འདབ་པ་རྫོང་མི་དམངས་ཁྲིམས་ཁང་ མཐོ་སྒང་ཁྲིམས་རྟགས་ཀྱིས་ཡིད་སེམས་འགུག་པའི་གཏམ་རྒྱུད་བྲིས།

འདབ་པ་རྫོང་མི་དམངས་ཁྲིམས་ཁང་ནི་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་འདབ་པ་རྫོང་དུ་ཡོད་པ་དང་རྒྱལ་ཁབ་ལས་ཁུངས་ཀྱི་ཁོངས་སུ་གཏོགས། ལས་བྱེད་ཉེན་རྟོག་པ་37དང་གདན་ཞུའི་ལམ་ལུགས་ཀྱི་མི་སྣ་10། བཟོ་ལས་མི་སྣ་1སོགས་མི་48ལས་གྲུབ་པའི་དཔེ་བཟང་དཔུང་ཁག་ཅིག་ཡིན་པ་རེད། ལས་ཁུངས་ནང་ཁུལ་དུ་ཆབ་སྲིད་པུའུ་དང་ཕྱོགས་བསྡུས་གཞུང་དོན་ཁང་། གྱོད་དོན་ཐོ་འགོད་ཐིང་། ཕྱོགས་བསྡུས་འདྲི་གཅོད་ཐིང་།

ལག་བསྟར་ཅུའུ། ཁྲིམས་འཛིན་ཉེན་རྟོག་རུ་ཆེན་བཅས་སྒྲིག་གཞི་དྲུག་དང་ཤམ་བྷ་ལ་མི་དམངས་ཁྲིམས་གཅོད་ཁང་། ཆུ་དཀར་མི་དམངས་ཁྲིམས་གཅོད་ཁང་མངགས་གཏོང་ཁྲིམས་གཅོད་ཁང་2བཅས་བཙུགས་ཡོད།

མཐོ་སྒང་དུ་གཞི་ཚུགས་པའི་ཁྲིམས་འཛིན་དཔུང་ཁག་དེས་ཐོག་མཐའ་བར་གསུམ་དུ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་འདྲི་གཅོད་ལག་བསྟར་བྱེད་པའི་བརྒྱུད་རིམ་ཧྲིལ་པོར་འདྲེས་པར་བྱས་པ་དང་། ཁྲིམས་སྐྱོང་གི་ཉི་འོད་ལ་བརྟེན་ནས་མི་རིགས་མཐུན་སྒྲིལ་གྱི་ལམ་བུ་གསལ་བར་བྱས་ལ། མཚོ་འཕགས་སྨི་3750ཡོད་པའི་ས་ཆར་དྲང་གཞག་དང་མཉམ་འདྲེས་ཀྱི་གཏམ་རྒྱུད་བྲིས་པ་རེད། 2023ལོའི་ཟླ12པར“དཀར་མཛེས་ཁུལ་མི་རིགས་མཐུན་སྒྲིལ་ཡར་ཐོན་དཔེ་སྟོན་ལས་ཁུངས”ལ་བདམས་པ་དང་། 2023ལོའི་ཟླ་1པོའི་ཚེས་20ཉིན“ཞིང་ཆེན་ཡོངས་ཀྱི་ཁྲིམས་ཁང་གི་ཁྲིམས་འཛིན་འགན་སྲུང་ལས་དོན་གྱི་སྔོན་ཐོན་ཐུན་མོང”ལ་བདམས། 2023ལོའི་ཟླ་1པོའི་ཚེས་29ཉིན“ཞིང་ཆེན་ཡོངས་ཀྱི་ཁྲིམས་ཁང་གི་དམངས་དོན་དང་ཚོང་དོན་འདྲི་གཅོད་སྤུས་ཚད་རྒྱབ་སྐྱོར་མ་ལག་གསར་པ་འཛུགས་སྐྱོང་ལས་དོན་གྱི་སྔོན་ཐོན་ཐུན་མོང་”ལ་བདམས་པ་རེད།

སྐད་གཉིས་ཁྲིམས་འཛིན། བཅའ་ཁྲིམས་ཀྱི་སྐད་ཆ་དེ་མི་རིགས་ཀུན་གྱིས་ཤེས་པའི“རྒྱུན་གཏམ”ལ་འགྱུར་དུ་བཅུག།

