རི་ཆུ་བརྒལ་བའི་བོད་སྐྱོར་གཏམ་རྒྱུད་རིང་མོ།

“ང་ཚོས་སྤྲོ་སེམས་འཁོལ་པོ་དང་བློ་བརྟན་འགྱུར་མེད་ཀྱི་དད་སེམས་ལ་བརྟེན་ནས། བོད་སྐྱོར་གཏམ་རྒྱུད་དང་མི་རིགས་མཐུན་སྒྲིལ་གྱི་གཏམ་རྒྱུད་ཡག་པོ་བཤད་ནས། མི་རིགས་མཐུན་སྒྲིལ་གྱི་མེ་ཏོག་གངས་ཅན་མཐོ་སྒང་གི་ས་གཞི་ཀུན་ལ་བཞད་དུ་འཇུག་རྒྱུ་ཡིན།”

སྤྱི་ཟླ་2པའི་ཚེས་20ཉིན་གྱི་དགོང་མོའི་ཆུ་ཚོད་བརྒྱད་ཐོག །སི་ཁྲོན་ཞིང་ཆེན་གྱི་ཞིང་ཆེན་ནང་ཁུལ་གྱི་ཁ་གཏད་རོགས་སྐྱོར་གྲོང་ཁྱེར་དགུ་ནས་ཡོང་བའི་བོད་སྐྱོར་ལས་བྱེད་པའི་འཐུས་མི་14ཡིས་རང་ཉིད་ཀྱི་བོད་སྐྱོར་གཏམ་རྒྱུད་ཁྱེར་ནས། སི་ཁྲོན་ཞིང་ཆེན་གྱི་བོད་འབྲེལ་རྫོང་དང་གྲོང་ཁྱེར་32ལ་བསྐྱོད་ནས། བརྩེ་དུང་དང་དྲོ་སྐྱིད་ཀྱི་གཏམ་རྒྱུད་ཡངས་ཤིང་རྒྱ་ཆེ་བའི་སི་ཁྲོན་ནུབ་རྒྱུད་ས་མཐོར་རྒྱུན་ཆད་མེད་པར་རྒྱུན་མཐུད་ནས་རྒྱུན་འཁྱོངས་ཐུབ་རྒྱུའི་དམ་བཅའ་གཟབ་རྒྱས་གནང་བ་རེད།

སི་ཁྲོན་ཞིང་ཆེན་ཏང་ཨུའི་བོད་འབྲེལ་གཞུང་ལས་ཁང་གིས་ཞིང་ཆེན་ཏང་ཨུའི་རྩ་འཛུགས་པུའུ་དང་། ཞིང་ཆེན་ཏང་ཨུའི་དྲིལ་བསྒྲགས་པུའུ། ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་བཅས་དང་མཉམ་འབྲེལ་ཐོག་གཙོ་གཉེར་བྱས་པའི་བྱེད་སྒོ་དེ་ནི་སི་ཁྲོན་ཞིང་ཆེན་གྱིས་བོད་སྐྱོར་བྱས་པའི་ལོ་13རིང་གི་གྲུབ་འབྲས་འགྲེམས་སྟོན་བྱས་པ་ཞིག་ཡིན་པར་མ་ཟད། ས་ཁམས་དང་སེམས་ཀྱི་བར་ཐག་ལས་བརྒལ་བའི་བསམ་པའི་འབྲེལ་མཐུད་ཅིག་ཀྱང་རེད།

སྔ་གཞུག་ཏུ་ཉིན་25ལ་ལམ་ཐག་སྤྱི་ལེ་ཁྲི་ལྷག་ལ་བསྐྱོད་དེ། དྲིལ་བསྒྲགས་འཐུས་མི་14བོད་འབྲེལ་རྫོང་དང་གྲོང་ཁྱེར་32ལ་ཁག་བགོས་ནས་ཟབ་ཞུགས་ཀྱིས་ཉམས་མྱོང་ངོ་མ་ལ་བརྟེན་ནས་ཀུན་ལ་བག་ཆགས་ཟབ་མོ་བཞག

