ཞང་སན་ཆན། གེགས་སེལ་རྒུད་སྐྱོབ་དཔའ་བོ། དགེ་སྒྲུབ་ལས་ལ་འབད་པའི་སེམས་དཔའ་ཆེན་མོ།

ཞང་སན་ཆན། སྐྱེས་པ། རྒྱ་རིགས། ཀྲུང་གུང་ཏང་ཡོན། 1988ལོའི་ཟླ་4པར་སྐྱེས་པ་དང་། སི་ཁྲོན་ཐེན་ཆོན་ནས་ཡིན། 2005ལོའི་ཟླ་12པར་དམག་དཔུང་དུ་ཞུགས་པ་དང་། 2008ལོར་པེ་ཅིན་ཨོ་རྩལ་འགྲན་ཚོགས་འགོ་བཙུགས་སྐབས་ཧྥུའུ་རྡུང་ནས་གླུ་ལེན་པའི་འཁྲབ་སྟོན་ལས་འགན་ལ་ཞུགས། 2017ལོའི་ཟླ་7པར་ཉེན་རྟོག་རུ་ཁག་ཏུ་ཞུགས། ད་ལྟ་སྡེ་དགེ་རྫོང་སྤྱི་བདེ་ཅུས་ཀྱི་དམིགས་བསལ་སྐོར་ཞིབ་ཉེན་རྟོག་རུ་ཆེན་གྱི་རུ་དཔོན་དང་ཉེན་རྟོག་དཔོན་རིམ་པ་གཉིས་པ་ཡིན། ལོ་ངོ་བརྒྱད་རིང་། དེ་སྔའི་དམག་དཔུང་ནང་གི་གེགས་སེལ་རྒུད་སྐྱོབ་དཔའ་བོ་ཁོང་གིས་ཀུན་ལ་དྲོད་འཁོལ་དང་བདེ་སྐྱིད་ཀྱིས་ཁེངས་པར་ཤོག་ཅེས་པའི་མི་དམངས་ཀྱི་བརྩེ་སེམས་ཟབ་ཏུ་བཏང་ནས། དུས་དང་རྣམ་པ་ཀུན་དུ་དགེ་སྒྲུབ་ལས་ལ་འབད་ནས། བརྩེ་བའི་ས་བོན་སྡེ་དགེ་ཡུལ་དུ་བཏབ་ནས། ཁྱོན་བསྡོམས་བརྩེ་སེམས་ལྡན་པའི་མི་སྣ་དང་འབྲེལ་བ་བྱས་ནས་རིན་ཐང་ཁྲི་200ཙམ་གྱི་དངོས་ཟོག་ཞལ་འདེབས་བརྒྱབ་སྟེ། ཕལ་པའི་དགེ་སྒྲུབ་ལ་བརྟེན་ནས་གངས་ཅན་ས་མཐོར་དུས་རབས་གསར་པའི་མི་རིགས་མཐུན་སྒྲིལ་གྱི་ལམ་བུའི་ཐོག་བསྐྱོད་པས་དགེ་ལས་པ་ཞེས་པའི་མཚན་སྙན་ཐོབ། དཀར་མཛེས་ཡ་རབས་མི་སྣ་དང་། དཀར་མཛེས་ཀྱི་བྱམས་སེམས་དགེ་སྒྲུབ་མི་སྒེར། མི་སྒེར་གྱི་བྱས་རྗེས་རིམ་པ་གཉིས་པ། ཕུལ་བྱུང་འཛིན་དཔོན་བཅུ། ཡུན་ནན་དབྱི་ལེང་གེགས་སེལ་རྒུད་སྐྱོབ་ཀྱི་སྔོན་ཐོན་མི་སྒེར་སོགས་གཟི་བརྗིད་གཟེངས་བསྟོད་ཁག་24ཐོབ་ཡོད།

