སི་ཁྲོན་ཞིང་ཆེན་མི་རིགས་མཐུན་སྒྲིལ་ཡར་ཐོན་གྱི་སྲོལ་ཡིག

ལེའུ་བཞི་པ། མི་རིགས་ཁག་ཐུན་མོང་ཐོག་སྤྱི་ཚོགས་རིང་ལུགས་ཀྱི་དེང་རབས་ཅན་དུ་བསྐྱོད་རྒྱུར་སྐུལ་འདེད་གཏོང་དགོས།

དོན་ཚན་བཞི་བཅུ་པ། ཞིང་ཆེན་མི་དམངས་སྲིད་གཞུང་གིས་མི་རིགས་མཐུན་སྒྲིལ་ཡར་ཐོན་བྱ་གཞག་འཕེལ་རྒྱས་གཏོང་བའི་དགོས་མཁོ་དང་རང་ངོས་ཀྱི་ནོར་ཤུགས་ལ་གཞིགས་ནས། མི་རིགས་མཐུན་སྒྲིལ་ཡར་ཐོན་བྱ་གཞག་འཕེལ་རྒྱས་གཏོང་བར་མ་དངུལ་གཏོང་ཤུགས་ཆེ་རུ་བཏང་ནས། མི་རིགས་ཁག་ཐུན་མོང་ཐོག་དར་རྒྱས་གོང་འཕེལ་ཡོང་བར་སྐུལ་འདེད་གཏོང་དགོས། སྤོ་སྒྱུར་གཏོང་སྤྲོད་བྱེད་ཤུགས་ཆེ་རུ་བཏང་ནས། མི་རིགས་རང་སྐྱོང་ས་གནས་དང་མི་རིགས་ཞང་ཁོངས་གཏོགས་ཀྱི་རྫོང་དང་གྲོང་ཁྱེར། ཆུས་བཅས་ཀྱིས་ནོར་སྲིད་འགན་སྲུང་ནུས་པ་ཆེ་རུ་གཏོང་རྒྱུར་རྒྱབ་སྐྱོར་བྱེད་དགོས།

དོན་ཚན་ཞེ་གཅིག་པ། ཞིང་ཆེན་མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཚན་དང་ལས་ཁུངས་ཀྱིས་ཁྱད་པར་ཅན་གྱི་ས་ཁོངས་རྒྱབ་སྐྱོར་སྲིད་ཇུས་འཐུས་ཚང་དང་ཆ་ཚང་བཏང་ནས། མི་རིགས་རང་སྐྱོང་ས་གནས་ཀྱི་སྤུས་ཚད་མཐོ་བའི་འཕེལ་རྒྱས་ཀྱི་དཔྱད་ཞིབ་གདེང་འཇོག་མ་ལག་འཛུགས་དགོས།

དོན་ཚན་ཞེ་གཉིས་པ། མི་རིགས་རང་སྐྱོང་ས་གནས་ལ་ཁ་གཏད་རོགས་སྐྱོར་བྱེད་པའི་ལས་ཀའི་ལམ་སྲོལ་འཐུས་ཚང་དུ་གཏོང་བ་དང་། ཤར་ནུབ་མཉམ་ལས་དང་ཞིང་ཆེན་ནང་ཁུལ་གྱི་ཁ་གཏད་རོགས་སྐྱོར་ལས་དོན་འགན་སྲུང་དང་སྐུལ་ལྕག་ལམ་སྲོལ་འཐུས་ཚང་དུ་གཏོང་བ་དང་། སྲིད་འཛིན་ས་ཁོངས་ལས་བརྒལ་བའི་ཐོན་ལས་གླིང་འཛུགས་སྐྲུན་ལ་རྒྱབ་སྐྱོར་བྱེད་པ་དང་། མི་རིགས་རང་སྐྱོང་ས་གནས་ཀྱི་འཕྲོད་བསྟེན་བདེ་ཐང་དང་། སློབ་གསོ་ཚན་རྩལ། ཞིང་ལས་ལག་རྩལ། ཕྱུགས་ལས། ནགས་ལས་རྩྭ་ཐང་སོགས་ཀྱི་ཤེས་ལྡན་མི་སྣ་གསོ་སྦྱོང་དང་གསོ་སྐྱོང་བྱེད་ཤུགས་ཆེ་རུ་གཏོང་དགོས།

