སི་ཁྲོན་ཏ་ཧྲན་མྱུར་བགྲོད་གཞུང་ལམ་ཚད་ཡོད་འགན་འཁྲི་ཀུང་སིའི་བཟོ་ཚོགས་ཨུ་ལྷན(གཤམ་དུ“ཏ་ཧྲན་བཟོ་ཚོགས”ཞེས་བསྡུས་ཡོད།)གཞུང་དོན་ཁང་གི་གྱང་ངོས་སུ“མཐིལ་འདེགས་རོགས་སྐྱོར་གྱིས་དམངས་ཚོགས་ཀྱི་དོན་ལ་གཞོལ་ནས་གྲོང་གསེབ་དར་རྒྱས་ལ་ཞབས་འདེགས་གང་ལེགས་ཞུས”ཞེས་པའི་གཟེངས་དར་ཞིག་བཀལ་ཡོད། དེ་ནི་2024ལོའི་ཟླ་5པར་རྔ་བ་རྫོང་རོང་ཝམ་ཡུལ་ཤོག་མུ་འགུ་སྡེ་པའི“ཨུ་ལྷན་གཉིས”ཀྱིས་བསྐུར་བ་ཡིན་ལ། ཡིག་འབྲུ་དེ་ནི་མུ་འགུ་སྡེ་པའི་སྡེ་མི་རྣམས་ཀྱིས་ཏ་ཧྲའན་བཟོ་ཚོགས་ཀྱི་རོགས་སྐྱོར་ལས་དོན་ལ་གདེང་འཇོག་ལེགས་པོ་གནང་སྟངས་ཤིག་རེད།
ཏ་ཧྲན་བཟོ་ཚོགས་ཀྱིས་རྔ་བ་རྫོང་རོང་ཝམ་ཡུལ་ཤོག་མུ་འགུ་སྡེ་པར་གྲོང་གསེབ་དར་རྒྱས་ཀྱི་རམ་འདེགས་བྱེད་སྒོ་སྤེལ་བ།
རྔ་བ་རྫོང་ནི་སི་ཁྲོན་ཞིང་ཆེན་གྱི་འཕེལ་རྒྱས་འགྲོ་མགྱོགས་དལ་བའི་རྫོང་ཁོངས་39ཡི་གྲས་ཤིག་ཡིན་ཞིང་། མུ་འགུ་སྡེ་པ་ནི་རྔ་བ་རྫོང་གི་ཤར་ལྷོའི་རྒྱུད་དུ་ཆགས་ཡོད་ལ་རྫོང་མཁར་དང་ཐག་རིང་། 2023ལོའི་ཟླ་9པར། ཞིང་ཆེན་ཨུ་ལྷན་དང་ཞིང་ཆེན་སྲིད་གཞུང་གི་འཕེལ་རྒྱས་འགྲོ་མགྱོགས་དལ་བའི་རྫོང་39ཡི་རོགས་སྐྱོར་ལས་དོན་སྐོར་གྱི་བཀོད་སྒྲིག་ལྟར། སི་ཁྲོན་མྱུར་ལམ་ཀུང་སིས་ཁྲོན་ལམ་ཚོགས་པའི་ས་ཁོངས་རོགས་སྐྱོར་རྫོང་སྟེ་རྔ་བ་རྫོང་གི་རོང་ཝམ་ཡུལ་ཚོ་དང་རོགས་སྐྱོར་གྱི་འབྲེལ་ལམ་བཏོད། ཏ་ཧྲན་ཀུང་སིས་རྔ་བ་རྫོང་རོང་ཝམ་ཡུལ་ཚོའི་མུ་འགུ་སྡེ་པར་ཆ་སྒྲིག་རོགས་སྐྱོར་གྱི་འགན་གཙང་ལེན་བྱས། ལོ་ངོ་གཅིག་གི་རིང་ལ་ཏ་ཧྲའན་བཟོ་ཚོགས་ཀྱིས་མཐིལ་འདེགས་རོགས་སྐྱོར་གྱི་ལས་འགན་ལྕི་པོ་ཕྲག་ཏུ་འཁུར་ནས་མི་རིགས་ས་ཁུལ་གྱི་གྲོང་གསེབ་དར་རྒྱས་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པར་སྐུལ་འདེད་བཏང་།
