ཞི་ཅིན་ཕིང་གི་རིག་གནས་དགོངས་པའི་མཛུབ་ཁྲིད་འོག །ཀྲུང་ཧྭའི་རིག་གནས་ལ་གསོན་ཤུགས་གསར་པ་འཕེལ་ཞིང་། ལོ་ངོ་སྟོང་གི་རིག་གནས་དབྱངས་རྟ་དང་དེང་རབས་དཔལ་འབྱོར་ཞི་མཐུན་མཉམ་གནས་བྱུང་ནས། ལོ་རྒྱུས་ཀྱི་རྒྱུན་རིང་པའི་གནའ་བོའི་ཤེས་རིག་རྒྱལ་ཁབ་ལ་སྔར་བས་སྐྱེས་སྟོབས་འབར་དུ་བཅུག
ཕ་ར་གུ་ཝེའི་ཨེ་སུན་སེ་རུ། ཉེ་སྔོན། མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱིས་འདི་ནས་ཚོགས་འདུ་འཚོགས་ཏེ་ཆ་འཕྲིན་གཉིས་ཁྱབ་བསྒྲགས་བྱས།
གཅིག་ནི་དཔྱིད་གསར་དུས་ཆེན་འཛམ་གླིང་དངོས་མིན་རིག་གནས་ཤུལ་བཞག་དུ་རེ་ཞུ་བྱས་པ་ལེགས་གྲུབ་བྱུང་བ་དེ་རེད། ད་ལྟའི་བར་རང་རྒྱལ་གྱི་རྣམ་གྲངས་ཞེ་བཞི་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་དངོས་མིན་རིག་གནས་ཤུལ་བཞག་གི་མིང་གཞུང་དང་མིང་ཐོའི་ནང་ཚུད་པ་དང་། བསྡོམས་འབོར་འཛམ་གླིང་གི་ཨང་དང་པོར་སླེབས་ཡོད།
གཅིག་ནི་ཆའང་རིགས་དང་ལི་རིགས་ཀྱི་སྲོལ་རྒྱུན་འཁེལ་འཐག་འཚེམ་དྲུབ་ལག་རྩལ་དང་། ཀྲུང་གོའི་ཤིང་ཟམ་གྱི་སྲོལ་རྒྱུན་འཛུགས་སྐྲུན་ལག་རྩལ་མིང་གཞུང་བདེ་བླག་ངང་བསྒྱུར། སྐབས་ཤིག་རིང་རྒྱུན་ཆད་ལ་ཉེ་བ་དང་ད་ཆ་སྐྱེ་སྟོབས་ཀྱི་དཔལ་འབར་བཞིན་ཡོད་པས། རྣམ་གྲངས་དེ་དག་འཕྲལ་དུ་སྲུང་སྐྱོང་བྱེད་དགོས་པའི་དངོས་མིན་རིག་གནས་ཤུལ་བཞག་གི་མིང་གཞུང་ནས་མིའི་རིགས་ཀྱི་དངོས་མིན་རིག་གནས་ཤུལ་བཞག་གི་མཚོན་བྱེད་མིང་གཞུང་དུ་བསྒྱུར་ཡོད།
དེའི་ཁྲོད་ནས་ཀྲུང་ཧྭའི་ཤེས་རིག་གི་ཁྱབ་སྤེལ་ནུས་པ་དང་སྙན་གྲགས་ཉིན་རེ་བཞིན་ཇེ་ཆེར་འགྲོ་བ་དང་། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་འཕེལ་རྒྱས་ལ་གྲུབ་འབྲས་གཟེངས་སུ་ཐོབ་པ་ཚོར་ཐུབ།
