པ་སངས་སྒྲོལ་མ། གངས་རིའི་ཁྲོད་དུ་མཛེས་པའི་སུ་རུ་མེ་ཏོག

པ་སངས་སྒྲོལ་མ། མོ། བོད་རིགས། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སྒྲིག་ཨུ་ལྟ་ཨུའི་ཁུལ་ཨུའི་འཐབ་ཕྱོགས་གཅིག་གྱུར་པུའུ་སྒྲིག་བཤེར་ལྟ་ཞིབ་ཚོ་ཆུང་དུ་བཅའ་སྡོད་བྱས་ནས་ཙུའུ་ཀྲང་གཞོན་པ་དང་ལྟ་ཞིབ་པ་རིམ་པ་གཉིས་པའི་འགན་བཞེས་གནང་ཡོད།

རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་མི་སྣ་པ་སངས་སྒྲོལ་མ།

ལྟ་སྐུལ་བྱེད་ཤུགས་ཆེ་རུ་གཏོང་བ་དང་སྒྲིག་ཁྲིམས་ལག་བསྟར་དང་འགན་འཁྲི་རྩད་གཅོད་གནད་ལ་འཁེལ་བ་བྱེད་པ་དང་། རང་འགུལ་ངང་དཀའ་གནད་ལས་འགན་འཁུར་བ། འོས་འགན་ངང་བྱིས་པར་སློབ་སྦྱོང་ཟུར་ཁྲིད་བྱེད་པ་སོགས་ལས་དོན་ལ་ཞུགས་ནས་ལོ་ངོ་24ཡི་རིང་། པ་སངས་སྒྲོལ་མས་མཐོ་སྒང་དུ་རྩ་བ་ཚུགས་པའི་སུ་རུ་མེ་ཏོག་དང་འདྲ་བར་དཀར་མཛེས་ཀྱི་ས་གཞི་ཆེ་མོར་བརྟན་སྲུང་བྱས་ཏེ་རང་ཉིད་ཀྱི་ལྷག་བསམ་དང་བརྟན་སྲུང་། འགན་འཁུར་དང་ལེགས་སྐྱེས་ཕུལ་ནས་དཀར་མཛེས་ཁུལ་གྱི་མི་རིགས་མཐུན་སྒྲིལ་ཡར་ཐོན་བྱ་གཞག་ལ་འབད་བཞིན་ཡོད་པས། ཡུལ་མི་ཚོས་བྱམས་བརྩེའི་ངང་རབ་ཏུ་བཞད་པའི་སུ་རུ་མེ་ཏོག་རྐང་གཅིག་ཅེས་བསྔགས་བརྗོད་བྱེད་ཀྱི་ཡོད།

གཙོ་གནད་ལས་དོན་བཀོད་སྒྲིག་མ་བྱས་གོང་འབྲེལ་ཡོད་གནས་ཚུལ་གནད་ལ་འཁེལ་བ་དང་ཁྱོན་ཡོངས་ནས་ཤེས་རྟོགས་ཐུབ་པ་བྱས་ཏེ། གདེང་ཚོད་ཡོད་པ་བྱས་ནས་བར་ཐག་ཉེ་བ་དང་གནམ་གཤིས་ལ་མི་བལྟོས་པར་རྒྱུན་རྣམ་ཅན་གྱི་ལྟ་སྐུལ་བྱེད་བདེ་པོ་ཡོང་བ་བྱེད་དགོས། ཞེས་རྒྱལ་སྟོན་དུས་ཆེན་རྗེས་ཀྱི་ལས་ཀར་ཞུགས་པའི་ཉིན་དང་པོར། དཀར་མཛེས་བོད་རིགས་རང་སྐྱོང་ཁུལ་སྒྲིག་ཨུ་ལྟ་སྐུལ་ཨུ་ལྷན་གྱི་ཁུལ་ཨུའི་འཐབ་ཕྱོགས་གཅིག་གྱུར་པུའུ་སྒྲིག་བཤེར་ཨུ་ལྷན་དུ་བཅའ་སྡོད་བྱེད་བཞིན་པའི་ཙུའུ་ཀྲང་གཞོན་པ་པ་སངས་སྒྲོལ་མ་སྔ་ས་ནས་གཞུང་ལས་ཁང་དུ་ཡོང་སྟེ། ལས་རོགས་ཚོ་དང་མཉམ་དུ་ལས་དོན་བཅའ་སྡོད་ལྟ་སྐུལ་བྱེད་སྟངས་དེ་བས་ལེགས་པའི་སྒོ་ནས་ཞིབ་འཇུག་བྱེད་བཞིན་འདུག

