སི་ཁྲོན་ཞིང་ཆེན་མི་རིགས་མཐུན་སྒྲིལ་ཡར་ཐོན་གྱི་སྲོལ་ཡིག

ལེའུ་གཉིས་པ། ཀྲུང་ཧྭ་མི་རིགས་ཀྱི་ཐུན་མོང་གི་བསམ་པའི་ཁྱིམ་གཞིས་བསྐྲུན་པ།

第二章 构筑中华民族共有精神家园

དོན་ཚན་བཅོ་ལྔ་པ། ས་གནས་མི་དམངས་སྲིད་གཞུང་རིམ་པ་ཁག་གིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྐོར་གྱི་སློབ་གསོ་གཏང་རྒྱུར་ཤུགས་སྣོན་བརྒྱབ་སྟེ་མི་རིགས་ཁག་གི་སྤྱི་དམངས་རྣམས་ལ་སྐྱིད་སྡུག་མཉམ་མྱོང་དང་། ཁྲེལ་གྲགས་མཉམ་ཁུར། མཉམ་ཤི་མཉམ་གནས། ལས་དབང་མཉམ་འཁུར་བཅས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པར་ཁྲིད་སྟོན་བྱེད་དགོས།

དོན་ཚན་བཅུ་དྲུག་པ། ས་གནས་མི་དམངས་སྲིད་གཞུང་རིམ་པ་ཁག་གིས་སྤྱི་ཚོགས་རིང་ལུགས་ཀྱི་སྲོག་ཤིང་གི་རིན་ཐང་ལྟ་བའི་སློབ་གསོ་རྒྱག་ཤུགས་ཆེ་རུ་གཏོང་དགོས་པ་དང་། རྒྱལ་གཅེས་རིང་ལུགས་སྲོག་ཤིང་དུ་གྱུར་པའི་མི་རིགས་ཀྱི་སྙིང་སྟོབས་དང་བསྒྱུར་བཅོས་གསར་གཏོད་སྲོག་ཤིང་དུ་གྱུར་པའི་དུས་རབས་ཀྱི་སྙིང་སྟོབས་དར་སྤེལ་བཏང་ནས། མི་རིགས་ཁག་གི་མི་དམངས་ཀྱིས་མཐུན་སྒྲིལ་དམ་ཟབ་ཏུ་གྱུར་པའི་བསམ་པའི་སྒྲོག་ཐག་དང་འབད་བརྩོན་ལྷོད་མེད་བྱེད་པའི་བསམ་པའི་སྒུལ་ཤུགས་ཆེ་རུ་གཏོང་དགོས།

དོན་ཚན་བཅུ་བདུན་པ། ས་གནས་མི་དམངས་སྲིད་གཞུང་རིམ་པ་ཁག་གིས་ཀྲུང་ཧྭ་མི་རིགས་ཀྱི་ལོ་རྒྱུས་ལྟ་བ་དང་། ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་ཀྱི་སློབ་གསོ་རྒྱག་ཤུགས་ཆེ་རུ་གཏོང་དགོས། མི་རིགས་ཁག་རིག་གནས་ཐད་ཕན་ཚུན་བརྩི་འཇོག་དང་། ཕན་ཚུན་ལོངས་སྤྱོད། ཕན་ཚུན་སློབ་སྦྱོང་། ཕན་ཚུན་དཔྱད་གཞིར་འཛིན་པ་བཅས་བྱེད་པར་ཁྲིད་སྟོན་བྱེད་པ་དང་། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་འཕེལ་རྒྱས་གཏོང་བ། མི་རིགས་ཁག་ཐུན་མོང་ཐོག་ལོངས་སུ་སྤྱོད་པའི་ཀྲུང་ཧྭའི་རིག་གནས་ཀྱི་མཚོན་རྟགས་དང་ཀྲུང་ཧྭ་མི་རིགས་ཀྱི་གཟུགས་བརྙན་འཛུགས་པ་དང་འབུར་ཐོན་ཡོང་བ་བཅས་བྱེད་དགོས།

