འབར་ཁམས་གྲོང་ཁྱེར་འབར་ཁམས་གྲོང་རྡལ་མེ་ཀུའུ་ཁྲོམ་གཞུང་སྡེ་ཁུལ་གྲོང་མི་ཨུ་ཡོན་ལྷན་ཁང་ནི་སི་ཁྲོན་ཞིང་ཆེན་འབར་ཁམས་གྲོང་ཁྱེར་དུ་གནས་པ་དང་སྡེ་ཁུལ་གྱི་ས་ཁྱོན་ནི་སྤྱི་ལེ་གྲུ་བཞི་མ་2ཡོད་ལ། རྒྱུན་སྡོད་གྲོང་མི་ཁྲི་1.1(ཕྱོགས་མི་2000ལྷག་ཙམ་ཚུད་པ)ཡོད་པ་དང་། རྒྱ་རིགས་དང་། བོད་རིགས། ཆའང་རིགས། ཧུའེ་རིགས། མེའོ་རིགས། དབྱིས་རིགས་སོགས་མི་རིགས་མང་པོ་དེ་གར་ཞི་མཐུན་མཉམ་གནས་བྱས་ཡོད། སྡེ་ཁུལ་གྱི་ཨུ་ལྷན་གཉིས་ཀྱི་ཁོངས་མི་14དང་།
ཏང་ཀྲི་པུའུ་3དང་ཏང་ཡོན་150བཅས་ཀྱིས་ཏང་འཛུགས་སྐྱོང་གིས་སྣེ་ཁྲིད་དང་མི་རིགས་མཐུན་སྒྲིལ། གཞི་རིམ་བཅོས་སྐྱོང་བཅས་ཀྱི་མཉམ་འདྲེས་རྣམ་པ་ལ་བརྟེན་ནས། སེམས་ནུས་ཡོད་རྒུས་མཐུན་སྒྲིལ་གྱི་ས་བོན་ས་ཞིང་གཤིན་པོ་དེར་གཏོར་བཞིན་ཡོད། ཞིང་ཆེན་དང་། ཁུལ། གྲོང་ཁྱེར་རིམ་པ་བཅས་ཀྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་སྡེ་ཁུལ་དང་། ཡ་རབས་སྡེ་ཁུལ། སྔོན་ཐོན་ཏང་རྩ་འཛུགས་སོགས་ཀྱི་མཚན་སྙན་ནི་ས་གཞི་འདིའི་སྟེང་དུ་མཐུན་སྒྲིལ་གྱི་མེ་ཏོག་བཞད་པའི་བདེན་དཔང་ཡིན།
དྲ་མིག་ཆུང་ཆུང་ལས་སེམས་པ་སྦྲེལ་ནས་མི་རིགས་ཁག་སྔར་བས་མཐུན་སྒྲིལ་དམ་དུ་བཏང་།
སྔོན་ཆད། སྡེ་ཁུལ་བཅོས་སྐྱོང་ཡང་དག་པའི་སྒོ་ནས་ཅི་ལྟར་གྲུ་ཟུར་རེ་རེར་ཐོན་པ་རེད་ཅེ་ན། མེ་ཀུའུ་སྲང་ལམ་སྡེ་ཁུལ་གྱི་ལན་ནི་དྲ་མིག་དངོས་ཡོད་ཅེས་པ་དེ་ཡིན། ཞིབ་ཚགས་ཀྱི་དྲ་མིག་ཆུང་ངུ་16ནི་སེ་འབྲུའི་སྙིང་ཤག་16དང་འདྲ་བར་དྲ་མིག་དོ་དམ་པ་16ནི་དེའི་བར་བརྒྱུད་པའི་ཕོ་ཉ་ལྟ་བུ་ཡིན། ཁོང་ཚོས་གཞི་རིམ་དུ་སྐྱོད་པའི་ཏང་ཡོན་ལས་བྱེད་པ་དང་སྤྱི་ཚོགས་ཀྱི་སྟོབས་ཤུགས་གཅིག་