དགོངས་པ་ཟབ་མོས་མདུན་སྐྱོད་ལམ་བུ་གསལ་བར་བྱས། དུས་རབས་གསར་པའི་རླབས་ཆེན་ལག་ལེན་ལ་སྣེ་ཁྲིད་བྱས་ཏེ། ཞི་ཅིན་ཕིང་གི་རིག་གནས་དགོངས་པས་གོ་བདེ་ཞིང་སྤྱོད་གོ་ཆོད་པ་དང་། ཁ་གསལ་གཏིང་གསལ་གྱི་རིགས་པའི་གཞུང་ལུགས་ཀྱི་ཁྱད་ཆོས་ཀྱིས་དམིགས་བསལ་གྱི་རྟོལ་ཤུགས་དང་འབོད་སྐུལ་ནུས་པ་མངོན།
རིག་གནས་ཀྱི་རིགས་པའི་གཞུང་ལུགས་ཀྱི་ལྟ་བ་གསར་གཏོད་དང་འགག་སྒྲོལ་མངོན་འགྱུར་བྱུང་བ་དང་། རིག་གནས་འཛུགས་སྐྲུན་གྱི་ཆོས་ཉིད་རང་བཞིན་ལ་ངོས་འཛིན་གཏིང་ཟབ་ཏུ་བཏང་བ་འདི་ཁ་གསལ་གོ་བདེ་རེད།
ཀྲུང་ཧྭ་མི་རིགས་ཀྱིས་ལོ་ངོ་སྟོང་ཕྲག་གི་ལོ་རྒྱུས་ཁྲོད་འཛིན་སྐྱོང་སྤེལ་གསུམ་བྱས་པའི་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ནི་ཀྲུང་ཧྭ་མི་རིགས་ཀྱི་རྩ་བ་དང་བླ་སྲོག་ཡིན་ཞེས་བསྟན་པ་དང་། ཀྲུང་གོའི་ཁྱད་ཆོས་ལྡན་པའི་འགག་རྩ་ནི་ཟུང་འབྲེལ་གཉིས་ལ་ཐུག་ཡོད་ཅེས་བཏོན། དེ་མིན་མི་རིགས་ཤིག་བསྐྱར་དར་ཡོང་བར་དངོས་པོའི་སྟོབས་ཤུགས་ཆེན་པོ་དགོས་ལ། བསམ་པའི་སྟོབས་ཤུགས་ཆེན་པོའང་དགོས་ཞེས་ནན་བསྟན་གནང་ཡོད། གསར་གཏོད་ཀྱི་ལྟ་བ་གལ་ཆེན་རབ་དང་རིམ་པ་བཏོན་ནས། རིག་གནས་དང་ཤེས་རིག་དང་དེ་བཞིན་རིག་གནས་འཛུགས་སྐྱོང་སྐོར་གྱི་ངོ་བོའི་གཞི་འཛིན་ས་དང་རྩ་བའི་རྩ་དོན་ཁ་གསལ་བཟོས་ཡོད།
རིག་གནས་ལས་དོན་འཆར་འགོད་ཀྱི་བཀོད་སྒྲིག་བླང་བྱ་བཏོན་པ་དང་། དུས་རབས་གསར་པའི་རིག་གནས་འཛུགས་སྐྱོང་གི་ལམ་ཐིག་རི་མོ་དང་འགན་འཁྲི་ཁ་གསལ་བཟོས་པ་ནི་སྤྱོད་གོ་ཆོད་པའི་སྐོར་རེད།
སྤྱི་ཚོགས་རིང་ལུགས་ཀྱི་སྲོག་ཤིང་གི་རིན་ཐང་ལྟ་བ་ཁྲིམས་སྐྱོང་འཛུགས་སྐྲུན་དང་། སྤྱི་ཚོགས་འཕེལ་རྒྱས། རྒྱུན་ལྡན་འཚོ་བ་བཅས་ཀྱི་ནང་འདྲེས་པར་བྱེད་པ་ནས། དེང་རབས་ཀྱི་སྤྱི་པའི་རིག་གནས་ཞབས་ཞུའི་མ་ལག་འཐུས་ཚང་དུ་གཏོང་བ་སོགས་ཀྱི་འཐབ་ཇུས་བཀོད་སྒྲིག་རབ་དང་རིམ་པས་དུས་རབས་གསར་པའི་རིག་གནས་འཛུགས་སྐྲུན་དང་རིག་གནས་ལས་དོན་གྱི་ལག་ལེན་ཐབས་ལམ་དང་བྱེད་སྟངས་བྱེད་ཐབས་གསལ་སྟོན་བྱས་ཡོད།
