ཀྲང་ཡན་ནི་སི་ཁྲོན་མེན་ཉིང་གི་དབྱིས་རིགས་བུད་མེད་ཅིག་ཡིན་པ་དང་། ད་ལྟ་མེན་ཉིང་རྫོང་དམར་དམག་རྒྱང་སྐྱོད་དྲན་གསོ་ཁང་(དབྱིས་ཧའེ་མནའ་འབྲེལ་དྲན་གསོ་ཁང་)གི་འགྲེལ་བཤད་པ་ཡིན། བློ་མཐུན་ཀྲང་ཡན་གྱིས་མེན་ཉིང་གི་གསར་བརྗེའི་རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་གྱི་འཐབ་ས་དང་པོར་རྩ་བ་ཚུགས་ནས། "ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ"དེ་ཐོག་མཐའ་བར་གསུམ་དུ་ལས་དོན་གྱི་ལྟེ་བའི་ལས་འགན་དུ་བརྩི་བ་དང་རིག་གནས་ཡུལ་སྐོར་མཉམ་འདྲེས་བྱ་རྒྱུ་དེ་མི་རིགས་ཁག་འགྲོ་འོང་དང་། སྤེལ་རེས། མཉམ་འདྲེས་ཀྱི་སྦྲེལ་ཐག་གཙོ་བོར་བཟུང་ནས། སྔ་རྗེས་སུ་2022ལོའི་མེན་ཉིང་རྫོང་གི་མི་རིགས་མཐུན་སྒྲིལ་ཡར་ཐོན་གསར་སྐྲུན་བྱེད་སྒོའི་སྔོན་ཐོན་མི་སྒེར་དང་། 2023ལོའི་མེན་ཉིང་རྫོང་ཐེན་ཧྥུ་ཡུལ་སྐོར་རྫོང་གྲགས་ཅན་གསར་སྐྲུན་གྱི་སྔོན་ཐོན་མི་སྒེར་སོགས་ཀྱི་མཚན་སྙན་ཐོབ་པ་དང་། 2024ལོར་སི་ཁྲོན་ཞིང་ཆེན་གྱིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་སྒྲོག་འགྲེལ་ཆེད་མཁས་པའི་མཛོད་ཀྱི་ཆེད་མཁས་པའི་གྲས་སུ་བཞག་ཡོད།
སྤྲོ་སེམས་རབ་ཏུ་འཁོལ་བས་ལས་དོན་སྒྲུབ་སྟེ་མི་རིགས་མཐུན་སྒྲིལ་གྱི་གཏམ་རྒྱུད་ཡག་པོ་བཤད།
དབྱིས་ཧའེ་མནའ་འབྲེལ་ནི་དམར་དམག་རྒྱང་སྐྱོད་བྱེད་པའི་ལམ་བར་གྱི་ལོ་རྒྱུས་ཀྱི་དོན་སྙིང་གཏིང་ཟབ་ལྡན་པའི་མི་རིགས་མཐུན་སྒྲིལ་གྱི་གཏམ་བཟང་ཞིག་དང་། མི་རིགས་མཐུན་སྒྲིལ་གྱི་དཔེ་མཚོན་ཞིག །དེ་མིན་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་གསོན་ཉམས་ལྡན་པའི་མཚོན་ཚུལ་བཅས་ཡིན། དབྱིས་ཧའེ་མནའ་འབྲེལ་དྲན་གསོ་ཁང་དང་མེན་ཉིང་རྫོང་དམར་དམག་རྒྱང་སྐྱོད་དྲན་གསོ་ཁང་གི་འགྲེལ་བཤད་པ་ཞིག་ཡིན་པའི་ཀྲང་ཡན་གྱིས་རང་ཉིད་ཀྱི་ཕྲག་ཐོག་ཏུ་འཁུར་བའི་འགན་འཁྲི་དང་ལས་འགན་གསལ་པོ་ཤེས་ཀྱི་ཡོད། ལོ་མང་རིང་ཁོང་གིས་ཐོག་མཐའ་བར་གསུམ་དུ"མི་རིགས་མཐུན་སྒྲིལ་གྱི་གཏམ་རྒྱུད་ཡག་པོ་ཤོད་པ་དང་གསར་བརྗེའི་རིག་གནས་ཀྱི་གཞི