གེགས་སེལ་རྒུད་སྐྱོབ་ལས་མི་དམངས་ལ་བཅངས་པའི་བརྩེ་བ་ཐོག་མར་མངོན།

དགེ་བའི་ལས་ལ་འབད་རྒྱུ་དེ་ཤ་གསེང་རུས་གསེང་ལ་ཟུག་པའི་བྱམས་དང་སྙིང་རྗེ་ཡིན། གྲོང་གསེབ་ནས་ཐོན་པའི་ཁོང་གིས་ཆུང་དུས་ནས་བསམ་པ་བཟང་པོ་ཡོད་པའི་ཁོ་རང་གིས་དམག་དཔུང་དུ་ཞུགས་རྗེས་དེ་བས་མི་དམངས་ཀྱི་ཆེད་དུ་འབད་པ་བྱ་རྒྱུའི་སྤོབས་པ་སྐྱེས། 2012ལོའི་ཟླ་9པའི་ཚེས་7ཉིན་དབྱི་ལེང་རྫོང་དུ་ས་ཡོམ་རིམ་པ་5.7ཐོན་པའི་དགོང་མོར། བོད་ལྗོངས་ཀྱི་ཡངས་པ་ཅན་དུ་ནང་སྦྱོང་གི་ལས་འགན་སྒྲུབ་བཞིན་པའི་ཞང་སན་ཆན་ལ་བཀའ་ལྟར་ཆའོ་ཧྲན་སྨི་ཨར་གྲོང་ཚོར་གེགས་སེལ་རྒུད་སྐྱོབ་ཀྱི་ཡུལ་དངོས་སུ་ཆས་ནས། གནོད་ཐེབས་མང་ཚོགས་ལ་ཞག་སྡོད་གུར་ཕུབ་པ་དང་། ས་ཡོམ་གྱི་དབང་གིས་ས་འོག་ཏུ་བཅུག་པའི་མང་ཚོགས་ཀྱི་རྒྱུ་ནོར་མྱུར་སྐྱོབ་བྱས་ཤིང་། མང་ཚོགས་ཀྱི་ཁང་པའི་ནང་གི་འདམ་གཙང་སེལ་བྱེད་པ་སོགས་ལས་ཀ་མང་པོ་བསྒྲུབས། སྐབས་དེ་དུས་འཛིན་དཔོན་ཡིན་པའི་ཞང་སན་ཆན་དང་འཐབ་གྲོགས་རྣམས་ཀྱིས་ལག་ཆ་ཡག་པོ་མེད་པར་བཤིག་རོ་སྔོག་ནས་ཤོག་སྒོར་6000དང་།

ཕྱུགས་ཟོག །རྩ་ཆེའི་དངོས་རྫས་བཅས་མྱུར་སྐྱོབ་བྱས། ཟླ་9པའི་དབྱི་ལེང་རྫོང་ནི་ད་དུང་ཆར་ཆུ་མང་བའི་དུས་ཚིགས་སུ་གཏོགས། ཆུ་ལོག་ཐོན་ནས་གནས་སྐབས་སུ་ཕུབ་པའི་སྦྲ་གུར་དེད་སོང་བར་མ་ཟད། ས་བབ་ཅུང་སྙོམས་པའི་དམངས་ཁང་ལ་ཡང་བསྐྱར་དུ་གནོད་འཚེ་ཐེབས། ཁོས་རྒན་རྒོན་དང་ཉམས་ཐག །

དབང་པོ་སྐྱོན་ཅན་རྒྱབ་ཏུ་ཁུར་ཞེས་སྐད་བརྒྱབ་པས། འཐབ་མོ་བ་གཅིག་གིས་མང་ཚོགས་བཅུ་སྲུང་སྐྱོབ་བྱེད་པའི་ཐོག་ནས། ཆུ་ཚོད་གཉིས་དང་ཕྱེད་ཀའི་ནང་མི་2000ལྷག་བདེ་འཇགས་ས་ཁུལ་དུ་གནས་སྤོ་བྱས་པ་རེད།

འགུལ་འཕྲོ་ཡང་ཡང་བྱུང་བ་དང་། རྦབ་རྡོ་རྒྱུན་ཆད་མེད་པས། འགྲོ་ཞོར་ལྟ་ཞོར་གྱིས་བགྲོད་ལམ་ཞིག་གསོ་བྱས་ཤིང་། ཁོས་རུ་ཁག་སྣེ་ཁྲིད་ནས་ལམ་འགག་སུམ་ཅུ་ལྷག་གཙང་སེལ་བྱས་པ་དང་། རི་ཉིལ་ཐེངས་གསུམ་ལས་གཡོལ། རྩ་ཆེའི་རོགས་སྐྱོབ་དུས་ཚོད་ནང་དུ་ཚེ་སྲོག་གི་བགྲོད་ལམ་བཏོད་ཡོད། འགྲོ་ལ་ཉེ་ཁར། མང་ཚོགས་ཀྱིས་སེམས་འགུལ་ཐེབས་ནས་སྐྱེལ་མ་ཞུས། ཐེན་མ་དང་ཤིང་ཏོག་སོགས་ལེགས་སྐྱེས་སྤྲད་མོད་ཁོ་ཚོས་གཅིག་ཀྱང་མ་བླངས།

དམངས་སྲིད་ལས་ཀ་གཉེར་དུས་དྲོད་འཁོལ་གྱིས་བརྟེན་ཤོར་བྱིས་པའི་གཉེན་ཉེ་བྱས།

2014ལོའི་ཟླ་7པར། ཞང་སན་ཆན་དམག་དཔུང་ནས་ལས་གནས་བསྒྱུར་བ་དང་། ལོ་དེའི་ཟླ་9པར་ཁོང་གཡག་རྔ་གྲོང་ཁྱེར་ཐེན་ཆོན་དམངས་དོན་ཅུས་ཀྱི་ལས་དོན་མི་སྣར་གྱུར། ལོ་གསུམ་རིང་། སྔ་རྗེས་སུ་སྤྱི་ཚོགས་ལས་དོན་དང་གཟིགས་སྐྱོང་སོགས་ཀྱི་ལས་ཀ་བསྒྲུབས། ཁོང་གིས་དཔུང་སྡེའི་སྲོལ་རྒྱུན་བཟང་པོ་ས་གནས་ཐོག་ཏུ་ཁྱེར་ནས་སྤྱི་ཚོགས་ཀྱི་དགོས་མཁོ་ཚང་མར་ལྟ་སྟངས་ཞིབ་ཚགས་འཛིན་གྱི་ཡོད། དམངས་སྲིད་ནི་དམངས་འཚོ་དང་འབྲེལ་བ་ཡོད་པའི་འཆར་གཞི་ཆེན་པོ་ཡིན་པ་དང་། དགོས་མཁོ་རེ་རེ་ནི་མི་ཚེ་གཅིག་གི་ཁེ་ཕན་དང་འབྲེལ་བ་ཡོད་པས། སྣང་མེད་སྤུ་ཙམ་ཡང་བྱེད་མི་རུང་བ་ཁོང་གིས་སེམས་སུ་བཟུང་ཡོད། ཐེངས་ཤིག་ལོ་6ཅན་གྱི་བྱིས་པ་ཞིག་དྭ་ཕྲུག་ལག་ཁྱེར་གཉེར་དུ་ཡོང་ཞིང་།