དོན་ཚན་ཞེ་གསུམ་པ། མི་རིགས་རང་སྐྱོང་ས་གནས་ཀྱིས་དབུལ་གྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་བསྐྱེད་གཏོང་རྒྱུ་དེ་གྲོང་གསེབ་དར་རྒྱས་དང་ཕན་ནུས་ལྡན་པའི་སྒོ་ནས་སྦྲེལ་མཐུད་བྱ་རྒྱུར་རྒྱབ་སྐྱོར་བྱས་ཏེ། རང་ཉིད་འཕེལ་རྒྱས་གཏོང་བའི་ནུས་པ་ཆེ་རུ་གཏོང་བ་དང་། དབུལ་གྲོལ་ས་ཁུལ་ཁྱོན་ཡོངས་ནས་དར་རྒྱས་དང་ཐུན་མོང་ཕྱུག་འགྱུར་ལ་སྐུལ་འདེད་གཏོང་དགོས།

ས་གནས་ཀྱི་རིམ་པ་ཁག་གི་མི་དམངས་སྲིད་གཞུང་གིས་མ་དངུལ་དང་། ཤེས་ལྡན་མི་སྣ། རྣམ་གྲངས། རིག་གནས། གྲོང་ཁྱེར་དང་གྲོང་གསེབ་མཉམ་འདྲེས་སོགས་ཀྱི་ཐད་ནས། མི་རིགས་རང་སྐྱོང་ས་གནས་ཀྱིས་གྲོང་གསེབ་དར་རྒྱས་གཏོང་བའི་འཐབ་ཇུས་ལག་བསྟར་བྱེད་པར་སྐུལ་འདེད་གཏོང་བར་རྒྱབ་སྐྱོར་དང་། གྲོང་གསེབ་ཀྱི་དཔལ་འབྱོར་འཕེལ་རྒྱས་དང་ཐོན་ལས་གླིང་གི་འཆར་འགོད་ཡག་པོ་བྱས་ཏེ། ཤེས་ལྡན་མི་སྣ་ནང་འདྲེན་དང་ཚན་རྩལ་གསར་གཏོད་བྱེད་ཤུགས་ཆེ་རུ་གཏོང་བ། ཐོན་ལས་བཀོད་སྒྲིག་ལེགས་སུ་གཏོང་བ། ཞིང་ལས་ཐོན་རྫས་དེང་རབས་ཅན་གྱི་འཁོར་རྒྱུག་ཞབས་ཞུའི་མ་ལག་འཛུགས་པ། གྲོང་གསེབ་ཀྱི་ཐུན་མོང་དཔལ་འབྱོར་སྣ་མང་ཅན་དུ་འཕེལ་རྒྱས་གཏོང་བར་ཁྲིད་སྟོན་བྱེད་པ་དང་། གྲོང་གསེབ་ཀྱི་དཔལ་འབྱོར་འཕེལ་རྒྱས་དང་སྟོབས་ཆེར་འགྲོ་རྒྱུར་སྐུལ་འདེད་གཏོང་བ། མང་ཚོགས་ཀྱི་ཡོང་འབབ་བརྟན་པོའི་ངང་འཕར་སྣོན་ཡོང་བ་བཅས་ལ་རྒྱབ་སྐྱོར་བྱེད་དགོས།

