མཐའ་ཡས་པའི་མཛོད་དགེ་རྩྭ་ཐང་དུ་རྨ་རྒྱུད་རྟ་མཆོག་གི་ངོ་མཚར་གཏམ་རྒྱུད་ཡོད། མཛོད་དགེ་རྫོང་ཐང་སྐོར་གྲོང་རྡལ་ནི་རྨ་རྒྱུད་རྟ་མཆོག་གི་ཕ་ས་ཡིན་ལ་རྟ་རྒྱབ་རིག་གནས་ཀྱི་འབྱུང་གནས་ཀྱང་ཡིན། གནས་འདིར་བརྗོད་པ་ལས་འདས་པའི་རྟ་རྒྱབ་ཀྱི་ངོ་མཚར་གཏམ་རྒྱུད་ཡོད་པར་མ་ཟད། ཐར་ཆེན་ཞེས་རྟ་སྒའི་བཟོ་རྩལ་རྒྱུན་འཛིན་པ་ཞིག་ཡོད། ཁོས་ལག་ཤེས་ལ་བརྟེན་ནས་སྤྱིར་བཏང་གི་ཀོ་བ་དང་ཟངས་འཛེར་ལས་སྒྱུ་རྩལ་ཐོན་རྫས་ལྟ་བུའི་རྟ་སྒ་བཟོ་ཐུབ།
ཐར་ཆེན་གྱི་ལས་དོན་ཁང་དུ་སྐྱོད་སྐབས་གཏམ་རྒྱུད་ཀྱིས་ཁེངས་པའི་དུས་རབས་ཤིག་ཏུ་སླེབས་པ་བཞིན། རྒྱུ་ཆ་འདེམས་པ་དང་དྲས་གཏོག །འཚེམ་བཟོ། ཕྲ་རྒྱན་སྤྲས་པ་སོགས་ལས་རིམ་ཧྲིལ་པོར་ཁོས་སྲོལ་རྒྱུན་བརྩི་སྲུང་དང་གསར་གཏོད་དོན་གཉེར་གྱི་ལག་ལེན་གཅིག་ཏུ་བསྡུས་ཡོད། ཁབ་སྐུད་རེ་རེ་ལས་ཁོས་རྟ་རྒྱབ་རིག་གནས་ལ་བཅིངས་པའི་བརྩེ་བ་དང་རྒྱུན་འཛིན་གྱི་བསམ་བློ་ངང་གིས་མཚོན་ཐུབ། ཁོས་རྟ་སྒ་ལ་ཚེ་སྲོག་སྦྱིན་པ་བཞིན་རྟ་ཆས་ཕུད་རིག་གནས་ཀྱི་གཏིང་ཟབ་ལ་བཟོ་རྩལ་བའི་དུང་བ་བཅོལ་ཡོད། རྟ་སྒ་རེ་རེར་ཐུན་མིན་གྱི་ཁྱད་ཆོས་ལྡན་པས་རྩྭ་ཐང་གི་རྟ་པ་རྣམས་ཀྱི་སྤོབས་སེམས་ཚོར་ཐུབ།
མཛོད་དགེ་ཞེས་ངོ་མཚར་ཆེ་བའི་གནས་མཆོག་འདིར་ཐར་ཆེན་དང་ཁོའི་རྟ་སྒ་ཡིས་དུས་རབས་གསར་པའི་རྟ་རྒྱབ་ཀྱི་ངོ་མཚར་གཏམ་རྒྱུད་འབྲི་མུས་རེད། །
