ཀྲུང་དབྱང་རྩ་འཛུགས་པུའུ་ཡིས་ཏང་ནང་ཁུལ་གྱི་བསྡོམས་རྩིས་གྲངས་གཞི་གསར་ཤོས་ལས། 2024ལོའི་ལོ་མཇུག་བར་ཀྲུང་གོའི་གུང་ཁྲན་ཏང་གི་ཏང་ཡོན་བསྡོམས་འབོར་ཁྲི་10027.1ཟིན་པ་དེ་ལོ་གོང་མ་ལས་ཁྲི་108.6གཙང་འཕར་བྱུང་བ་མངོན་ཡོད། ཏང་གི་གཞི་རིམ་རྩ་འཛུགས་ཁྲི་525.0ཡོད་པ་དེ་ལོ་གོང་མ་ལས་ཁྲི་7.4གཙང་འཕར་བྱུང་ཡོད། ཀྲུང་གོའི་གུང་ཁྲན་ཏང་གིས་བསྒྱུར་བཅོས་ཀྱི་སྙིང་སྟོབས་དང་ཚད་གཞི་ནན་པོར་བརྟེན་ནས་ཏང་དོ་དམ་དང་ཏང་བཅོས་སྐྱོང་བྱ་རྒྱུ་མཐའ་འཁྱོངས་དང་། གཞི་རིམ་རྩ་འཛུགས་སྟོབས་ལྡན་དུ་འཛུགས་སྐྲུན་དང་ཉམས་སད་ཐེག་ཐུབ་པའི་དཔུང་ཁག་འཛུགས་སྐྱོང་བྱེད་པར་ཤུགས་བརྒྱབ་སྟེ་ཀྲུང་གོའི་རྣམ་པའི་དེང་རབས་ཅན་དུ་འགྱུར་བར་བརྟེན་ནས་རྒྱལ་ཁབ་སྟོབས་ལྡན་འཛུགས་སྐྱོང་དང་མི་རིགས་བསྐྱར་དར་གྱི་བྱ་གཞག་རླབས་པོ་ཆེར་ཁྱོན་ཡོངས་ནས་སྐུལ་འདེད་གཏོང་བར་རྩ་འཛུགས་ཀྱི་འགན་ལེན་སྟོབས་ལྡན་འདོན་སྤྲོད་བྱས།
ཏང་ཡོན་བསྡོམས་འབོར་བརྟན་པོའི་ངང་འཕར་བ། ཏང་ཡོན་བསྡོམས་འབོར་ལོ་གོང་མ་ལས་བརྒྱ་ཆའི་1.1འཕར་བ། ལོ་ཧྲིལ་པོར་ཏང་ཡོན་ཁྲི་213.1འཕེལ་རྒྱས་བཏང་བ་དེའི་ནང་ཐོན་སྐྱེད་དང་ལས་དོན་གྱི་འཐབ་ས་དང་པོའི་མི་ཁྲི་112.0ཡོད་པ་དེས་བརྒྱ་ཆའི་52.6བཟུང་ཡོད། ཆེད་ཚན་དང་དེའི་ཡན་གྱི་སློབ་གཉེར་བརྒྱུད་རིམ་ལྡན་པའི་མི་གྲངས་ཁྲི་115.9ཡོད་པ་དེས་བརྒྱ་ཆའི་54.4ཟིན། ལོ་35དང་དེའི་མན་གྱི་མི་གྲངས་ཁྲི་178.4ཡོད་པ་དེས་བརྒྱ་ཆའི་83.7%ཟིན་ཡོད།
ཏང་ཡོན་དཔུང་ཁག་གི་གྲུབ་ཆ་རྒྱུན་མཐུད་ངང་ལེགས་སུ་ཕྱིན་པ། 2024ལོའི་ལོ་མཇུག་བར་ཆེད་ཚན་དང་དེའི་ཡན་གྱི་སློབ་སྦྱོང་བརྒྱུད་རིམ་ལྡན་པའི་ཏང་ཡོན་ཁྲི་5778.6ཟིན་པ་དེས་བརྒྱ་ཆའི་57.6ཟིན་པ་དེ་ལོ་གོང་མ་ལས་བརྒྱ་ཆའི་གྲངས་1.4མཐོ་རུ་ཕྱིན་ཡོད། བུད་མེད་ཏང་ཡོན་ཁྲི་3099.5ཡོད་པ་དེས་བརྒྱ་ཆའི་30.9ཟིན་པ་དེ་ལོ་གོང་མ་ལས་བརྒྱ་ཆའི་གྲངས་0.5མཐོ་རུ་ཕྱིན་ཡོད། གྲངས་ཉུང་མི་རིགས་ཀྱི་ཏང་ཡོན་ཁྲི་773.4ཡོད་པ་དེས་བརྒྱ་ཆའི་7.7ཟིན་པ་དེ་ལོ་གོང་མ་དང་དོ་སྙོམས་བྱུང་ཡོད། བཟོ་པ་དང་ཞིང་པ་ནི་སྔར་བཞིན་ཏང་ཡོན་དཔུང་ཁག་གི་གྲུབ་ཆ་གཙོ་བོ་ཡིན་པ་དེས་བསྡོམས་འབོར་གྱི་བརྒྱ་ཆའི་32.7ཟིན་ཡོད།