ཏུ་བསྡུས་པ་དང་མཉམ་དུ་བརྩེ་སེམས་ཟབ་པའི་དྲ་བ་བཟོས། ཉིན་གཅིག་ལ་སྐོར་ཞིབ་གཉིས་བྱ་རྒྱུ་དེ་ཁོང་ཚོའི་རྒྱུན་གཏན་དུ་གྱུར་པ་དང་། ན་ནིང་མི་ཐེངས་ཁྲི་1.1གི་བཅར་འདྲིའི་རྐང་རྗེས་བཞག་པ་དང་ཚད་འཇལ་བ་ནི་དམངས་ཀྱི་གནས་ཚུལ་ཡིན་པ་དང་ཉེ་བཅར་བྱེད་པ་ནི་དམངས་སེམས་ཡིན། 2024ལོ་ནས་བཟུང་།
མི་རིགས་མཐུན་སྒྲིལ་ཡར་ཐོན་གྱི་སྲིད་ཇུས་སྒྲོག་འགྲེལ་ཐེངས་12དྲ་མིག་ནང་སྤེལ་བ་དང་། མི་རིགས་ཁག་གི་མང་ཚོགས་ཀྱི་དཀའ་ངལ་རེ་ཞུ་58དྲ་མིག་ནང་སེལ་ཐུབ་པ་བྱུང་ཡོད། བོད་རིགས་ཨ་མ་ཨ་མཚོ་ཡི་ཆུ་སྦུག་འཁྱགས་ནས་གས་པའི་བྲེལ་འཚུབ་དང་ཆའང་རིགས་ཀྱི་ཕོ་གཞོན་ཞའོ་ཁྲེན་གྱིས་ལས་ཀ་འཚོལ་བའི་དཀའ་ཁག །ཧུའེ་རིགས་ཚོང་དུད་ཀྱི་སྦྱིན་བདག་དབྱང་ལགས་ཀྱི་ཁྱིམ་མཚེས་དབར་གྱི་འགལ་བ་ཆུང་ཆུང་ལ་སོགས་པ་ལྟ་བུ། དྲ་མིག་ནང་ནས་བྱ་བ་བསྒྲུབས་ཏེ་མི་རིགས་ཁག་གི་མཛའ་བརྩེ་ནི་ཉིན་ཐོག་ཉིན་བརྩེགས་ཀྱི་དྲ་མིག་བརྒྱུད་པའི་ཁྲོད་དུ་ཆེས་སྲ་ཞིང་བརྟན་པའི་འབྲུ་རྡོག་ཆགས་ཡོད།
མང་ཚོགས་ཀྱི་དགོས་མཁོ་ཇི་ལྟར་མྱུར་མགྱོགས་གཏོང་དགོས་སམ། མེ་ཀུའུ་སྲང་ལམ་སྡེ་ཁུལ་གྱིས་3812དང་ལེན་ལམ་སྲོལ་གསར་གཏོད་བྱས་པ་སྟེ། ཆུ་ཚོད་3ནང་དགོས་མཁོའི་ཆ་འཕྲིན་ཁྱབ་བསྒྲགས་དང་། ཆུ་ཚོད་8ནང་སྡེ་ཁུལ་གྱིས་དང་ལེན། ཆུ་ཚོད་12ནང་དོན་ཐོག་ཏུ་འཁྱོལ་བ་བཅས་བྱས་ཡོད། འདི་ནི་གྲངས་ཀ་ཙམ་མ་ཡིན་པར་དྲོད་ཁོལ་ལྡན་པའི་དམ་བཅའ་རེད། ཁུལ་རིམ་པའི་ལས་ཁུངས་32དང་གྲོང་ཁྱེར་རིམ་པའི་ལས་ཁུངས་28ཀྱི་འབྱོར་ཐོ་གཉིས་ཀྱི་སྟོབས་ཤུགས་ལ་བརྟེན་ནས། མང་ཚོགས་ཀྱིས་རྩིས་ཐོ་འགོད་པ་དང་། སྡེ་ཁུལ་གྱིས་རྩིས་ཐོ་འགོད་པ། སྡེ་ཁག་གིས་རྩིས་ཐོ་ལེན་པ་བཅས་ཀྱི་འབྲེལ་ཐག་ཕན་ནུས་ཆེན་པོས་འཁོར་སྐྱོད་བྱས། ཁོར་ཡུག་འཕྲོད་བསྟེན་བཅོས་སྒྲིག་དང་། དཀའ་ངལ་ཡོད་པའི་ཚོགས་སྤྱིར་རོགས་སྐྱོར། ལས་ཞུགས་སློབ་གསོར་རྒྱབ་སྐྱོར། སྲིད་ཇུས་སྒྲོག་འགྲེལ་དང་དོགས་གནད་སེལ་བ་བཅས་བྱས་ཏེ། དམངས་འཚོའི་དོན་དངོས་1100ཡི་རྩིས་ཐོའི་ཐོག་བློ་ཡིད་ཚིམ་ཚད་མཐོ་རུ་ཕྱིན་པ་བྲིས་ཡོད། ལས་དོན་སྡེ་ཚན་དུ་ཞབས་ཞུ་བྱེད་པ་དང་། སྡེ་ཁུལ་དུ་ཞབས་ཞུ་བྱེད་པ། ལས་གནས་གཉིས་ལ་ལེགས་སྐྱེས་འབུལ་བ་ལས་ཐོག་ཏང་ཡོན་ཚོའི་རང་རྟོགས་ཀྱི་བྱ་སྤྱོད་ཀྱིས་སྡེ་ཁུལ་ཞབས་ཞུའི་དྲོད་རྒྱུན་གཏན་ནས་ཆད་མྱོང་མེད་པ་བྱས།
ཞབས་ཞུ་ལེགས་བཅོས་ལས་མཉམ་འདྲེས་སྔར་བས་མཛེས་སྡུག་ལྡན་པར་གྱུར།
མེ་ཀུའུ་སྲང་ལམ་སྡེ་ཁུལ་གྱི་དམངས་ཕན་ཞབས་ཞུའི་ཚོམས་ཆེན་གྱི་སྐད་གཉིས་སྒེའུ་ཁུང་ནི་འབྲེལ་འདྲིས་བྱེད་པའི་ཟམ་པ་ལྟ་བུ་ཡིན། སྡེ་ཁུལ་དུ་བཙུགས་པའི་ཞབས་ཞུའི་ཡན་ལག་རུ་ཆུང་གིས་ཞབས་ཞུ་50%ཐད་ཀར་མི་རིགས་ཁག་གི་གྲོང་མིའི་སྒོ་འགྲམ་དུ་བསྐྱལ་བ་རེད། དྲ་ཐོག་དང་ཡུལ་དངོས་ཀྱི་ལམ་གཉིས་མཉམ་གཤིབ་ཀྱིས་གྲོང་མི་དང་ངོ་ཐུག་གདོང་འཕྲད་ཀྱིས་འབྲེལ་གཏུག་དང་གཅིག་སེམས་གཅིག་སྦྲེལ་གྱིས་ཞབས་འདེགས་མངོན་འགྱུར་བྱུང་ཡོད།
ཁུལ་ཨུའི་མང་ཚོགས་ལས་དོན་སེ་འབྲུའི་ལས་གཞི་ཡི་དཔྱིད་རླུང་ཡང་མེ་ཀུའུ་སྲང་ལམ་དུ་ལྡང་། ཕྱོགས་ཡོངས་ནས་བཅར་འདྲི་ཆེན་པོ་དང་གྲལ་བཤེར་ཆེན་པོ་ཐེངས་གཅིག་བྱས་ཏེ། གཙོ་གནད་རོགས་སྐྱོར་བྱ་ཡུལ་དུད་ཚང་6གནད་ལ་འཁེལ་བའི་སྒོ་ནས་གཏན་འཁེལ་བྱས་པ་དང་། རོགས་སྐྱོར་བྱ་ཐབས་དེ་དུས་ཐོག་ཆར་པ་ལྟར་གནད་ལ་འཁེལ་བའི་ངང་ལག་ལེན་བྱས། ཕྱི་དྲོའི་ཆུ་ཚོད་ལྔ་དང་ཕྱེད་ཀའི་ཐོག་སྡེ་ཁུལ་གྱི་ཆུ་ཚོད་ལྔ་དང་ཕྱེད་ཀའི་སློབ་ཁང་དུ་དུས་ཐོག་ཏུ་དྲོད་སྐྱིད་ལྡན་པའི་གློག་སྒྲོན་བཀར། འདི་ནི་བྱིས་པ་ཚོས་སློབ་ཁྲིད་གྲོལ་རྗེས་སློབ་སྦྱོང་བྱེད་སའི་དགའ་ཚལ་ཡིན་པར་མ་ཟད། མི་རིགས་རིག་གནས་མཉམ་འདྲེས་ཀྱི་གནམ་ས་ཆུང་ཆུང་ཞིག་ཀྱང་ཡིན། མི་རིགས་མི་འདྲ་བའི་བུ་ཕྲུག་ཚོ་དཔུང་པ་མཉམ་གཤིབ་ཀྱིས་དགེ་རྒན་གྱི་མཛུབ་སྟོན་འོག་བློ་རྩེ་གཅིག་སྒྲིམ་གྱིས་ཡིག་གཟུགས་སྦྱོང་བ་དང་། རི་མོ་སྦྱོང་བ། ལས་བྱ་བྲིས་ཤིང་ཕན་ཚུན་རྒྱུས་ལོན་ཁྲོད་དུ་མཛའ་བརྩེའི་ས་བོན་བཏབ།
མེ་ཀུའུ་སྲང་ལམ་སྡེ་ཁུལ་གྱིས་བསམ་བློའི་ཁས་ལེན་ནི་རྨང་གཞི་ཡིན་པ་གསལ་པོར་ཤེས། ཚོགས་འདུ་གསུམ་དང་སློབ་ཚན་གཅིག། བརྗོད་དོན་གཙོ་བོའི་ཏང་གི་ཉིན་མོར་བརྟེན་ནས་དྲ་ཐོག་དང་ཡུལ་དངོས་ཀྱི་རིགས་པའི་གཞུང་ལུགས་སློབ་སྦྱོང་བར་མཚམས་ཆད་མྱོང་མེད། ཀྲུང་དབྱང་གི་མི་རིགས་ལས་དོན་ཚོགས་འདུའི་དགོངས་དོན་ལ་གོ་བ་གཏིང་ཟབ་བླངས་ཏེ། རྒྱུན་རྣམ་ཅན་གྱི་སྒོ་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུའི་སློབ་གསོ་སྤེལ་བ་དང་། མོས་སེམས་ལྔ་ནི་སེ་འབྲུའི་གོང་བུ་ལྟ་བུའི་སྲོག་ཤིང་དང་མཚུངས་པས། ཏང་ཡོན་མི་རེ་ངོ་རེ་དང་གྲོང་མི་མི་རེ་ངོ་རེའི་སེམས་ནང་གཏིང་ཟབ་ཟུག་ནས། མི་རིགས་མཐུན་སྒྲིལ་ཡར་ཐོན་སྲུང་སྐྱོང་བྱེད་པའི་རང་རྟོགས་ཀྱི་བྱ་སྤྱོད་ཅིག་ཏུ་བསྒྱུར་ཡོད།
རིག་གནས་ཀྱི་སེམས་ཤུགས་གཅིག་ཏུ་སྒྲིལ་ནས་བློ་སེམས་གཅིག་མཐུན་གྱི་ཁྱིམ་གཞིས་བསྐྲུན།
མེ་ཀུའུ་སྲང་ལམ་སྡེ་ཁུལ་དུ་སྐྱོད་སྐབས་སེ་འབྲུའི་རིག་གནས་གྱང་གིས་མི་རྣམས་ཀྱི་ཡིད་དབང་འཕྲོག །གསོན་ཉམས་ལྡན་པའི་པར་རིས་རེ་རེས་མི་རིགས་མཐུན་སྒྲིལ་ཡར་ཐོན་གྱི་གཏམ་རྒྱུད་བརྗོད་བཞིན་ཡོད་པ་དང་། འཇམ་ཐིང་ཐིང་གི་སྒོ་ནས་མི་རིགས་ཁག་གི་གྲོང་མིའི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་གསོ་སྐྱོང་བྱེད་བཞིན་ཡོད།