བོད་སྐད་རང་སྦྱོང་བྱེད་མཁན་དབྱང་ཧྥེ་ཁྲོ་ཆུ་རྫོང་ཀྲི་མུའུ་ལིན་གྲོང་རྡལ་དུ་བསྐྱོད་དེ། ས་གནས་དེ་གའི་ཨ་མ་རྒན་མོ་ཞིག་དང་མཛའ་བརྩེ་ཟབ་མོ་བཙུགས་པར་མ་ཟད། རང་ཉིད་ཀྱིས་ཤེས་བྱར་བརྟེན་ནས་ས་གནས་དེ་གའི་ཁྱད་ཆོས་ལྡན་པའི་ཞིང་འབྲོག་སྤུས་རྟགས་གཏོད་རྒྱུར་རོགས་རམ་བྱེད་ཀྱི་ཡོད། “ཧྲུའུ་ཅི་དབྱང་ལགས། ཁྱེད་ཚོའི་བོད་སྐྱོར་རུ་ཁག་གི་ལས་བྱེད་པ་ནི་མོ་ལ་ཧ(ས་གནས་དེ་གའི་རི་སྐྱེས་ཤ་མོང་ཞིག་གི་མིང་)དང་འདྲ་བར་ཆར་དུས་སུ་སྐྱེ་བཞིན་ཡོད། དེ་ནི་ས་གནས་དེ་གའི་མང་ཚོགས་ཀྱིས་ཁོང་གི་ལས་དོན་ལ་བསྟོད་བསྔགས་བྱས་པ་རེད།

མ་ཞའོ་ལིང་གིས་ལས་གྲོགས་ཚོས་ས་མཐོའི་སྟེང་དུ་བརྟན་སྲུང་བྱས་པའི་གཏམ་རྒྱུད་བཤད་ཐེངས་རེར་རྟག་ཏུ་མིག་ཆུ་བཞུར་བཞིན་ཡོད། “སྤྱི་ཁྱབ་ཁྲིམས་རྩོད་ཁང་གིས་དབྱང་ཐེན་ཧྥུ་སོགས་ཁྲིམས་རྩོད་པ་འགའ་ཞིག་སེལ་ཤུལ་རྫོང་དུ་མངགས། དགོང་མོ་སེལ་ཤུལ་རྫོང་ཡོངས་ལ་གློག་ཆད་པས་སྡོད་སའི་མགྲོན་ཁང་གི་དབྱང་བཟོའི་སྒྲིག་ཆས་བེད་སྤྱོད་བྱེད་ཐབས་བྲལ་བས། ཉིན་གཉིས་པའི་ཞོགས་པར་ཁྲིམས་རྩོད་པ་དབྱང་ཐེན་ཧྥུ་ཡུན་རིང་ལ་ཡར་ལངས་རྒྱུ་མི་འདུག །མཐར་ཛ་དྲག་ངང་མཚོ་སྔོན་ཡུས་ཧྲུའུ་ཁུལ་སྨན་ཁང་དུ་བསྐྱལ་ནས་མྱུར་སྐྱོབ་བྱས་རྗེས་གཞི་ནས་སད་བྱུང་”ཟེར།