རོགས་སྐྱོར་བྱེད་ཐབས་སྣ་མང་སྤྱད་ནས་རུ་སྡེ་ཆུང་ཆུང་དར་རྒྱས་ཀྱི་རེ་བའི་འོད་སྣང་སྦྱིན།
མུ་འགུ་སྡེ་པའི་ཆ་སྙོམས་ས་བབ་མཐོ་ཚད་སྨི་3000ཟིན་པ་དང་། གནམ་གཤིས་གྲང་ངར་ཆེ་ལ་འགྲིམ་འགྲུལ་སྟབས་བདེ་མིན་པ་དང་འཕྲིན་གཏོང་བརྡ་རྟགས་ཞན་པ། ད་སྐབས་མུ་འགུ་ཆུ་འཐག་རྩམ་པ་ཞེས་ཐོན་ལས་གཅིག་ལས་མེད་པ་དང་དེ་ས་ཁམས་དང་འགྲིམ་འགྲུལ་གྱི་ཆ་རྐྱེན་ཞན་པས་ཕྱིར་ཚོང་བྱེད་དཀའ་བ་རེད།
རོགས་སྐྱོར་ལས་འགན་འབྱོར་བ་ནས་བཟུང་ཏ་ཧྲན་བཟོ་ཚོགས་ཀྱིས་ཐབས་བརྒྱ་ཇུས་སྟོང་གིས་སྡེ་པའི་ཐོན་ལས་འཕེལ་རྒྱས་དང་མང་ཚོགས་ཀྱི་ཡོང་འབབ་འཕར་སྣོན་གྱི་ཆ་རྐྱེན་སྐྲུན། 2024ལོའི་ལྔ་གཅིག་དུས་ཆེན་གྱི་སྔོན་ལ་བཟོ་ཚོགས་ཀྱིས“འཛད་སྤྱོད་རོགས་སྐྱོར”གྱི་བྱ་ཐབས་སྤྱད་དེ། མུ་འགུ་སྡེ་པ་ནས་རྩམ་པ་རྒྱ་མ་5000ལྷག་ཉོས་ནས་ལས་བཟོ་བར་འཚམས་འདྲིའི་ལེགས་སྐྱེས་སྦྱིན།
དཔའ་ཁོ་ནི་རྩམ་པ་འཐག་མཁན་ཞིག་ཡིན་པས། ཁོས་བཤད་རྒྱུར། ད་ཐེངས་རྩམ་པ་ལས་སྣོན་བྱེད་སྐབས་ངེད་བཟའ་ཟླ་གཉིས་ཀས་ཟླ་ཕྱེད་ནང་ཡོང་འབབ་སྒོར་5000ལྷག་རག་ཐུབ། དཔའ་ཁོ་ལ་མཚོན་ན་སྒོ་རྩ་ནས་རྩམ་པ་ཐོན་སྐྱེད་བྱས་ཏེ་ཡོང་འབབ་མི་ཉུང་བ་ཞིག་ལེན་ཐུབ་པ་ནི་དགའ་འོས་པ་ཞིག་རེད།
ད་ཐེངས་ཉོ་སྒྲུབ་བྱས་པར་བརྒྱུད་མུ་འགུ་སྡེ་པའི་ཐུན་མོང་དཔལ་འབྱོར་ལ་ཡོང་འབབ་སྒོར་ཁྲི་8ཐོབ་པ་དང་། སྡེ་མི་རེར་ཆ་སྙོམས་སྒོར་200ཡི་ཁེ་བཟང་བགོ་ཐུབ། གཞན་བཟོ་ཚོགས་ཀྱིས་ད་དུང་མུ་འགུ་སྡེ་པར་རྩམ་པ་དང་ཕྱུར་བ་ཁུག་མ་6000ལྷག་ཉོ་འཆར་བཀོད་པས་སྡེ་པར་ཡོང་འབབ་སྒོར་ཁྲི་4རག་ཐུབ། ཀུང་སིའི་ཟ་ཁང་གིས་ཟླ་རེར་སྒོར་ཁྲི་3ལྷག་གི་ནོར་ཤ་དང་པད་ཁའི་སྣུམ་ཉོས་ནས་མུ་འགུ་སྡེ་པའི་ཁྱད་ལྡན་ཐོན་ལས་དར་རྒྱས་ལ་རེ་བའི་འོད་སྣང་སྦྱིན། སྡེ་མིའི་འབབ་འཕར་གྱི་དངོས་ཡོད་གནད་དོན་ཐག་གཅོད་བྱས།
