བོད་རབ་རྒྱན་ཤིང་མོ་སྦྲུལ་ལོའི་གནམ་ལོ་གསར་ཚེས་དང་བསྟུན་ནས། མཛོད་དགེ་རྫོང་སྟག་ཚ་གྲོང་རྡལ་སྐད་གཉིས་བྱིས་གཉོར་ཁང་དུ་དབུགས་སྒང་དང་མཚོན་མདོག་གི་དར་ཆ་བསྒྲེངས་པས་ལོ་གསར་གྱི་རྣམ་པ་ལེགས། བྱིས་པ་རྣམས་ཀྱིས་ལུས་ལ་གཟབ་མཆོར་སྤྲས་ཤིང་གདོང་ལ་དགའ་སྤྲོའི་འཛུམ་གྱིས་ཁེངས་ཤིང་། གླུ་གར་ལ་རོལ་བཞིན་གནམ་ལོ་གསར་པའི་རེ་སྨོན་མཚོན།
བྱེད་སྒོ་སྤེལ་བའི་ཉིན་དེར། བྱིས་གཉོར་ཁང་གིས་རྩེད་མོ་སྣ་མང་བཀོད་སྒྲིག་བྱས་ཡོད། དགེ་རྒན་དང་ཁྱིམ་བདག་གི་མཛུབ་ཁྲིད་འོག་བྱིས་པ་རྣམས་ཀྱིས་ཤ་མོག་ལས་པ་དང་དྲི་ཞིམ་གང་སར་འཐུལ། ཁོ་ཚོས་ཁྱིམ་བདག་དང་མཉམ་དུ་སྲོལ་རྒྱུན་གྱི་ཟས་མཆོག་ལ་རོལ་བཞིན་ཟས་རིགས་གཡོས་སྦྱོར་གྱི་རིག་གནས་རྒྱུན་འཛིན་བྱས།
དགེ་རྒན་རྣམས་ཀྱིས་སྟ་གོན་གང་ལེགས་བྱས་ཏེ་བྱིས་པ་རྣམས་ལ་བྱེད་སྒོ་བརྒྱུད་བོད་ཀྱི་རིག་གནས་ཀྱི་ཐུན་མོང་མ་ཡིན་པའི་ཡིད་དབང་འཕྲོག་ཤུགས་བློ་ལ་ངེས་བཞིན་ལྷན་འཛོམས་ཀྱི་རེ་སྨོན་མཚོན། རེ་བས་ཁེངས་པའི་གནམ་ལོ་གསར་པར་བྱིས་པ་རྣམས་སྐལ་བཟང་རྣམ་པར་བཞད་ནས་བདེ་ཐང་ངང་འཚར་ལོངས་ཡོང་བའི་བཀྲ་ཤིས་སྨོན་འདུན་ཞུས། །