ཁོང་གིས་བྱིས་པ་དེའི་ཕ་མ་གཉིས་ཀྱིས་དོན་རྐྱེན་ཞིག་གི་དབང་གིས་ཚེ་ལས་འདས་པ་ཤེས་སྐབས། རང་འགུལ་ངང་ཁྱིམ་དུ་སོང་ནས་རྒྱུ་ཆ་བསྡུ་རུབ་བྱས་ཏེ། ཁོ་ལ་ལག་ཁྱེར་གཉེར་ནས་དུས་ཐོག་ཏུ་རྒྱལ་ཁབ་ཀྱི་སྲིད་ཇུས་ལོངས་སུ་སྤྱོད་ཐུབ་པ་བྱས། དེ་རྗེས་བརྟེན་ཤོར་བྱིས་པ་གཞན་དག་ལ་གནད་དོན་དངོས་དེ་རིགས་ཐེངས་མང་ཐག་གཅོད་བྱས་ཏེ། བརྩེ་བ་དང་རེ་བའི་ལམ་ཁ་ཕྱེ། གཞན་ཡང་འཁྱམ་པོ་ཁྱིམ་དུ་སྐྱེལ་བ་དང་ལོ་བརྒྱ་ལ་སླེབས་པའི་རྒན་རྒོན་ལ་འཚམས་འདྲི་བྱེད་པ་ཚང་མ་ཁོང་གི་རྒྱུན་ལྡན་གྱི་ལས་ཀ་ཡིན་པས། དྲོད་འཁོལ་ཐེངས་རེ་རེ་ཡིས་དམངས་སྲིད་དམངས་ཀྱི་ཆེད་དུ་སྒྲུབ་པའི་ཁས་ལེན་དོན་འཁྱོལ་ཡག་པོ་བྱས་ཡོད།

སྡེ་དགེ་ཡུལ་གྱི་ཉེན་རྟོག་པས་ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་བརྟན་པོ་གཏོད་པའི་ཕོ་ཉ་བྱས།

སྤྱོད་བཟང་དང་དགེ་བའི་ལམ་དུ་འོད་སྣང་གིས་ཁེངས། དམག་ཁོངས་ནས་བུད་དེ་ཉེན་རྟོག་པ་བྱས་པ་ནི་ཐོབ་ཐང་ཞིག་ཡིན་མོད། འོན་ཀྱང་ཁོང་གིས་དུས་དང་རྣམ་པ་ཀུན་ཏུ་མི་དམངས་ལ་ཞབས་འདེགས་ཞུ་བའི་འདུན་པ་འགྱུར་བ་བྱུང་མེད། 2017ལོའི་ཟླ་7པར། ཞང་སན་ཆན་ཉེན་རྟོག་པར་ཞུགས་པ་དང་། དེ་ནས་སྡེ་དགེ་ཕ་ཡུལ་གཉིས་པར་བརྩིས་ནས། ས་གནས་དེ་གའི་འབྲོག་པ་མང་ཚོགས་གཉེན་ཉེར་བརྩི་བཞིན་ཡོད། ཁོང་གིས་ལས་ཀའི་ཞོར་དུ་དགེ་སྒྲུབ་དང་བྱམས་སེམས་སྤྱི་ཕན་ཞལ་འདེབས་ཀྱི་བྱེད་སྒོ་སྤེལ་ནས། ཉེན་རྟོག་པའི་ལྭ་བ་སྔོན་པོའི་ཐོག་ནས་བྱམས་སེམས་མང་པོ་གཅིག་ཏུ་བསྡུས་ཏེ། མི་རིགས་མཐུན་སྒྲིལ་གྱི་བརྩེ་སེམས་སུ་བསྒྱུར་ནས་ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་སྲ་བརྟན་དུ་གཏོང་བའི་ཆེས་མཛེས་སྡུག་ལྡན་པའི་ཕོ་ཉར་གྱུར་ཡོད།

2021ལོའི་ཟླ་6པའི་ཚེས་1ཉིན། རྫ་་བར་མ་མངགས་གཏོང་ཁང་དུ་ལས་འགན་འཁུར་བའི་ཁོང་གིས་སྤྱི་ཚོགས་ཁེ་ལས་དང་འབྲེལ་གཏུག་བྱས་ནས། རྫ་བར་མ་སློབ་ཆུང་ལ་རིན་ཐང་སྒོར་ཁྲི་40ཙམ་ཡོད་པའི་དྲུག་གཅིག་དུས་ཆེན་གྱི་ལག་རྟགས་ཤིག་གྲ་སྒྲིག་བྱས། དེའི་ནང་གློག་ཀླད་30དང་། གྲིབ་ཕོག་འཕྲུལ་ཆས་དང་བསྐྱར་དཔར་འཕྲུལ་ཆས་སོ་སོ་གཅིག །སློབ་གསོའི་རོགས་དངུལ་སྒོར་6000དང་། སྤུ་ལྭ་གསར་རྐྱང་ཆ་ཚང་465བཅས་ཡོད་པས། ཚང་མའི་གདོང་ལ་དགའ་སྤྲོའི་འཛུམ་མདངས་རྒྱས་སུ་བཅུག