ཏང་ཡོན་གྱི་སློབ་གསོ་དོ་དམ་ལ་སྔར་བས་ཤུགས་སྣོན་བརྒྱབ་པ། རིམ་ཁག་ཏང་རྩ་འཛུགས་ཀྱིས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱས་ཏེ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པའི་བརྗོད་དོན་གཙོ་བོའི་སློབ་གསོའི་གྲུབ་འབྲས་སྲ་བརྟན་དང་རྒྱ་ཆེར་གཏོང་བ་དང་། ཏང་གི་སྒྲིག་ཁྲིམས་སློབ་སྦྱོང་སློབ་གསོ་ཏན་ཏིག་སྤེལ་ནས་ཏང་ཡོན་གྱི་སློབ་གསོ་གསོ་སྦྱོང་ལ་སྔར་བས་ཤུགས་སྣོན་བརྒྱབ་པས། ལོ་ཧྲིལ་པོར་ཏང་ཡོན་གསོ་སྦྱོང་བྱེད་ཚད་ལོ་གོང་མ་ལས་བརྒྱ་ཆའི་16.5འཕར་བ་དང་། རྫོང་རིམ་པ་ཡན་གྱི་ཏང་ཨུས་གཞི་རིམ་ཏང་རྩ་འཛུགས་ཀྱི་ཧྲུའུ་ཅི་ཁྲི་436.6ལ་ལས་བྲལ་གསོ་སྦྱོང་བྱས། ཏང་རྩ་འཛུགས་ཀྱི་འཚོ་བ་ཚད་ལྡན་ནན་པོ་བཟོས་པ་དང་། ས་གནས་ཏང་ཨུའི་འགོ་ཁྲིད་ཚན་པ་3200ཡིས་དམངས་གཙོའི་འཚོ་བའི་ཚོགས་འདུ་འཚོགས་པ། ཏང་ཀྲི་པུའུ་ཁྲི་451.8ཀྱིས་རྩ་འཛུགས་འཚོ་བའི་ཚོགས་འདུ་འཚོགས་པ། ཏང་ཡོན་ལ་དམངས་གཙོའི་དཔྱད་མོལ་བྱས་པ། ཏང་ནང་གཟེངས་བསྟོད་དང་སྐུལ་ལྕག་ཐུགས་ཁུར་བཅས་ལ་སྐུལ་འདེད་ནུས་ལྡན་བཏང་བ་དང་། ཏང་རྩ་འཛུགས་རིམ་པ་ཁག་གིས་ཁྱོན་བསྡོམས་སྔོན་ཐོན་གཞི་རིམ་ཏང་རྩ་འཛུགས་ཁྲི་17.5ལ་གཟེངས་བསྟོད་བྱས་པ་དང་། གུང་ཁྲན་ཏང་ཡོན་ཕུལ་བྱུང་ཁྲི་72.8ལ་གཟེངས་བསྟོད་བྱས་པ། ཏང་གི་ཕུལ་བྱུང་ལས་སྒྲུབ་པ་ཁྲི་24.0ལ་གཟེངས་བསྟོད་བྱས་པ། ལོ་ཧྲིལ་པོར"གཟི་བརྗིད་ལྡན་པའི་ཏང་ལོ་50"ཡི་དྲན་གསོའི་རྟགས་མ་ཁྲི་89.4སྤྲད་པ།
གཞི་རིམ་ཏང་རྩ་འཛུགས་རྒྱུན་ཆད་མེད་པར་སྲ་བརྟན་དུ་བཏང་བ། རྒྱལ་ཡོངས་སུ་ཁྱོན་བསྡོམས་གཞི་རིམ་ཏང་ཨུ་ཁྲི་30.6དང་། སྤྱི་ཁྱབ་ཀྲི་པུའུ་ཁྲི་33.0བཙུགས་པ། ཀྲི་པུའུ་ཁྲི་461.4བཅས་བཙུགས་པ་དེ་ལོ་གོང་མ་ལས་ཁྲི་0.9དང་ཁྲི་0.5། ཁྲི་6.0བཅས་སོ་སོར་འཕར་བ་དང་། རྩ་འཛུགས་སྒྲིག་བཀོད་སྔར་ལས་ཚན་རིག་དང་མཐུན་ཞིང་ཚད་ལྡན་དུ་གྱུར་ཡོད། ཏང་འཛུགས་སྐྲུན་ལ་དམ་འཛིན་བྱས་ནས་གྲོང་གསེབ་དར་རྒྱས་ལ་སྐུལ་འདེད་གཏིང་ཟབ་བཏང་བས་གྲོང་ཚོའི་ཏང་རྩ་འཛུགས་ཀྱི་སྣེ་ཁྲིད་པའི་དཔུང་ཁག་འཛུགས་སྐྱོང་ལ་རྒྱུན་ཆད་མེད་པར་ཤུགས་སྣོན་ཐེབས་པ་དང་། གྲོང་ཚོའི་ཏང་རྩ་འཛུགས་ཀྱི་ཧྲུའུ་ཅི་ཁྲི་48.5ཡི་ཁྲོད་ཆེད་ཚན་དང་དེའི་ཡན་གྱི་སློབ་སྦྱོང་བརྒྱུད་རིམ་ལྡན་མཁན་གྱིས་བརྒྱ་ཆའི་47.6བཟུང་བ་དེ་ལོ་གོང་མ་ལས་བརྒྱ་ཆའི་གྲངས་3.6འཕར་བ། གྲོང་ཚོར་བཅའ་སྡོད་ཧྲུའུ་ཅི་དང་པོ་རྒྱུན་མཐུད་ངང་མངགས་གཏོང་དང་བེད་སྤྱོད་ཡག་པོ་བྱས་པ་དང་ད་ཆ་གྲོང་ཚོར་བཅའ་སྡོད་ཧྲུའུ་ཅི་དང་པོ་ཁྲི་19.2ཟིན་ནས་རྒྱལ་ཡོངས་ཀྱི་སྲིད་འཛིན་གྲོང་ཚོ་བརྒྱ་ཆ་39.5ལ་ཁྱབ་ཡོད། ཏང་གིས་གཞི་རིམ་བཅོས་སྐྱོང་ལ་འགོ་ཁྲིད་བྱེད་པའི་སྒྲིག་སྲོལ་དང་ལམ་སྲོལ་སྔར་བས་འཐུས་སྒོ་ཚང་དུ་བཏང་ནས་གཞི་རིམ་གྱི་ཁུར་པོ་ཡང་དུ་གཏང་རྒྱུར་སྐུལ་འདེད་གཏིང་ཟབ་བཏང་བ་དང་། གྲོང་ཁྱེར་དང་གྲོང་གསེབ་སྡེ་ཁུལ་གྱི་ཏང་འཛུགས་སྐྲུན་གྱི་ལས་དོན་སྟོབས་ཤུགས་སྔར་བས་འཐུས་སྒོ་ཚང་དུ་བཏང་བས། ཏང་འཛུགས་སྐྲུན་གྱིས་གཞི་རིམ་བཅོས་སྐྱོང་ལ་སྣེ་ཁྲིད་བྱེད་པའི་ཕན་ནུས་རྒྱུན་མཐུད་ངང་ཆེ་རུ་ཕྱིན་ཡོད། ཁྱབ་ཁོངས་ཁག་གི་ཏང་གི་རྩ་འཛུགས་ཀྱི་ཁེབས་རྒྱ་རྒྱུན་མཐུད་ངང་སྲ་བརྟན་དང་རྒྱ་སྐྱེད་བཏང་བ་དང་། ལས་ཁུངས་དང་། བྱ་ལས་སྡེ་ཚན། ཁེ་ལས། སྤྱི་ཚོགས་རྩ་འཛུགས་བཅས་ཀྱི་ཏང་འཛུགས་སྐྲུན་གྱི་ལས་དོན་ལ་གྲུབ་འབྲས་གསར་པ་ཐོབ་པ། གཞི་རིམ་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ཀྱི་ནུས་པ་རྒྱུན་ཆད་མེད་པར་ཆེ་རུ་ཕྱིན་པ། ཏང་གི་ཆབ་སྲིད་ཀྱི་དགེ་མཚན་དང་རྩ་འཛུགས་ཀྱི་དགེ་མཚན་དེ་རྒྱུན་ཆད་མེད་པར་འཕེལ་རྒྱས་ཀྱི་དགེ་མཚན་དང་བཅོས་སྐྱོང་གི་དགེ་མཚན་དུ་བསྒྱུར་བ། ཏང་དང་རྒྱལ་ཁབ་ཀྱི་ལས་དོན་ཁྱོན་ཡོངས་ལ་ཞབས་འདེགས་ཞུ་བ་དང་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་ཆེད་སྟོབས་ཤུགས་ཆེན་པོ་གཅིག་ཏུ་སྒྲིལ་བ། །