟོག་སྒྲིག་ཆས་ཀྱི་མཐུད་སྦྱོར་གྱི་ལས་ཀ་རྣམས་གྲུབ་ཟིན་པར་མ་ཟད། སྒྲ་འོད་ཞིབ་དཔྱད་དང་ཚད་ལེན། ཉེན་བརྡ་སོགས་ཀྱི་ལས་ཀ་རྣམས་ཀྱང་ཚགས་ཡོད་པས། སྔོན་ལ་མངོན་མེད་གནོད་འཚེ་ལ་ཞིབ་དཔྱད་ཚད་ལེན་དང་གནོད་འཚེ་བྱུང་སྐབས་བདེན་རྫུན་བརྟག་པ་དང་མཛུབ་སྟོན་བྱེད་པ། གནོད་འཚེ་བྱུང་རྗེས་གནས་ཚུལ་དབྱེ་ཞིབ་བྱེད་པའི་འཕྲལ་མཁོའི་དོ་དམ་བྱེད་ནུས་གྲུབ་ཡོད་དོ། །
རྒྱུས་ལོན་བྱུང་བ་ལྟར་ན། དཔལ་ཡུལ་རྫོང་གི་ནགས་སྲུང་ལམ་ལུགས་ཀྱི་ཕྱོགས་བསྡུས་དོ་དམ་སྟེགས་བུ་དང་། གཅིག་འདུས་ཅན་གྱི་ཚོར་རྟོག་ཞིབ་དཔྱད་ཚད་ལེན་སྟེགས་བུ། འཕྲལ་མཁོ་དོ་དམ་སྟེགས་བུ་བཅས་ཀྱིས་གྲངས་འཛིན་ཅན་གྱི་ཐབས་ལ་བརྟེན་ནས་སྐྱེ་ཁམས་ཐོན་ཁུངས་ལ་དོ་དམ་བྱེད་པ་དང་། དྲ་རྒྱ་ལ་བརྟེན་ནས་མཚོ་བོད་མཐོ་སྒང་གི་སྐྱེ་ཁམས་སྲུང་སྐྱོབ་ལ་སྐུལ་སྤེལ་གྱི་ནུས་པ་ཐོན་ཞིང་གྲུབ་འབྲས་ཀྱང་གཡུར་དུ་ཟ་ཐོབ་ཡོད་དོ། །