དོན་ཚན་ཞེ་བཞི་པ། མི་རིགས་རང་སྐྱོང་ས་གནས་ཀྱིས་གྲོང་གསེབ་འཕེལ་རྒྱས་ཀྱི་འཆར་འགོད་གཅིག་གྱུར་འཆར་འགོད་ཡག་པོ་བྱེད་པ་དང་། ཐོན་ཁུངས་ཀྱི་ལེགས་ཆ་ལ་བརྟེན་ནས་ཁྱད་ཆོས་ལྡན་པའི་ཐོན་ལས་དང་འབག་མེད་ཐོན་ལས་འཕེལ་རྒྱས་གཏོང་བ་དང་། ས་ཁམས་མཚོན་རྟགས་ཀྱི་ཤེས་བྱ་ཁྱབ་གདལ་གཏོང་ཤུགས་ཆེ་རུ་གཏོང་བ། ས་ཁམས་མཚོན་རྟགས་ཀྱི་སྤུས་རྟགས་གསོ་སྐྱོང་བྱེད་པར་ཤུགས་སྣོན་རྒྱག་པ་བཅས་ལ་རྒྱབ་སྐྱོར་བྱེད་དགོས།

ཁྱད་ཆོས་ལྡན་པའི་མི་རིགས་གྲོང་ཚོ་དང་། མི་རིགས་མཐུན་སྒྲིལ་ཡར་ཐོན་དཔེ་སྟོན་གྲོང་ཚོ། ཁྲིམས་སྐྱོང་དཔེ་སྟོན་གྲོང་ཚོ་བཅས་འཛུགས་སྐྲུན་བྱེད་པར་རྒྱབ་སྐྱོར་བྱེད་དགོས།

དོན་ཚན་ཞེ་ལྔ་པ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་མི་རིགས་ཉོ་ཚོང་ཁེ་ལས་དང་མི་རིགས་ཀྱི་དམིགས་བསལ་མཁོ་བའི་ཚོང་ཟོག་དམིགས་འཛུགས་ཐོན་སྐྱེད་ཁེ་ལས་འཕེལ་རྒྱས་ལ་རྒྱབ་སྐྱོར་བྱེད་པའི་འབྲེལ་ཡོད་སྲིད་ཇུས་འཐུས་ཚང་དང་ཆ་ཚང་གཏོང་དགོས། ཚོང་གཉེར་གྱི་ཁོར་ཡུག་ལེགས་སུ་བཏང་ནས་མི་རིགས་ཚོང་དོན་ཁེ་ལས་དང་མི་རིགས་ཀྱི་དམིགས་བསལ་མཁོ་བའི་ཚོང་ཟོག་དམིགས་འཛུགས་ཐོན་སྐྱེད་ཁེ་ལས་གསར་གཏོད་འཕེལ་རྒྱས་གཏོང་རྒྱུར་སྐུལ་མ་གཏོང་བ་དང་ཁྲིད་སྟོན་བྱེད་དགོས།

དོན་ཚན་ཞེ་དྲུག་པ། དངུལ་རྩའི་སྒྲིག་གཞི་ཁག་གིས་འདྲ་མཉམ་ཅན་གྱི་དངུལ་རྩའི་ཡིད་རྟོན་དངུལ་བུན་ཞབས་ཞུ་མཁོ་འདོན་བྱས་པ་བརྒྱུད། གྲོང་ཁྱེར་དང་གྲོང་གསེབ་ཀྱི་མི་རིགས་ཁག་གི་སྤྱི་དམངས་ལས་ཞུགས་དང་ལས་གཏོད་ལ་རྒྱབ་སྐྱོར་བྱེད་དགོས།

