ལི་ཧན་རུང་། སྡེ་ཁུལ་དུ་རྩ་བ་ཚུགས་ནས་ལོ་ངོ་ཉི་ཤུ་རིང་མི་རིགས་མཐུན་སྒྲིལ་གྱི་མེ་ཏོག་གསོས་པ།

ལི་ཧན་རུང་ནི་སི་ཁྲོན་ཆུས་རྫོང་ནས་ཡིན་ཞིང་། ཁྲེང་ཏུའུ་གྲོང་ཁྱེར་ཝུའུ་ཧོའུ་ཆུས་ཅིན་དབྱང་ཁྲོམ་གཞུང་ཏང་དོན་ཨུ་ལྷན་གྱི་ཨུ་ཡོན་དང་ཅིན་དབྱང་ཁྲོམ་གཞུང་ཅི་ཧྥུ་སྡེ་ཁུལ་གྱི་ཏང་ཨུའི་ཧྲུའུ་ཅི། སྡོད་དམངས་ཨུ་ལྷན་གྱི་ཀྲུའུ་རེན་བཅས་ཡིན། 2003ལོའི་ཟླ་4པར། སྡེ་ཁུལ་དུ་ལས་ཀར་ཞུགས། ཁོང་གིས་མི་རིགས་ལས་དོན་ལ་ཤུགས་སྣོན་དང་ལེགས་བཅོས་བྱ་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དུ་བཏང་ནས་ཕན་ཚུན་མཉམ་འདྲེས་དང་། རིག་གནས་མཉམ་འདྲེས། འཆམ་མཐུན་མཉམ་འདྲེས་བཅས་ཀྱི་མཉམ་འདྲེས་གསུམ་གྲོང་ཁྱེར་སྡེ་ཁུལ་གྱི་མི་རིགས་ལས་ཀའི་བཅའ་ཁྲིམས་གསར་གཏོད་འཚོལ་ཞིབ་བྱས་ཏེ། མི་རིགས་ཁག་གི་མང་ཚོགས་དངོས་སུ་སྡེ་ཁུལ་དུ་བསྐྱོད་པ་དང་། བློ་རྩེ་གཅིག་སྒྲིལ་གྱིས་སྡེ་ཁུལ་དུ་མཉམ་འདྲེས་བྱས་ཏེ་བདེ་སྐྱིད་དང་མཛེས་སྡུག་ལྡན་པའི་ཁྱིམ་གཞིས་ཐུན་མོང་འཛུགས་སྐྲུན། མཉམ་སྐྱོང་།

མཉམ་སྤྱོད་བཅས་བྱས་ཡོད། ཅི་ཧྥུ་སྡེ་ཁུལ་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་སྡེ་ཁུལ་དང་། རྒྱལ་ཡོངས་ཀྱི་ཁྲིམས་སྐྱོང་དཔེ་སྟོན་སྡེ་ཁུལ། རྒྱལ་ཡོངས་ཀྱི་ཆེས་མཛེས་སྡུག་ལྡན་པའི་དང་བླངས་ཞབས་ཞུའི་སྡེ་ཁུལ་སོགས་རྒྱལ་ཁབ་དང་ཞིང་ཆེན། གྲོང་ཁྱེར་བཅས་ཀྱི་གཟི་བརྗིད་རྣམ་གྲངས་60ལྷག་ཐོབ་ཡོད། སི་ཁྲོན་ཞིང་ཆེན་གྱི་ཏོག་གསར་གློ་ཚད་རིམས་ནད་ལ་འགོག་རྒོལ་བྱེད་པའི་སྔོན་ཐོན་མི་སྒེར་དང་། ཁྲེང་ཏུའུ་གྲོང་ཁྱེར་གྱི་ཕུལ་བྱུང་གུང་ཁྲན་ཏང་ཡོན། ཁྲེང་ཏུའུ་གྲོང་ཁྱེར་གྱི་ཕུལ་བྱུང་ཏང་དོན་ལས་དོན་པ་སོགས་ཀྱི་གཟི་བརྗིད་མཚན་སྙན་ཐོབ་ཡོད།