ཏེ་དབྱང་ནས་ཡོང་བའི་སྨན་པ་ཧྥན་ཐེན་ཡུང་བོད་སྐྱོར་ལམ་དུ་རང་སྲོག་བློས་བཏང་རྗེས། ཏེ་དབྱང་གྲོང་ཁྱེར་གྱི་སྨན་བཅོས་སྒྲིག་གཞི་41གིས་མཉམ་འབྲེལ་གྱིས་ཧྥན་ཐེན་ཡུང་བོད་རོགས་སྐྱོར་སྨན་བཅོས་རུ་ཁག་བཙུགས་པ་དང་། སྨན་དོན་ལས་དོན་པ་ཚོས་ཁོང་གི་རྐང་རྗེས་བསྙེགས་ནས། དུས་བཅད་ལྟར་བོད་འབྲེལ་ས་ཁུལ་དུ་སྐོར་སྐྱོད་སྨན་བཅོས་བྱེད་ཀྱི་ཡོད།“ཏེ་དབྱང་ནས་མཛོད་དགེ་བར་གྱི་ལམ་ལ་དུས་བཞི་ལ་མཛེས་སྡུག་མི་འདྲ་བ་ཡོད་མོད། འོན་ཀྱང་ཉེན་ཁ་ཡང་མི་འདྲ་བ་ཡོད། ལམ་བུ་འདིར་ཧྥན་ཐེན་ཡུང་བོད་སྐྱོར་སྨན་བཅོས་རུ་ཁག་ལོ་བཅུ་སོང་ནས། མི་རིགས་དང་རི་ཆུ་ལས་བརྒལ་བའི་བརྩེ་དུང་གི་ལེགས་སྐྱེས་ཤིག་ས་གཞི་འདིའི་སྟེང་དུ་ས་བོན་བཏབས་ནས་མྱུ་གུ་འབུས་སུ་བཅུག་ཡོད་ཅེས་ཕེང་ཞའོ་མེང་གིས་ལོ་བཅུའི་རིང་ཧྥན་ཐེན་ཡུང་གི་བོད་སྐྱོར་སྨན་བཅོས་རུ་ཁག་གིས་རྔ་བ་ཁུལ་གྱི་ས་གནས་ཁག་ཏུ་བོད་སྐྱོར་བྱེད་པའི་མི་སེམས་འགུག་པའི་བྱ་སྤྱོད་གླེང་།

ཝང་ཡན་གྱིས་ཁྱིམ་ཚང་གང་པོ་ཁྲིད་ནས་བོད་སྐྱོར་བྱེད་པའི་གཏམ་རྒྱུད་མཉམ་སྤྱོད་བྱེད་སྐབས།“ཕྲུ་གུས་བསམ་ཤེས་མེད་པ་ནས་ང་རྒྱལ་སྐྱེས་པ་ནི་ང་ཚོའི་དགའ་སྤྲོ་ཆེ་ཤོས་ཡིན”ཞེས་བཤད། དབྱི་པིན་གྱིས་ཉག་ཆུ་རྫོང་ལ་རོགས་སྐྱོར་བྱེད་མཁན་མུའུ་པང་ཆིན་གྱིས་མཐར་ཉག་ཆུར་བསྡད་ནས་ལས་ཀ་བྱ་རྒྱུའི་རེ་ཞུ་བྱས་པ་དང་། མོས“རང་ཉིད་ས་ཆ་དེ་ལ་ཤིན་ཏུ་དུང་བའི་རྐྱེན་གྱིས་ཡིན”ཞེས་བཤད། ཁྲེང་ཏུའུ་ཡི་ལི་ཧུའེ་ཡིས་སྡེ་རོང་རྫོང་གི་ཡ་རབས་སྤྱོད་བཟང་གི་ཕྲུ་གུ་རྣམས་ཀྱིས་སྐྱིད་སྣང་སྤྲད་བྱུང་ཟེར་བ་དང་། ནན་ཁྲུང་ནས་ཡོང་བའི་ལི་ཞ་ཡིས་བོད་རོགས་སྐྱོར་ལས་བྱེད་པ་ཝང་ཧོ་དབྱིས་ཝུན་ཁྲོན་དུ་དྲང་བདེན་ཆད་དུ་དཔའ་ངར་བསྐྱེད་པའི་སེམས་འགུལ་ཐེབས་པའི་གཏམ་རྒྱུད་བཤད།

