དཀར་མཛེས་ཁུལ་མི་རིགས་དམངས་ཁྲོད་ལག་ཤེས་བཟོ་རྩལ་མངོན་མིན་རིག་གནས་ཤུལ་བཞག་མཐུན་ཚོགས།

དཀར་མཛེས་ཁུལ་མི་རིགས་དམངས་ཁྲོད་ལག་ཤེས་བཟོ་རྩལ་མངོན་མིན་རིག་གནས་ཤུལ་བཞག་མཐུན་ཚོགས་ནི་སི་ཁྲོན་ཞིང་ཆེན་དཀར་མཛེས་ཁུལ་དར་མདོ་གྲོང་ཁྱེར་དུ་གནས་ཤིང་། ཁུལ་ཡོངས་ཀྱི་བཟོ་རྩལ་ལས་གཉེར་པའི་འབྲེལ་ཟམ་ལྟ་བུ་ཡིན། ལས་སྒོ་དོ་དམ་ལས་ཁུངས་གཙོ་བོ་ནི་དཀར་མཛེས་ཁུལ་རིག་གནས་རྒྱང་བསྒྲགས་བརྙན་འཕྲིན་ཡུལ་སྐོར་ཅུས་ཡིན་པ་རེད། མཐུན་ཚོགས་ལ་ཚོགས་གཙ་ོ1དང་ཚོགས་གཙོ་གཞོན་པ་7། དྲུང་ཆེན་1། དྲུང་ཆེན་གཞོན་པ་1། ཚོགས་མི་500ཙམ་ཡོད་པ་རེད། དེའི་ནང་རྒྱལ་ཁབ་རིམ་པའི་བཟོ་རྩལ་མཛེས་རྩལ་དགེ་རྒན་1དང་། ཞིང་ཆེན་རིམ་པའི་བཟོ་རྩལ་མཛེས་རྩལ་དགེ་རྒན་7། ཁུལ་རིམ་པའི་བཟོ་རྩལ་མཛེས་རྩལ་དགེ་རྒན་1བཅས་ཡོད་པ་དང་།

ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་རྒྱུན་འཛིན་པ་3དང་ཁུལ་རིམ་པའི་གཟུགས་མེད་རིག་གནས་ཤུལ་བཞག་རྒྱུན་འཛིན་པ7། ཐང་ག་རི་མོའི་དགེ་རྒན་4། ལི་བཟོ་པ་1 ཟངས་བཟོ་པ་1། གདོང་ཚ་རིག་གནས་པ་1བཅས་ཡོད་པ་རེད། ཚོགས་ཞུགས་ལས་ཁུངས་དང་ཚོགས་མི་ཁུལ་ཡོངས་ཀྱི་རྫོང་ཁག་18ལ་ཁྱབ་ཡོད་ཅིང་། ཐང་ག་དང་བོད་སྨན། འབག་བཟོ། བརྐོས་རིས། ལུགས་རྒྱག།།རྡོ་བརྐོས། རྫ་ཆས། བསླས་འཐག་སོགས་མི་རིགས་དམངས་ཁྲོད་ལག་ཤེས་བཟོ་རྩལ་གཉེར་ནས་རྩལ་ནུས་དང་གྲུབ་འབྲས། ཤུགས་རྐྱེན་བཅས་གཏིང་ཟབ་ཐེབས་ཡོད། མཐུན་ཚོགས་ཀྱིས་དུས་ཡུན་རིང་པོར་མངོན་མིན་རིག་གནས་ཤུལ་བཞག་སྲུང་སྐྱོང་རྒྱུན་འཛིན་དང་མི་རིགས་མཐུན་སྒྲིལ་ཡར་ཐོན་གྱི་ལས་དོན་གཏིང་ཟབ་སྤེལ་ནས་གྲུབ་འབྲས་མངོན་གསལ་དོད་པོ་དང་རིམ་པ་3Aཡི་སྤྱི་ཚོགས་རྩ་འཛུགས་ཀྱི་མཚན་སྙན་ཐོབ་པ་རེད།  

ལག་ཤེས་ལ་བརྟེན་ནས་འབྲེལ་ཟམ་བཙུགས། རིག་གནས་ཤུལ་བཞག་སྤེལ་རེས་བྱས་པས་ཉམས་འགྱུར་མངོན།

ཅུས་ཀྲང་ལིའུ་ཧུང་གིས་སྐུ་མགྲོན་ལ་དཀར་མཛེས་ཀྱི་སྲོལ་རྒྱུན་ལག་ཤེས་མཚམས་སྦྱོར་བྱེད་བཞིན་པ། 