གསར་གཏོད་ཀྱི་ཕྱོགས་སུ་བསྐྱོད་ནས་མི་རིགས་མཐུན་སྒྲིལ་སྐུལ་འདེད་གཏོང་མཁན་བྱེད་དགོས།

2019ལོའི་ལོ་འགོར་ལི་ཧན་རུང་ཅིན་དབྱང་སྡེ་ཁུལ་ནས་ཅི་ཧྥུ་སྡེ་ཁུལ་དུ་ལས་ཀར་སྤོས། མི་རིགས་ལས་དོན་དེ་ལས་ཀ་གསར་པ་ཞིག་ཡིན་པའི་ཁོང་བློ་མི་བདེ་བ་ཞིག་ཡིན་མོད། འོན་ཀྱང་ཐོག་མའི་བསམ་འདུན་མ་བརྗེད་པ་དང་འགན་འཁྲི་བློ་ལ་བརྟན་པོར་བཞག་ན། སྡེ་ཁུལ་གྱི་གནས་ཚུལ་ལ་འགྱུར་ལྡོག་ཇི་ལྟར་བྱུང་ནའང་མི་རིགས་ཁག་གི་མང་ཚོགས་ལ་ཞབས་འདེགས་ཞུ་ཐུབ་པའི་ཡིད་ཆེས་བརྟན་པོ་ཡོད། ཅི་ཧྥུ་སྡེ་ཁུལ་གྱི་རྒྱ་ཁྱོན་ཆེན་པོ་མེད་ཀྱང་དུད་ཚང་8497དང་སྡོད་མི་ཁྲི་2.3ལྷག་ཙམ་ཡོད་པ་དང་གྲངས་ཉུང་མི་རིགས་ཀྱིས་བརྒྱ་ཆ་10ཙམ་ཟིན་ཡོད། སྡེ་ཁུལ་གྱི་སྲང་ལམ་ཆུང་བའི་ཙུང་ལི་ཡིན་པའི་ལི་ཧན་རུང་གིས་མི་རིགས་མཐུན་སྒྲིལ་ཡར་ཐོན་སྡེ་ཁུལ་དུ་འཛུགས་རྒྱུར་སྐུལ་འདེད་གཏིང་ཟབ་བཏང་བ་དང་། མི་རིགས་ཁག་གི་མང་ཚོགས་བདེ་སྡོད་ཁོར་ཡུག་བཟང་པོ་ཧུར་ཐག་བཏོད་པ། སྡེ་ཁུལ་དེ་མི་རིགས་ཁག་གི་མང་ཚོགས་ཀྱིས་ཕན་ཚུན་ལྟ་སྲུང་རོགས་རམ་བྱེད་པའི་ཁྱིམ་ཚང་ཆེན་པོ་ཞིག་ཏུ་བསྐྲུན་ནས། ཏང་གི་མི་རིགས་ཀྱི་རིགས་པའི་གཞུང་ལུགས་དང་སྲིད་ཇུས་རྩ་བ་ཚུགས་པ་དང་།