དོན་ཚན་བཅོ་བརྒྱད་པ། ས་གནས་མི་དམངས་སྲིད་གཞུང་རིམ་པ་ཁག་གིས་རྒྱལ་ཁབ་ཀྱི་གཅིག་གྱུར་དང་མི་རིགས་མཐུན་སྒྲིལ་མཚོན་པའི་རིག་དངོས་དང་། གནའ་གཞུང་དང་ཚད་ལྡན་ཡིག་ཚགས། གནས་ཡུལ་རྙིང་པ།（གནའ་ཤུལ།）ལོ་རྒྱུས་དང་རིག་གནས་ཀྱི་ཁྲོམ་ཁུལ་དང་ལོ་རྒྱུས་ཀྱི་བཟོ་སྐྲུན། སྲོལ་རྒྱུན་གྲོང་སྡེ་སོགས་རིག་གནས་ཤུལ་བཞག་སྲུང་སྐྱོང་དང་བེད་སྤྱོད་བྱེད་ཤུགས་ཆེ་རུ་བཏང་སྟེ། རིག་གནས་ཤུལ་བཞག་གིས་ཀྲུང་ཧྭའི་ཤེས་དཔལ་གྱིས་དཔང་པོ་བྱེད་པ་དང་། མི་རིགས་ཀྱི་བརྩེ་དུང་སྦྲེལ་བ། རྒྱལ་ཁབ་གཅིག་གྱུར་ཡོང་བར་བྱེད་པ་བཅས་ཀྱི་ནུས་པ་གལ་ཆེན་འདོན་སྤེལ་གང་ལེགས་བྱེད་དགོས།

དོན་ཚན་བཅུ་དགུ་པ། ས་གནས་མི་དམངས་སྲིད་གཞུང་རིམ་པ་ཁག་གིས་ཀྲུང་གོའི་གུང་ཁྲན་ཏང་གིས་མི་རིགས་ཁག་གི་མི་དམངས་ལ་འགོ་ཁྲིད་བྱས་ཏེ་དམངས་གཙོ་རིང་ལུགས་གསར་པའི་གསར་བརྗེའི་དུས་སྐབས་དང་། སྤྱི་ཚོགས་རིང་ལུགས་ཀྱི་གསར་བརྗེ་དང་འཛུགས་སྐྲུན་གྱི་དུས་སྐབས། བཅོས་བསྒྱུར་སྒོ་འབྱེད་དང་སྤྱི་ཚོགས་རིང་ལུགས་དེང་རབས་ཅན་འཛུགས་སྐྲུན་གྱི་དུས་སྐབས་གསར་པ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དུས་རབས་གསར་པ་བཅས་ལས་གྲུབ་པའི་གསར་བརྗེའི་ཐོན་ཁུངས་སྲུང་སྐྱོང་དང་རྒྱུན་འཛིན་ལ་ཤུགས་སྣོན་རྒྱག་དགོས་ཤིང་། རྒྱང་སྐྱོད་ཀྱི་སྙིང་སྟོབས་དང་། ལམ་གཉིས་ཀྱི་སྙིང་སྟོབས། ཡོམ་འགོག་གེགས་སེལ་གྱི་སྙིང་སྟོབས། དབུལ་གྲོལ་འགག་སྒྲོལ་གྱི་སྙིང་སྟོབས་སོགས་ཀྱི་སྙིང་སྟོབས་ཁྲོད་འདུས་པའི་མི་རིགས་མཐུན་སྒྲིལ་ཡར་ཐོན་གྱི་གཞི་རྒྱུ་འཆད་འགྲེལ་དང་དྲིལ་བསྒྲགས་བྱེད་པ་དང་། མི་རིགས་ཁག་གི་མི་དམངས་ཁྲོད་གསར་བརྗེའི་གཞི་རྒྱུ་རྒྱུན་འཛིན་དང་གསར་བརྗེའི་རིག་གནས་དར་སྤེལ་གཏོང་བ། མི་རིགས་ཁག་ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་གྱི་བསམ་པའི་སྟོབས་ཤུགས་ཆེན་པོ་གཅིག་ཏུ་སྒྲིལ་བ་བཅས་བྱེད་དགོས།