“རྩྭ་ཐང་ནི་མི་རིགས་ཁག་གི་མང་ཚོགས་ཀྱི་ཐུན་མོང་གི་ཁྱིམ་གཞིས་ཡིན། དེ་ནི་གངས་ཆུ་ཞུ་རྗེས་སྐྱེ་དངོས་ཡོད་ཚད་ལ་སྐྱེ་སྟོབས་བསྩལ་བ་ནང་བཞིན་རེད། ”འདི་ནི་སྐད་གཉིས་ཁྲིམས་དཔོན་བསྟན་འཛིན་ཚེ་རིང་གིས་བཤད་པ་ཡིན་ལ་ད་ལྟའི་བར་ཚེ་རོགས་ཡུལ་ཤོག་གི་འབྲོག་པ་པད་ཆེ་གེ་མོའི་སེམས་སུ་ཉར་ཡོད། 2022ལོར་པད་ཆེ་གེ་མོ་དང་རྒྱ་རིགས་གསོ་སྤེལ་དུད་ཚང་ལི་ཆེ་གེ་མོ་གཉིས་ཀྱིས་ལོ་གསུམ་རིང་རྩྭ་ས་རྩོད་གླེང་བྱས། དང་ཐོག་ཁ་འཛིང་བྱེད་པ་ནས་ཕན་ཚུན་འཛིང་རེས་བྱས་པའི་བར་དུ་ཡུལ་ཤོག་ལས་བྱེད་པས་འདུམ་འགྲིག་ཡང་ཡང་བྱས། བསྟན་འཛིན་ཚེ་རིང་གིས་རྟ་ཞོན་ཏེ་འབྲོག་ཁུལ་དུ་བསྐྱོད་ནས་རྩྭ་ཐང་དུ“རྟ་གོང་གི་ཁྲིམས་གཅོད་ཁང་”བཙུགས་ནས་བོད་སྐད་གྱིས《རྩྭ་ཐང་བཅའ་ཁྲིམས》ནང་གི་དངོས་དབང་དོན་ཚན་འགྲེལ་བཤད་བྱས། རྒྱ་སྐད་ཀྱིས་གསོ་སྤེལ་གན་རྒྱའི་ཞིབ་ཕྲའི་གནས་ཚུལ་འགྲེལ་བཤད་བྱས་པར་མ་ཟད། ད་དུང་གྲོང་སྡེའི་སྐད་གཉིས་རྒན་པོ་ཟུར་དཔྱོད་པ་འགན་འཁུར་བར་གདན་འདྲེན་ཞུས། “གངས་ཆུ་ཞུ་བའི”དཔེ་ཡིས་ཕྱོགས་གཉིས་པོའི་སེམས་ཀྱི་མདུད་པ་བཀྲོལ་སྐབས། པད་ཆེ་གེ་མོས་རང་འགུལ་ངང་ལི་ཆེ་གེ་མོ་དང་མཉམ་དུ་མཐའ་མཚམས་དབྱེ་འབྱེད་བྱ་རྒྱུ་བཏོན་པ་དང་ད་ཆ་ཁོང་གཉིས་ཀྱིས་མཉམ་གཉེར་བྱས་པའི་སྐྱེ་ཁམས་གསོ་སྤེལ་ར་བ་དེ་རྩྭ་ཐང་ཐོག་གི་མི་རིགས་མཐུན་སྒྲིལ་གྱི་གསོན་ཉམས་དོད་པའི་དཔེ་མཚོན་ཞིག་ཏུ་གྱུར་ཡོད།