མི་རིགས་མཐུན་སྒྲིལ་ཡར་ཐོན་སྡེ་ཁུལ་དུ་མེ་ཏོག་བཞད་ནས་འབྲས་བུ་ཐོན་དུ་བཅུག་པ་རེད།

ཁོང་གིས་ཏང་འཛུགས་སྐྱོང་གིས་མང་ཚོགས་ཀྱི་གཙོ་གཟུགས་ལ་སྣེ་ཁྲིད་བྱ་རྒྱུ་མཐའ་འཁྱོངས་བྱས་ཏེ། སེམས་མཐུན་མཉམ་སྒྲུབ་ཀྱི་འཆམ་མཐུན་གྱི་ཁྱིམ་གཞིས་ཐུན་མོང་དུ་བཙུགས། ཞབས་ཞུ་ཅན་གྱི་ཏང་རྩ་འཛུགས་འཛུགས་སྐྱོང་བྱེད་འགོ་བརྩམས་ཏེ། ཏང་འཛུགས་སྐྱོང་གིས་སྣེ་ཁྲིད་བྱས་ནས་བཅོས་སྐྱོང་ལ་སྐུལ་འདེད་གཏོང་བ་དང་། མི་རིགས་སེམས་མཐུན་གྱིས་རང་སྐྱོང་ལ་སྐུལ་འདེད་གཏོང་བ། དམངས་ཡོངས་ཞུགས་ནས་ཐུན་མོང་བཅོས་སྐྱོང་ལ་སྐུལ་འདེད་གཏོང་བ་བཅས་ཀྱི་ཐབས་ལམ་གསུམ་འཚོལ་ཞིབ་ཧུར་ཐག་བྱས་ཏེ། མི་རིགས་མཐུན་སྒྲིལ་ཡར་ཐོན་གསར་སྐྲུན་དང་གྲོང་ཁྱེར་གཞི་རིམ་བཅོས་སྐྱོང་དང་སྤྱི་ཚོགས་ཕྱོགས་བསྡུས་བཅོས་སྐྱོང་ཕན་ཚུན་མཉམ་འདྲེས་དང་ཕན་ཚུན་སྐུལ་འདེད་གཏོང་བར་སྐུལ་འདེད་བཏང་སྟེ། མི་རིགས་ཁག་གི་མཉམ་སྡོད་དང་། མཉམ་སྦྱོང་། མཉམ་སྒྲུབ། མཉམ་དགའ། མཉམ་སྦྲེལ་མངོན་འགྱུར་བྱས། ཏང་འཛུགས་སྐྱོང་ལ་བརྟེན་ནས་དྲ་མིག་གི་གཅིག་པ་ལྔ་ཡི་ལམ་སྲོལ་ལ་སྣེ་ཁྲིད་བྱས་ཏེ། བློ་རིག་ཨ་མ་དང་མཉམ་སྤྱོད་རྨོ་བོ་སོགས་སྡེ་ཁུལ་ཞབས་ཞུའི་སྤུས་རྟགས་གསོ་སྐྱོང་དང་།《ཁྲེང་ཏུའུ་གྲོང་ཁྱེར་ཝུའུ་ཧོའུ་ཆུས་ཅིན་དབྱང་ཁྲོམ་གཞུང་ཅི་ཧྥུ་སྡེ་ཁུལ་གྱི་ཕན་ཚུན་ཕྲ་འཇུག་རྣམ་པའི་སྡེ་ཁུལ་འཛུགས་སྐྲུན་ལས་དོན་མཛུབ་ཁྲིད》འབྲི་རྒྱུར་མཛུབ་ཁྲིད་བྱས་ཏེ། ཕན་ཚུན་ཕྲ་འཇུག་གསུམ་དང་། མཉམ་འདྲེས་གསུམ་གྱིས་སྡེ་ཁུལ་བཅོས་སྐྱོང་ཐུན་མོང་སྒྲིག་གཞི་འཛུགས་རྒྱུ》སོགས་སློབ་ཚན་10ལྷག་གསར་སྤེལ་བྱས་པ་རེད། བློ་རིག་ཨ་མ་ལ་རྒྱལ་ཡོངས་ཀྱི་སྤྱི་ཚོགས་བཅོས་སྐྱོང་གསར་གཏོད་གྱོད་དཔེ་དང་རྒྱལ་ཡོངས་ཀྱི་སྤྱི་ཚོགས་ལས་དོན་དང་སྤྱི་ཚོགས་བཅོས་སྐྱོང་དཔེ་མཚོན་གྱོད་དཔེ་ལ་དཔྱད་བསྡུར་བྱས་པ་དང་འབྲེལ་ཡོད་ཉམས་མྱོང་ཀྲུང་དབྱང་བརྙན་འཕྲིན་ལས་ཁུངས་དང་ཤིན་ཧྭ་གསར་འགྱུར་ཁང་སོགས་གཙོ་རྒྱུན་འཕྲིན་སྦྱོར་གྱིས་བཅར་འདྲི་བྱས་ནས་གནས་ཚུལ་སྤེལ།