ཅང་སུའུ་སུའུ་ཀྲོའུ་ཕིང་ཅང་ལོ་རྒྱུས་རིག་གནས་ཁྲོམ་གཞུང་དུ་མི་ཆོས་རིག་གནས་དང་དཔལ་འབྱོར་འཕེལ་རྒྱས་གཉིས་ལ་འབད་ནས། འཚེམ་དྲུབ་ལས་གནའ་དེང་གི་ཉམས་འགྱུར་མངོན། པེ་ཅིན་དཀྱིལ་ཐིག་ཏུ་གཙོ་གནད་རིག་དངོས་ཉམས་གསོ་སྲུང་སྐྱོང་དང་རིག་དངོས་མིན་པའི་འཛུགས་སྐྲུན་ཕྱིར་འཐེན་བཅོས་སྒྲིག་གི་དོན་དག་གཉིས་དམ་འཛིན་བྱས་ཏེ། གནའ་བོའི་རྒྱལ་སའི་སྒལ་ཚིགས་ལ་གསོན་ཤུགས་གསར་པ་མངོན་དུ་བཅུག།།ཅིན་ཧང་མིས་བཟོས་གཙང་པོ་ཆེན་པོར་ཆུ་ལས་ཤུལ་བཞག་སྲུང་སྐྱོང་དང་མིས་བཟོས་གཙང་པོའི་གནའ་ལམ་ཉམས་གསོ། རིག་གནས་ཡུལ་སྐོར་མཉམ་འདྲེས་ཡོང་བར་སྐུལ་འདེད་བཅས་བྱས་ནས། གནའ་དེང་ཟུང་འབྲེལ་གྱི་འོད་མདངས་བཀྲ་བའི་རིག་གནས་ཁུལ་ཞིག་བསྐྲུན་ཡོད། ཞི་ཅིན་ཕིང་གི་རིག་གནས་དགོངས་པའི་མཛུབ་ཁྲིད་འོག།།ཀྲུང་ཧྭའི་རིག་གནས་ལ་གསོན་ཤུགས་གསར་པ་འཕེལ་བ་དང་ལོ་ངོ་སྟོང་གི་རིག་གནས་དབྱངས་རྟ་དང་དེང་རབས་དཔལ་འབྱོར་ཞི་མཐུན་མཉམ་གནས་བྱུང་ནས་ལོ་རྒྱུས་ཡུན་རིང་ལྡན་པའི་གནའ་བོའི་ཤེས་རིག་རྒྱལ་ཁབ་ལ་སྔར་ལས་ལྷག་པའི་སྐྱེ་སྟོབས་ཀྱི་དཔལ་འབར་ཡོད།
བློ་བརྟན་འགྱུར་མེད་ཀྱིས་སྔར་བས་རྒྱུན་འཛིན་བྱེད། དཀར་ཡོལ་གཅིག་གི་གནའ་དེང་ལོ་རྒྱུས་དང་ལོ་ངོ་སྟོང་གི་རིག་གནས་མཚོན། ཅང་ཞི་ཅིན་ཏེ་གྲོང་རྡལ་གྱིས་ལོ་ངོ་སྟོང་ཕྲག་རིང་གི་ས་ཕུག་གནས་ཡུལ་སྲུང་སྐྱོང་དང་། ལོ་ངོ་སྟོང་ཕྲག་རིང་གི་བཟོ་པའི་བརྩེ་སེམས་རྒྱུན་འཛིན་བྱས་ཏེ། ལོ་ངོ་སྟོང་ཕྲག་རིང་གི་དཀར་ཡོལ་ཕ་སའི་ས་ཕུག་རིག་གནས་ཀྱི་རྒྱུན་བསྐྱངས་ནས་ཀྲུང་ཧྭའི་ཤེས་རིག་གི་རྒྱུན་མཐུད་རང་བཞིན་མངོན་གསལ་དོད་པོ་ར་སྤྲོད་གསོན་ཉམས་ལྡན་པ་བྱས་ཡོད།