སྒྲོག་འགྲེལ་རེ་རེ་ཡིས་མིག་ཆུ་བཞུར་དུ་བཅུག །གང་སར་ཉན་མཁན་གྱི་མིག་ཟུར་གྱི་མིག་ཆུ་དང་འབྲུག་སྒྲ་ལྟ་བུའི་ཐལ་མོ་རྡེབ་པ་དེ་བོད་སྐྱོར་སྙིང་སྟོབས་ལ་གུས་འདུད་ཞུས་པ་ཡིན། སྐོར་སྐྱོད་སྒྲོག་འགྲེལ་བྱེད་སྒོ་དེའང་གཏམ་རྒྱུད་བཤད་པའི་གསོན་ཉམས་ལྡན་པའི་རྣམ་པ་བརྒྱུད། སི་ཁྲོན་ཞིང་ཆེན་གྱི་ལོ་13རིང་བོད་སྐྱོར་བྱས་པའི་ཉམས་མྱོང་ཉིང་བསྡུས་བྱས་ཏེ། ཕུལ་བྱུང་ལས་བྱེད་པ་དང་ཤེས་ལྡན་མི་སྣས་དཀའ་ཚེགས་ཆེ་བའི་ས་ཁུལ་དུ་གསོ་སྐྱོང་དང་། དཀའ་ཚེགས་ཆེ་བའི་ས་ཁུལ་དུ་འཚར་ལོངས་ཡོང་བ། དཀའ་ཚེགས་ཆེ་བའི་ས་ཁུལ་ནས་གདམ་གསེས་བཅས་བྱེད་པའི་ཡང་དག་པའི་ཁྲིད་སྟོན་བཙུགས་ཡོད།

བོད་ལ་རོགས་སྐྱོར་བྱེད་པའི་གཏམ་རྒྱུད་ཀྱི་རྒྱབ་ཏུ་སི་ཁྲོན་གྱི་ཁ་གཏད་རོགས་སྐྱོར་ནི་ཁྲག་རྒྱག་པ་ནས་ཁྲག་བསྐྱེད་པའི་ཕྱོགས་སུ་བསྒྱུར་བ་དེ་ཡིན།

ལུའུ་ཀྲོའུ་གྲོང་ཁྱེར་གྱི་ཀྲང་ཝུན་ཕིང་གིས་ཧུང་ཡོན་རྫོང་གི་དེང་རབས་ཅན་གྱི་འབྲོག་ལས་ལ་སྐུལ་འདེད་བཏང་སྟེ། ས་གནས་དེ་གའི་འབྲོག་པའི་ཡོང་འབབ་འཕར་སྣོན་ལ་རོགས་རམ་བྱས། མེ་ཧྲན་གྱི་ཞུས་ཅུན་གྱིས་རིག་གནས་དང་ཡུལ་སྐོར་མཉམ་འདྲེས་བྱས་པ་བརྒྱུད་ཁྱད་ཆོས་ལྡན་པའི་ཐོན་ལས་བཏོད། ཕན་ཀྲི་ཧྭ་ཡི་ལས་བྱེད་པ་ཉིང་ཞིའུ་རུང་གིས་མུ་ལི་རྫོང་གི་ཞིང་འབྲོག་པའི་རྩལ་ནུས་གསོ་སྦྱོང་ལ་སྐུལ་འདེད་བཏང་ནས་རོགས་སྐྱོར་མ་དངུལ་བརྩོན་ལེན་བྱས་ཏེ་དཀའ་གནད་ཐག་གཅོད་བྱས། ལུའུ་ཀྲོའུ་གྲོང་ཁྱེར་གྱི་ཞ་ཧྲི་ཝུའུ་ཡིས་ལུའུ་ཀྲོའུ་ཡིས་སྔ་རྗེས་སུ་ཕྱག་ཕྲེང་རྫོང་དུ་སློབ་གསོའི་རོགས་སྐྱོར་མ་དངུལ་སྒོར་བྱེ་བ་ལྷག་བཏང་ནས“སློབ་གསོའི་དབུལ་སྐྱོར་ཆེད་དོན་ཐེབས་རྩ”དང་“སློབ་གསོའི་མ་ལག་གི་ཆེད་ལས་ཤེས་ལྡན་མི་སྣ་གསོ་སྦྱོང་གསོ་སྐྱོང་”སོགས་རྣམ་གྲངས་མང་པོ་ལག་བསྟར་བྱས། ཁྲེང་ཏུའུ་ཅིན་ཉིའུ་ཆུས་ཀྱི་སྨན་པ་ཡོན་ལི་ཡིས་ཕྱོགས་མང་པོའི་མཐུན་སྦྱོར་འོག །སེར་ཤུལ་རྫོང་ལ་རྒྱང་རིང་སྨན་བཅོས་མ་ལག་བཀོད་སྒྲིག་བྱས་ནས། རྫོང་ཡོངས་ཀྱི་ལས་བྱེད་པ་དང་མང་ཚོགས་ཀྱིས་རྫོང་ཐོག་ནས་སྤུས་ལེགས་ཀྱི་སྨན་བཅོས་ཐོན་ཁུངས་ལོངས་སུ་སྤྱོད་ཐུབ་ཏུ་བཅུག་ཡོད།