ཤེས་རིག་གི་ས་བོན་བཏབ་ནས་མཐུན་སྒྲིལ་གྱི་མེ་ཏོག་སྐྱོང་བ།

ཆ་སྙོམས་མཚོ་འཕགས་སྨི་4520ཡོད་པའི་སེར་ཤུལ་རྫོང་དུ། སྤྱི་ཟླ་10པའི་ཟླ་དཀྱིལ་ནས་དགུན་ཁ་ཤར་འདུག །ཞིང་ཆེན་ཡོངས་ཀྱི་མཚོ་འཕགས་མཐོ་ཤོས་དང་འཚོ་བའི་ཆ་རྐྱེན་དཀའ་ཚེགས་ཆེ་བའི་རྫོང་དེའི་ནུབ་བྱང་གི་གྲུ་ཟུར་ན་དགོན་སྲུང་གྲོང་ཚོ་ཞེས་པ་ཞིག་ཡོད་པ་དང་། པ་སངས་སྒྲོལ་མ་ནི་དེ་ནས་སྐྱེས་ཤིང་དེ་གར་ལོ་20ཙམ་འཚོ་བ་བསྐྱལ་བ་རེད།

གྲང་ངར་ཆེ་བའི་དགུན་ཁ་སླེབས་བྱུང་། དགུན་གནང་གི་འཚོ་བ་མི་འགྱངས་བར་འགོ་བརྩམ་རྒྱུ་རེད། དགོན་སྲུང་གྲོང་ཚོའི་བྱིས་པ་ཚོས་གཅིག་རྗེས་གཉིས་མཐུད་ངང་པ་སངས་སྒྲོལ་མ་བསླེབ་རྒྱུར་རེ་སྒུག་བྱེད་བཞིན་ཡོད། ཁོ་ཚོས་ཨ་མ་པ་སངས་དང་ང་ཚོར་ཁ་ཆད་ཅིག་ཡོད་དེ། དབྱར་དགུན་གུང་གསེང་འཆར་སྐབས། མོ་གྲོང་ཚོར་ང་ཚོར་ལྟ་རུ་ཡོང་ནས་ང་ཚོར་ཤེས་བྱ་གསར་པ་ཁྲིད་ཀྱི་ཡོད། ཨ་མ་པ་སངས་རྒྱལ་ས་པེ་ཅིང་དུ་གཟེངས་བསྟོད་དང་ལེན་བྱེད་པར་བསྐྱོད་པས་མཐོང་ཐོས་གསར་པ་མང་པོ་ཞིག་ཡོང་ངེས་རེད་ཅེས་བཤད།