འཛད་སྤྱོད་རོགས་སྐྱོར་ཕུད། ཏ་ཧྲན་བཟོ་ཚོགས་ཀྱིས་ད་དུང་ལས་ཞུགས་རོགས་སྐྱོར་དང་ཤེས་ལྡན་མི་སྣའི་རོགས་སྐྱོར། ཏང་འཛུགས་སྐྱོང་རོགས་སྐྱོར་སོགས་ཀྱི་རོགས་སྐྱོར་བྱ་ཐབས་ལེགས་པོ་སྤྱད་ནས་མི་རིགས་མཐུན་སྒྲིལ་ཡར་ཐོན་ལས་དོན་སྲ་བརྟན་དང་གཏིང་ཟབ་ཏུ་བཏང་།
སྤུས་རྟགས་བཏོད་དེ་ཀྲུང་ཧྭ་མི་རིགས་ཐུན་མོང་འདུ་ཤེས་ཀྱི་རྩ་བ་ལེགས་པར་བསྐྱེད།
2024ལོའི་ཟླ་7པར། རྩམ་པ་ཉོས་ནས་ཟླ་གཅིག་ལས་འགོར་མེད་མོད། རོགས་སྐྱོར་ལས་དོན་དོན་ལ་གཉེར་བའི་ཏ་ཧྲན་ཀུང་སིའི་ཏང་ཨུའི་ཨུ་ཡོན་དང་ལས་འཛིན། བཟོ་ཚོགས་ཀྱི་ཀྲུའུ་ཞི་ཀྲང་ཞའོ་ཅིང་གིས་རུ་སྣེ་འཁྲིད་དེ་མུ་འགུ་སྡེ་བར་རོགས་སྐྱོར་ལས་དོན་སྤེལ། འགྲོ་རོགས་ལ་ཀུང་སིའི་ཏ་ཀྲོའུ་གྲོང་སྐོར་མྱུར་ལམ་རྣམ་གྲངས“སེམས་མཐུན་ཞབས་ཞུའི་ཚོགས་པའི”ཁོངས་མི་ཡོད།
ཀྲང་ཞའོ་ཅིང་གིས་ངོ་སྤྲོད་བྱས་པ་ལྟར་ན། ང་ཚོས་ཁྲོན་ལམ་ཚོགས་པའི་འཐབ་ཕྱོགས་གཅིག་གྱུར་ལས་དོན་གྱི་བཀོད་སྒྲིག་བླང་བྱ་དོན་འཁྱོལ་བྱས་ནས། ཏ་ཀྲོའུ་གྲོང་ཨུའི་འཐབ་ཕྱོགས་གཅིག་གྱུར་པུའུ་ཡི་མཛུབ་ཁྲིད་འོག །ཏ་ཀྲོའུ་གྲོང་སྐོར་མྱུར་ལམ་རྣམ་གྲངས་ཀྱི་སྣེ་ཁྲིད་དེ་སེམས་མཐུན་ལམ་སྐྲུན་ཞེས་པའིི་འཐབ་ཕྱོགས་གཅིག་གྱུར་སྤུས་རྟགས་བཏོད་དེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཏ་ཧྲན་ཀུང་སིར་རྩ་བ་ཚུགས་པར་སྐུལ་འདེད་གཏོང་བའི་གཞི་རྟེན་གལ་ཆེན་ཞིག་ཏུ་བརྩིས་ཡོད་ཅེས་བཤད། འཐབ་ཕྱོགས་གཅིག་གྱུར་གྱི་སྤུས་རྟགས་ལ་བརྟེན་ནས་ཏ་ཧྲན་བཟོ་ཚོགས་ཀྱིས“འཐབ་ཕྱོགས་གཅིག་གྱུར་དང་མི་རིགས་མཐུན་སྒྲིལ་ཡར་ཐོན”མཉམ་འདྲེས་འཕེལ་རྒྱས་ཀྱི་ལམ་བུ་བཙལ་ནས“སེམས་མཐུན་ཞབས་ཞུའི་ཚོགས་པ”གཞི་རྟེན་བྱས།