2022ལོའི་ཟླ་1པར། ཁོང་གིས་མངའ་ཁུལ་གྱི་ཝ་ཐང་གྲོང་ཚོའི་གྲོང་མི་སྐལ་མཚོ་ཉལ་ཁྲིའི་སྟེང་ནས་ལོ་གཅིག་རིང་སྨན་འཐུང་བ་དང་། ཁྱིམ་ཚང་གི་ཆ་རྐྱེན་མི་བཟང་པས། གཅེས་སེམས་ཞལ་འདེབས་སྒོར་ཁྲི་2བསྡུ་རུབ་བྱས་ནས། སྨན་ཁང་དང་འབྲེལ་གཏུག་བྱས་པ་དང་འབྲེལ། ཁྲེང་ཏུའུ་རུ་སྨན་བཅོས་བྱེད་པར་བསྐྱལ་བ་དང་། ལོ་གཅིག་རིང་ཉལ་ཁྲིའི་སྟེང་དུ་ཉལ་བའི་སྐལ་མཚོའི་ནད་གཞི་དྲག་ནས་སྨན་ཁང་ལས་ཕྱིར་བུད་པ་དང་། སྐལ་མཚོའི་ཁྱིམ་ཚང་གིས་ཕྱག་འཚལ་ནས་བཀའ་དྲིན་ཞུས་ཤིང་། འདི་འདྲའི་ཚེ་སྲོག་དང་འབྲེལ་བའི་བརྩེ་སེམས་དེ་སེམས་ནས་བརྗེད་ཐབས་བྲལ་ལ། ནམ་རྒྱུན་སྐལ་མཚོས་ཞང་སན་ཆན་མེད་ན། ངའི་སྲོག་མེད་ཚར་རེད། ཞང་སན་ཆན་ཡོང་ཐེངས་རེར་སྐལ་མཚོའི་ཁྱིམ་གྱི་བུ་མོ་གཉིས་པ་དཔལ་མོ་དང་བུ་གསུམ་པ་བསོད་ནམས་ཀྱིས་ཁོ་པང་ནས་མི་གཏོང་བར་ཁོ་འཐེན་ནས་ཁྱིམ་དུ་འགྲོ་ཟེར། ཞང་སན་ཆན་གྱིས་ཁོ་ཚོར་སློབ་སྦྱོང་ཡག་པོ་བྱེད་དགོས་པའི་བཀའ་སློབ་གནང་བ་དང་། དབྱར་རྩྭ་དགུན་འབུ་ཡག་ཤོས་སློབ་ཁང་ནང་ན་ཡོད་ཅེས་བསླབ་བྱ་གཏོང་བཞིན་ཡོད།

2022ལོའི་ཟླ་3པར། ཁོང་གིས་རྫ་བར་མ་གྲོང་རྡལ་དུ་རྒན་རྒོན་འདུག་རོགས་ཀྱི་ཐབས་ལམ་བརྒྱུད་གཅེས་སེམས་ལྡན་པའི་མི་སྣའི་ས་ནས་མ་དངུལ་སྒོར་5000གྲབས་གསོག་བྱས་ཏེ། མངའ་ཁུལ་གྱི་རྒན་རྒོན་23མཉམ་འཛོམས་བྱས་ནས། ཐག་རིང་འབྲོག་ཁུལ་གྱི་རྒན་རྒོན་ཚོགས་སྤྱིའི་ཚེ་མཇུག་གི་འཚོ་བར་སྤྱི་བདེ་ཐུགས་ཁུར་བྱས་པ་རེད། མིག་སྔར། ཁོང་གིས་ཟླ་རེར་འགན་ལེན་ལྔ་དུད་ཚང་གཉིས་ལ་འཚོ་བའི་དངོས་ཟོག་ཉོ་བ་རྒྱུན་འཁྱོངས་བྱས་ནས། རྒན་རྒོན་རྣམས་ཇེ་དགའ་ཇེ་སྐྱིད་ཡོང་བར་བྱས་ཡོད།