རང་རེའི་རྒྱལ་ཁབ་ཁོ་ནར་མཚོན་ནས་གནའ་དེང་རིག་གནས་ཀྱི་རྒྱུན་ཐག་ཆད་མེད། བྱེ་བྲག་གི་ས་ཆ་གཅིག་ལ་བལྟས་ན། ཀྲུང་གོའི་གནའ་རྫས་རྟོག་ཞིབ་དངོས་མང་བཤམས་སྟོན་ཁང་དང་པེ་ཅིན་གྲོང་ཁྱེར་གྱི་ལྟེ་གནས་གཞོན་པའི་རིག་གནས་འཛུགས་སྐྲུན་ཆེན་པོ་གསུམ་བསྐྲུན་ནས་སྒོ་ཕྱེ་བ་དང་། ལྕགས་རི་རིང་པོའི་རིག་གནས་དང་། མིས་བཟོས་གཙང་པོའི་རིག་གནས། དཀྱིལ་ཐིག་རིག་གནས་བཅས་རྒྱལ་ས་པེ་ཅིན་དུ་ཕན་ཚུན་འོད་མདངས་འཕྲོ་བཞིན་ཡོད། ཁྱོན་ཡོངས་ལ་བལྟས་ན། ཀྲུང་གོའི་རྒྱལ་ཁབ་ཀྱི་པར་གཞི་ཁང་ལེགས་གྲུབ་བྱུང་བ་དང་། ཀྲུང་ཧྭའི་ཤེས་རིག་གི་འབྱུང་ཁུངས་འཚོལ་ཞིབ་ལས་གྲྭ་ལག་བསྟར་གཏིང་ཟབ་བྱས་ཤིང་། རིག་དངོས་དང་རིག་གནས་ཤུལ་བཞག་སྲུང་སྐྱོང་བྱེད་ཤུགས་ཁྱོན་ཡོངས་ནས་ཆེ་རུ་བཏང་ཡོད། ང་ཚོས་བློ་བརྟན་འགྱུར་མེད་ངང་མེས་པོ་གོང་མ་རྣམས་ཀྱིས་ང་ཚོར་བཞག་པའི་རྩ་ཆེའི་ཤུལ་བཞག་སྲུང་སྐྱོང་ཡག་པོ་བྱས་ཏེ། འཛམ་གླིང་ཐོག་མཚམས་ཆད་མ་མྱོང་བའི་ཤེས་རིག་གཅིག་པུ་དེ་མུ་མཐུད་བརྒྱུད་སྤེལ་བྱེད།
སྔར་ལས་ལྷག་པའི་སྒོ་ནས་མི་རབས་ནས་མི་རབས་བར་རྒྱུན་ཆད་མེད་པར་གསར་གཏོད་བྱེད། ཉེ་ཆར། པེ་ཅིན་ཧྲི་ཅིང་རི་ཁུལ་རིག་གནས་ཁང་དུ་ཧྥ་ཧའེ་དགོན་པའི་ལྡེབས་རིས་བཟོ་རྩལ་ཉམས་ལེན་དང་བརྒྱངས་དཀྲོལ། ལག་རྔ་དང་ཇ་རྩལ་སོགས་སློབ་ཚན་10གསར་དུ་ཁྲིད་པས། སློབ་ཐུན་གཅིག་ཀྱང་ཐོབ་དཀའ་བའི་ཚད་ལ་སླེབས་འདུག །རིག་གནས་ཁང་འདིས་སྒྱུ་རྩལ་མཚན་མོའི་སློབ་གྲྭ་བཙུགས་ཚུན། ཆ་སྙོམས་མི་བརྒྱ་ལྷག་གིས་སློབ་ཚན་གྱི་མིང་སྐལ་གཅིག་འཕྲོག་བཞིན་འདུག