འདབ་པ་རྫོང་ནི་སི་ཁྲོན་དང་ཡུན་ནན། བོད་ལྗོངས་འབྲེལ་མཚམས་སུ་གནས་ཡོད། བོད་དང་རྒྱ། དབྱིས། འཇང་སོགས་མི་རིགས་འདུས་སྡོད་བྱས་ཡོད་པ་རེད། སྐད་ཡིག་ནི་དེ་སྔོན་ཁྲིམས་འཛིན་ཞབས་ཞུའི“འགག་མཚམས་དང་པོ”ཡིན་པ་རེད། 2020ལོར་ཁྲིམས་ཁང་གིས“སྐད་གཉིས་འདུམ་འགྲིག་ཁང་”བཙུགས་པ་དང་བོད་རྒྱ་སྐད་གཉིས་ཀྱི་ལས་བྱེད་ཉེན་རྟོག་པ་དྲུག་གིས་བཅའ་ཁྲིམས་དོན་ཚན་དེ“རྒྱུན་གཏམ”དུ་བསྒྱུར་ནས་འདུམ་འགྲིག་ཡུལ་དངོས་དེ་མི་རིགས་རིག་གནས་མཉམ་འདྲེས་བྱེད་པའི་སློབ་ཚན་དུ་བསྒྱུར། འབྲོག་པ་མང་ཚོགས་ཀྱི་སྡོད་གནས་ཁ་ཐོར་ཡིན་པའི་ཁྱད་ཆོས་ལ་དམིགས་ནས། ཁོང་ཚོས“རྟ་གོང་གི་ཁྲིམས་གཅོད་ཁང་དང་རླངས་འཁོར་ཁྲིམས་གཅོད་ཁང་། སྐད་གཉིས་འདུམ་འགྲིག་བཅས་ཟུང་འབྲེལ”གྱི་རྣམ་པ་གསར་གཏོད་བྱས་ཏེ། འདྲི་གཅོད་རླངས་འཁོར་ལོ་རྟག་པར་འབྲོག་ཁུལ་དང་དབྱར་རྩྭ་དགུན་འབུ་བརྐོ་སར་བསྐྱོད་བཞིན་ཡོད། ལས་བྱེད་ཉེན་རྟོག་པ་ཚོས་ཁ་བ་བུ་ཡུག་གི་ཁྲོད་དུ་རྟར་ཞོན་པ་དང་ཁྲིམས་ར་གུར་ནང་དུ་སྤོས་ནས་མི་རིགས་སྐད་ཡིག་ལམ་ནས་ཡིག་ཆ་380ལྷག་བསྐྱལ། སྐོར་སྐྱོད་འདྲི་གཅོད་ཐེངས་127ཁྲོད་དུ་འདུམ་འགྲིག་ལེགས་གྲུབ་བྱུང་ཚད་བརྒྱ་ཆ་92ཡན་ལ་ཟིན་པ་ནི་བཅའ་ཁྲིམས་ཀྱི་སྐད་ཆ་མི་རིགས་ཀྱི་དབྱེ་མཚམས་ལས་བརྒལ་བའི་དྲོ་སྐྱིད་བརྒྱུད་སྤྲོད་བྱས་པས་རེད།