རིག་གནས་ཀྱི་བླ་སྲོག་གཅིག་སྡུད་བྱས་ནས་ཐུན་མོང་ཚོགས་པའི་འདུ་ཤེས་སྲུང་སྐྱོབ་བྱེད་མཁན་བྱས།

ཅི་ཧྥུ་སྡེ་ཁུལ་དུ་གྲངས་ཉུང་མི་རིགས་མང་པོ་ཡོད་པའི་དོན་དངོས་དང་ཟུང་འབྲེལ་བྱས་ཏེ་ལི་ཧན་རུང་གིས་ས་གནས་ཀྱི་གནས་ཚུལ་དང་བསྟུན་ནས་བསམ་བློའི་ཐུན་མོང་ངོས་འཛིན་ཤུགས་ཆེ་རུ་གཏོང་བ་དང་། མཉམ་འདྲེས་ཐོག་་ཁྱིམ་ཚང་གཅིག་གི་གཉེན་ཉེ་ལྟ་བུའི་སྡེ་ཁུལ་གྱི་རྣམ་པ་བསྐྲུན་པ་རེད།

ཁོང་གིས་རིག་གནས་སྟེགས་བུའི་ཐོག་ནས་ནུས་པ་འདོན་རྒྱུ་རྒྱུན་འཁྱོངས་བྱས་ཏེ། ཕན་ཚུན་སློབ་སྦྱོང་དང་ཕན་ཚུན་མིག་དཔེ་ལྟ་བའི་རིག་གནས་ཁྱིམ་གཞིས་ཐུན་མོང་དུ་གཉེར་ནས། སྡེ་ཁུལ་གྱི་སྨི་གྲུ་བཞི་མ་400ཉེ་བའི་བར་སྟོང་སྡེབ་སྒྲིག་བྱས་ཏེ་མི་རིགས་རིག་གནས་ཁྱིམ་གཞི་དང་། ཀྲུང་གོའི་ཐང་ག་ཁང་། ལེགས་སྨོན་རི་མོའི་སྒྱུ་རྩལ་སྤེལ་རེས་ལྟེ་གནས་སོགས་མི་རིགས་ཁག་གི་རིག་གནས་ཕན་ཚུན་དཔྱད་གཞིར་འཛིན་པ་དང་མཉམ་འདྲེས་བྱེད་པའི་རྣམ་པ་བསྐྲུན་ནས། ཀྲུང་ཧྭ་རིག་གནས་འགྲེམས་སྟོན་ཁྱབ་སྤེལ་དང་། རྒྱུན་འཛིན་སྲུང་སྐྱོབ། གསར་གཏོད་མཉམ་འདྲེས་བཅས་གཞི་གཅིག་ཏུ་སྐུལ་འདེད་བཏང་། དེ་དང་ཆབས་ཅིག་ཐང་ག་དང་རས་པ་ཞབས་བྲོའི་རྣམ་གྲངས་11ལ་རྒྱབ་སྐྱོར་བྱས་པ་དང་། ལེགས་སྨོན་གྱི་རི་མོའི་སྒྱུ་རྩལ་སྤེལ་རེས་ལྟེ་གནས་ལ་ཐང་ག་རི་མོའི་སྒྱུ་རྩལ་རྒྱུན་འཛིན་པ་1500ལྷག་གསོ་སྐྱོང་བྱེད་རོགས་བྱས་ཏེ། རས་པ་ཞབས་བྲོའི་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་རྒྱུན་འཛིན་པ་ཀརྨ་གཡང་འཛོམས་སྡེ་ཁུལ་བཅོས་སྐྱོང་མཉམ་གཉེར་པ་རུ་འཕེལ་རྒྱས་བཏང་སྟེ། སྲོལ་རྒྱུན་སྒྱུ་རྩལ་གྱི་གསོན་ཉམས་རྒྱུན་འཛིན་དང་དེང་རབས་ཅན་གྱི་ཕྱོགས་སྒྱུར་ལ་སྐུལ་འདེད་བཏང་ཡོད། གཞན་ཡང་སྣེ་ཁྲིད་དེ་མི་རིགས་མཐུན་སྒྲིལ་གླུ་གར་རུ་ཁག་དང་། ཁྲིམས་སྐྱོང་དྲིལ་བསྒྲགས་རུ་ཁག །རིག་གནས་དྲིལ་བསྒྲགས་རུ་ཁག་སོགས་དཔུང་ཁག་12བཙུགས་པ་དང་། ཅི་ཧྥུ་སྡེ་ཁུལ་ཁྱིམ་མཚེས་སློབ་གླིང་བཙུགས་པ། ཅི་ཧྥུ་མེ་ཏོག་བཞད་པའི་སྒྱུ་རྩལ་དུས་ཆེན་སོགས་ཀྲུང་ཧྭ་རིག་གནས་ཀྱི་གར་སྟེགས་ཆེན་པོ་བཙུགས། མང་ཚོགས་རང་བཞིན་གྱི་རྩ་འཛུགས་ཁག་36བཙུགས། མི་རིགས་མཐུན་སྒྲིལ་དྲིལ་བསྒྲགས་བྱེད་སྒོ་ཐེངས་160ལྷག་དང་སྲིད་ཇུས་དྲིལ་བསྒྲགས་སྙན་ཞུའི་ཚོགས་འདུ་ཐེངས་30གཉེར་ནས་མི་རིགས་ཁག་གི་མང་ཚོགས་ལ་ངོས་འཛིན་ལྔ་ཆེ་རུ་གཏང་རྒྱུའི་ཁྲིད་སྟོན་བྱས་ཏེ། ཐུན་མོང་བཞི་ཡི་ཐུན་མོང་ཚོགས་པའི་འདུ་ཤེས་བརྟན་པོ་བཙུགས་ནས་སྡེ་ཁུལ་དེ་སི་ཁྲོན་ཞིང་ཆེན་མི་རིགས་མཐུན་སྒྲིལ་ཡར་ཐོན་སློབ་གསོའི་རྟེན་གཞི་རུ་འགྱུར་རྒྱུར་སྐུལ་འདེད་བཏང་ཡོད།