གྲོང་ཚོ་ནས་ཕྱིར་སྐྱོད་སྔ་ཤོས་ཀྱི་སློབ་ཆེན་སློབ་མའི་གྲས་ཀྱི་པ་སངས་སྒྲོལ་མས་ནང་མི་དང་གྲོགས་པོ། ལས་རོགས་སོགས་ཀྱི་རྒྱབ་སྐྱོར་དང་རོགས་རམ་འོག་བློ་ཐག་བཅད་དེ་གུང་གསེང་གི་དུས་ཚོད་སྤྱད་དེ་གྲོང་ཚོར་ལོག་ནས་འོས་འགན་ངང་སློབ་ཆུང་སློབ་མར་ཟུར་ཁྲིད་བྱེད་པའི་ལས་འགོ་བཙུགས། མོས་རང་གྲོན་རང་གཏོང་གིས་བྱིས་པ་ཚོར་སྨི་གྲུ་བཞི་མ་70ལྷག་ཙམ་གྱི་སློབ་སྦྱོང་ཁང་དང་སྨི་གྲུ་བཞི་མ་50ལྷག་ཙམ་གྱི་དཔེ་དེབ་ཁང་བསྐྲུན་པ་དང་དཔེ་དེབ་300ལྷག་ཙམ་དང་གྱོན་ཆས་ཆ་ཚང་100ལྷག་ཙམ་བསྡུ་རུབ་བྱས། ལོ་5ཡི་རིང་། མོས་གཅེས་སྐྱོང་འོག་དགོན་སྲུང་གྲོང་ཚོའི་བྱིས་པ་ཚོས་པ་སངས་སྒྲོལ་མའི་བྱ་སྤྱོད་ཁྲོད་ནས་མཛའ་བརྩེ་དང་། མཐུན་སྒྲིལ། རོགས་རེས་བཅས་ཀྱི་གོ་དོན་རིམ་བཞིན་རྟོགས་པ་དང་། "མཐུན་སྒྲིལ་གྱི་ལམ་བུར་སྐྱོད་ཅིང་། བདེ་སྐྱིད་ཀྱི་མེ་ཏོག་བཞད་པའི"འདུ་ཤེས་དེ་སྔར་ནས་ཕྲུ་གུ་ཚོའི་སེམས་ནང་རྩ་བ་ཚུགས་ཤིང་མྱུ་གུ་འབུས་ཡོད།

ལས་དོན་ལ་ཞུགས་པའི་ལོ་24ཡི་རིང་། པ་སངས་སྒྲོལ་མས་མཛེས་སྡུག་གི་ལོ་ངོ་14ཡི་ལང་ཚོ་ཕ་ཡུལ་ལ་ཕུལ་ཡོད། ཡུལ་མི་ཚོའི་བསྔགས་བརྗོད་དང་ཐུགས་རྗེ་ཆེ་ཞུ་ལུགས་འབྱོར་སྐབས་པ་སངས་སྒྲོལ་མས་ཁེངས་སྐྱུང་ངང་ང་ནི་གྲོང་ཚོ་ནས་སྐྱེས་ཤིང་འཚར་ལོངས་བྱུང་བས། ཡུལ་མི་ཚོར་བྱ་བ་ཕྲན་བུ་སྒྲུབ་ཐུབ་པས་ང་ལ་བདེ་སྐྱིད་ཚད་མེད་འཕེལ་བྱུང་ཞེས་བཤད།

བོད་གྲོང་ནས་སྐྱེས་ཤིང་མང་ཚོགས་ལ་ལྷག་ཏུ་བརྩེ།

མི་རིགས་ཁག་གི་མང་ཚོགས་སྔར་བས་དམ་པོར་འཁྱུད་དགོས་བསམས་ན། ཚང་མར་དྲང་སྙོམས་དྲང་གཞག་ལོངས་སུ་སྤྱོད་དུ་འཇུག་དགོས་པ་དང་། ངས་རང་ནུས་གང་ཡོད་བཏོན་ནས་འཕེལ་རྒྱས་ཀྱི་ཁེ་སྤོགས་དྲང་སྙོམས་དྲང་གཞག་ངང་མི་རེ་ངོ་རེའི་ལག་ཏུ་སྤྲོད་རྒྱུ་ཡིན་ཞེས་བརྗོད་བཞིན། རྒྱལ་ཁབ་ཀྱི་ལྟ་ཞིབ་སྒྲིག་སྲོལ་སྒྱུར་བཅོས་བྱས་རྗེས། པ་སངས་སྒྲོལ་མ་དཀར་མཛེས་ཁུལ་མི་དམངས་ཞིབ་དཔྱོད་ཁང་ནས་ཁུལ་སྒྲིག་ཨུ་ལྟ་ཞིབ་ཨུ་ལྷན་གྱི་ཡིག་བསྐུར་ངོ་བཅར་ཁང་དུ་བསྒྱུར་ནས་ཆེད་མངགས་ཞུ་གཏུག་དང་ཡིག་བསྐུར་ངོ་བཅར་ཐེར་འདོན་ལས་དོན་བསྒྲུབས་པ་རེད།