2022ལོའི་ཟླ་11པའི་ཚེས་16ཉིན། ཁོང་གིས་བྱམས་ལྡན་མི་སྣར་འབྲེལ་གཏུག་བྱས་ནས། རྫོགས་ཆེན་གྲོང་རྡལ་ལྟེ་གནས་སློབ་ཆུང་གི་སློབ་གྲྭའི་དགེ་སློབ་700ལ་བྱ་སྤུ་སློབ་ཆས་བསྐྱལ་ནས་རི་ཁུལ་གྱི་སློབ་མ་700དགུན་ཁ་དྲོ་སྐྱིད་ངང་སྐྱེལ་ཐུབ་པ་དང་།

2023ལོའི་ཟླ་10པར། ཁོང་གིས་རྫ་བར་མ་གྲོང་རྡལ་བྱང་མཐོ་སློབ་ཆུང་དང་། ལྕང་ར་གྲོང་རྡལ་གྱི་ཞག་སྡོད་ལམ་ལུགས་སློབ་གྲྭའི་རི་ཁུལ་གྱི་སློབ་མ་753དང་བྱང་མཐོ་སློབ་ཆུང་ལ་བྱ་སྤུ་ལྭ་བ་བསྐྱལ་བ་རེད།

2024ལོའི་ཟླ་10པར། ཁོང་གིས་རྫ་བར་མ་གྲོང་རྡལ་བྱང་མཐོ་སློབ་ཆུང་དང་མཚོ་འཕགས་སྨི་4000ལྷག་ཡོད་པའི་སྨན་ཤོད་གྲོང་རྡལ་རྔ་མོང་སྣ་གྲོང་ཚོའི་སློབ་ཆུང་གི་ཕྲུ་གུ་ཚོར་དྲོད་སྲུང་ཕོར་བ་དང་། དཔེ་ཁུག །སློབ་ཕྱིའི་དཔེ་དེབ། འགྱིག་ཕྱིས། ཟུར་གསུམ་ཁྲེ་ཙེ་སོགས་སློབ་སྦྱོང་ཡོ་བྱད་435བསྐྱལ་བ་རེད། ད་ལྟར། རྫ་ཆུའི་འགྲམ་དུ་ཁོང་དང་ལོ་78ལ་སླེབས་པའི་ཨ་མ་སྐལ་བཟང་བར་གྱི་མ་བུའི་བརྩེ་བ་ཟབ་མོའི་གཏམ་རྒྱུད་ཡོད། ཝ་ཐང་གྲོང་ཚོའི་རྩྭ་ཐང་ཐོག་ཁོང་དང་ཡུལ་མི་ཚོས་གླུ་ལེན་གར་རྩེད་བྱེད་པའི་བདེ་སྐྱིད་ཀྱི་དུས་སྐབས་ཡོད་ལ། ཁྱིམ་དུ་བཀལ་པའི་ཁ་བཏགས་དང་གོང་དཀྲིས་དམར་པོས་ཁོང་གིས་མི་རིགས་མཐུན་སྒྲིལ་ལ་འབད་བརྩོན་བྱེད་པའི་དྲོ་སྐྱིད་ལྡན་པའི་དུས་སྐབས་མཚོན།