བློ་དཀར་ཞབས་འདེགས་སྒྲུབ་ནས། མི་རིགས་ཁག་གི་མང་ཚོགས་སེམས་པ་བཀུག

ལི་ཧན་རུང་གིས་གྲོང་ཁྱེར་གྱི་མི་རིགས་ལས་དོན་ཡག་པོ་སྒྲུབ་དགོས་ན། ངེས་པར་དུ་སེམས་ཤུགས་དང་བརྩེ་སེམས་ལ་བརྟེན་ནས་ཞབས་འདེགས་ཞུ་དགོས་པ་ཤེས་ཀྱི་ཡོད། ཁོང་གིས་མང་ཚོགས་ཀྱི་ཛ་དྲག་དཀའ་ངལ་དང་སེམས་ཁྲལ་ལ་སེམས་ཁུར་བྱས་ནས་མི་རིགས་ཁག་གི་མང་ཚོགས་ཀྱིས་མཛེས་སྡུག་ལྡན་པའི་འཚོ་བའི་རེ་སྙེག་ལ་ལན་འདེབས་པ་དང་། ཡུལ་དངོས་དང་དྲ་ཐོག་གི་མི་དམངས་ཀྱི་བསམ་འཆར་རེ་འདུན་སྟེགས་བུ་བཙུགས་པ་དང་།