དོན་ཚན་ཉི་ཤུ་པ། ས་གནས་མི་དམངས་སྲིད་གཞུང་རིམ་པ་ཁག་གིས་མི་རིགས་ཁག་གི་སྤྱི་དམངས་སྐྱེ་ཁམས་ཁོར་ཡུག་སྲུང་སྐྱོང་དང་། འགྲིམ་འགྲུལ་གྱི་རྨང་གཞིའི་སྒྲིག་བཀོད་སོགས་ཀྱི་ཁྱབ་ཁོངས་ཀྱི་རྒྱལ་ཁབ་ཀྱི་རྣམ་གྲངས་གལ་ཆེན་འཛུགས་སྐྲུན་དང་། འཁོར་སྐྱོད། སྲུང་སྐྱོང་བཅས་ལ་ཧུར་ཐག་ཞུགས་པར་སློབ་གསོ་དང་ཁྲིད་སྟོན་བྱེད་པ་དང་། དམངས་འཚོ་ལེགས་བཅོས་དང་། མི་སེམས་གཅིག་སྒྲིལ། མི་རིགས་མཐུན་སྒྲིལ་དང་ཡར་ཐོན་ལ་སྐུལ་འདེད་གཏོང་བ་བཅས་ཐད་ཀྱི་རྒྱལ་ཁབ་ཀྱི་རྣམ་གྲངས་གལ་ཆེན་གྱི་དོན་སྙིང་གལ་ཆེན་རྒྱ་ཁྱབ་ཏུ་དྲིལ་བསྒྲགས་བྱས་ཏེ། རྒྱལ་ཁབ་ཀྱི་རྣམ་གྲངས་གལ་ཆེན་དེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་གཞི་རྟེན་དུ་འགྱུར་བར་བྱས་ཐོག །དེའི་ཁྲོད་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་ནང་དོན་ཟབ་མོ་དང་དུས་རབས་ཀྱི་རིན་ཐང་སྔོག་འདོན་དང་དར་སྤེལ་གཏོང་དགོས།

དོན་ཚན་ཉེར་གཅིག་པ། ས་གནས་མི་དམངས་སྲིད་གཞུང་རིམ་པ་ཁག་གིས་ཀྲུང་ཧྭ་མི་རིགས་གཅིག་མཐུན་ཚོགས་པའི་ལོ་རྒྱུས་ལ་ཞིབ་འཇུག་དང་སྔོན་འདོན། ལེགས་སྒྲིག་བྱས་ནས་མི་རིགས་ཁག་ཕན་ཚུན་འགྲོ་འོང་དང་། སྤེལ་རེས། མཉམ་འདྲེས། མི་རིགས་མཐུན་སྒྲིལ་ཡར་ཐོན་བཅས་དང་འབྲེལ་བའི་ལོ་རྒྱུས་བཀོལ་སྤྱོད་བཅས་བྱེད་པར་རྒྱབ་སྐྱོར་བྱས་ཏེ། ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་ལོ་རྒྱུས་དྲིལ་བསྒྲགས་དང་སློབ་གསོ་རྒྱ་ཁྱབ་ཏུ་སྤེལ་དགོས།

མཐོ་རིམ་སློབ་གྲྭ་དང་། ལས་བྱེད་པའི་གསོ་སྦྱོང་སྒྲིག་གཞི། ཚན་རིག་ཞིབ་འཇུག་ལས་ཁུངས། རིག་གཞུང་ཚོགས་པ་སོགས་ཀྱིས་ཀྲུང་ཧྭ་མི་རིགས་གཅིག་མཐུན་ཚོགས་པའི་ལོ་རྒྱུས་དང་ཀྲུང་ཧྭ་མི་རིགས་ཀྱི་སྣ་མང་གཞི་གཅིག་གི་ཆགས་སྟངས་ལ་ཞིབ་འཇུག་བྱ་རྒྱུར་ཤུགས་སྣོན་བརྒྱབ་སྟེ་མི་རིགས་མཐུན་སྒྲིལ་ཡར་ཐོན་གྱི་སློབ་དཔྱོད་བྱེད་སྒོ་སྤེལ་དགོས།

དཔེ་མཛོད་ཁང་དང་། དངོས་མང་བཤམས་སྟོན་ཁང་། རིག་གནས་ཁང་（ས་ཚིགས།）ཡིག་ཚགས་ཁང་། དྲན་གསོ་ཁང་། ས་གནས་རྣམ་བཤད་ཁང་། མཛེས་རྩལ་ཁང་། ཚན་རྩལ་ཁང་། གཞོན་ནུ་ལོ་ཆུང་ཕོ་བྲང་སོགས་སྡེ་ཚན་གྱིས་མི་རིགས་མཐུན་སྒྲིལ་ཡར་ཐོན་གྱི་ལོ་རྒྱུས་མཚོན་པའི་ཡི་གེ་དང་པར་རིས། སྒྲ་ལམ་བརྙན་ལམ། དངོས་རྫས་སོགས་ཀྱི་དཔྱད་ཡིག་འཚོལ་སྡུད་དང་། ལེགས་སྒྲིག །འགྲེམས་སྟོན་བཅས་ཀྱི་ལས་ཀ་བསྒྲུབ་དགོས།

དོན་ཚན་ཉེར་གཉིས་པ། ས་གནས་མི་དམངས་སྲིད་གཞུང་རིམ་པ་ཁག་གིས་ཀྲུང་ཧྭའི་རིག་གནས་ལ་ངོས་འཛིན་གཅིག་མཐུན་བྱེད་ཤུགས་ཆེ་རུ་གཏང་རྒྱུ་མཐའ་འཁྱོངས་བྱེད་པ་དང་། སྤྱི་ཚོགས་རིང་ལུགས་ཀྱི་སྔོན་ཐོན་རིག་གནས་ཀྱིས་མི་རིགས་ཁག་གི་ཕུལ་བྱུང་སྲོལ་རྒྱུན་རིག་གནས་སྲུང་སྐྱོང་དང་། རྒྱུན་འཛིན། གསར་གཏོད། འཕེལ་རྒྱས་བཅས་ཀྱི་སྣེ་ཁྲིད་བྱེད་པ་དང་། རྒྱལ་གཅེས་རིང་ལུགས་དང་མི་རིགས་མཐུན་སྒྲིལ་ཡར་ཐོན་དར་སྤེལ་གཏང་རྒྱུ་བརྗོད་བྱ་གཙོ་བོར་བྱེད་པའི་རྩོམ་རིག་བརྩམས་ཆོས་དང་། རིག་རྩལ་བརྩམས་ཆོས། གློག་བརྙན་བརྙན་འཕྲིན་ཟློས་གར་རྣམ་གྲངས་བཅས་གསར་རྩོམ་བྱེད་པ་དང་འབྲེལ་ཡོད་རིག་གནས་གསར་གཏོད་ཐོན་རྫས་གསར་སྤེལ་བྱེད་པར་རྒྱབ་སྐྱོར་བྱ་དགོས།