ཐེངས་ཤིག་ལ། པ་སངས་སྒྲོལ་མའི་སར་སྡེ་དགེ་རྫོང་དཔེ་ཝར་ཡུལ་ཤོག་གཟི་ཁོ་གྲོང་ཚོ་ནས་ཁུལ་སྒྲིག་ཨུ་ལྟ་སྐུལ་ཨུ་ལྷན་ལས་ཁུངས་སུ་གནད་དོན་གོང་ཞུ་བྱེད་པར་ཡོང་མཁན་གྱི་རྒན་རྒོན་ཞིག་འབྱོར་ཞིང་། གྲོང་ཚོ་དེར་གྲོང་ཚོའི་ཀྲི་པུའུ་ཧྲུའུ་ཅིས་རང་ཉིད་ཀྱི་གཉེན་ཉེར་གྲོང་ཚོའི"ཁོངས་མི་གསུམ"གྱི་འགན་འཁུར་དུ་བཅུག་པར་མ་ཟད་གྲོང་ཚོ་རིམ་པའི་ཐུན་མོང་མ་དངུལ་བེད་སྤྱོད་བྱས་ཚུལ་ཡོངས་བསྒྲགས་མི་བྱེད་པ་སོགས་ཀྱི་གནས་ཚུལ་ཤེས་རྟོགས་བྱུང་། པ་སངས་སྒྲོལ་མས་འཕྲལ་དུ་འབྲེལ་ཡོད་དཔྱད་ཡིག་ལེགས་སྒྲིག་བྱས་ནས་སྡེ་དགེ་རྫོང་སྒྲིག་ཨུ་ལྟ་སྐུལ་ཨུ་ལྷན་ལ་བརྒྱུད་སྤྲོད་བྱས་པ་དང་འབྲེལ་ཡིག་བསྐུར་ངོ་བཅར་བསྒྲུབ་རྒྱུར་རྗེས་འདེད་ལྟ་སྐུལ་ཡང་བྱས། པ་སངས་སྒྲོལ་མའི་སྐུལ་འདེད་འོག་གཟི་ཁོ་གྲོང་ཚོས་འཕྲལ་དུ་བྱ་སྤྱོད་སྤེལ་ནས་གནད་དོན་བཅོས་སྒྲིག་བྱས་པ་དང་འབྲེལ་དུས་ཐོག་ཏུ་གྲོང་མིར་གྲོང་དོན་གྱི་ནང་དོན་ཁག་འགྲེལ་བཤད་དང་བརྡ་ཁྱབ་བཏང་། གནད་དོན་ཐག་གཅོད་ཐུབ་རྗེས་ཡུལ་མི་སྤུན་ཟླ་ཚོས་གཅིག་རྗེས་གཉིས་མཐུད་ངང་ཚང་མ་བློ་བདེ་པོ་བྱུང་ན། ནུས་ཤུགས་ཡོད་རྒུ་བཏོན་ནས་ཕྱོགས་གཅིག་ཏུ་སྐྱོད་ཐུབ་ཅེས་བཤད།