་རྒྱུ་རྒྱུན་འཛིན་བྱེད་པའི"འདུ་ཤེས་མཐའ་འཁྱོངས་བྱས་ཏེ། ང་ནི་ས་བོན་རྡོག་གཅིག་ཡིན་ཞེས་པ་ཐོག་མའི་བསམ་འདུན་དུ་བྱས་ནས་མི་རིགས་མཐུན་སྒྲིལ་ཡར་ཐོན་གྱི་མེ་ཏོག་མེས་རྒྱལ་གྱི་འབྲི་ཆུའི་ལྷོ་བྱང་ཀུན་ཏུ་བཞད་རྒྱུར་གཞོལ་ཡོད། ཁོང་གིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་ནི་ཀྲུང་ཧྭའི་བུ་ཕྲུག་ཚང་མའི་ལས་འགན་ཡིན་པ་དང་ཡུལ་སྐོར་ནི་མི་རིགས་ཁག་འགྲོ་འོང་སྤེལ་རེས་དང་མཉམ་འདྲེས་ལ་སྐུལ་འདེད་གཏོང་བའི་ཟམ་པ་གལ་ཆེན་ཞིག་ཡིན་པའི་ཡིད་ཆེས་བརྟན་པོ་བྱེད་ཀྱི་ཡོད། དུས་རབས་གསར་པའི་རྒྱང་སྐྱོད་ལམ་བུའི་ཁྲོད་ཁོང་གིས་བྱ་སྤྱོད་ངོ་མའི་ཐོག་ནས་མི་རིགས་མཐུན་སྒྲིལ་ལ་སྐུལ་འདེད་གཏོང་བ་དང་གསར་བརྗེའི་སྙིང་སྟོབས་རྒྱུན་འཛིན་བྱེད་པའི་འགན་འཁྲི་ཕྲག་ཐོག་ཏུ་འཁུར་ནས་མཐུན་སྒྲིལ་དང་མཉམ་འདྲེས་ཀྱི་ས་བོན་དེ་མི་དེ་བས་མང་བའི་སེམས་ནང་རྩ་བ་ཚུགས་པ་དང་མྱུ་གུ་འབུས་ཐུབ་པ་བྱས་པ་དང་། ཁོང་གིས་དབྱིས་ཧའེ་མནའ་འབྲེལ་རྒྱབ་ཀྱི་ལོ་རྒྱུས་ཀྱི་ཞིབ་ཆ་སྔོག་འདོན་གཏིང་ཟབ་བྱས་ཏེ་ཏང་གི་མི་རིགས་སྲིད་ཇུས་དང་དུས་རབས་གསར་པའི་མི་རིགས་ལས་དོན་བླང་བྱ་དང་ཟུང་འབྲེལ་བྱས་ནས་དུས་རབས་ཀྱི་ཁྱད་ཆོས་དང་མི་རིགས་ཀྱི་ཁྱད་ཆོས་ལྡན་པའི་གསར་བརྗེའི་སློབ་གསོ་མ་ལག་ཆགས་སུ་བཅུག་ཡོད། བློ་མཐུན་དེས་གཙོ་ཁྲིད་བྱས་ནས《དབྱིས་ཧའེ་མནའ་འབྲེལ་གྱི་མཛད་རྗེས་རྡོ་རིང་》ཞེས་པའི་ཆབ་སྲིད་བསམ་བློའི་སློབ་ཚན་ཆེན་པོ་ཇུས་འགོད་བྱས་པ་དང་། དབྱིས་ཧའེ་མནའ་འབྲེལ་གྱི་བརྩེ་དུང་ཟློས་གར་བསྐྲུན་པར་མ་ཟད། "གསར་བརྗེའི་རིག་གནས་དམག་སྒར་དང་། སློབ་གྲྭ། སྡེ་ཁུལ། ཁེ་ལས"བཅས་སུ་སྤེལ་བའི་བྱེད་སྒོ་རབ་དང་རིམ་པ་སྒྲིག་འཛུགས་བྱས་ཏེ། གསར་བརྗེའི་རིག་གནས་མང་ཚོགས་ཀྱི་འཚོ་བའི་ནང་འདྲེས་པ་དང་མི་སེམས་ལ་རིམ་བཞིན་ཟུག་པར་སྐུལ་འདེད་བཏང་། བློ་མཐུན་ཀྲང་ཡན་གྱིས་ཐོག་མཐའ་བར་གསུམ་དུ"མི་རྩ་བར་འཛིན་པའི"ཞབས་ཞུའི་འདུ་ཤེས་རྒྱུན་འཁྱོངས་བྱས་ཏེ་འདྲ་མཉམ་དང་། བརྩི་འཇོག་ཟོལ་མེད་བཅས་ཀྱི་རྣམ་འགྱུར་ཐོག་ནས་ཡུལ་སྐོར་པ་ཚང་མར་ལྟ་སྟངས་འཛིན་པ་དང་། ལོ་རྒྱུས་དོན་རྐྱེན་དང་དངོས་ཡོད་དོན་སྙིང་ཟུང་འབྲེལ་བྱེད་པའི་འགྲེལ་བཤད་རྒྱག་སྟངས་གསར་གཏོད་དང་བེད་སྤྱོད་བྱས་ཡོད། 