རྔ་བ་རྫོང་མཚན་ཉིད་གྲོང་རྡལ་དུ་མཛེས་སྡུག་དང་འབྱོར་ཕྱུག་གིས་བརྟས་པའི་ཡུལ་གྲུ་ཞིག་ཡོད་ལ། ཡུལ་གྲུ་དེའི་མིང་ལ་གསེར་མཛོད་སྡེ་པ་ཞེས་འབོད་བཞིན་ཡོད། གནས་དེ་གར་ཁྱད་ལྡན་ཁམ་སའི་གྱང་ཁང་དང་མཛེས་སྡུག་ལྡན་པའི་རང་བྱུང་ཡུལ་ལྗོངས། ཐུན་མིན་ཕུན་སུམ་ཚོགས་པའི་མི་རིགས་རིག་གནས་མངའ་བས་ཕྱི་སྣོད་ཀྱི་བཀོད་པ་ཕུན་སུམ་ཚོགས་ཤིང་ནང་བཅུད་ཀྱི་སེམས་ཅན་དཔལ་གྱིས་ཕྱུག །ངོ་མཚར་ཆེ་བའི་གནས་མཆོག་དེ་ནི་གནས་སྐོར་བས་ཡིད་སྨོན་བྱེད་པའི་མི་ཡུལ་གྱི་དག་ཞིང་སྟེེ"ཀྲུང་གོའི་ཆེས་མཛེས་པའི་གནས་མཆོག་དང་མི་ཡུལ་གྱི་དག་ཞིང་"ཞེས་བསྔགས་བཞིན་ཡོད། རྩྭ་ཐང་། ནགས་ཚལ་དང་གཙང་པོ། ནས་ཞིང་བཅས་གཞི་གཅིག་ཏུ་འདུས་པའི་ཡིད་འོང་གི་གནས་མཆོག་ཅིག་རེད། ཁྲུང་ཁྲུང་སྐེ་ནག་་དང།ཤྭ་བ། གཙོད། གསའ་སོགས་སྲོག་ཆགས་སྣ་ཚོགས་དང་སྡོད་དམངས་འཆམ་མཐུན་ངང་འཚོ་གནས་བྱས་ཡོད། སྤྲིན་གྱི་རྒྱ་མཚོ་འཁྱིལ་ཞིང་སྟོན་གྱི་བསིལ་རླུང་ཁྲོད་དུ་ནས་ཞིང་གི་སྒེག་ཉམས་ཡོད་ཚད་མིག་གི་ལོངས་སྤྱོད་དང་སེམས་ཀྱི་མགུ་སར་འགྱུར་ངེས། གདོད་མའི་ནགས་ཚལ་དུ་རྐང་ཐང་དུ་འཁྱམ་པ་དང་བག་ཡངས་སུ་རྒྱུའང་ཆོག །སུ་ཞིག་གིས་ཚོན་གྱི་བུམ་པ་ས་ལ་འཕོས་ནས་ས་ཆེན་གྱི་ཁུག་སོ་འདིར་རང་བྱུང་གི་རི་མོ་བྲིས་པ་དང་གཉིས་སུ་མ་མཆིས། །