དོན་ཚན་ཉེར་གསུམ་པ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་སྒྲིག་འཛུགས་བྱེད་པའམ་ཡང་ན་སྲིད་གཞུང་གིས་ཞབས་ཞུ་ཉོ་སྒྲུབ་སོགས་ཀྱི་བྱེད་ཐབས་ལ་བརྟེན་ནས། མི་རིགས་མཐུན་སྒྲིལ་ཡར་ཐོན་དང་མི་རིགས་ཁག་གི་ཕུལ་བྱུང་སྲོལ་རྒྱུན་རིག་གནས་མཚོན་པའི་རིག་རྩལ་བརྩམས་ཆོས་དང་། གློག་བརྙན་དང་བརྙན་འཕྲིན་འཁྲབ་ཚན་གྱི་སྤྱི་ཕན་འཁྲབ་སྟོན་དང་། གྲངས་ཉུང་མི་རིགས་ཀྱི་རིག་རྩལ་འཁྲབ་སྟོན་བྱེད་དགོས།

དོན་ཚན་ཉེར་བཞི་པ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་དངོས་མིན་རིག་གནས་ཤུལ་བཞག་ལ་བརྟག་དཔྱད་དང་། ཐོ་འགོད། ཞིབ་འཇུག །རྣམ་གྲངས་སྲུང་སྐྱོང་བཅས་བྱེད་ཤུགས་ཆེ་རུ་བཏང་ནས་མཚོན་བྱེད་རང་བཞིན་གྱི་རྒྱུན་འཛིན་པ་གསོ་སྐྱོང་དང་རོགས་སྐྱོར་བྱེད་པ་དང་། དྲིལ་བསྒྲགས་འགྲེམ་སྟོན་གྱི་ལས་སྟེགས་སྐྲུན་པ། སྲུང་སྐྱོང་རྒྱུན་འཛིན་གྱི་རྟེན་གཞི་དང་། རིག་གནས་སྐྱེ་ཁམས་སྲུང་སྐྱོང་ཁུལ། ཁྱད་ཆོས་ལྡན་པའི་གྲོང་ཚོ་དང་གྲོང་རྡལ་（ཁྲོམ་གཞུང་）བཅས་འཛུགས་སྐྲུན་བྱེད་ཤུགས་ཆེ་རུ་གཏོང་བ། བེད་སྤྱོད་དང་ཁྱབ་སྤེལ་ཁྱབ་གདལ་གཏང་རྒྱུར་སྐུལ་འདེད་གཏོང་བ། མི་རིགས་ཁག་གི་དངོས་མིན་རིག་གནས་ཤུལ་བཞག་སྲུང་སྐྱོང་ཡག་པོ་དང་། རྒྱུན་འཛིན། བེད་སྤྱོད་ཡག་པོ་བཅས་བྱས་ནས་ལོ་རྒྱུས་ཀྱི་རིག་གནས་འབྱུང་གཞི་རྒྱུན་མཐུད་དང་རིག་གནས་ཀྱི་གདེང་ཚོད་བརྟན་དུ་གཏོང་དགོས།

མི་རིགས་ཁག་གི་སྲོལ་རྒྱུན་ལག་ཤེས་བཟོ་རྩལ་ཕུལ་བྱུང་སྲུང་སྐྱོང་དང་། རྒྱུན་འཛིན། མཉམ་འདྲེས་དཔྱད་གཞིར་འཛིན་པ་བཅས་ལ་སྐུལ་འདེད་གཏོང་བ་དང་། སྲོལ་རྒྱུན་གྱི་མཛེས་རྩལ་དང་། སྲོལ་རྒྱུན་གྱི་ལག་རྩལ། ཀྲུང་ལུགས་སྨན་རྫས་སྦྱོར་བཟོ་བཅས་དང་དེ་བཞིན་སྲོལ་རྒྱུན་གྱི་བཟོ་རྩལ་གཞན་དག་དེང་རབས་ཀྱི་འཚོ་བའི་ཁྲོད་རྒྱ་ཁྱབ་ངང་སྤྱོད་རྒྱུར་སྐུལ་འདེད་བཏང་སྟེ་མི་རིགས་ཀྱི་ལག་ཤེས་བཟོ་ལས་གསར་གཏོད་འཕེལ་རྒྱས་ལ་རྒྱབ་སྐྱོར་བྱེད་དགོས།