མུ་འགུ་སྡེ་པའི་བུ་བཅོལ་ཁང་དུ“སེམས་མཐུན་ཞབས་ཞུ་ཚོགས་པའི”གོན་པ་གྱོན་པའི་ལས་བཟོ་པས་བྱིས་པ་རྣམས་ལ“སེམས་མཐུན་ལམ་སྐྲུན”གྱི་མཚོན་རྟགས་བཀོད་པའི་སློབ་ལྭ་དང་རྩེད་ཆས། སློབ་སྦྱོང་དང་ལུས་རྩལ་མཁོ་ཆས་སྤྲད་ནས། ཁོ་ཚོའི་སློབ་སྦྱོང་དང་འཚོ་བའི་གནས་ཚུལ། སེམས་ཁམས་བཅས་ལ་རྒྱུས་ལོན་ཞིབ་ཕྲ་བྱས་ཏེ། ཁོ་ཚོར་རྒྱལ་ཁབ་ཀྱི་རྐང་འཛིན་དུ་འགྱུར་བའི་སྐུལ་མ་བྱས། སློབ་ལྭ་གསར་པ་གྱོན་པའི་བྱིས་པ་རྣམས་ཀྱི་གདོང་ལ་བདེ་སྐྱིད་ཀྱི་མཛུམ་མདངས་འཕྱུར་བཞིན་བོད་བྲོ་འཁྲབ་ནས་ཐུགས་རྗེ་ཆེ་ཞུས།
“སེམས་མཐུན་ལམ་སྐྲུན”སྤུས་རྟགས་བཏོད་པ་དང“སེམས་མཐུན་ཞབས་ཞུའི་ཚོགས་པའི”ལས་དོན་གྱིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་དེ་ཏ་ཧྲན་ཀུང་སིའི་ཏང་ཡོན་དང་ལས་བྱེད་ལས་བཟོའི་བློ་ལ་ངེས་པར་མ་ཟད། ལེ་དབར་སྟོང་གི་སར་གནས་པའི་མུ་འགུ་སྡེ་བའི་ལས་བྱེད་མང་ཚོགས་རྣམས་ཀྱི་འབྲས་བུ་སྨིན་པར་བྱས།
ཀྲི་པུའུ་ཡིས་ཆ་སྒྲིག་མཉམ་སྐྲུན་བྱས་ཏེ་ཏང་འཛུགས་སྐྱོང་ལ་བརྟེན་ནས་མི་རིགས་ས་ཁུལ་འཕེལ་རྒྱས་ཀྱི་ནང་གནས་སྒུལ་ཤུགས་འཕེལ་བ་བྱས།
རོགས་སྐྱོར་གྱི་ལས་ཀ་དེ་མིག་མདུན་ཁོ་ནར་ལྟ་མི་རུང་། ཇི་ལྟར་བྱས་ཏེ་མུ་འགུ་སྡེ་པའི་ཡུན་རིང་རྒྱུན་མཐུད་ཀྱི་འཕེལ་རྒྱས་མངོན་འགྱུར་བྱ་དགོས་ཞེ་ན། ཏ་ཧྲན་བཟོ་ཚོགས་ཀྱིས་ཏང་འཛུགས་སྣེ་ཁྲིད་ཀྱི་འགག་རྩ་དམ་འཛིན་གྱིས་འཕེལ་རྒྱས་ཀྱི་ནང་གནས་སྒུལ་ཤུགས་ཆེ་རུ་བཏང་སྟེ། དབུལ་གྲོལ་འགག་སྒྲོལ་གྱི་གྲུབ་འབྲས་རྒྱུན་མཐུད་ངང་སྲ་བརྟན་དུ་བཏང་བ་རེད།
ཟླ་7པའི་མུ་འགུ་སྡེ་པར་གྲང་རླུང་ལྡང་མུས་རེད། མུ་འགུ་སྡེ་པའི་ཏང་ཡོན་བྱེད་སྒོ་ལྟེ་གནས་ཀྱི་ཐབ་ཀའི་འགྲམ་དུ་ཏ་ཧྲའན་བཟོ་ཚོགས་རོགས་སྐྱོར་ཚོ་ཆུང་དང་སྡེ་པའི“ཨུ་ལྷན་གཉིས”ཀྱི་ལས་བྱེད་པ་མཉམ་དུ་འཛོམས་ནས། ཏང་འཛུགས་སྐྱོང་ལ་བརྟེན་ནས་འཕེལ་རྒྱས་ལ་སྣེ་ཁྲིད་བྱ་རྒྱུའི་སྐོར་གྱི་བཞུགས་མོལ་ཚོགས་འདུ་ཞིག་འཚོགས་པ་དང་ཐུན་མོང་ཐོག་མུ་འགུ་སྡེ་པའི་འབྱུང་འགྱུར་འཕེལ་རྒྱས་ལ་གྲོས་ཞིབ་བྱས།