2024ལོར་འགྲེལ་བཤད་ཚོགས་པ་600ལྷག་ཙམ་དང་ཞིབ་འཇུག་སློབ་སྦྱོང་ཚོགས་པ་ཐེངས་200ལྷག་ཙམ་སྤེལ་ནས། གཞུང་དོན་འགྲེལ་བཤད་གལ་ཆེན་20ལྷག་ཙམ་ཕུན་སུམ་ཚོགས་པོའི་ངང་ལེགས་གྲུབ་བྱུང་ཡོད། ཏང་ཡོན་ལས་བྱེད་པ་དང་། སློབ་མའི་ཚོགས་པ། མང་ཚོགས་དཀྱུས་མ་སོགས་མང་ཚོགས་མི་འདྲ་བའི་མདུན་དུ། ཁོང་གིས་ལྷད་མེད་ཀྱི་བརྩེ་དུང་དང་གསོན་ཉམས་ལྡན་པའི་སྐད་ཆའི་ཐོག་ནས་དམར་དམག་དང་དབྱིས་རིགས་སྤུན་ཟླའི"ཁྲག་རྒྱུད་མནའ་མཐུན"གྱི་མཐུན་སྒྲིལ་གཏམ་བཟང་བརྗོད་དེ་དམར་པོའི་ཚོགས་ར་དེ་མི་རིགས་ཁག་གི་མང་ཚོགས་ཀྱིས་མི་རིགས་མཐུན་སྒྲིལ་གྱི་སྙིང་སྟོབས་མྱོང་ཚོར་བྱེད་པའི་གཡུལ་ས་གལ་ཆེན་ཞིག་ཏུ་འགྱུར་བར་བྱས། ལོ་རྒྱུས་མེ་ལོང་དུ་འཛིན་པའི་འགྲེལ་བཤད་རྒྱག་སྟངས་དེ་རིགས་ཀྱིས་རྒྱལ་གཅེས་རིང་ལུགས་ཀྱི་སློབ་གསོའི་ཡིད་དབང་འགུག་ཤུགས་ཆེ་རུ་བཏང་བར་མ་ཟད། དུས་རབས་གསར་པའི་མི་རིགས་མཐུན་སྒྲིལ་ཡར་ཐོན་བྱ་གཞག་གསར་གཏོད་དང་འཕེལ་རྒྱས་འགྲོ་རྒྱུར་དེ་བས་སྐུལ་འདེད་ཏན་ཏིག་བཏང་ཡོད།
བློ་བརྟན་འགྱུར་མེད་ཀྱི་ཞབས་ཞུའི་ཐོག་མའི་བསམ་འདུན་ལ་བརྟེན་ནས་མི་རིགས་མཐུན་སྒྲིལ་གྱི་སྟོབས་ཤུགས་བརྒྱུད་སྤྲོད་བྱས།
བློ་མཐུན་ཀྲང་ཡན་གྱིས་གཞི་རིམ་ལས་དོན་པ་ཡིན་པའི་ངོས་ནས་ཐོག་མཐའ་བར་གསུམ་དུ་དཔེ་བཟང་སྣེ་ཁྲིད་ཀྱི་ནུས་པར་བརྟེན་ནས་འགན་འཁྲི་ལག་བསྟར་བྱས་ཏེ། མི་རིགས་མཐུན་སྒྲིལ་ཡར་ཐོན་གཏོད་པའི་བྱེད་སྒོའི་ཁྲོད་རང་འགུལ་ངང་འགན་འཁྲི་འཁུར། 2024ལོའི་ཟླ་7པར་ཀྲུང་དབྱང་མི་རིགས་ལས་བྱེད་སློབ་གླིང་གི"ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི"ཆེད་དོན་ཞིབ་འཇུག་འཛིན་གྲྭར་ཞུགས་ནས་ལས་གནས་སུ་ལོག་རྗེས། "བརྒྱུད་རོགས་ཁྲིད་གསུམ"གྱི་ནུས་པ་འདོན་སྤེལ་ཧུར་ཐག་བྱས་པ་དང་། དབྱིས་ཧའེ་དང་ལིའང་ཧྲན་གྱི་4Aརིམ་པའི་མཛེས་ལྗོངས་ཁུལ་ཆེན་པོ་གཉིས་སུ་གསོ་སྦྱོང་བྱས་ཤིང་། མཛེས་ལྗོངས་ཁུལ་གྱི་འགྲེལ་བཤད་དཔུང་ཁག་གིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ལ་གོ་བ་གཏིང་ཟབ་ལེན་པ་དང་། ཁོང་དུ་ཆུད་པ། འགྲེལ་བཤད་ཀྱི་ཕན་འབྲས་ཆེ་རུ་གཏོང་བ་བཅས་བྱས་ཡོད།