གྲོང་ཁྱེར་མི་རིགས་ལས་དོན་ཞབས་ཞུའི་ས་ཚོགས་བཙུགས་པ་དང་། ཁྱིམ་ཚང་དུ་བསྐྱོད་ནས་མང་ཚོགས་4000ལྷག་དང་སྐད་འཕྲིན་གྲོགས་པོར་གྱུར་ནས། མང་ཚོགས་ཉེ་འགྲམ་གྱི་སེམས་ཁྲལ་དང་། དཀའ་ཁག །ཡ་ང་བ་བཅས་ཀྱི་དོན་དག་དུས་ཐོག་ཏུ་རྒྱུས་ལོན་དང་ལེགས་པར་སྒྲུབ་པ་རེད། དེ་དང་ཆབས་ཅིག །མི་རིགས་ཁག་གི་མང་ཚོགས་ཞབས་ཞུའི་བྱ་ཡུལ་ནས་བཅོས་སྐྱོང་གཙོ་གཟུགས་སུ་བསྒྱུར་རྒྱུར་ཁྲིད་སྟོན་ཧུར་ཐག་བྱས་ཏེ་རང་འགུལ་ངང་སྡེ་ཁུལ་དང་། སྒོ་རའི་ཏང་རྩ་འཛུགས་དང་རང་སྐྱོང་རྩ་འཛུགས་ཀྱི་ཁོངས་མིའི་འགན་འཁུར་ནས་ཞབས་ཞུ་བྱ་ཡུལ་ཞབས་ཞུའི་སྟོབས་ཤུགས་སུ་བསྒྱུར་རྒྱུར་སྐུལ་འདེད་བཏང་ཡོད།