མུ་འགུ་སྡེ་པའི་འཕེལ་རྒྱས་ཀྱི་གནས་ཚུལ་དང་དངོས་ཡོད་དཀའ་ངལ་ལ་རྒྱུས་ལོན་ཞིབ་ཕྲ་བྱས་རྗེས། རོགས་སྐྱོར་ཚོ་ཆུང་གིས་སྡེ་བའི“ཨུ་ལྷན་གཉིས”ཀྱི་ལས་བྱེད་པར་ཏ་ཀྲོའུ་ཡི་གྲོང་སྐོར་མྱུར་ལམ་དང་ཏང་ཀྲི་པུའུ་ཡིས་མཉམ་དུ་བཏོད་པའི“ལས་གནས་ལྔ་གཅིག་སྒྲིལ”གྱི་ལམ་སྲོལ་གསར་པས“ཟུར་བཞི་ཚད་ལྔའི”ཏང་འཛུགས་སྐྱོང་ལས་དོན་གྱི་རྣམ་པ་གསར་པ་གཏོད་རོགས་བྱས་པའི་ཉམས་མྱོང་མཉམ་སྤྱོད་བྱས་ཏེ། སྡེ་པའི་ཐུན་མོང་ཐོན་ལས་འཕེལ་ཕྱོགས་ལ་གྲོས་བསྡུར་བྱས།
གཞི་རིམ་ཏང་འཛུགས་སྐྱོང་དང་འཐབ་ཕྱོགས་གཅིག་གྱུར། གྲོང་གསེབ་དར་རྒྱས། མི་རིགས་མཐུན་སྒྲིལ་མཉམ་འདྲེས་འཕེལ་རྒྱས་ལ་སྐུལ་འདེད་གཏང་ཆེད། ཏ་ཧྲན་བཟོ་ཚོགས་ཀྱིས་ད་དུང་ཀྲི་པུའུ་གཉིས་བར་ཏང་འཛུགས་སྐྱོང་དང་ཆ་སྒྲིག་མཉམ་སྐྲུན་གྱི་འབྲེལ་བ་འཛུགས་པར་སྐུལ་འདེད་བཏང་། ཐེངས་འདིའི་བཞུགས་མོལ་ཚོགས་འདུའི་གོ་སྐབས་དམ་འཛིན་བྱས་ཏེ་སྒོ་བྱང་བཀལ་བའི་མཛད་སྒོ་སྤེལ།
ཏ་ཧྲན་བཟོ་ཚོགས་ཀྱི་རོགས་རམ་འོག“མུ་འགུའི་ཆུ་འཐག་རྩམ་པའི”ཚོང་རྟགས་ཐོ་འགོད་ལས་དོན་དེ་ཉིན་རེའི་ལས་དོན་གཙོ་བོར་བརྩིས་ནས། མ་འོངས་པར་ཆ་སྒྲིག་མཉམ་སྐྲུན་ལ་བརྟེན་ནས་ཏ་ཧྲའན་ཏང་འཛུགས་ཉམས་མྱོང་མུ་འགུ་སྡེ་པར་ཁྱབ་གདལ་བྱས་ཏེ་རུ་སྡེ་ཆུང་ཆུང་དེར་འཕེལ་རྒྱས་ཀྱི་གསོན་ཤུགས་འཕེལ་བར་བྱས།
ཀྲང་ཞའོ་ཅིང་གིས་བསྟན་དོན། རྗེས་ཕྱོགས་ང་ཚོས་མི་རིགས་ས་ཁུལ་རོགས་སྐྱོར་ཀྱི་ལས་ལ་གཞོལ་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ལེགས་པོ་བསྐྱེད་པ་དང་མི་རིགས་མཐུན་སྒྲིལ་ཡར་ཐོན། མི་རིགས་ས་ཁུལ་གྱི་གྲོང་གསེབ་དར་རྒྱས་བཅས་ལ་སྐུལ་འདེད་གཏོང་བར་ལེགས་སྐྱེས་གསར་པ་ཕུལ་ངེས་ཡིན་ཞེས་ཟེར། །