སྣ་མང་འགལ་སེལ། མི་རིགས་ཀྱི་གོམས་སྲོལ་དེ་འགལ་བ་སེལ་བའི་རྒྱུ་རུ་འགྱུར་བར་བྱས།

གསུམ་འདུས་གྲོང་རྡལ་གྱི་ཚོང་ཁང་ནང་བོད་རིགས་ཚོང་པ་ཟླ་ཆེ་གེ་མོ་དང་རྒྱ་རིགས་ཚོང་པ་ཝང་ཆེ་གེ་མོ་གཉིས་ཀྱིས་དེ་སྔ་བརྒྱུད་གླའི་གནད་དོན་གྱིས་གྲི་ཕྱུངས་གཞུ་འགེངས་ཀྱི་ཚད་ལ་སླེབས་ཀྱང་ད་ཆར་ཚོང་སྒྲོམ་གམ་དུ་མཉམ་དུ་རྩིས་ཐོ་ཞིབ་བསྡུར་བྱེད་བཞིན་ཡོད། 2023ལོའི་དབྱར་ཁར། “སེ་འབྲུ”འདུམ་འགྲིག་ཁང་གི་ཁྲིམས་དཔོན་ལིའུ་ཞིན་ཡུལ་དངོས་ལ་སླེབས་སྐབས་ཟླ་ཆེ་གེ་མོས་བོད་སྐད་ཀྱི་ལམ་ནས“ཡིད་རྟོན་མི་འདུག”ཅེས་ཞུ་གཏུག་བྱེད་བཞིན་ཡོད་པ་དང་ཝང་ཆེ་གེ་མོའི་མིག་ཆུ་འདོན་བཞིན་སྒོར་ཁྲི་བཅུ་ལྷག་མ་འཇོག་བྱེད་པའི་དཀའ་ངལ་འགྲེལ་བཤད་རྒྱག་བཞིན་འདུག། ལིའུ་ཞིན་གྱིས་འཕྲལ་མར་ཤན་འབྱེད་མ་བྱས་པར་ཁོ་གཉིས་ཀྱིས་འདབ་པ་ནས་ལས་གཏོད་བྱེད་པའི་གཏམ་རྒྱུད་བཤད་དུ་བཅུག།།ལོ་བཅུའི་སྔོན་ལ་ཟླ་ཆེ་གེ་མོ་ཐོག་མར་སླེབས་སྐབས་ཝང་ཆེ་གེ་མོས་ཁོ་ལ་ལས་གཉེར་ལག་ཁྱེར་འགྲོ་ལུགས་སྒྲུབ་པར་རོགས་བྱས་པ་དང་། རིམས་ནད་བྱུང་སྐབས་དངོས་ཟོག་དཀོན་དུས་ཟླ་ཆེ་གེ་མོས་རང་ཁྱིམ་ནས་བཏབ་པའི་སྔོ་ཚལ་བསྐྱལ་བ་རེད། སྐད་གཉིས་ལོ་ཙཱ་བརྒྱུད་ནས་འདས་དོན་དག་གླེང་སྐབས་ཛ་དྲག་གི་རྣམ་འགྱུར་རིམ་བཞིན་ཞི་ལྷོད་དུ་གྱུར། མཐར“བརྒྱུད་གླ་དང་མཉམ་ལས་ཟུང་འབྲེལ”གྱི་ཇུས་གཞིས་མི་རིགས་མི་གཅིག་པའི་ཚོང་པ་གཉིས་མཉམ་གཉེར་པར་གྱུར།

མི་རིགས་ས་ཁུལ་གྱི་འགལ་བ་ནི་རྒྱུན་དུ་གོམས་སྲོལ་དང་བརྩེ་དུང་གི་འབྲེལ་བ་དམ་ཟབ་ཡོད། ཁྲིམས་ཁང་གིས་ཆོས་ལུགས་མི་སྣ་དང་མངོན་མིན་རིག་གནས་ཤུལ་བཞག་རྒྱུན་འཛིན་པ་ཚུད་པའི་མི་རིགས་ཁག་གི་འདུམ་འགྲིག་པ་7ཆེད་དུ་གདན་འདྲེན་ཞུས་ནས“རང་ཉིད་ཀྱི་མི”ལ“རང་ཉིད་ཀྱི་ཐབས་ཤེས”སྤྱད་ནས་རྩོད་གཞི་ཐག་གཅོད་བྱེད་དུ་བཅུག །

2022ལོར་མི་རིགས་བརྒལ་བའི་གཉེན་སྒྲིག་རྩོད་གཞི་ཞིག་གི་ཁྲོད། འདུམ་འགྲིག་པ་ཞའོ་ཆེ་གེ་མོས་བོད་ཀྱི་གཉེན་སྒྲིག་གོམས་སྲོལ་དང་《དམངས་དོན་ཁྲིམས་གཞི》ཟུང་འབྲེལ་བྱས། དེས“གཉེན་སྒྲིག་གཉེན་རྟེན”སྲོལ་རྒྱུན་ལ་བརྩི་འཇོག་བྱས་པར་མ་ཟད། “ཐུན་མོང་གསོ་སྐྱོང་”གི་བཅའ་ཁྲིམས་འོས་འགན་ཡང་ཁ་གསལ་བཟོས་ནས། དེ་སྔོན་གྱི་བཟའ་ཟླའི་བར་གྱི་རྩོད་གཞི་མེད་པར་ཁ་བྲལ་དུ་བཅུག་པ་དང་མཉམ་དུ་ཕྲུ་གུ་འཚར་ལོངས་ཡོང་བར་སྲུང་སྐྱོང་བྱ་རྒྱུའི་ཁ་ཆད་བཞག།།ལོ་གསུམ་རིང་། མི་རིགས་ཀྱི་དྲོད་སྐྱིད་ལྡན་པའི་འདུམ་འགྲིག་དེ་དག་གིས་རྩོད་གཞི་ཚང་མར“གྱོད་གཞི་ཐག་གཅོད་བྱས་ནས་མི་འཆམ་མཐུན་ཡོང་བར”བྱས། དེ་ནི་གངས་རི་ཡིས་ཉི་འོད་ལ་བརྟེན་ནས་འཁོན་སེམས་ཀྱི་གངས་འཁྱག་ཞུ་བར་བྱས་པ་དང་ཀུན་ནས་མཚུངས།