ཉེ་བའི་ལོ་ཤས་རིང་། ཁོང་གི་སྐུལ་སློང་འོག་སྡེ་དགེ་རྫོང་སྤྱི་བདེ་ཅུས་ཀྱི་པིང་ཏུན་ཏུན་ལྷག་པ་དང་། ཞིང་ཆེན་ཡོངས་ཀྱི་དྲང་བདེན་དཔའ་ངར་ལྡན་པའི་མི་སྒེར་ལ་བདམས་པའི་ཆོས་ཉིད་སོགས་སྤྱིར་བཏང་གི་དཔའ་བོ་ཁག་གཅིག་ཐོན་པས། དགེ་བཅུ་འཛོམས་པའི་གནས་མཆོག་འདིའི་ངོ་མཚར་གཏམ་རྒྱུད་ཀྱིས་རྟག་ཏུ་དཀར་མཛེས་ས་ཆ་སེམས་འགུལ་ཐེབས་སུ་བཅུག་པ་དང་། སྡེ་དགེ་སྤྱི་བདེ་2022ལོའི་ཐེན་ཧྥུའུ་མི་སྣའི་ཚོགས་པར་འདེམས་རྒྱུར་རོགས་རམ་བྱས་པ་རེད།

དབྱིས་ལིའང་གི་ཆག་ཧྲུལ་ཐོག་གི་དམག་མི་ནས་དམངས་སྲིད་སྒེའུ་ཁུང་གི་བརྩེ་བས་ཕྱུག་པའི་ལས་སྒྲུབ་མི་སྣ། དེ་ནས་སྡེ་དགེ་ས་མཐོའི་ཉེན་རྟོག་པའི་བར་དུ་ཞང་སན་ཆན་ལ་ཐོག་མཐའ་བར་གསུམ་དུ་དགེ་སྒྲུབ་ཀྱི་བདེན་དོན་གསལ་འགྲེལ་བྱས་ཏེ། སྤྱིར་བཏང་གི་སྤྱོད་པའི་ཐོག་ནས་མི་རིགས་མཐུན་སྒྲིལ་གྱི་ས་བོན་བཏབ། བརྩེ་བ་ཆེན་པོས་ཏང་དང་སྲིད་གཞུང་གི་དྲོ་སྐྱིད་བརྒྱུད་སྤྲོད་བྱས་ཏེ། བོད་དང་རྒྱ་རིགས་ཁྱིམ་ཚང་གཅིག་ཡིན་པ་དང་། འབྲོག་པ་མང་ཚོགས་དང་ཆེས་ཉེ་བའི་རྒྱ་རིགས་ལས་བྱེད་པར་གྱུར་ནས། ཁོང་ཐམས་ཅད་ཀྱི་བློ་འཁེལ་ཆོག་པའི་ཁྱིམ་མི་ཞིག་ཏུ་བརྩི་བཞིན་ཡོད། མ་འོངས་པར་ཁོང་གིས་ད་དུང་ཚེ་འདིར་ལས་དབང་ཡོད་པ་རྒྱལ་ལམ་317ཐོག །ལམ་གཉིས་ཀྱི་སྙིང་སྟོབས་དར་སྤེལ་ཤུགས་ཆེན་གཏོང་བ་དང་། སེ་འབྲུ་ས་བོན་ཉེན་རྟོག་ལས་དོན་འཚོལ་ཞིབ་བྱས་ཏེ། ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་བརྟན་དུ་གཏོང་བ་དང་། མི་རིགས་མཐུན་སྒྲིལ་ཁྱིམ་ཚང་དུ་བསྐྱོད་པའི་ལག་ལེན་བྱ་སྤྱོད་ནང་གཏིང་ཟབ་ངང་ཞུགས་ནས། སེམས་བཟང་ལ་བརྟེན་ནས་མི་རིགས་ཁག་གི་མང་ཚོགས་ལ་མུ་མཐུད་སྣེ་ཁྲིད་བྱས་ནས་ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་བརྟན་དུ་གཏོང་བ་དང་། མི་རིགས་མཐུན་སྒྲིལ་གྱི་མེ་ཏོག་བཞད་དུ་འཇུག་རྒྱུ་ཡིན་པ་རེད། །