བྲག་དཀར་མཚོ།
རྔ་བའི་གཉན་པོ་གཡུ་རྩེ་ལྗོངས་རྒྱུ་ཁུལ་ནི་རྔ་བ་རྫོང་ཐོག་ནས་ལེ་བར་40ལྷག་གི་བར་ན་གནས་ཡོད། ཕལ་ཆེར་དུས་ཚོད་གཅིག་ཙམ་གྱི་ལམ་ཐག་ཡོད། ལམ་བར་དུ་རྔ་བའི་ས་གནས་ཀྱི་ཁྱད་ཆོས་ལྡན་པའི་གྱང་ཁང་དང་དམངས་སྲོལ་རིག་གནས་ལ་མྱོང་རོལ་བྱེད་ཐུབ། དེ་ནས་རྔ་ཆུ་སྔོན་མོའི་བཞུར་སྒྲ་རྣ་བའི་བཅུད་དུ་རོལ་ནས་རིམ་བཞིན་བརྗིད་ཉམས་ལྡན་པའི་གཉན་པོ་གཡུ་རྩེར་འབྱོར། གངས་ཀྱི་རྩེ་མོར་གཡུ་མདོག་ལྟར་མངོན་པས་གཡུ་རྩེ་ཞེས་འབོད་བཞིན་ཡོད་ཅིང་། མཚོ་དང་མཚེའུ། ན་བ། རྫ་རི་དང་།
གཡའ་རི། སྤང་རི། ནགས་རི་སོགས་རྫ་དབྱིབས་སྣ་ཚོགས་ལྡན་པ་དང་རི་མཚར་རྡོ་མཚར་གང་མང་གདའ། དེ་ཡང་གངས་རི་དང་མཚེའུ། འཁྱགས་རོམ་རྗེས་ཤུལ་སོགས་གང་མང་ཡང་ལྡན་པས་མཚན་སྙན་ཤིན་ཏུ་ཆེ། དེ་བས་གཉན་པོ་གཡུ་རྩེ་ལ་ཤར་ཕྱོགས་ཀྱི་ངོ་མཚར་བའི་འཇིག་རྟེན་ཞེས་བསྔགས་བརྗོད་བྱེད་བཞིན་ཡོད་དེ། རྒྱལ་ཁབ་ཀྱི་A4རིམ་པའི་ལྗོངས་རྒྱུ་ཁུལ་ཡང་ཡིན། རང་བྱུང་གི་ཕྱི་སྣོད་ཀྱི་འཇིག་རྟེན་ལ་རོལ་བའི་གནས་མཆོག་གཅིག་ཡིན་པར་མ་ཟད། བོད་ཀྱི་རིག་གནས་དང་ཡུལ་སྲོལ་གོམས་གཤིས་དག་ལ་ཉམས་ལེན་བྱེད་ས་དང་ཆ་རྒྱུས་ལེན་སའི་ལྗོངས་ཁམས་ཞིག་ཀྱང་རེད་ཅེས་བཤད་ཆོག །
ཁྱད་མཚར་བྲག་རི།
རྫ་རིའི་རང་མདངས