སྤྱི་ཟླ་4པའི་ཚེས་17ཉིན།རྒྱལ་ལམ་213རྒྱུད་ཀྱི་མཛོད་དགེ་རྫོང་གྲོང་སྐོར་ལམ་དུམ་བུའི་གཞོགས་འདེགས་ལམ་བུར་སྔོ་ལྗང་རྫས་འགྱུར་བཟོ་ལས་ཀྱིས་རྨོ་སློག་རྒྱག་པ་དང་ས་ཁོད་སྙོམས་ནས་མེ་ཏོག་དང་རྩྭ་སོན་འདེབས་རྒྱུར་གྲ་སྒྲིག་བྱེད་བཞིན་ཡོད།མཛོད་དགེ་རྫོང་གི་གྲོང་ཁྱེར་དང་གྲོང་གསེབ་ཀྱི་ཁོར་ཡུག་འཕྲོད་བསྟེན་ཞབས་ཞུ་ལྟེ་གནས་ཀྱི་འབྲེལ་ཡོད་འགན་འཁུར་པས།མཛོད་དགེ་རྫོང་གིས་འདི་ལོ་ཆེད་དོན་མ་དངུལ་སྒོར་ཁྲི་114ལྷག་ཙམ་བཏང་ནས་སྣོད་བཅུད་གནས་སྡོད་དང་འཚམ་པའི་གྲོང་ཁྱེར་གཏོད་རྒྱུའི་འཆར་གཞི་ཡོད་ཅེས་བཤད།
མཛོད་དགེ་ནི་སི་ཁྲོན་དང་ཀན་སུའུ་འབྲེལ་མཚམས་དང་རྔ་བ་ཁུལ་གྱི་བྱང་རྒྱུད་དུ་གནས་ཤིང་།འབྲི་ཆུ་དང་རྨ་ཆུའི་སྟོད་རྒྱུད་ཀྱི་ཆུ་ཁུངས་གསབ་སྤྲོད་ཁུལ་དང་གསོ་སྐྱོང་ཁུལ་གལ་ཆེན་ཞིག་ཡིན་པ་དང་།སྐྱེ་དངོས་སྣ་མང་རང་བཞིན་སྲུང་སྐྱོང་བྱེད་པའི་གཙོ་གནད་ས་ཁུལ་ཞིག་ཡིན་ཞིང་། རྨ་ཆུའི་རིག་གནས་ཡུལ་སྐོར་དང་། མེ་ཏོག་མཚེའུ་བརླན་སའི་ཚན་རྩལ་ཁྱབ་གདལ་ཡུལ་སྐོར། བྲག་བྱ་རྒོད་ཀྱི་རླངས་འཁོར་བཏང་ནས་ཡུལ་སྐོར་བྱེད་པ་སོགས་ལམ་ཐིག་རྩེ་གྲ་6གསར་སྤེལ་བྱས་ཡོད།
རྗེས་ཀྱི་ཉིན་བརྒྱ་ལྷག་གི་རིང་ལ།མཛོད་དགེ་ཡིས་ཆེས་མཛེས་པའི་དུས་ཚིགས་བསུ་རྒྱུ་རེད།རྫོང་དེས་རྒྱལ་ལམ་213ལམ་རྒྱུད་ཀྱི་གྲོང་སྐོར་ལམ་དུམ་བུའི་གཞོགས་འདེགས་ལམ་བུ་དང་ཆུ་ནག་ཟམ་པ་བཤིག་སྤོ་བྱ་ཡུལ་དང་དེ་བཞིན་མཐའ་འཁོར་སོགས་གཙོ་གནད་ས་ཁོངས་ལ་གཙོ་གནད་ཐོག་སྔོ་འགྱུར་སྒྱུར་བཀོད་བྱ་རྒྱུ་ཡིན་པ་དང་སྔོན་དཔག་བྱས་ན་སྒྱུར་བཀོད་རྒྱ་ཁྱོན་སྨི་ངོས་གྲུ་ཁྲི་6.28ཙམ་ཟིན་རྒྱུ་ཡིན་པ་རེད།རྣམ་གྲངས་འཆར་གཞི་དེ་ཟླ་6པའི་གོང་ལས་མཇུག་འགྲིལ་ནས་གྲོང་མི་དང་ཡུལ་སྐོར་བར་དེ་བས་མཛེས་སྡུག་ལྡན་པའི་གྲོང་ཁྱེར་གྱི་རྣམ་པ་གསར་པ་ཞིག་མངོན་པ་བྱ་རྒྱུ་ཡིན་པ་རེད། །