དོན་ཚན་ཞེ་བདུན་པ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་སྒྲིག་ཁོངས་འཆར་འགོད་དང་རྣམ་གྲངས་བཀོད་སྒྲིག་བྱེད་སྐབས། དཔལ་འབྱོར་དང་སྤྱི་ཚོགས་འཕེལ་རྒྱས་དང་སྐྱེ་ཁམས་དཔལ་ཡོན་འཛུགས་སྐྱོང་གཅིག་གྱུར་འཆར་འགོད་དང་། རི་ཆུ་ནགས་ཚལ། ཞིང་ས་དང་མཚེའུ། རྩྭ་ཐང་། བྱེ་ཐང་། གངས་འཁྱགས་བཅས་ཀྱི་མ་ལག་བཅོས་སྐྱོང་གཅིག་གྱུར་འཆར་འགོད་བྱས་ཏེ། སྐྱེ་ཁམས་ཁོར་ཡུག་སྲུང་སྐྱོང་ས་ཁོངས་ཀྱི་མཉམ་ལས་ལ་ཤུགས་སྣོན་བརྒྱབ་སྟེ། སྐྱེ་ཁམས་ཐོན་རྫས་ཀྱི་རིན་ཐང་མངོན་འགྱུར་ལམ་སྲོལ་དང་། ཚོང་ར་ཅན་གྱི་སྐྱེ་ཁམས་ཁ་གསབ་ལམ་སྲོལ་ཧུར་ཐག་འཛུགས་པ་དང་། མི་རིགས་རང་སྐྱོང་ས་གནས་ཀྱིས་མཚོ་བོད་ས་མཐོ་དང་རྨ་ཆུ་དང་འབྲི་ཆུའི་འབབ་རྒྱུད་དང་། དེ་བཞིན་ས་ཁོངས་གལ་ཆེན་གཞན་དག་གི་སྐྱེ་ཁམས་སྲུང་སྐྱོང་དང་ཉམས་གསོ་བྱེད་པར་རྒྱབ་སྐྱོར་བྱེད་དགོས།

དོན་ཚན་ཞེ་བརྒྱད་པ། རིམ་པ་ཁག་གི་ས་གནས་ཀྱི་མི་དམངས་སྲིད་གཞུང་གིས་མི་རིགས་མཐུན་སྒྲིལ་ཡར་ཐོན་གྱི་བྱ་གཞག་ཁྲོད་ཀྱི་སློབ་གསོའི་རྨང་གཞིའི་རང་བཞིན་གྱི་ནུས་པ་འདོན་སྤེལ་བྱས་ཏེ། སློབ་གྲྭའི་སྤྱི་ཡོངས་འཛུགས་སྐྲུན་གྱི་བཀོད་སྒྲིག་ལེགས་སྒྱུར་དང་། གྲོན་དངུལ་གཏོང་རྒྱུ་དང་བསྒྱུར་བཀོད་རྒྱ་བསྐྱེད་ཀྱི་མྱུར་ཚད་མང་དུ་བཏང་སྟེ། སློབ་གསོའི་ཐོན་ཁུངས་ཀྱི་ཤོང་ཚད་མང་དུ་གཏོང་བ་དང་སྤུས་ཚད་མཐོ་རུ་གཏོང་བའི་འགན་ལེན་དང་། མི་རིགས་ཁག་གི་སློབ་མར་སྤུས་ལེགས་དོ་སྙོམས་ཀྱི་སློབ་གསོ་དང་ལེན་བྱེད་ཐུབ་པའི་འགན་ལེན་བྱེད་དགོས།

རིམ་པ་ཁག་གི་ས་གནས་ཀྱི་མི་དམངས་སྲིད་གཞུང་གིས་མི་རིགས་རང་སྐྱོང་ས་གནས་ཀྱི་དགེ་རྒན་དཔུང་ཁག་འཛུགས་སྐྱོང་བྱེད་པའི་འགན་སྲུང་བྱེད་ཐབས་ཁག་ཕྱོགས་ཡོངས་ནས་དོན་འཁྱོལ་བྱས་ཏེ། དགེ་རྒན་དཔུང་ཁག་གི་བྱང་ཚད་དང་ནུས་པ་རྒྱུན་ཆད་མེད་པར་མཐོ་རུ་གཏོང་དགོས།

མི་རིགས་རང་སྐྱོང་ས་གནས་སུ་མཐོ་རིམ་སློབ་འབྲིང་དུས་རིམ་གྱི་སློབ་གསོ་ཁྱོན་ཡོངས་ནས་ཁྱབ་གདལ་གཏོང་བ་དང་། ལས་རིགས་ལག་རྩལ་སློབ་གྲྭའི་དངོས་གཞི་དང་ཆེད་ཚན་འཛུགས་སྐྲུན་ལ་སྐུལ་འདེད་གཏོང་བ། དེང་རབས་སློབ་གསོའི་མ་ལག་འཛུགས་སྐྲུན་མགྱོགས་སུ་གཏོང་བ། ཞག་སྡོད་ལམ་ལུགས་ཀྱི་སློབ་གྲྭ་འཛུགས་སྐྱོང་འཐུས་ཚང་དུ་བཏང་ནས། སློབ་མ་འཚར་ལོངས་དང་འཚམ་པའི་འཚོ་བཅུད་ཟས་ཀྱི་འགན་སྲུང་མ་ལག་འཛུགས་དགོས།