ཤེས་རྟོགས་བྱུང་བར་གཞིགས་ན། 2012ལོར་སི་ཁྲོན་ཞིང་ཆེན་གྱིས་ཞིང་ཆེན་ནང་ཁུལ་གྱི་ཁ་གཏད་རོགས་སྐྱོར་རེས་སྐོར་གསར་པ་སྤེལ་འགོ་ཚུགས་པ་ནས་བཟུང་། ཞིང་ཆེན་ནང་ཁུལ་གྱི་གྲོང་ཁྱེར་9ཡིས་བོད་འབྲེལ་རྫོང་32ལ་ཁ་གཏད་རོགས་སྐྱོར་ཡོངས་སུ་ཁྱབ་ཡོད་པ་རེད། རོགས་སྐྱོར་ཕྱོགས་ཀྱིས་རིམ་རྩིས་ཐོག་ནོར་སྲིད་རོགས་སྐྱོར་མ་དངུལ་སྒོར་དུང་ཕྱུར་91.63བཏང་བ་དང་། བོད་རོགས་སྐྱོར་རྣམ་གྲངས་5383ལག་བསྟར་བྱས་པ་དང་། བོད་རོགས་སྐྱོར་མ་དངུལ་100%དོན་འཁྱོལ་བྱས་ནས། བོད་རོགས་སྐྱོར་རྣམ་གྲངས་100%འགོ་ཚུགས་པ་རེད། སྡེ་ཁག་དང་སྡེ་ཚན་720དང་། ཞང་དང་གྲོང་རྡལ་སྲང་ལམ་335། སློབ་གྲྭ་740། སྨན་བཅོས་སྒྲིག་གཞི་249། སྤྱི་ཚོགས་རྩ་འཛུགས་90། ཁེ་ལས་953བཅས་ཀྱིས་རོགས་སྐྱོར་བྱ་ཡུལ་དང་ཆ་སྒྲིག་བྱས་ཏེ། མི་འགྲོ་འདུག་དང་ཟོང་འདྲེན། ཆ་འཕྲིན་འཁོར་རྒྱུག་བཅས་འབྲེལ་མཐུད་བྱས་ཡོད། ཐོན་ལས་བོད་སྐྱོར་ལག་བསྟར་བྱས་ནས་བོད་འབྲེལ་ཁུལ་དང་རྫོང་གི་ཐོན་སྐྱེད་འཕེལ་རྒྱས་དང་། འཚོ་བ་ཕྱུག་འགྱུར། སྐྱེ་ཁམས་བཟང་པོ་བཅས་ཡོང་བར་རོགས་རམ་བྱས་པ་རེད། ལས་ཞུགས་བོད་སྐྱོར་ལག་བསྟར་བྱས་ནས་ལས་ཞུགས་བསྡུར་ཚད་རྒྱུན་ཆད་མེད་པར་མཐོ་རུ་ཕྱིན་པ་དང་། ལས་ཞུགས་འདུ་ཤེས་རྒྱུན་ཆད་མེད་པར་འགྱུར་བ་བྱུང་ལ། ལས་ཞུགས་ཐབས་ལམ་རྒྱུན་ཆད་མེད་པར་རྒྱ་སྐྱེད་བཅས་བྱས་ཡོད། གྲོང་ཁྱེར་དང་གྲོང་གསེབ་མཉམ་འདྲེས་དང་གྲོང་གསེབ་དར་རྒྱས་ཡོང་བར་རོགས་རམ་བྱས་ཏེ། ཞིང་འབྲོག་པའི་མང་ཚོགས་ལ་དམངས་ཕན་གློག་བསྐྱལ་བ་དང་། ཕྱུག་འགྱུར་ལམ་བུ་བསྐྲུན་པ། བདེ་སྡོད་ཁང་པ་འགན་སྲུང་བྱེད་པ། བདེ་སྐྱིད་དྲ་རྒྱ་སྒོ་འབྱེད་བཅས་བྱས་ཏེ། ཐོན་ཁུངས་ས་ཁོངས་རྒྱ་ཆེ་རུ་སྡེབ་སྒྲིག་བྱས་ནས། རོགས་སྐྱོར་མ་ལག་ལ་ཤུགས་བསྣན་ནས་ཕན་ནུས་ཁྱོན་ཡོངས་ནས་མཐོ་རུ་བཏང་ཡོད།