ཤེས་རིག་གསར་གཏོད་དང་རིག་གནས་གསར་གཏོད་ལ་འབད། 《སྔོ་ལྗང་ཁོ་ན།》ཞེས་པའི་མུ་མཐའ་མེད་པའི་རི་ཀླུང་གི་མཛེས་པའི་སྣང་བརྙན་བསྐྱར་དུ་མངོན་པ་དང་། ཀྲུང་ལུགས་གསར་པ་ཁྲོམ་ལམ་ཆེ་ཆུང་ཀུན་ཏུ་ཁྱབ། རྟ་རིས་སྨད་གཡོགས་སོགས་སྲོལ་རྒྱུན་གྱི་གྱོན་ཆས་ལ་ན་གཞོན་ཚོས་དགའ་པོ་བྱེད་ཀྱི་ཡོད། འགྲེམ་སྟོན་ཁང་གཅིག་ལ་ལྟད་མོར་འགྲོ་ཆེད་དུ་གྲོང་ཁྱེར་གཅིག་ཏུ་བསྐྱོད་ཅེས་པའི་རིག་གནས་ཡུལ་སྐོར་ཤིན་ཏུ་དར། 《ཐང་རྒྱལ་རབས་ཀྱི་མཚན་མོའི་གསོལ་སྟོན།》 《ཁྲང་ཨན་གྱི་ལེ་དབར་ཁྲི་གསུམ།》སོགས་བརྩམས་ཆོས་རྩེ་གྲ་མང་པོ་ཐོན་ཡོད། བསམ་ཕྱོགས་གསར་པ་དང་། སྐད་ཆ་གསར་པ། ལམ་སྲོལ་གསར་པ། རྣམ་པ་གསར་པ་བཅས་ཀྱིས་རིག་གནས་གསར་གཏོད་དང་གསར་སྐྲུན་གྱི་གསོན་ཤུགས་རྒྱུན་ཆད་མེད་པར་སྐུལ་སློང་བྱས་ཏེ། ཀྲུང་ཧྭའི་རིག་གནས་ཀྱི་ཁྲག་རྒྱུན་རྒྱུན་འཛིན་བྱེད་པར་ཤུགས་རྒྱག་པ་དང་། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་གསར་གཏོད་རང་བཞིན་གྱི་ལུགས་བསྒྱུར་དང་གསར་གཏོད་རང་བཞིན་གྱི་འཕེལ་རྒྱས་ལ་སྐུལ་འདེད་གཏོང་བར་འབད་བརྩོན་ལྷོད་མེད་བྱེད་བཞིན་ཡོད།
རིག་གནས་ཀྱི་རྣམ་པ་སྔར་བས་ཡིད་ཆེས་དང་སྒོ་འབྱེད་ཀྱིས་ཁེངས་འདུག །སྔོན་ཆད་དར་གོས་དང་དཀར་ཆས་དྲུད་པའི་ཀྲུང་གོའི་གྲུ་གཟིངས་ལ་ཏིང་མེ་གླིང་དུ་བསྐྱོད། ད་ཆ་ཆན་ཁའེ་ནས་ཧྲང་ཧའེ་བར་གྱི་སྐྱེལ་འདྲེན་ལམ་བུའི་གཏམ་བཟང་དེ་ལོ་ངོ་ལྔ་བརྒྱའི་རྗེས་ཀྱི་བྲག་ཅ་ལྟ་བུར་ཆགས།
ཏུན་ཧོང་གིས་ལོ་ངོ་སྟོང་གི་ངོ་མཚར་གཏམ་རྒྱུད་ཀྱི་རྒྱུན་བསྐྱངས་པ་དང་། ཆོན་ཀྲོའུ་ཡིས་མཚོ་ཐོག་དར་གོས་ཚོང་ལམ་གྱི་གཏམ་རྒྱུད་ཀྱི་ལེའུ་གསར་པ་བརྩམས། རྒྱུད་གཅིག་ལམ་གཅིག་སྟེང་གི་མུ་ཏིག་རེ་རེའི་མཚར་སྡུག་འོད་དུ་འཚེར། རྒྱུད་འདྲེས་ཆུ་འབྲས་དང་ཤ་མོང་ལག་རྩལ་གྱིས་ཕྱི་རྒྱལ་གྱི་མང་ཚོགས་ལ་བདེ་སྐྱིད་བསྐྲུན། 《རི་མཚོའི་གསུང་རབ།》སོགས་རིག་གནས་ཐོན་རྫས་ཨ་ཧྥེ་རི་ཁ་གླིང་དུ་སྐད་གྲགས་ཆོད་ཅིང་། དཔེ་མཚོན་རེ་རེ་ལས་ཤེས་རིག་ནི་སྣ་མང་གི་རྐྱེན་གྱིས་སྤེལ་རེས་བྱེད་པ་དང་།