ཁུལ་སྒྲིག་ཨུ་ལྟ་སྐུལ་ཨུ་ལྷན་ཡིག་བསྐུར་ངོ་བཅར་ཁང་དུ་ལས་དོན་སྒྲུབ་རིང་། པ་སངས་སྒྲོལ་མས་ཁྱོན་ཡིག་བསྐུར་ངོ་བཅར་གྱི་ཐེར་འདོན་གོང་ཞུ་ཡིག་ཆ་1668དང་དྲ་ཐོག་ཐེར་འདོན་གོང་ཞུ་ཡིག་ཆ་313བདག་སྤྲོད་བྱས་པ་དང་། སྒོ་བྱང་བཀལ་ནས་ཐེར་འདོན་བྱས་པ་དང་ནང་དོན་ངོ་མ་མེད་པར་ཐེར་འདོན་བྱས་པ། ངན་སེམས་བཅངས་ནས་ཐེར་འདོན་བྱས་པ་ཁག་127གནད་ལ་འཁེལ་བའི་སྒོ་ནས་ཞིབ་འབྱེད་བྱས་ཏེ་ཚང་མར་མང་ཚོགས་དང་དུས་ཚོད་ཀྱི་ཞིབ་བཤེར་ཐེག་ཐུབ་པ་བྱས་ཡོད། 2022ལོར། པ་སངས་སྒྲོལ་མ་ཞིང་ཨུ་དང་ཞིང་ཆེན་སྲིད་གཞུང་གིས"ཞིང་ཆེན་ཡོངས་ཀྱི་ཡིག་བསྐུར་ངོ་བཅར་ལས་དོན་གྱི་སྔོན་ཐོན་མི་སྒེར"ལ་བདམས།

དཀའ་ཉེན་ལ་མི་སྐྲག་པར་གདོང་མཆོང་འགན་ལེན་བྱེད་པ།

ལྕགས་ཟམ་ཁའི“དགུ་པའི་ཚེས་ལྔའི”ས་ཡོམ་བྱུང་རྗེས། པ་སངས་སྒྲོལ་མས་རང་འགུལ་ངང་ཡར་ཞུ་བྱས་ནས་གེགས་རྗེས་བསྐྱར་སྐྲུན་ལས་དོན་ནང་ཞུགས་པ་རེད། གྱོང་གུན་ཕོག་པའི་ཁང་པ་ཐོ་འགོད་བྱེད་པ་ནས་མང་ཚོགས་ཀྱི་དཀའ་ངལ་རེ་ཞུ་བསྡུ་རུབ་བྱེད་པ། དེ་ནས་མང་ཚོགས་ཀྱི་སེམས་ཁམས་ཁྲིད་སྟོན་བྱེད་པར་ཁོང་གིས་ཐོག་མཐའ་བར་གསུམ་དུ་འཐབ་ས་དང་པོ་བརྟན་སྲུང་བྱེད་ཀྱི་ཡོད། དེའི་རིང་པ་སངས་སྒྲོལ་མས་ཁང་པར་གྱོང་གུན་ཕོག་པའི་དུད་ཚང་500ལྷག་ཙམ་ཐོ་འགོད་བྱས་པ་དང་། རེ་ཞུ་500ལྷག་ཙམ་བསྡུ་རུབ་བྱས་ནས་མང་ཚོགས་ཀྱི་བསམ་ཚུལ་མི་ཐེངས་1000ལྷག་ཙམ་ལ་ཁྲིད་སྟོན་བྱས། 2017ལོའི་ཟླ་2པར། པ་སངས་སྒྲོལ་མས་མི་སྒེར་གྱི་ནུས་པ་མངོན་གསལ་དོད་པོ་ཡོད་པའི་དབང་གིས་སྐུལ་སློང་སྒྲོག་འགྲེལ་གྱི་ལས་དོན་མི་སྣར་བདམས་པ་དང་། སྒྲོག་འགྲེལ་ལས་དོན་སྒྲུབ་པའི་ཟླ་བ་6གི་རིང་། རིམ་རྩིས་ལྟར་ན་པ་སངས་སྒྲོལ་མས་དུད་ཚང་དུ་བསྐྱོད་དེ་ཏང་གི་བྱེད་ཕྱོགས་སྲིད་ཇུས་སྒྲོག་འགྲེལ་དང་བཅར་འདྲི་ཁྱོན་ཐེངས་600ལྷག་ཙམ་བྱས་པ་དང་དཀའ་ངལ་ཡོད་པའི་གནད་དོན་26འཚོལ་བསྡུ་བྱས་པ། དུས་མཚུངས་སུ་ད་དུང་ཉེན་ཁ་དང་མི་མངོན་པའི་རྐྱེན་ངན་མང་པོ་སྔོན་འགོག་དང་སེལ་ཐབས་ནུས་ལྡན་བྱས།