ཁོང་གིས་དགོས་པ་ཡོད་ན་ངེས་པར་དུ་མི་དམངས་ལ་ཕན་པ་ཐོབ་པ་དང་མཛེས་སྡུག་ལྡན་པའི་སྡེ་ཁུལ་གྱི་བདེ་སྐྱིད་ཀྱི་ཁྱིམ་གཞིས་མཉམ་སྤྱོད་བྱ་རྒྱུ་མཐའ་འཁྱོངས་བྱས་པ་རེད། ཅི་ཧྥུའི་ཁ་བརྡ་སོགས་སྤུས་རྟགས་རྣམ་གྲངས་བསྐྲུན་ནས་ཕྱོགས་མང་མཉམ་འགུལ་དང་། ཐུན་མོང་གྲོས་མོལ་མཉམ་གྲོས། དབང་ཆ་དང་འགན་འཁྲི་ཁ་གསལ་བཅས་ཀྱི་སྡེ་ཁུལ་བཅོས་སྐྱོང་ཐུན་མོང་ཚོགས་པ་ཆགས་པ་དང་། འགྲིམ་འགྲུལ་སློབ་ཆེན་གྱི་སྒོ་ར་དང་། སྤྲོ་ཁང་དུས་སྐབས་དང་པོ། ཤར་ཀྱི་སྡོད་ཁུལ་སོགས་མི་རིགས་མང་པོའི་མང་ཚོགས་མཉམ་སྡོད་ཁུལ་ལ་རང་གིས་མ་དངུལ་སྒོར་700ལྷག་གྲབས་གསོག་བྱས་ནས་སྡོད་ཁུལ་བསྒྱུར་བཀོད་བྱ་རྒྱུར་ཁྲིད་སྟོན་བྱས་ཏེ། བསྒྱུར་བཅོས་དང་བཅོས་སྐྱོང་གཞི་གཅིག་བརྒྱུད་སྡོད་ཁུལ་རྙིང་པ་བཅོས་སྐྱོང་བྱེད་པའི་དཀའ་གནད་ཐག་གཅོད་བྱས། གྲོང་ཁུལ་གྱི་དགེ་སྒྲུབ་ཚོགས་པ་དང་། ཐེབས་རྩ་ལྷན་ཚོགས་སྡེ་ཁུལ་སློབ་གླིང་སོགས་སྡེ་ཚན་40ལྷག་གི་ཐོན་ཁུངས་བསྡུ་སྒྲིལ་བྱས་ཏེ། དུས་ཚོད་ཟ་ཁང་སྐྱིད་སྣང་དོད་པའི་ཁྱིམ་གཞིས་ཅི་ཧྥུ་ཁང་སོགས་དམངས་འཚོ་ཞབས་ཞུའི་རྣམ་གྲངས་30ལྷག་བཙུགས་པ་དང་། ཚོང་ལས་དང་སྡོད་ཁང་མཉམ་འགུལ་འདོན་སྤེལ་བྱས་ནས་མེའོ་རིགས་ཀྱི་ཡུལ་མི་ཙུའུ་ཞུའེ་ཡན་སོགས་མི་རིགས་ཁག་གི་མང་ཚོགས་168ཀྱིས་སྒོ་འགྲམ་ནས་ལས་གཏོད་དང་ལས་ཞུགས་ཡོང་བར་རོགས་རམ་བྱས་པ་རེད། ཁྱིམ་ཚང་སྨན་པ་དྲ་ཕྲན་ནང་ཞུགས་པའི་བྱ་སྤྱོད་སྤེལ་ནས་ཞིང་ཆེན་བུད་མེད་དང་བྱིས་པའི་བདེ་སྲུང་སྨན་ཁང་དང་། སྡེ་ཁུལ་འཕྲོད་བསྟེན་ཞབས་ཞུའི་ལྟེ་གནས། སྡེ་ཁུལ་སློབ་གླིང་སོགས་ཞབས་ཞུའི་ཚོགས་པ་32དང་མི་རིགས་ཁག་གི་མང་ཚོགས་ཁག་དབྱེ་ནས་ཆ་སྒྲིག་བྱས་ནས། བདེ་ཐང་ཞབས་ཞུ་མཁོ་འདོན་བྱ་རྒྱུར་སྐུལ་འདེད་བཏང་བ་དང་། མཉམ་སྤྱོད་རྨོ་བོ་དང་གཏམ་རྒྱུད་སྤོ་བོ། ནོར་བུའི་ཁྱིམ་མཚེས། སོགས་ཁྱིམ་མཚེས་སྤུས་རྟགས་གསོ་སྐྱོང་བྱས་ནས་སྤྲོ་སེམས་ཆེ་བའི་མང་ཚོགས་600ལྷག་ཙམ་སྐུལ་སློང་བྱས་ཏེ། ཁུ་བ་ཕོར་གཅིག་གི་ཐུགས་ཁུར་དང་། ཟ་ཐུན་གཅིག་གི་འདུག་རོགས་སོགས་ཀྱི་རྣམ་གྲངས་བརྒྱུད་ནས། རྒན་པ་གཅིག་དང་ཆུང་ཆུང་གཅིག་སོགས་དཀའ་ངལ་ཡོད་པའི་ཁྱིམ་མཚེས་དང་ལོ་ན་མཐོ་བའི་ཁེར་སྡོད་རྒན་རྒོན་2400ལྷག་ལ་སེམས་ཁུར་དང་རོགས་རམ་བྱས་པ་རེད། མཉམ་སྤྱོད་རྩོད་གཞི་སེལ་བའི་བར་མཐོང་། སེ་འབྲུ་ས་བོན་འདུམ་འགྲིག་ཁང་བཙུགས་ནས་ཐག་གཅོད་ལྔ་དང་སྡུད་ལྔའི་འདུམ་འགྲིག་བཅའ་ཁྲིམས་ཆགས་པ་དང་། ལོ་རེར་འགལ་བ་དང་རྩོད་གཞི་ཐེངས་100ལྷག་མཐུན་སྦྱོར་ཐག་གཅོད་བྱས་པ་དང་།

ཉམས་མྱོང་བྱེད་སྟངས་དེ་སི་ཁྲོན་ཞིང་ཆེན་གྲོང་ཁྱེར་ཁོངས་ཀྱི་སྤྱི་ཚོགས་བཅོས་སྐྱོང་གྱི་དཔེ་མཚོན་གྱོད་དཔེ་ཞིག་ཏུ་བརྩིས་ནས་ཁྱབ་གདལ་བཏང་བ་དང་འབྲེལ《2024ལོའི་ཀྲུང་གོའི་དུས་རབས་གསར་པའི་ཧྥེང་ཆའོ་ཉམས་མྱོང་སྟོན་གྲངས་སྙན་ཞུའི》ནང་བདམས་པ་རེད། །