སྤེལ་རེས་ལ་བརྟེན་ནས་ཕན་ཚུན་སློབ་སྦྱོང་། ཕན་ཚུན་སློབ་སྦྱོང་བྱས་པ་ལས་འཕེལ་རྒྱས་འགྲོ་བ་ར་སྤྲོད་བྱས་ཡོད།
རིག་གནས་ཡུལ་སྐོར་འཕེལ་རྒྱས་ཀྱིས་ང་ཚོར་ངོས་འཛིན་གཏིང་ཟབ་ཏུ་གཏོང་བའི་གསོན་ཉམས་ལྡན་པའི་ལྟ་ཕྱོགས་ཤིག་མཁོ་འདོན་བྱས་ཡོད། འབྲི་ཆུའི་ཟུར་གསུམ་གླིང་གི་མྱུར་བགྲོད་ལྕགས་ལམ་དྲ་བས་ཤར་ཕྱོགས་མུ་ཏིག་ཧྲང་ཧའེ་དང་། སྐྱེད་ཚལ་གྲོང་ཁྱེར་སུའུ་ཀྲོའུ། རྒྱལ་རབས་དྲུག་གི་གནའ་བོའི་རྒྱལ་ས་ནན་ཅིན། དར་གོས་ཀྱི་ཕ་ས་ཧང་ཀྲོའུ། ཡུའེ་ཅུས་ཟློས་གར་གྱི་ཕ་ཡུལ་ཧྲའོ་ཞིན། འཛམ་གླིང་རིག་གནས་དང་རང་བྱུང་ཤུལ་བཞག་གྲོང་ཁྱེར་ཧོང་ཧྲན་རི་བོ་སོགས་སྦྲེལ་ནས། འབྲི་ཆུའི་ཟུར་གསུམ་གླིང་གི་སྤྲོ་སྐྱིད་འཚོ་བའི་རི་མོ་གསར་པ་བྲིས། ཇ་ནག་གི་ཕ་ཡུལ་ཧུའུ་ནན་ཨན་ཧྭ་ཡིས་གྲོང་གསེབ་ཀྱི་རིག་གནས་མྱུ་གུ་སྐུལ་སློང་བྱས་ཤིང་། ཡུལ་བབ་དང་བསྟུན་ནས་ཇ་དང་རིག་གནས་ལུས་རྩལ་བདེ་ཐང་མཉམ་འདྲེས་འཕེལ་རྒྱས་ལ་སྐུལ་འདེད་བཏང་སྟེ། ཇ་ཡི་རིག་གནས་ཀྱིས་རི་ལྡེབས་སྔོ་ལྗང་དང་གྲོང་གསེབ་མཛེས་པར་བརྒྱན་ནས་གྲོང་མི་ཚོར་ཡུལ་སྐོར་སྤྲོ་འཆམ་གྱི་ཁེ་བཟང་རག་ཏུ་བཅུག་ཡོད།
མི་དམངས་ལྟེ་བར་འཛིན་པའི་ལས་དོན་ཁྲིད་ཕྱོགས་མཐའ་འཁྱོངས་དང་། རིག་གནས་ལ་བརྟེན་ནས་ཡུལ་སྐོར་གཏོད་པ་དང་། ཡུལ་སྐོར་ལ་བརྟེན་ནས་རིག་གནས་དར་སྤེལ་གཏོང་བ་མཐའ་འཁྱོངས་བྱས་ཏེ། རིག་གནས་དང་ཡུལ་སྐོར་མཉམ་འདྲེས་གོང་འཕེལ་ཡོང་རྒྱུར་སྐུལ་འདེད་བཏང་། ད་ཆ་རིག་གནས་ཡུལ་སྐོར་མཉམ་འདྲེས་ཀྱི་གོམ་སྟབས་བརྟན་པོའི་ཁྲོད་མི་རྣམས་ཀྱིས་གནའ་བོའི་མཚར་དུ་དངར་བའི་ཤེས་རིག་ཉམས་ལེན་དང་ཀྲུང་ཧྭའི་རིག་གནས་ཀྱི་རྣམ་པ་གསར་རྐྱང་ཉམས་སུ་མྱོང་བཞིན་ཡོད་ལ། སྤུས་ཚད་མཐོ་བའི་འཕེལ་རྒྱས་ཀྱི་འཕར་རྩ་ཆེན་པོ་ཉམས་སུ་མྱོང་བཞིན་ཡོད།