འདྲི་གཅོད་ལག་བསྟར། ཁྲིམས་འཛིན་དྲང་གཞག་དེ་མཐུན་སྒྲིལ་མཉམ་གནས་ཀྱི་རྨང་རྡོར་འགྱུར་བར་བྱས།

བོད་རིགས་ལས་བཟོ་པ་བཀྲ་ཆེ་གེ་མོས“བསམ་ཡུལ་ལས་འདས་པ་ཞིག་ལ་ཁྲིམས་ཁང་གིས་ང་ཚོས་གླ་ཕོགས་ཕྱིར་ལེན་རོགས་བྱས་པར་མ་ཟད། ད་དུང་ང་ཚོ་གྲོགས་པོར་གྱུར་དུ་བཅུག་པ་རེད”ཅེས་བཤད་བཞིན་2022ལོའི་གླ་ཕོགས་ཆད་པའི་གྱོད་དོན་དེའི་མཇུག་འབྲས་གསལ་བཤད་བྱས། རྒྱ་རིགས་ཚོང་པ་ཀྲང་ཆེ་གེ་མོས་རིམས་ནད་ཀྱི་དབང་གིས་མགྲོན་ཁང་གི་བོད་རིགས་ལས་བཟོ་པ་12ཡི་གླ་ཕོགས་ཆད་འགྱངས་བྱས་པར་ལག་བསྟར་ཁྲིམས་དཔོན་ཧོའུ་ཅན་ཕིང་གིས་སྟབས་བདེའི་སྒོ་ནས་བཀག་སྡོམ་མ་བྱས་པར་བཞུགས་མོལ་ཚོགས་འདུའི་སྟེང་ཐོ་གཉིས་ལ་རྩིས་གསལ་པོ་བརྒྱབ་པ་སྟེ། ལས་བཟོ་པས་གླ་ཕོགས་སྒུག་ནས་སློབ་ཡོན་སྤྲོད་དགོས་པ་དང་ཀྲང་ཆེ་གེ་མོའི་མགྲོན་ཁང་དེ་ཁྱིམ་ཚང་17གྱི་འཚོ་ཇུས་དང་འབྲེལ་བ་ཡོད་པ་དེ་གཉིས་རེད། མཐར་དུས་བགོས་གཏོང་སྤྲོད་ཀྱི་གྲོས་མཐུན་བཞག་པ་དེས་ཀྲང་ཆེ་གེ་མོའི་ཚོང་ལས་སྲུང་ཐུབ་པ་དང་ལས་བཟོ་པས་དུས་ལྟར་གླ་ཆ་ལེན་ཐུབ་པར་བྱས། དེ་ལས་ཀྱང“བཅའ་ཁྲིམས་ཀྱི་མདུན་དུ་མི་རིགས་ཁག་ཚང་མ་འདྲ་མཉམ་ཡིན་པའི”བསམ་བློ་མི་སེམས་ལ་འཇགས་པར་བྱས།

དཔུང་ཁག་རྨང་གཞི། ཁྲིམས་སྐྱོང་གི་ཐོག་མའི་བསམ་འདུན་དེ་མི་རིགས་ལས་བརྒལ་བའི་བརྩེ་སེམས་ལ་བསྒྱུར།

