རྫོགས་ལྡན་འབྲུག་ལོ་ཕར་ལ་བསྐྱལ། ། རེ་བའི་སྦྲུལ་ལོ་ཚུར་ལ་བསུ། ། དགའ་སྐྱིད་འཛོམས་པའི་ལོ་སར་ལ། ། ཞི་མཐུན་མཆོད་དབྱངས་མིག་གི་དཔལ། ། སྤྱི་ཟླ་2པའི་ཚེས་28ཉིན་ཏེ་བོད་ཀྱི་ལོ་སར་ཚེས་པ་གཅིག་སྔ་དྲོའི་ཆུ་ཚོད་དགུ་པའི་ཐོག །སི་ཁྲོན་རླུང་འཕྲིན་བརྙན་འཕྲིན་ཁང་གི་ཁམས་པའི་བརྙན་འཕྲིན་དང་མི་རིགས་རླུང་འཕྲིན། ཀྲུང་གུང་ཛམ་ཐང་རྫོང་ཨུ་དང་ཛམ་ཐང་རྫོང་མི་དམངས་སྲིད་གཞུང་བཅས་ཀྱིས་མཉམ་དུ་བསྒྲུབས་པའི་བོད་རབ་རྒྱན་ཤིང་མོ་སྦྲུལ་ལོའི་ལོ་སར་སྤྲོ་ཚོགས་ཆེན་མོ《ཞི་མཐུན་མཆོད་དབྱངས》བོད་ཀྱི་ལོ་སར་ཁམས་པའི་བརྙན་འཕྲིན་དང་ཁམས་པའི་བརྙན་འཕྲིན་ཁང་གི་འཕྲིན་ལམ་ཁག་ནས་དུས་མཉམ་དུ་ཐད་གཏོང་བྱས།
ཛམ་ཐང་རྫོང་ནི་ཐེངས་འདིའི་སྤྲོ་ཚོགས་ཀྱི་གཙོ་སྒྲུབ་བྱེད་མཁན་གཙོ་བོ་ཞིག་ཡིན་པའི་ངོས་ནས། 《བཀྲ་ཤིས་ལྷ་རིས》དང་《དར་སྐུད་ལ་བརྒྱུས་པའི་ལོ་ཟླ》སོགས་དེང་རབས་ཀྱི་འཚོ་བ་གསར་པའི་བྲོ་བས་གཏམས་ཤིང་། དངོས་མིན་རིག་གནས་ཤུལ་བཞག་གི་དགེ་མཚན་མངོན་པར་གསལ་བའི་ཞབས་བྲོ་གང་ལ་གང་འཚམ་གྱིས་བཀོད་སྒྲིག་བྱས་ནས་ས་གནས་ཀྱི་རིག་གནས་དྲིལ་བསྒྲགས་དང་། རིག་གནས་ལ་བརྟེན་ནས་རྫོང་དར་རྒྱས་གཏོང་བའི་འཚོལ་ཞིབ་གསར་པ་དང་ཐབས་ལམ་གསར་པ་རེ་རེ་ལྟད་མོ་བའི་མིག་གི་དཔྱིད་དང་རྣ་བའི་གསོས་སུ་ཕུལ་འདུག །