དོན་ཚན་ཉེར་ལྔ་པ། ས་གནས་མི་དམངས་སྲིད་གཞུང་རིམ་པ་ཁག་གིས་མི་རིགས་ཁག་གི་སྲོལ་རྒྱུན་ལུས་རྩལ་རྣམ་གྲངས་ཕུལ་བྱུང་འཕེལ་རྒྱས་གཏོང་བར་རྒྱབ་སྐྱོར་བྱེད་དགོས།

འོས་འགན་སློབ་གསོའི་དུས་མཚམས་ཀྱི་སློབ་གྲྭས་ས་གནས་དེ་གའི་དོན་དངོས་དང་སློབ་མའི་ལུས་སེམས་འཕེལ་རྒྱས་ཀྱི་ཆོས་ཉིད་དང་ཟུང་འབྲེལ་བྱས་ཏེ་མི་རིགས་ཀྱི་ཕུལ་བྱུང་སྲོལ་རྒྱུན་ལུས་རྩལ་རྣམ་གྲངས་དེ་སློབ་མའི་སློབ་ཚན་གྲོལ་རྗེས་ཞབས་ཞུ་བྱེད་པའི་ལུས་རྩལ་བདམས་སྦྱོང་སློབ་ཚན་ནང་འཇུག་དགོས།

དོན་ཚན་ཉེར་དྲུག་པ། རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱོན་ཡོངས་ནས་ཁྱབ་གདལ་གཏོང་དགོས། རྒྱལ་ཁབ་ཀྱི་སྤྱི་སྤྱོད་སྐད་ཡིག་དེ་སློབ་གསོའི་སློབ་ཁྲིད་ཀྱི་རྩ་བའི་སྐད་ཡིག་ཏུ་བྱེད་དགོས་པ་དང་། སློབ་ལོ་མ་རན་པའི་བྱིས་པའི་སློབ་གསོའི་ཁྲོད་ཕྱོགས་ཡོངས་ནས་སྤྱི་སྐད་ཉེར་སྤྱོད་བྱེད་དགོས།

ཞིང་ཆེན་མི་དམངས་སྲིད་གཞུང་གི་འབྲེལ་ཡོད་སྡེ་ཁག（སྡེ་ཚན）གིས་འབྲེལ་ཡོད་ལམ་ལུགས་འཛུགས་པ་དང་འཐུས་ཚང་དུ་བཏང་སྟེ་མི་རིགས་རང་སྐྱོང་ས་གནས་ཀྱི་སློབ་ལོ་མ་ལོན་པའི་བྱིས་པའི་སྤྱི་སྐད་སློབ་ཁྲིད་མི་སྣའི་ལས་རིགས་ཅན་གྱི་ཆུ་ཚད་མཐོ་རུ་ཏན་ཏིག་བཏང་ནས་འགན་ལེན་བྱེད་ཐབས་ཆ་ཚང་དོན་འཁྱོལ་ཡོང་བ་བྱེད་དགོས།

དོན་ཚན་ཉེར་བདུན་པ། ས་གནས་མི་དམངས་སྲིད་གཞུང་རིམ་པ་ཁག་གིས་གྲངས་ཉུང་མི་རིགས་ཀྱི་སྐད་ཡིག་སློབ་སྦྱོང་དང་བེད་སྤྱོད་པར་བརྩི་འཇོག་དང་འགན་སྲུང་བྱེད་དགོས། མི་རིགས་རང་སྐྱོང་ས་གནས་ཀྱི་མི་རིགས་ཁག་གི་སྤྱི་དམངས་བར་ཕན་ཚུན་སྐད་ཡིག་སློབ་སྦྱོང་བྱེད་རེས་བྱེད་དགོས།