རོགས་སྐྱོར་དེ་དག་གིས་འཕེལ་རྒྱས་ཀྱི་མི་འདང་ས་ཁ་གསབ་བྱས་པར་མ་ཟད། གནད་འཁེལ་དང་། ཡུན་ཕན། མཉམ་འདྲེས་བཅས་ཀྱི་འཕེལ་རྒྱས་རྣམ་པ་གསར་པ་འཚོལ་ཞིབ་བྱས་པ་དང་། ལྷག་པར་དུ་དབུལ་གྲོལ་འགག་སྒྲོལ་གྱི་འཐབ་འཛིང་ཁྲོད། བོད་འབྲེལ་རྫོང་32ཚང་མའི་དབུལ་ཞྭ་ཕུད་པ་དང་། གྲོང་ཚོ་དབུལ་པོ་2063ཚང་མ་དབུལ་ཐར་བྱུང་བ། མི་འབོར་དབུལ་པོ་ཁྲི་36ཚང་མ་དབུལ་བྲལ་བཅས་བྱས་ཏེ། ས་མཐོའི་ས་ཁོངས་རང་བཞིན་གྱི་སྤྱི་ཡོངས་ཀྱི་དབུལ་ཕོངས་ཐག་གཅོད་ཐུབ་ནས། དབུལ་ཕོངས་གཏན་ནས་མེད་པ་བཟོ་བའི་དཀའ་ཚེགས་ཆེ་བའི་ལས་འགན་ལེགས་གྲུབ་བྱུང་བ་རེད།

ལོ་13རིང་བོད་སྐྱོར་ལས་བྱེད་པ་5900ལྷག་གིས་ཞབས་རྗེས་ཡིས་དུས་རབས་གསར་པའི་བསམ་པའི་མཐོ་ཚད་མཚོན་པར་བྱས་ཡོད།

སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ལྗོངས་ནས་བོད་སྐྱོར་ལས་བྱེད་པའི་འཐུས་མི་དང་མཇལ་འཛོམས་གནང་སྐབས། བོད་སྐྱོར་སྙིང་སྟོབས་ནི་ཀྲུང་གོའི་གུང་ཁྲན་ཏང་གི་བླ་ན་མེད་པའི་སྙིང་སྟོབས་ཤིག་ཡིན་ཞེས་བསྟན་ཡོད། དེ་ནི་ཁ་གཏད་བོད་སྐྱོར་བྱ་གཞག་ལ་བསྔགས་བརྗོད་གང་ལེགས་བྱས་པ་ཞིག་ཡིན་ལ། རྒྱ་ཆེའི་བོད་སྐྱོར་ལས་བྱེད་པ་དང་ཤེས་ལྡན་མི་སྣར་གདེང་འཇོག་ཆེན་པོ་བྱས་པ་ཡང་རེད།

“ཁྱིམ་ཚང་གང་པོས་བོད་སྐྱོར་ལས་ལ་ཞུགས་པ་ནས་ཞིང་ཆེན་བརྒལ་ནས་རོགས་སྐྱོར་བྱས་པའི་བར་སྒེར་གྱི་གདམ་གསེས་དེ་རྒྱལ་ཁབ་ཀྱི་འཐབ་ཇུས་དང་གཞི་གཅིག་ཆགས་པ་དང་། བོད་སྐྱོར་ལས་བྱེད་པ་དང་ས་གནས་དེ་གའི་མང་ཚོགས་གཉིས་ཀྱིས་རོགས་པ་སྒྲིག་པར་བརྒྱུད། བོད་སྐྱོར་ལས་དོན་དེ་བརྩེ་དུང་གི་འབྲེལ་ཐག་ཏུ་གྱུར། སི་ཁྲོན་ཞིང་ཆེན་གྱིས་སྔ་རྗེས་སུ་ཁག་བདུན་གྱི་བོད་སྐྱོར་ལས་བྱེད་པ་དང་ཤེས་ལྡན་མི་སྣ་5900ལྷག་བདམས་ནས་བཏང་བ་རེད།

