དོན་ཚན་རེ་བཞི་པ། རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་དུས་བཀག་ལྟར་མི་རིགས་ལས་དོན་དང་མི་རིགས་མཐུན་སྒྲིལ་ཡར་ཐོན་བྱ་གཞག་འཕེལ་རྒྱས་འགྲོ་ཚུལ་གྱི་སྙན་ཞུ་ཉན་འཇོག་བྱས་ནས། མི་རིགས་མཐུན་སྒྲིལ་ཡར་ཐོན་བྱ་གཞག་ཁྲོད་ཀྱི་གནད་དོན་གལ་ཆེན་ཞིབ་འཇུག་དང་ཐག་གཅོད་བྱེད་དགོས།
མི་རིགས་མཐུན་སྒྲིལ་ཡར་ཐོན་ལས་དོན་རིམ་ཁག་འགོ་ཁྲིད་ལས་བྱེད་པའི་ལོ་འཁོར་གྱི་དཔྱད་ཞིབ་དཔྱད་བསྡུར་དང་སྲིད་སྐྱོང་བྱས་རྗེས་དཔྱད་ཞིབ་ནང་འཇུག་དགོས།
དོན་ཚན་རེ་ལྔ་པ། ས་གནས་མི་དམངས་སྲིད་གཞུང་རིམ་པ་ཁག་གིས་མི་རིགས་མཐུན་སྒྲིལ་ཡར་ཐོན་བྱ་གཞག་དང་མི་རིགས་མཐུན་སྒྲིལ་ཡར་ཐོན་གསར་གཏོད་བྱེད་པར་མཁོ་བའི་འགྲོ་གྲོན་རིམ་པ་དེ་གའི་སྔོན་རྩིས་ནང་འཇུག་དགོས།
མི་རིགས་མཐུན་སྒྲིལ་ཡར་ཐོན་བྱ་གཞག་དང་མི་རིགས་མཐུན་སྒྲིལ་ཡར་ཐོན་གསར་གཏོད་ཀྱི་ལས་དོན་གྲོན་དངུལ་དོ་དམ་བྱ་ཐབས་དེ་ཞིང་ཆེན་མི་དམངས་སྲིད་གཞུང་གི་མི་རིགས་ལས་དོན་སྡེ་ཚན་གྱིས་ནོར་སྲིད་སྡེ་ཚན་དང་མཉམ་དུ་ལོགས་སུ་བཟོ་དགོས།
དོན་ཚན་རེ་དྲུག་པ། ས་གནས་མི་དམངས་སྲིད་གཞུང་རིམ་པ་ཁག་གིས་མི་རིགས་མཐུན་སྒྲིལ་ཡར་ཐོན་ཡོང་བར་སྐུལ་འདེད་གཏོང་བའི་ལས་དོན་སྤེལ་བར་སྐུལ་མ་གཏོང་བའི་ནང་རྐྱེན་འཛུགས་དགོས།
ཁེ་ལས་དང་སྤྱི་ཚོགས་རྩ་འཛུགས་སྣ་ཚོགས་ཀྱིས་མི་རིགས་མཐུན་སྒྲིལ་ཡར་ཐོན་ལས་དོན་སྐུལ་ལྕག་དང་བྱ་དགའི་ལམ་སྲོལ་འཛུགས་རྒྱུར་སྐུལ་མ་གཏོང་དགོས།
དོན་ཚན་རེ་བདུན་པ། ས་གནས་མི་དམངས་སྲིད་གཞུང་རིམ་པ་ཁག་གིས་མི་རིགས་ཁག་གི་སྤྱི་དམངས་འདྲ་མཉམ་ངང་ས་གནས་དེ་གའི་ལས་དོན་ཁག་ལ་ཞུགས་པར་འགན་སྲུང་བྱེད་དགོས། མི་རིགས་མཐུན་སྒྲིལ་ཡར་ཐོན་བྱ་གཞག་དང་འབྲེལ་བའི་སྲིད་འཛིན་གྱི་ཐབས་ཇུས་གལ་ཆེན་དང་འཆར་འགོད་གལ་ཆེན་ཟིན་འགོད་བྱེད་སྐབས་མི་རིགས་ཁག་གི་སྤྱི་དམངས་ཀྱི་འཐུས་མིའི་བསམ་འཆར་དང་གྲོས་འགོ་ཉན་འཇོག་བྱེད་དགོས།