དོན་ཚན་ཞེ་དགུ་པ། རིམ་པ་ཁག་གི་ས་གནས་མི་དམངས་སྲིད་གཞུང་གིས་མི་རིགས་ཀྱི་རིག་གནས་ཐོན་ཁུངས་དང་ཡུལ་སྐོར་ཐོན་ཁུངས་སྲུང་སྐྱོང་དང་། གསར་སྤེལ། བེད་སྤྱོད་བཅས་ལ་ཤུགས་སྣོན་བརྒྱབ་སྟེ། རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ཡོང་བར་སྐུལ་འདེད་གཏོང་བ་དང་། མི་རིགས་རང་སྐྱོང་ས་གནས་ཀྱིས་ས་ཁོངས་ཡོངས་ཀྱི་ཡུལ་སྐོར་འཕེལ་རྒྱས་གཏོང་བར་རྒྱབ་སྐྱོར་བྱེད་པ། མི་རིགས་ཁག་ཁོར་ཡུག་དང་། རིག་གནས། དཔལ་འབྱོར། སྤྱི་ཚོགས། སེམས་ཁམས་སོགས་ཀྱི་ཐད་ཕྱོགས་ཡོངས་ནས་འདྲེས་ཐུབ་པར་སྐུལ་འདེད་གཏོང་བ་དང་། མི་རིགས་ཁག་མང་ཚོགས་ཀྱི་དམངས་འཚོ་བདེ་སྐྱིད་ཆེ་རུ་གཏོང་དགོས།

དོན་ཚན་ལྔ་བཅུ་པ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་དང་དེའི་རིག་གནས་དང་། ལུས་རྩལ། གསར་འགྱུར་དཔེ་སྐྲུན་རླུང་འཕྲིན། འཕྲིན་གཏོང་སོགས་གཙོ་གཉེར་སྡེ་ཁག་གིས་སྤྱི་པའི་རིག་གནས་ཞབས་ཞུ་འདྲ་མཉམ་ཅན་གྱི་མ་ལག་འཛུགས་སྐྱོང་འཐུས་ཚང་དུ་གཏོང་བ་དང་། གྲོང་གསེབ་འབྲོག་ཁུལ་དང་ས་མཐོའི་རི་ཁུལ་གྱི་རིག་གནས་ཀྱི་དམངས་ཕན་ལས་གྲྭ་གཅིག་གྱུར་གྱིས་སྐུལ་འདེད་གཏོང་བ། དུས་རབས་ཀྱི་ཁྱད་ཆོས་ལྡན་པ་དང་མི་རིགས་མཐུན་སྒྲིལ་ལ་སྐུལ་འདེད་གཏོང་བའི་ལུས་རྩལ་བྱེད་སྒོ་སྤེལ་བ། བདེ་ཐང་དང་དཔལ་ཡོན་ལྡན་པའི་འཚོ་བ་སྐྱེལ་སྟངས་དར་སྤེལ་གཏོང་བ། མི་རིགས་ཁག་གི་མང་ཚོགས་ལ་སྤུས་ཚད་སྔར་ལས་མཐོ་བ་དང་། ལས་ཆོད་ཆེ་བ། དྲང་གཞག། རྒྱུན་མཐུད་བཅས་ཀྱི་སྤྱི་པའི་རིག་གནས་ཞབས་ཞུ་འདོན་སྤྲོད་བྱེད་དགོས།