དོན་ཚན་ཉེར་བརྒྱད་པ། སློབ་གྲྭ་འབྲིང་ཆུང་གིས་རྒྱལ་ཁབ་ཀྱིས་གཅིག་གྱུར་གྱིས་བསྒྲིགས་པའི་ཀུན་སྤྱོད་དང་ཁྲིམས་སྐྱོང་（བསམ་བློ་ཆབ་སྲིད）དང་། སྐད་ཡིག །ལོ་རྒྱུས་སོགས་ཀྱི་སློབ་དེབ་སྒོ་ཀུན་ནས་བེད་སྤྱོད་བྱེད་དགོས།

རིམ་པ་ཁག་དང་རིགས་ཁག་གི་སློབ་གྲྭས་སྤྱོད་པའི་སློབ་དེབ་ཚང་མའི་ནང་མི་རིགས་ཀྱི་བརྩེ་དུང་ལ་གནོད་འཚེ་གཏོང་བ་དང་། མི་རིགས་མཐུན་སྒྲིལ་ལ་གཏོར་བཤིག་གཏོང་བ། རྒྱལ་ཁབ་གཅིག་གྱུར་ལ་གནོད་འཚེ་གཏོང་བ་བཅས་ཀྱི་ནང་དོན་འགོད་མི་ཆོག

དོན་ཚན་ཉེར་དགུ་པ། ས་གནས་མི་དམངས་སྲིད་གཞུང་རིམ་པ་ཁག་དང་དེའི་འབྲེལ་ཡོད་སྡེ་ཁག（སྡེ་ཚན）གིས་མི་རིགས་ཁག་གི་སྤྱི་དམངས་ཀྱིས་ཡུལ་སྲོལ་གོམས་གཤིས་ལ་ཕན་ཚུན་བརྩི་འཇོག་དང་། རང་འགུལ་གྱིས་གོམས་སྲོལ་བསྒྱུར་བ། ཡ་རབས་སྲོལ་གསར་འཛུགས་པ་དང་ལག་ལེན་བསྟར་བ། ཁྱིམ་ཚང་མཛའ་མཐུན། ཁྱིམ་མཚེས་འཆམ་མཐུན། སྤྱི་ཚོགས་འཆམ་མཐུན་བཅས་ཀྱི་རྣམ་པ་བཟང་པོ་གསོ་སྐྱོང་དང་འཛུགས་སྐྱོང་བྱེད་པར་ཁྲིད་སྟོན་བྱེད་དགོས།

དོན་ཚན་སུམ་ཅུ་པ། རྩ་འཛུགས་གང་དང་སྐྱེ་བོ་སུ་ཞིག་གིས་ཀྱང་མི་རིགས་ཀྱི་ཡུལ་སྲོལ་གོམས་གཤིས་དང་། ཆོས་ལུགས་དད་མོས། དེ་བཞིན་རྒྱུ་མཚན་གཞན་དག་གང་རུང་ལ་བརྟེན་ནས་མི་རིགས་ཁག་གི་སྤྱི་དམངས་ཀྱི་གཉེན་སྒྲིག་རང་དབང་ལ་ཐེ་གཏོགས་བྱས་མི་ཆོག

ཡ་རབས་ཚུལ་ལྡན་དང་གྲོན་ཆུང་བསྲི་ཚགས་ཀྱིས་གཉེན་སྒྲིག་བྱ་རྒྱུ་དར་སྤེལ་བཏང་ནས་གཉེན་སྒྲིག་ལ་བརྟེན་ནས་རྒྱུ་ནོར་ལེན་པ་དང་གཉེན་རྟེན་མཐོན་པོ་ལེན་རིགས་གཏན་འགོག་བྱེད་དགོས།

གཤིན་པོ་དུར་འཇུག་གི་ཡ་རབས་གྲོན་ཆུང་གི་སྲོལ་གསར་དར་སྤེལ་གཏོང་བ་དང་། མི་རིགས་ཁག་གི་གཤིན་པོ་དུར་འཇུག་གི་གོམས་སྲོལ་གསར་བཅོས་བྱེད་པར་རྒྱབ་སྐྱོར་བྱེད་དགོས།