དོན་ཚན་རེ་བརྒྱད་པ། མི་རིགས་རང་སྐྱོང་ས་གནས་ཀྱིས་གཞི་རིམ་གྱི་སྲིད་དབང་འཛུགས་སྐྱོང་བྱེད་ཤུགས་ཆེ་རུ་གཏོང་བ་དང་།
གཞི་རིམ་གྱི་རྨང་གཞི་བརྟན་དུ་བཏང་ནས་མི་རིགས་མཐུན་སྒྲིལ་དང་རྒྱལ་ཁབ་ཀྱི་གཅིག་གྱུར་སྲུང་སྐྱོང་མཐའ་གཅིག་ཏུ་བྱེད་པའི་མི་རིགས་ཁག་གི་ཕུལ་བྱུང་ལས་བྱེད་པ་གསོ་སྐྱོང་དང་། འདེམས་སྒྲུག་བསྐོ་སྤྱོད་བཅས་བྱེད་དགོས།
རྒྱལ་ཁབ་ཀྱི་སྤྱི་སྤྱོད་སྐད་ཡིག་དང་འབྲེལ་ཡོད་གྲངས་ཉུང་མི་རིགས་ཀྱི་སྐད་ཡིག་ཤེས་པའི་དགེ་རྒན་དང་། ཁྲིམས་དཔོན། ཞིབ་དཔྱོད་དཔོན་སོགས་སྐད་གཉིས་ཤེས་ལྡན་མི་སྣ་གསོ་སྐྱོང་དང་འདེམས་སྒྲུག་བྱེད་ཤུགས་ཆེ་རུ་གཏོང་དགོས།
དོན་ཚན་རེ་དགུ་པ། ས་གནས་མི་དམངས་སྲིད་གཞུང་རིམ་པ་ཁག་དང་དེའི་འབྲེལ་ཡོད་སྡེ་ཁག(སྡེ་ཚན)གིས་མི་རིགས་ཀྱི་རྒྱུ་རྐྱེན་དང་འབྲེལ་བའི་གློ་བུར་དུ་བྱུང་བའི་དོན་རྐྱེན་ཚབས་ཆེན་སྔོན་ཚུད་ནས་ཉེན་བརྡ་གཏོང་བ་དང་བབ་བསྟུན་ཐག་གཅོད་བྱེད་པའི་ནང་རྐྱེན་འཛུགས་པ་དང་འཐུས་སྒོ་ཚང་དུ་བཏང་ནས། མི་རིགས་མཐུན་སྒྲིལ་ལ་ཤུགས་རྐྱེན་ཐེབས་པའི་འགལ་བ་དང་རྩོད་གཞི་སྣ་ཚོགས་སྔོན་འགོག་དང་སེལ་ཐབས་བྱེད་དགོས།
དོན་ཚན་བདུན་ཅུ་པ། ས་གནས་མི་དམངས་སྲིད་གཞུང་རིམ་པ་ཁག་གིས་མི་རིགས་མཐུན་སྒྲིལ་ཡར་ཐོན་དང་འབྲེལ་བའི་ལས་དོན་ཞུ་གཏུག་དང་ཐེར་འདོན་གོང་ཞུའི་ནང་རྐྱེན་འཛུགས་པ་དང་འཐུས་སྒོ་ཚང་དུ་བཏང་ནས། ཞུ་གཏུག་དང་ཐེར་འདོན་གོང་ཞུ་ཆ་འཕྲིན་ཅན་དུ་འགྱུར་བའི་ལས་སྟེགས་འཛུགས་སྐྲུན་བྱེད་ཤུགས་ཆེ་རུ་གཏོང་དགོས།