གཞན་ཡང་བློ་མཐུན་དེས"རྒྱང་སྐྱོད་ཀྱི་སྙིང་སྟོབས+མི་རིགས་མཐུན་སྒྲིལ"གྱི་གཙོ་རྐང་གཉིས་ཀྱི་ཞིབ་འཇུག་སློབ་སྦྱོང་མ་ལག་ཧུར་ཐག་བཙུགས་ནས་དམར་པོའི་རྗེས་ཤུལ་དེ་གསོན་ཉམས་དོད་པའི་སློབ་ཁང་དུ་བསྒྱུར། སློབ་མ་སྒྲིག་འཛུགས་བྱས་ནས་རྒྱང་སྐྱོད་ལམ་བུར་བསྐྱར་སྐྱོད་དང་ལས་བྱེད་པའི་ལས་ཡུལ་དངོས་ཀྱི་ཏང་གི་སློབ་ཚན་ཁྲིད་པ་སོགས་ཀྱི་བྱེད་སྒོ་སྤེལ་བ་བརྒྱུད། ཞུགས་མཁན་རྣམས་རང་གི་གནས་སུ་བསྐྱོད་དེ་དབྱིས་ཧའེ་མནའ་འབྲེལ་གྱི་ལོ་རྒྱུས་དྲོད་ཚད་མྱོང་ཚོར་ཐུབ་པ་དང་། སྤྱིར་བཏང་མིན་པའི་ལོ་ཟླ་དྲན་གསོ་བྱེད་རིང་མི་རིགས་མཐུན་སྒྲིལ་གྱི་དེང་རབས་རིན་ཐང་ལ་ངོས་འཛིན་གཏིང་ཟབ་ཏུ་བཏང་། བློ་མཐུན་ཀྲང་ཡན་གྱིས་ཐོག་མཐའ་བར་གསུམ་དུ་དམར་པོའི་རྗེས་ཤུལ་དུ་བྱུང་བའི་གསར་བརྗེའི་གཏམ་རྒྱུད་ཡག་པོ་ཤོད་པ་དང་མནའ་འབྲེལ་དུ་ཞུགས་པའི་གཏམ་རྒྱུད་ནང་འདུས་པའི་གསར་བརྗེའི་སྙིང་སྟོབས་དེ་ལས་དོན་གྱི་ཁ་ཕྱོགས་དང་དམིགས་ཚད་དུ་བརྩིས་ནས་དམར་པོའི་རིག་གནས་གཡུལ་ས་དེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་བསམ་པའི་སྒྲོག་ཐག་ལྟ་བུར་འགྱུར་བ་བྱས་ཏེ། རྒྱ་ཆེའི་མང་ཚོགས་ལ་མི་རིགས་མཐུན་སྒྲིལ་གྱི་རླབས་ཆེན་སྟོབས་ཤུགས་དངོས་འབྲེལ་ཚོར་ཐུབ་པ་བྱས།
འཕེལ་རྒྱས་ཀྱི་བསམ་བློའི་འདུ་ཤེས་ལ་བརྟེན་ནས་མེན་ཉིང་རིག་གནས་ཡུལ་སྐོར་དྲིལ་བསྒྲགས་འོས་སྦྱོར་བྱས།
སྒྲོག་འགྲེལ་དང་དྲིལ་བསྒྲགས་བྱ་རྒྱུ་དེ་མེན་ཉིང་གི་འཕེལ་རྒྱས་ལ་རོགས་རམ་བྱེད་པའི་འཇུག་སྒོ་དང་མཐུན་གནས་སུ་བརྩི་རྒྱུ་མཐའ་འཁྱོངས་དང་། མེན་ཉིང་གི་རིན་གནས་ཡུལ་སྐོར་འོས་སྦྱོར་པར་བརྩིས་ནས་བློ་མཐུན་ཀྲང་ཡན་གྱིས་ཁྲེང་ཏུའུ་དང་ཁྲུང་ཆིང་། པ་ཀྲུང་། གཡག་རྔ་སོགས་སུ་དབྱིས་ཧའེ་མནའ་འབྲེལ་གྱི་མི་རིགས