དུས་ཆེན་ནི་རིག་གནས་མཉམ་འདྲེས་ཀྱི་ཆེས་མཛེས་པའི་གར་སྟེགས་ཡིན། ལྔ་པའི་ཚེས་ལྔའི་དུས་ཆེན་གྱི་ལོ་ཆེན་དྲི་མས་མི་རིགས་ཁག་གི་གྲོང་མི་ཚོས་མཐའ་སྐོར་བ་དང་།
བོད་རིགས་ཨ་མས་ནོར་ཤ་བཏུམས་པ་དང་རྒྱ་རིགས་ཨ་ཅག་གིས་སྲན་མའི་མན་ངག་བསླབས་པར་ལོ་ཆེན་གྱི་དྲི་ཞིམ་ནང་དུ་བརྩེ་སེམས་ཟབ་མོ་བཅངས་ཡོད། ཟླ་མཆོད་དུས་ཆེན་གྱི་ཟླ་སྒོར་སེམས་མཐུན་གྱི་མཉམ་སྤྲོའི་ཚོགས་འདུའི་ཐོག་ཚང་མས་ཕྱེ་ཕུར་དང་། ནང་རྫས་བཟོ་བ། དཔེ་དབྱིབས་གནོན་བཞིན་ལྷན་འཛོམས་མཚོན་པའི་ཟླ་གོར་མཉམ་དུ་བཟོས། ལྷན་འཛོམས་ཀྱི་གཏམ་རྒྱུད་མཉམ་སྤྱོད་དང་། མི་རིགས་མི་འདྲ་བའི་དུས་ཆེན་གྱི་གོམས་སྲོལ་སྤེལ་རེས་དང་། དགའ་སྤྲོའི་དགོད་སྒྲའི་ཁྲོད་དུ་ཐུན་མོང་གི་བརྩེ་དུང་ལྷུག་པར་གྲོལ། དུས་ཆེན་ལ་མཉམ་དུ་རྟེན་འབྲེལ་ཞུ་བ་དང་རིག་གནས་མཉམ་སྤྱོད་བྱེད་ཅེས་པའི་དགའ་སྤྲོའི་དགོད་སྒྲའི་ཁྲོད་སེམས་དང་སེམས་ཀྱི་བར་ཐག་མེད་པར་གྱུར་ནས། རང་ཡལ་སྣང་བ་དང་བདེ་སྐྱིད་ཚོར་སེམས་རང་ཤུགས་ཀྱིས་སྐྱེས་སུ་བཅུག་ཡོད།
མིག་དཔེའི་ལམ་སྟོན་ལས་ཚང་མར་ཁྱིམ་ཚང་གཅིག་གི་དྲོད་ཁོལ་གནང་།
མིག་དཔེའི་སྟོབས་ཤུགས་ནི་སེ་འབྲུའི་ཆེས་རྒྱས་པའི་འབྲུ་རྡོག་དང་འདྲ་བར་འོད་ཟེར་འཕྲོ་བཞིན་ཡོད། མེ་ཀུའུ་ཁྲོམ་གཞུང་དུ་ལོ་87ལ་སླེབས་པའི་ཏང་ཡོན་རྒན་གྲས་ཅིན་སྐལ་བཟང་ནི་དར་ཆ་ཞིག་དང་མཚུངས། རྒྱ་སྐད་དང་རྒྱ་རོང་གི་བོད་སྐད། ཨ་མདོའི་སྐད་བྱང་ཆུབ་པའི་ཁོང་ལས་འཁྱུར་ངལ་གསོ་བརྒྱབ་ནས་ལོ་ཉི་ཤུ་ལྷག་ཙམ་སོང་ཡང་