2022ལོའི་ཟླ་6པར། ཁུལ་སྒྲིག་ཨུ་ལྟ་ཞིབ་ཨུ་ལྷན་གྱི་ཁུལ་ཨུ་འཐབ་ཕྱོགས་གཅིག་གྱུར་པུའུ་རུ་བཅའ་སྡོད་བྱས་པའི་སྒྲིག་བཤེར་ལྟ་ཞིབ་ཚོགས་ཆུང་གི་ཙུའུ་ཀྲང་གཞོན་པར་ལས་སྒྱུར་བྱས་རྗེས། པ་སངས་སྒྲོལ་མས་དཀར་མཛེས་ཁུལ་གྱིས་པར་འགྲེམས་བྱས་པའི《ཁུལ་དང་རྫོང་（གྲོང་ཁྱེར）སྒྲིག་ཨུ་ལྟ་ཞིབ་ཨུ་ལྷན་དང་ཁུལ་རིམ་པའི་མངགས་གཏོང་(ཕྱིར་གཏོང་)བྱས་པའི་སྒྲིག་བཤེར་ལྟ་ཞིབ་སྒྲིག་གཞིའི་ས་གནས་ཀྱི་མཉམ་ལས་ལམ་སྲོལ།》སློབ་སྦྱོང་དང་ལག་བསྟར་དོན་འཁྱོལ་ནན་ཏན་བྱས་ཏེ། སྒྲིག་བཤེར་ལྟ་ཞིབ་བྱ་ཡུལ་མང་བ་དང་། ཁྱབ་རྒྱ་ཆེ་བ། གཞི་རིམ་གྱི་ལྟ་སྐུལ་སྟོབས་ཤུགས་ཞན་པ། ངོ་ཤེས་ཀྱི་སྤྱི་ཚོགས་ལྟ་སྐུལ་དཀའ་བ་སོགས་ཀྱི་གནད་དོན་གང་ལེགས་བསལ་བ། ཁོང་དང་ལས་རོགས་ཚོའི་ཐུན་མོང་འབད་བརྩོན་འོག་དཀར་མཛེས་ཁུལ་ཨུའི་འཐབ་ཕྱོགས་གཅིག་གྱུར་པུའུ་རུ་བཅའ་སྡོད་བྱས་པའི་སྒྲིག་བཤེར་ཨུ་ལྷན་གྱི"མཉམ་སྒྲུབ་དམག་འཐབ"ཀྱི་ནུས་པ་རྒྱུན་ཆད་མེད་པར་ཆེ་རུ་ཕྱིན་ནས། མི་རིགས་ཁག་གི་མང་ཚོགས་ཀྱི་ཁྲིམས་མཐུན་ཁེ་དབང་ལ་དེ་བས་ཁྱོན་ཡོངས་ནས་སྲུང་སྐྱོང་ཐུབ་ཡོད།