སྤྱི་ཟླ་3པའི་ཚེས་6ཉིན། སྔ་གཞུག་ཏུ་ཉིན་30ལྷག་རིང་གི་གཏམ་རྒྱུད་རྒྱུན་མཐུད་དེ་ལེགས་གྲུབ་བྱུང་མོད། འོན་ཀྱང་བོད་སྐྱོར་བྱ་གཞག་གི་གཏམ་རྒྱུད་སྙན་མོ་བརྗོད་ཚར་མེད།

སི་ཁྲོན་ཞིང་ཆེན་ཁྲེང་ཏུའུ་གྲོང་ཁྱེར་ཁྲེང་ཧྭ་ཆུས་ཀྱི་རོང་བྲག་རོགས་སྐྱོར་ལས་དོན་རུ་ཁག་གི་ཁོངས་མི། རོང་བྲག་རྫོང་སྲིད་གཞུང་གཞུང་ལས་ཁང་གི་ཀྲུའུ་རེན་གཞོན་པ་ཀུང་ཅུས་ཧོ་ནི་བོད་སྐྱོར་ཕེབས་ཐེངས་གཉིས་པ་ཡིན། 2012ལོར་ཁོང་ཁྲེང་ཧྭ་ཡི་རོང་བྲག་ལ་ཁ་གཏད་རོགས་སྐྱོར་བྱེད་པའི་ཁག་དང་པོ་ཡིན་པའི་ངོས་ནས། བོད་འབྲེལ་ཁུལ་དང་རྫོང་དུ་འབད་འཐབ་བྱེད་མྱོང་། ཁོང་གིས་རོང་བྲག་རྫོང་དུ་བོད་སྐྱོར་འཐུས་མིའི་སྒྲོག་འགྲེལ་ལ་ཉན་རྗེས། བློ་མཐུན་འགའ་ཞིག་གིས་བོད་སྐྱོར་གཏམ་རྒྱུད་ལ་ཉན་རྗེས་ངའི་མིག་ནས་མིག་ཆུ་བཞུར་བྱུང་། ཐེངས་འདིའི་བོད་སྐྱོར་ནི་དབུལ་གྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་སྐྱེད་བཏང་སྟེ་གྲོང་གསེབ་དར་རྒྱས་དང་ཕན་ནུས་ལྡན་པའི་སྒོ་ནས་སྦྲེལ་མཐུད་བྱེད་པའི་བླང་བྱ་གསར་པ་ཡིན་པས། ང་ཚོས་དམིགས་འབེན་དེ་ཐོན་ལས་གསར་པར་རོགས་སྐྱོར་དང་འཕེལ་རྒྱས་ཤུགས་ཆེན་གཏོང་བ་དང་། ཚོང་འགུག་དང་མ་དངུལ་འདྲེན་འཛུགས། ཁེ་ལས་ནང་འདྲེན་བཅས་ཀྱི་དམིགས་འབེན་འདི་མངོན་འགྱུར་ཡོང་བར་རོགས་རམ་ཧུར་ཐག་བྱེད་བཞིན་ཡོད་ཅེས་བཤད།

ས་མཐོའི་དམ་བཅའི་ནང་དུ་རི་ཆུའི་བརྩེ་དུང་མང་པོ་བཅུག་ཡོད། དགུང་སྔོན་པོ་ཁ་ཐག་ཉེ་བའི་ས་ཆེན་ཐོག་ཏུ་བོད་སྐྱོར་གཏམ་རྒྱུད་རེ་རེ་ཡིས་དུས་རབས་གསར་པའི་རི་ཆུའི་བརྩེ་བ་གླེང་བཞིན་ཡོད། །