ཐོག་མའི་བསམ་འདུན་བརྗེད་མེད་ཡིན། ཕྱི་ནས་ཡོང་བའི་ལས་གཉེར་པས་སྨན་པ་བསྟེན་སྐབས་སྐད་བརྡའི་འགལ་རྐྱེན་འཕྲད་སྐབས་བགྲེས་སོང་ཅིན་ལགས་ཀྱིས་འཕྲལ་དུ་ལོ་ཙཱ་བ་བྱེད། སློབ་ལོ་རན་པའི་བྱིས་པ་སློབ་གྲྭར་ཞུགས་པར་དཀའ་ངལ་ཡོད་སྐབས། ཁོང་གིས་ཁྱིམ་ཚང་རེ་རེ་བཞིན་ངང་རྒྱུད་རིང་པོས་སྐུལ་སློང་བྱས། སྨན་པ་དང་ནད་པའི་འབྲེལ་འདྲིས་ཡག་པོ་མ་བྱུང་སྐབས། ཁོང་ཡང་ཆེས་ཡིད་རྟོན་རུང་བའི་འདུམ་འགྲིག་པ་ཡིན། ཁོང་ཡར་རྒྱུག་མར་རྒྱུག་བྱེད་པའི་གཟུགས་བརྙན་གྱིས་མི་རིགས་ཁག་གི་མང་ཚོགས་ལ་སྲ་ཞིང་བརྟན་ལ་དྲོ་སྐྱིད་ལྡན་པའི་སེམས་སྦྲེལ་ཟམ་པ་རེ་རེ་བསྐྲུན་ཡོད། རྩོད་མཚམས་འཇོག་པའི་ཁྱབ་ཁོངས་སུ་ཨ་ཅེ་ཏེང་གི་སེ་འབྲུའི་འབྲུ་གུ་འདུམ་འགྲིག་ཁང་གི་མཚན་སྙན་ཧ་ཅང་བཟང་། གསེར་གྱི་རྟགས་མ་ཐོབ་པའི་འདུམ་འགྲིག་པ་ཏེང་ཀྲའོ་ཞིའུ་ཡིས་ཁྲིམས་འཛིན་སུའོ་ཡི་ཁྲིམས་རྩོད་པ་དང་སྡེ་ཁུལ་གྱི་དྲ་མིག་མི་སྣ་དང་དང་བླངས་པ་མཉམ་འདྲེས་ཀྱི་ཆེད་ལས་ཚོགས་པ་ཞིག་གི་སྣེ་ཁྲིད། ཁོང་ཚོས་སྔོན་འགོག་གཙོ་བོར་བྱེད་པ་དང་འདུམ་འགྲིག་སྔོན་ལ་བྱེད་པ་མཐའ་འཁྱོངས་བྱས་ཏེ། རྒྱུན་གཏན་གྱི་གྲལ་བཤེར་དང་། གཙོ་གནད་འདུམ་འགྲིག །ཡང་བསྐྱར་འཚམས་འདྲིའི་ལས་ཀ་སྒྲུབ་སྟངས་ལག་བསྟར་བྱས་ནས། ཁྱིམ་མཚེས་བར་གྱི་རྩོད་གཞི་དང་ཁྱིམ་ཚང་བར་གྱི་འགལ་བ་ལ་སོགས་པ་2024ལོ་ནས་བཟུང་བདག་སྤྲོད་བྱས་པའི་རྩོད་གཞི་30གྲུབ་འབྲས་ཐོབ་པའི་ངང་སེལ་བ་རེད། དོན་ཆུང་དྲ་མིག་ནང་ནས་ཐག་གཅོད་ཐུབ་པ་དང་དོན་ཆེན་སྡེ་ཁུལ་ནས་ཐག་གཅོད་ཐུབ་པའི་ཁས་ལེན་དེ་འདི་གར་དོན་དངོས་སུ་འགྱུར་བ་བྱས་ནས། སྡེ་ཁུལ་གྱི་ཞི་མཐུན་བདེ་འཇགས་སྲུང་སྐྱོང་བྱེད་བཞིན་ཡོད་པ་རེད།