ཕུར་བུ་ཚེ་རིང་གི་རི་མོ་བརྩམས་ཆོས་བདམས་བཀོད།

  ཕུར་བུ་ཚེ་རིང་ངམ་Purev newནི་བོད་ལྗོངས་ཉིང་ཁྲི་བ་ཡིན་ཞིང་། 2014ལོ་ནས་བཟུང་རི་མོ་དང་ཇུས་འགོད་སློབ་སྦྱོང་བྱས་ཏེ། བོད་རང་ཡུལ་གྱི་རིག་གནས་ཁྱད་ཆོས་ལྡན་པའི་གློག་རྡུལ་རི་མོའི་བརྩམས་ཆོས་གསར་རྩོམ་བྱས་པ་དང་། བརྩམས་ཆོས་མང་ཆེ་བ་བོད་རིགས་བུད་མེད་བརྗོད་བྱར་བྱས་ཏེ། རི་མོའི་རྣམ་པའི་ཐོག་ནས་བོད་རིགས་བུད་མེད་ཀྱི་གདེང་ཚོད་དང་། གྲུང་ཤ་དོད་པོ། སྒེག་ཉམས་སོགས་མཛེས་སྡུག་ལྡན་པའི་ཁྱད་ཆོས་མངོན་པར་བྱས་ཡོད། དེའི་བརྩམས་ཆོས་ལ་ཡིད་སྨོན་ཞེས་པ་དང་བོད་རིགས་མི་སྣ་ཞེས་པའི་མུ་འབྲེལ་བརྩམས་ཆོས་རིགས་གཉིས་སུ་དབྱེ་ཡོད།

2019ལོར། ཕུར་བུ་ཚེ་རིང་གིས་ཁ་ན་ཏ་རུ་ཐོག་མར་ཡུལ་དངོས་སུ་བརྩམས་ཆོས་འགྲེམས་སྟོན་བྱས། 2020ལོའི་ཟླ་4པར། ཧྲང་ཧའེ་ཡི《3650M》ཞེས་པའི་བོད་ཀྱི་རིག་གནས་སྒྱུ་རྩལ་ཚོགས་པའི་འགྲེམས་སྟོན་ནང་ཞུགས། 2021ལོའི་ཟླ་དང་པོར་མཐོ་རྒོལ་སྟེགས་བུའི་མཐོ་རྒོལ་གྱི་མཐོང་ལམ་ཞེས་པའི་དྲ་ཐོག་འགྲེམས་སྟོན་ནང་ཞུགས། 2021ལོའི་ཟླ་10པར། མངར་ཇ་སྒྱུ་རྩལ་དུས་ཆེན་གྱི་གངས་ཐིག་ཐོག་གི་བོད་ཀྱི་གཞོན་ནུ་གསར་རྩོམ་པའི་མཉམ་འབྲེལ་འགྲེམས་སྟོན་སོགས་སུ་ཞུགས་པ་རེད། །