རྩ་འཛུགས་གང་ངམ་སྐྱེ་བོ་སུ་ཞིག་ཡིན་རུང་མི་རིགས་མཐུན་སྒྲིལ་ཡར་ཐོན་ལ་གཏོར་བཤིག་གཏོང་བའི་བྱ་སྤྱོད་ལ་ལྟ་སྐུལ་དང་།
སྐྱོན་བརྗོད། བཀག་འགོག །ཐེར་འདོན་གོང་ཞུ་བཅས་བྱེད་དབང་ཡོད། འབྲེལ་ཡོད་སྡེ་ཁག་གིས་ཁྲིམས་ལྟར་ཐེར་འདོན་གོང་ཞུ་བདག་སྤྲོད་བྱས་ནས་དུས་ཐོག་ཏུ་ཐག་གཅོད་བྱེད་དགོས་པར་མ་ཟད་ལན་ཡང་འདེབས་དགོས།
དོན་ཚན་དོན་གཅིག་པ། རྫོང་རིམ་པ་ཡན་གྱི་ས་གནས་མི་དམངས་འཐུས་མིའི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་དང་ཞང་དང་གྲོང་རྡལ་གྱི་མི་དམངས་འཐུས་མིའི་ཚོགས་ཆེན་གྱིས་ཁྲིམས་བསྟར་ཞིབ་བཤེར་བྱེད་པ་དང་། རིམ་པ་གཅིག་མཚུངས་ཀྱི་མི་དམངས་སྲིད་གཞུང་གི་ལས་དོན་སྙན་ཞུ་ཉན་པ། ཆེད་དོན་འདྲི་རྩད་སོགས་ཀྱི་བྱེད་ཐབས་ལ་བརྟེན་ནས་མི་རིགས་མཐུན་སྒྲིལ་ཡར་ཐོན་ལས་དོན་ལ་ལྟ་སྐུལ་བྱེད་ཤུགས་ཆེ་རུ་གཏོང་དགོས།
ལེའུ་བདུན་པ། ཁྲིམས་འབྲེལ་ཁུར་འཁྲིའི་སྐོར།
དོན་ཚན་དོན་གཉིས་པ། སྲོལ་ཡིག་འདིའི་གཏན་འབེབས་དང་འགལ་བའི་བྱ་སྤྱོད་ལ་བཅའ་ཁྲིམས་དང་ཁྲིམས་སྲོལ་ནང་བཅའ་ཁྲིམས་ཀྱི་འགན་འཁྲིའི་གཏན་འབེབས་ཡོད་རིགས་གཏན་འབེབས་དེ་ལྟར་བྱ་རྒྱུ།
དོན་ཚན་དོན་གསུམ་པ། སྲོལ་ཡིག་འདིའི་དོན་ཚན་སོ་གཅིག་པ་དང་སོ་དགུ་པའི་གཏན་འབེབས་དང་འགལ་རིགས་ལ་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གི་འབྲེལ་ཡོད་སྡེ་ཁག་དང་སྡེ་ཚན་གྱིས་སྐྱོན་བརྗོད་སློབ་གསོ་གཏང་རྒྱུ་དང་། ཁྲིམས་འགལ་བྱ་སྤྱོད་སྤེལ་མཚམས་འཇོག་ཏུ་འཇུག་དགོས། བདེ་འཇགས་དོ་དམ་དང་འགལ་བའི་བྱ་སྤྱོད་གྲུབ་རིགས་ལ་སྤྱི་བདེ་ལས་ཁུངས་ཀྱིས་ཁྲིམས་ལྟར་ཆད་པ་གཅོད་དགོས་པ་དང་། བྱས་ཉེས་སུ་གྲུབ་རིགས་ལ་ཁྲིམས་ལྟར་ཉེས་འགན་བདའ་འདེད་གཏོང་དགོས།