མཐོ་རིམ་གྱི་སྣེ་ཁྲིད་ཡག་པོས། དུས་རབས་ལ་ལམ་བུ་བསྟན། བསམ་བློ་དང་རིགས་པའི་གཞུང་ལུགས་ཐད་ཀྱི་ཤེས་རྟོགས་རྣམ་བཤད་ཡོད་ལ་ལག་ལེན་བཀོལ་སྤྱོད་ཐད་ཀྱི་བརྟག་ཐབས་སྨྲ་བའང་ཡོད། སྤྱི་ཁོག་རིམ་པའི་ཆོས་ཉིད་རང་བཞིན་གྱི་ངོས་འཛིན་ཡོད་ལ། ཞིབ་ཕྲའི་རིམ་པའི་བྱེ་བྲག་གི་ལག་ལེན་ཐབས་ལམ་ཡང་ཡོད་པས། ཞི་ཅིན་ཕིང་གི་རིག་གནས་དགོངས་པ་ནི་འཇིག་རྟེན་ལྟ་བ་དང་བརྟག་ཐབས་སྨྲ་བ་ཚད་མཐོའི་གཅིག་གྱུར་བྱུང་བ་ཞིག་ཡིན་པ་དང་། བསམ་བློའི་གསལ་རྟོགས་ནུས་པ་ཟབ་མོ་དང་རིགས་པའི་གཞུང་ལུགས་ཀྱི་སྣེ་ཁྲིད་ནུས་པ་ཆེན་པོ་ལྡན།
བསམ་བློའི་སྟོབས་ཤུགས་དུས་དང་བསྐལ་པ་བརྒལ་ནས་མི་སེམས་ལ་ཟུག །ཉེ་ཆར་《ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་རྩ་གནད།》དཔེ་སྐྲུན་འགྲེམས་སྤེལ་བྱས་པར་སྤྲོ་སེམས་འཁོལ་བའི་དོ་སྣང་ཆེན་པོ་ཐོབ་པ་དང་། ང་ཚོས་ཞི་ཅིན་ཕིང་གི་རིག་གནས་དགོངས་པ་སློབ་སྦྱོང་དང་གོ་བ་གཏིང་ཟབ་ལེན་རྒྱུར་དབང་གྲགས་ལྡན་པའི་ཀློག་དེབ་མཁོ་འདོན་བྱས་ཡོད།
རྒྱལ་ཁབ་ཀྱི་བླ་སྲོག་ནི་རིག་གནས་ལ་བརྟེན་ནས་ངོམས་པ་དང་། རིག་གནས་ལ་བརྟེན་ནས་བསྐྲུན་དགོས། ཁ་གསལ་གོ་བདེ་དང་སྤྱོད་གོ་ཆོད་པ་ཁོང་དུ་ཆུད་ནས། ཟུང་འབྲེལ་གཉིས་ཀྱི་རྩ་བའི་བླང་བྱ་ལག་བསྟར་ནན་ཏན་བྱས་ཏེ། ལོ་རྒྱུས་ཀྱི་རིག་གནས་རྒྱུན་ཐག་བསྲིངས་ནས་དེང་རབས་ཀྱི་ངོ་མཚར་ལེའུ་བསྐྲུན་གང་ཐུབ་བྱེད་དགོས།
རིག་གནས་ཀྱི་འཚོ་བཅུད་འོག །ང་ཚོ་མདུན་སྐྱོད་ཀྱི་གོམ་པར་སྔར་བས་སྟོབས་ཤུགས་ཉམས་ཀྱིས་ཕྱུག་ཡོད། །