དོན་ཚན་ང་གཅིག་པ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་སྨན་བཅོས་ཐོན་ཁུངས་འཆར་འགོད་དང་བཀོད་སྒྲིག་ལུགས་མཐུན་དང་། མི་རིགས་རང་སྐྱོང་ས་གནས་ཀྱི་སྨན་བཅོས་དགོས་མཁོར་བསམ་གཞིགས་གང་ལེགས་བྱས་ཏེ། བྱེད་ཐབས་སྤྱད་ནས་མི་རིགས་རང་སྐྱོང་ས་གནས་ཀྱི་སྨན་བཅོས་འཕྲོད་བསྟེན་དང་བདེ་ཐང་བྱ་གཞག་འཕེལ་རྒྱས་གཏོང་བར་རྒྱབ་སྐྱོར་བྱེད་དགོས།

རིམ་པ་ཁག་གི་ས་གནས་ཀྱི་མི་དམངས་སྲིད་གཞུང་གིས་མི་རིགས་རང་སྐྱོང་ས་གནས་ཀྱི་ནད་རིགས་སྔོན་འགོག་ཚོད་འཛིན་གྱི་ལས་དོན་ལ་ཤུགས་སྣོན་རྒྱག་པ་དང་། རྫོང་དང་།

ཞང་། གྲོང་ཚོ་བཅས་རིམ་གསུམ་གྱི་སྔོན་འགོག་འགན་སྲུང་དྲ་རྒྱ་འཐུས་ཚང་དུ་གཏོང་བ་དང་། གཞི་རིམ་གྱི་འཕྲོད་བསྟེན་བདེ་ཐང་དང་ནད་རིགས་སྔོན་འགོག་ཚོད་འཛིན་འགན་སྲུང་ལམ་སྲོལ་འཐུས་ཚང་དུ་གཏོང་དགོས།

བུད་མེད་ཀྱི་བདེ་སྲུང་དང་བྱིས་པའི་འཆར་གཞིའི་རིམས་འགོག་ཁྱོན་ཡོངས་ནས་ཁྱབ་གདལ་གཏོང་བ་དང་། གཞི་རིམ་གྱི་ནད་རིགས་སྔོན་འགོག་ཚོད་འཛིན་དང་། བུད་མེད་དང་བྱིས་པའི་བདེ་སྲུང་། སྨན་བཅོས་ལས་ཁུངས་ཀྱི་རྨང་གཞིའི་སྒྲིག་བཀོད་འཛུགས་སྐྲུན་ལ་ཤུགས་སྣོན་བརྒྱབ་སྟེ། སྨན་བཅོས་དང་འཕྲོད་བསྟེན་མི་སྣའི་ཆེད་ལས་ཆུ་ཚད་དང་ཞབས་ཞུའི་སྤུས་ཚད་མཐོ་རུ་གཏོང་དགོས།

དོན་ཚན་ང་གཉིས་པ། རིམ་པ་ཁག་གི་ས་གནས་མི་དམངས་སྲིད་གཞུང་གིས་མི་རིགས་སྨན་རྫས་ཀྱི་ཚད་ལྡན་ཡིག་ཆ་སྔོག་འདོན་ལེགས་སྒྲིག་དང་བརྒྱུད་རིམ་ལྡན་པའི་ཞིབ་འཇུག་བྱ་རྒྱུར་སྐུལ་འདེད་གཏོང་བ་དང་།

མི་རིགས་སྨན་རྫས་ཐོན་ཁུངས་སྲུང་སྐྱོང་དང་གསར་སྤེལ་བེད་སྤྱོད་བྱ་རྒྱུར་ཤུགས་སྣོན་རྒྱག་པ། མི་རིགས་ཀྱི་ཁྱད་ཆོས་ལྡན་པའི་སྨན་རྫས་རྒྱུན་འཛིན་གསར་གཏོད་དང་། ཐོན་ལས་འཕེལ་རྒྱས་ལ་རྒྱབ་སྐྱོར་བྱས་ནས་མི་རིགས་སྨན་རྫས་ཀྱི་ཞབས་ཞུའི་ཆུ་ཚད་མཐོ་རུ་གཏོང་དགོས།（མུ་འགོད།）