་མཐུན་སྒྲིལ་གྱི་གཏམ་རྒྱུད་སྒྲོག་འགྲེལ་བྱས་པ་རེད། "ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་75འཁོར་བར་རྟེན་འབྲེལ་ཞུ་བའི་གསར་བརྗེའི་རིག་གནས་ཁྱབ་སྤེལ་འཕྲིན་སྦྱོར་ཀུན་འདུས་ཀྱི་ཐད་གཏོང་"དང་དབྱིས་ཧའེ་མནའ་འབྲེལ་ས་ཁུལ་དང་སི་ཁྲོན་བརྙན་འཕྲིན་ཁང་གི་མེན་ཉིང་གི"འཇིག་རྟེན་འཕུར་སྐྱོད་ཀྱི་དབྱངས་རྟ"ཞེས་པའི་རིག་གནས་ཡུལ་སྐོར་བྱེད་སྒོ་གཙོ་སྐྱོང་བྱེད་པའི་དྲ་ཐོག་ཐད་གཏོང་དང་། འདར་དབྱིངས་དྲ་བ་སོགས་འཆད་སྟེགས་སོགས་སུ་དམར་དམག་རྒྱང་སྐྱོད་ཀྱི་ལིའང་ཧྲན་མི་རིགས་མཐུན་སྒྲིལ་གྱི་གཏམ་རྒྱུད་བརྗོད་པ་དང་། མེན་ཉིང་གི་རིག་གནས་ཡུལ་སྐོར་ཐོན་ཁུངས་དྲིལ་བསྒྲགས་བྱས། བྱེད་སྒོ་དེ་དག་སྤེལ་བ་བརྒྱུད་གསར་བརྗེའི་རིག་གནས་ཁྱབ་སྤེལ་བྱེད་ཤུགས་དང་ཤུགས་རྐྱེན་ཐེབས་ཤུགས་ཆེ་རུ་ཕྱིན་པར་མ་ཟད། མི་རིགས་ཁག་གི་མང་ཚོགས་ཀྱིས་ཀྲུང་ཧྭ་མི་རིགས་གཅིག་མཐུན་ཚོགས་པར་འཛིན་པའི་མོས་སེམས་དང་གོང་བུར་འགྲིལ་ཤུགས་ཀྱང་ཆེ་རུ་ཕྱིན་ཡོད།
2024ལོའི་ཟླ་8པར། ཀྲང་ཡན་གྱིས་མེན་ཉིང་གི་ཚབ་ཞུས་ནས་ཀྲུང་དབྱང་བརྙན་འཕྲིན་ལས་ཁུངས་ཀྱི《རྒྱལ་ཁབ་ཀྱི་གཟི་འོད》ལེ་ཚན་ནང་ཞུགས་ཏེ་མནའ་འབྲེལ་གྱི་ལོ་རྒྱུས་སེམས་རྣལ་དུ་ཕབ་ནས་བརྗོད་པ་དང་བརྩེ་སེམས་ལ་བརྟེན་ནས་མེན་ཉིང་དྲིལ་བསྒྲགས་བྱས་ཏེ། ལོ་རྒྱུས་ཀྱི་སྲུང་ཚད་ཐོག་ནས་དུས་རབས་གསར་པའི་མེན་ཉིང་གསར་བརྗེའི་ཁུལ་རྙིང་རྫོང་ལ་ཀྲུང་གོའི་གུང་ཁྲན་ཏང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་འཕེལ་རྒྱས་ཀྱི་འཕོ་འགྱུར་ཆེན་པོ་དང་འཕེལ་རྒྱས་ཀྱི་ཕན་འབྲས་མངོན་པར་བྱས་པ་དང་། ཐོན་ལས་ཀྱི་འཕྲེད་ཚད་ཐོག་ནས་མེན་ཉིང་དམར་པོའི་རིག་གནས་ཡུལ་སྐོར་གྱིས་དབུལ་སེལ་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བ་དང་གྲོང་གསེབ་ཕྱོགས་ཡོངས་ནས་དར་རྒྱས་འགྲོ་རྒྱུར་སྐུལ་འདེད་གཏོང་བ་དང་མང་ཚོགས་འབབ་འཕར་ཕྱུག་འགྱུར་ཡོང་རྒྱུར་སྣེ་ཁྲིད་བྱེད་པའི་བདེ་སྐྱིད་ལྡན་པའི་ཡངས་ཤིང་རྒྱ་ཆེ་བའི་ལམ་ཆེན་མངོན་པར་བྱས་ཡོད། །