པ་སངས་སྒྲོལ་མས་ང་ཚོའི་ཚོ་ཆུང་གིས་ལྟ་སྐུལ་ཞིབ་བཤེར་ཐེངས་5བྱས་ནས་གནད་དོན་130ལྷག་ཙམ་ཤེས་རྟོགས་བྱུང་ནས་བཅོས་སྒྲིག་ལ་སྐུལ་འདེད་བཏང་བ་དང་། སྒྲིག་འགལ་གྱོད་གཞི་5དང་མི་5ཞིབ་བཤེར་ཐག་གཅོད་བྱས་པ་རེད། ཁུལ་ཨུའི་སྐོར་ཞིབ་ཐེངས་2ནང་ཞུགས་ནས་གནད་དོན་གྱི་ཁུངས་སྣེ་30ལྷག་ཙམ་ཤེས་རྟོགས་བྱུང་བ་དང་གྱོད་གཞི་ཞིབ་གཅོད་བྱེད་པའི་དུས་ཚོད་མངོན་གསལ་དོད་པོས་ཐུང་དུ་ཕྱིན་པ་དང་སྤུས་ཚད་དང་ཕན་འབྲས་མངོན་གསལ་དོད་པོས་ཆེ་རུ་ཕྱིན་ཡོད་ཅེས་བཤད། ལས་སྒྱུར་བྱས་ཚུན་པ་སངས་སྒྲོལ་མ་གནས་སའི་སྒྲིག་བཤེར་ཨུ་ལྷན་གྱིས་ཏང་དང་མང་ཚོགས་བློ་ཡིད་ཚིམ་པའི་རྒྱུགས་ལན་ཞིག་ཕུལ་ཡོད།

2018ལོ་ནས་ད་བར། པ་སངས་སྒྲོལ་མས་ཐོག་མཐའ་བར་གསུམ་དུ་སྒྲིག་ཁྲིམས་ལག་བསྟར་ལ་ལྟ་སྐུལ་བྱེད་པའི་འཐབ་ས་དང་པོར་དམག་འཐབ་བྱེད་བཞིན་ཡོད། མི་གཞན་གྱི་མིག་ནང་དུ་སྒྲིག་ཁྲིམས་ཞིབ་བཤེར་ལྟ་ཞིབ་ཀྱི་ལས་ཀ་ནི་བྲེལ་ཞིང་དཀའ་ཚེགས་ཆེ་མོད། པ་སངས་སྒྲོལ་མར་རང་ཉིད་ཀྱི་བསམ་ཤེས་ཡོད་དེ། སྒྲིག་ཁྲིམས་ཞིབ་བཤེར་ལྟ་ཞིབ་ཀྱི་ལས་བྱེད་པ་ཞིག་ཡིན་པའི་ཆ་ནས། སྒྲིག་ཁྲིམས་ལག་བསྟར་ལ་ལྟ་སྐུལ་བྱེད་པའི་འགག་སྒོ་དང་པོ་བརྟན་སྲུང་བྱས་ཏེ། མང་ཚོགས་ཀྱི་བདེ་རྩར་ཐུག་པའི་ཁེ་ཕན་དང་འབྲེལ་བ་ཡོད་པའི་འགལ་བ་དང་གནད་དོན་སེལ་བ་དང་། ཏང་གིས་མང་ཚོགས་དང་འབྲེལ་འདྲིས་དམ་ཟབ་བྱེད་པའི་ཟམ་པ་དང་སྒྲོག་ཐག་ལྟ་བུ་ལེགས་པར་བསྒྲུབ་ཏེ། ཏང་གི་ལྷག་བསམ་རྣམ་དག་གི་སྲུང་དམག་དང་མང་ཚོགས་ཀྱི་གྲོགས་བཟང་བྱེད་པའི་བརྗིད་ཉམས་ལྡན་པའི་དམ་བཅའ་ལག་ལེན་ཧུར་ཐག་བསྟར་བཞིན་ཡོད། ། 

གཟེངས་བསྟོད་ཐོབ་པའི་ཚོགས་པ་དང་མི་སྒེར་གྱི་མཉམ་པར།

པ་སངས་སྒྲོལ་མ་ལས་ལ་བྲེལ་བཞིན་པ