ཁྲིམས་དཔོན་ཡོན་ཅིན་ཅིན་གྱི་སྡོད་ཁང་ནང་དུ་རྒྱ་བོད་ཤན་སྦྱར་གྱི་བཅའ་ཁྲིམས་བརྡ་ཆད་ཐ་སྙད་རེའུ་མིག་གྱང་ངོས་ཡོངས་ལ་སྦྱར་ཡོད། དཔེ་སྒྲོམ་སྟེང་དུ《བོད་རིགས་གོམས་སྲོལ་ཀུན་འདུས》ཀྱི་དཔེ་དེབ་བཀླགས་ནས་རྙིང་བར་གྱུར་འདུག །གོམ་པ་རེ་རེར་མི་རིགས་མཐུན་སྒྲིལ་གྱི་འབྲེལ་ཐག་དང་འབྲེལ་བ་ཡོད་པ་དེ་ནི་མོ་འདབ་པར་རྩ་བ་ཚུགས་པའི་མྱོང་ཚོར་རེད། རིམས་ནད་སྐབས་མོ་དང་མོའི་ལས་གྲོགས་རྣམས་ཀྱིས “ཏང་མི་ཞབས་ཞུའི་རུ་ཁག”བཙུགས་ནས། འབྲས་དང་བཀལ་ཐུག། སྣུམ་སོགས་ཁུར་ནས་འབྲོག་ཁུལ་དུ་བསྐྱལ་ཞིང་བོད་སྐད་ཐོག་ནས་རིམས་འགོག་ཤེས་བྱ་འགྲེལ་བཤད་བྱས། བསོད་ནམས་ཆེ་གེ་མོ་ཡིས“ཁྲིམས་ཁང་གི་བློ་མཐུན་ནི་གཉེན་ཉེ་དང་འདྲ། འདི་འདྲའི་དཔུང་ཁག་ལ་ང་ཚོ་ཡིད་ཆེས་བརྟན་པོ་ཡོད”ཅེས་བཤད་པ་རེད།

དཔུང་ཁག་དེའི་ནང་མི་ཁ་ཤས་ཀྱིས“སྐད་གཉིས་རྩལ་ནུས་འགྲན་སྡུར་ཆེན་པོའི”ཁྲོད་ཡུལ་སྐད་ལ་དཀའ་སྤྱད་སློབ་སྦྱོང་བྱས་པ་དང་། ཁ་ཤས་ཀྱིས་མི་རིགས་མཐུན་སྒྲིལ་དཔེ་སྟོན་གྲོང་སྡེར་ཏང་མི་རྒན་པས་རྒྱ་བོད་མང་ཚོགས་ཀྱིས་ཆུ་རྐ་མཉམ་ལས་བྱས་པའི་གཏམ་རྒྱུད་ལ་ཉན་པ་རེད། ཁོ་ཚོས་ཁྲིམས་གཅོད་ཁང་གུར་ནང་དུ་སྤོས་པ་དང་འདུམ་འགྲིག་ཁང་ཞིང་ནང་དུ་བཙུགས་ལ། ཁྲིམས་སྐྱོང་སྒྲོག་འགྲེལ་སློབ་གྲྭར་སྤེལ་བ་རེད། ཁྲིམས་དཔོན་པད་མ་ཆོས་སྒྲོན་གྱིས་རླུང་རྟའི་ཁ་དོག་མི་རིགས་ཁག་ལ་དཔེ་བཞག་སྟེ། ཕྲུ་གུ་ཚོར“གངས་ཆུ་ཞུ་ནས་ཆུ་བོར་གྱུར་པ་ལྟར་ང་ཚོ་ཚང་མ་ཀྲུང་ཧྭ་མི་རིགས་ཁྱིམ་ཚང་ཆེན་པོའི་མི་ཡིན”ཞེས་བཤད།

“རྟ་གོང་གི་ཁྲིམས་གཅོད་ཁང་”གི་ཁྲིམས་རྟགས་འོད་ཟེར་འཚེར་བ་ནས“སེ་འབྲུ”འདུམ་འགྲིག་ཁང་གི་དགོད་སྒྲའི་བར་དུ་འདབ་པ་རྫོང་མི་དམངས་ཁྲིམས་ཁང་གིས་ཁྲིམས་འཛིན་ལག་ལེན་ཞིབ་ཕྲ་སྤྱད་དེ། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བྱ་སྤྱོད་དངོས་སུ་བསྒྱུར། ཐེངས་རེ་རེའི་སྐད་གཉིས་འདུམ་འགྲིག་དང་ལག་བསྟར་མཐུན་འགྲིག།།གཞུང་དྲང་འདྲི་གཅོད་ཚང་མར་ཁྲིམས་འཛིན་གྱི་ཐོག་མའི་བསམ་འདུན་ལ་བརྟེན་ནས་མཐོ་སྒང་སུ་ནམ་ཡང་ཉམས་པ་མེད་པའི་མི་རིགས་མཐུན་སྒྲིལ་གྱི་མེ་ཏོག་བཞད་ཏུ་བཅུག་གོ།