མཛོད་དགེ་རྩྭ་ཐང་ཆེན་མོ་ནི་མཚོ་བོད་མཐོ་སྒང་གི་ཤར་རྒྱུད་དང་། སི་ཁྲོན་ཞིང་ཆེན་གྱི་ནུབ་བྱང་དུ་གཡུ་ཡི་ཞུན་མ་བྱུག་པའི་སྔོ་ལྗང་གི་གོས་གདན་ཆེན་པོ་ཞིག་བཏིང་བ་དང་གཉིས་སུ་མ་མཆིས། ངོས་སྙོམས་ལ་ཡངས་ཤིང་མཐའ་ཡས་པ། ན་འདམ་མང་ལ་རྒྱ་ཁྱོན་ཆེ་བ། ལྗོངས་རྒྱུའི་ཐོན་ཁུངས་ཕུན་སུམ་ཚོགས་ཏེ་རྨ་ཁུག་དང་པོ་དང་རང་རྒྱལ་གྱི་རྩྭ་ཐང་ཆེན་པོ་ཨང་གཉིས་པར་གྲགས། གཟའ་རུ་སྒོ་མང་ཐང་། མཚོ་ཁྲ། སྟག་ཚང་ལྷ་མོ་གནས་ཕུག་སོགས་ཡིད་དུ་འོང་བའི་མཛེས་ལྗོངས་ཡོད། ཁྲུང་ཁྲུང་སྐེ་ནག་དང་ངང་དཀར། ཤ་བ། དབྱར་རྩྭ་དགུན་འབུ་སོགས་སྲོག་ཆགས་དང་སྨན་རྩྭ་རིགས་གང་མང་ཡོད། དུས་བཞིའི་འགྱུར་ཁུག་དང་བསྟུན་ནས་མཛེས་ཉམས་སྣ་ཚོགས་མངོན་པས། སི་ཁྲོན་ནུབ་བྱང་ཁུལ་གྱི་དག་ཞིང་ཞེས་འབོད་ཀྱི་ཡོད། །