དོན་ཚན་སོ་གཅིག་པ། རྩ་འཛུགས་གང་དང་སྐྱེ་བོ་སུ་ཞིག་གིས་ཀྱང་གཤམ་གསལ་གྱི་བྱ་སྤྱོད་སྤེལ་མི་ཆོག་པ་སྟེ།

(གཅིག)དཔེ་དེབ་དང་། ཚགས་པར་དང་དུས་དེབ། སྒྲ་བརྙན་ཐོན་རྫས། གློག་བརྙན་དང་བརྙན་འཕྲིན་བརྩམས་ཆོས། སྒྲ་བརྙན་དང་བརྙན་འཕྲིན་རྒྱུ་ཆ། དྲ་བ་སོགས་འདྲེན་བྱེད་དངོས་པོ་དང་དེ་བཞིན་ས་ཁོངས་ཀྱི་མིང་དང་། ཁེ་ལས་ཀྱི་མིང་། ཚོང་རྟགས་གྲགས་ཅན་གྱི་ཚོང་རྟགས། མཚམས་སྦྱོར་བརྡ་ཁྱབ་ཀྱི་ཆ་འཕྲིན་སོགས་ཀྱི་ཐད་དུ་ཀྲུང་ཧྭ་མི་རིགས་གཅིག་མཐུན་ཚོགས་པ་ཁས་མི་ལེན་པ། མི་རིགས་ཀྱི་ལ་རྒྱར་གནོད་འཚེ་གཏོང་བ། མི་རིགས་ཀྱི་བརྩེ་དུང་ལ་གནོད་འཚེ་གཏོང་བ། མི་རིགས་ཀྱི་འཁོན་སེམས་སྐུལ་བ་བཅས་ཀྱི་ནང་དོན་བཀོད་པ།

(གཉིས།)རྒྱལ་ཁབ་ཀྱི་སྤྱི་སྤྱོད་སྐད་ཡིག་ཁྱབ་གདལ་དང་ཚད་ལྡན་ངང་ཉེར་སྤྱོད་བྱེད་པར་གནོད་པ།

(གསུམ།)མི་རིགས་ཁག་གི་སྲོལ་རྒྱུན་རིག་གནས་དང་ལོ་རྒྱུས་ཀྱི་ངག་རྒྱུན་འཁྱོག་བཤད་དང་ཡང་ན་བསམ་ངན་འུད་སྒྲོག་བྱེད་པ།

(བཞི།)མི་རིགས་ཀྱི་སྣང་བརྙན་ལ་དམའ་འབེབས་དང་། མི་རིགས་ཀྱི་ཐོབ་ཐང་ལ་དམའ་འབེབས་བྱེད་པའི་ཡི་གེ་དང་པར་རིས། སྒྲ་བརྙན་སོགས་བཟོ་བ་དང་ཁྱབ་སྤེལ་བྱེད་པ།

(ལྔ།)གཏུམ་སྤྱོད་འཇིགས་སྐུལ་གྱི་བྱེད་སྒོ་དང་། མི་རིགས་ཁ་ཕྲལ་གྱི་བྱེད་སྒོ། ཆོས་ལུགས་ཐལ་སྐྱོད་ཀྱི་བྱེད་སྒོ་བཅས་ལ་ཞུགས་པ་དང་རོགས་སྐྱོར་བྱེད་པ།

(དྲུག)སིམ་འཛུལ་དང་རྩ་སློག་གཏོར་བཤིག་བཅས་ཀྱི་བྱེད་སྒོར་ཞུགས་པ་དང་རོགས་སྐྱོར་བྱེད་པ།

(བདུན།)མི་རིགས་མཐུན་སྒྲིལ་དང་མི་རིགས་ཀྱི་བརྩེ་དུང་ལ་གནོད་འཚེ་གཏོང་བའི་བྱ་སྤྱོད་གཞན་དག་བཅས། །（མུ་འགོད།）