དོན་ཚན་དོན་བཞི་པ། ལས་ཁུངས་དང་། ཚོགས་པ། ཁེ་ལས་དང་བྱ་ལས་སྡེ་ཚན། རྩ་འཛུགས་གཞན་དག་བཅས་ཀྱིས་མི་རིགས་མཐུན་སྒྲིལ་ཡར་ཐོན་ཡོང་བར་སྐུལ་འདེད་གཏོང་བའི་ལས་དོན་ནང་གཤམ་གསལ་གྱི་གནས་ཚུལ་ལས་རིགས་གཅིག་ཡོད་ན། དེའི་གཙོ་སྐྱོང་སྡེ་ཁག་གམ་འབྲེལ་ཡོད་ལས་ཁུངས་ཀྱིས་སྐྱོན་བརྗོད་དང་སློབ་གསོ་བརྒྱབ་ནས་ཡོ་བསྲང་བྱེད་དུ་འཇུག་དགོས་པ་དང་། དུས་ལས་ཡོལ་ཡང་ཡོ་བསྲང་མ་བྱས་ན་བརྡ་ཁྱབ་གཏོང་དགོས། འགན་འཁྲི་ཡོད་པའི་འགོ་ཁྲིད་མི་སྣ་དང་ཁག་འགན་ཐད་ཀར་འཁུར་དགོས་མིར་བཅའ་ཁྲིམས་དང་སྒྲིག་སྲོལ་ལྟར་ཆད་པ་གཅོད་དགོས། བྱས་ཉེས་སུ་གྲུབ་རིགས་ལ་ཁྲིམས་ལྟར་ཉེས་འགན་བདའ་འདེད་གཏོང་དགོས།
(གཅིག) ཁ་ཕྲལ་ལ་ངོ་རྒོལ་བྱེད་པའི་འཐབ་རྩོད་ནང་ལངས་ཕྱོགས་བརྟན་པོ་མེད་པ་དང་རྣམ་འགྱུར་བརྟན་པོ་མེད་པས་རྒྱལ་ཁབ་ཀྱི་བདེ་འཇགས་དང་མེས་རྒྱལ་གོང་བུ་གཅིག་གྱུར་ལ་གནོད་འཚེ་གཏོང་བའི་བྱ་སྤྱོད་ཡོད་པ།
(གཉིས) སྡེ་ཚན་དེ་གའི་མི་རིགས་མཐུན་སྒྲིལ་ཡར་ཐོན་ལ་ཤུགས་རྐྱེན་ཐེབས་པའི་འགལ་བ་དང་རྩོད་གཞི་དུས་ཐོག་ཏུ་ཐག་གཅོད་དང་འདུམ་འགྲིག་མ་བྱས་པས་ཚོགས་སྤྱིའི་རང་བཞིན་གྱི་དོན་རྐྱེན་བྱུང་རིགས།
(གསུམ) མི་རིགས་ལ་མཐོང་ཆུང་བྱེད་པའི་བྱ་སྤྱོད་བྱུང་ནས་སྤྱི་དམངས་དང་། ཁྲིམས་མི། རྩ་འཛུགས་གཞན་དག་བཅས་ཀྱི་ཁྲིམས་མཐུན་ཁེ་དབང་ལ་གནོད་འཚེ་བཏང་ནས་མི་རིགས་མཐུན་སྒྲིལ་ཡར་ཐོན་བྱ་གཞག་ལ་ཤུགས་རྐྱེན་ངན་པ་བཟོས་རིགས།
(བཞི) སྲོལ་ཡིག་འདིའི་གཏན་འབེབས་དང་འགལ་བའི་བྱ་སྤྱོད་གཞན་དག་ཡོད་པས་ངན་འབྲས་སམ་ཤུགས་རྐྱེན་ངན་པ་བཟོས་རིགས།
ལེའུ་བརྒྱད་པ། ཞར་བྱུང་དོན་ཚན།
དོན་ཚན་དོན་ལྔ་པ། སྲོལ་ཡིག་འདི་2023ལོའི་ཟླ་1པོའི་ཚེས་1ཉིན་ནས་ལག་ལེན་དུ་བསྟར་བ།(མཇུག་རྫོགས།)