མཐུན་ཚོགས་ཀྱིས་ཐོག་མཐའ་བར་གསུམ་དུ་མངོན་མིན་རིག་གནས་ཤུལ་བཞག་སྲུང་སྐྱོང་དང་རྒྱུན་འཛིན་བྱ་རྒྱུ་དེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་བཙུགས་པའི་ལག་ལེན་གལ་ཆེན་ཞིག་ཏུ་བརྩིས་ནས། རིམ་པ་མཐོ་ཤོས་དང་ཕྱོགས་མང་བའི་རིག་གནས་སྤེལ་རེས་ཀྱི་སྟེགས་བུ་བསྐྲུན། 2024ལོའི་ཟླ་4པའི་ཚེས་26ཉིན་ནས་ཚེས་29ཉིན་བར། དཀར་མཛེས་ཁུལ་མི་རིགས་དམངས་ཁྲོད་ལག་ཤེས་བཟོ་རྩལ་མངོན་མིན་རིག་གནས་ཤུལ་བཞག་མཐུན་ཚོགས་ཀྱིས་དར་མདོ་གྲོང་ཁྱེར་ཡུས་ལིན་ཤོས་མགྲོན་ཁང་དུ་དུས་ཡུན་ཉིན་2རིང་གི་མངོན་མིན་རིག་གནས་གསར་གཏོད་ཐོན་རྫས་ཀྱི་སྤུས་ལེགས་འགྲེམས་སྟོན་སྐབས་དང་པོ་སྤེལ་བ་རེད། ཁུལ་ཡོངས་ནས་ཡོང་བའི་མངོན་མིན་རིག་གནས་ཤུལ་བཞག་གི་བཟོ་པ་དང་དགེ་རྒན། མཚོན་བྱེད་རང་བཞིན་གྱི་རྒྱུན་འཛིན་པ་29དང་འབྱོངས་བློའི་བརྩམས་ཆོས་བཅས་འཛོམས་ཡོད་པ་རེད། ཁུལ་ཨུ་དང་ཁུལ་སྲིད་གཞུང་གི་འགོ་ཁྲིད་གཙོ་བོ་དངོས་སུ་ཕེབས་ནས་མཛུབ་ཁྲིད་དང་གདེང་འཇོག་ཆེན་པོ་ཐོབ་པ་རེད། ལོ་དེའི་ཟླ་5པའི་ཚེས་11ཉིན་ནས་ཚེས་19ཉིན་བར་དཀར་མཛེས་ཁུལ་རིག་གནས་རྒྱང་བསྒྲགས་བརྙན་འཕྲིན་དང་ཡུལ་སྐོར་ཅུས་ཀྱིས་ཀྲེ་ཅང་ཞིང་ཆེན་ཧང་ཀྲོའུ་དང་ཅིན་ཧྭ། ཐའེ་ཀྲོའུ་བཅས་ས་ཆ་གསུམ་དུ“དཀར་མཛེས་དང་ཀྲེ་ཅང་འབྲེལ་བ་བཟང་། དཀར་མཛེས་ཀྲེ་ཅང་དུ་བསྐྱོད་པའི་རིག་གནས་ཡུལ་སྐོར་སྤེལ་རེས་གཟའ་འཁོར”གྱི་བྱེད་སྒོ་སྤེལ་བ་དང་། དཀར་མཛེས་ཁུལ་མི་རིགས་དམངས་ཁྲོད་ལག་ཤེས་བཟོ་རྩལ་གྱི་མངོན་མིན་རིག་གནས་ཤུལ་བཞག་མཐུན་ཚོགས་ཀྱིས་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་13གྱི་སྣེ་ཁྲིད་དེ་ཚོགས་པ་དང་མཉམ་དུ་མངོན་མིན་རིག་གནས་ཤུལ་བཞག་རིག་གནས་གསར་གཏོད་འགྲེམས་སྟོན་བྱེད་སྒོ་སྤེལ་ཞིང་། ས་གནས་དེ་གའི་མང་ཚོགས་ཀྱི་དགའ་བསུ་ཐོབ་པ་དང་བཟོ་རྩལ་བརྩམས་ཆོས་ཚང་མར་བསྟོད་བསྔགས་ཐོབ་པ་རེད། 2024ལོའི་ཟླ་6པར། སི་ཁྲོན་ཞིང་ཆེན་གྱི་ཚབ་བྱས་ནས་ཁྲུང་ཆིང་དུ་སྤེལ་བའི“རྒྱུད་གཅིག་ལམ་གཅིག”རྒྱལ་སྤྱིའི་རྩལ་ནུས་འགྲན་སྡུར་སྐབས་གཉིས་པའི་ནང་ཞུགས་ཏེ་དཀར་མཛེས་ཁུལ་གྱི་ངོ་མཚར་ཆེ་བའི་མངོན་མིན་རིག་གནས་ཤུལ་བཞག་འཛམ་གླིང་ལ་ངོམས། 2024ལོའི་ཟླ་9པར། ཁུལ་རིག་གནས་རྒྱང་བསྒྲགས་བརྙན་འཕྲིན་དང་ཡུལ་སྐོར་ཅུས་ཀྱི་གཙོ་ཁྲིད་དང་ཧང་ཀྲོའུ་གྲོང་ཁྱེར་སྐྱེད་ཚལ་རིག་གནས་ཤུལ་བཞག་ཅུས་ཀྱི་མཛུབ་ཁྲིད་འོག།།མངོན་མིན་རིག་གནས་ཤུལ་བཞག་མཐུན་ཚོགས་དང་ཧང་ཀྲོའུ་བཟོ་རྩལ་མཛེས་རྩལ་དངོས་མང་བཤམས་སྟོན་ཁང་གཉིས་ཀྱིས་ལག་གདང་སྦྲེལ་ནས“དཀར་མཛེས་དང་ཀྲེ་ཅང་འབྲེལ་བ་བཟང་།

རི་ཆུའི་མངོན་མིན་རིག་གནས་ཤུལ་བཞག་སེམས་པ་སྦྲེལ་བའི”བྱེད་སྒོ་མཉམ་དུ་སྤེལ་བ་རེད། 2024ལོའི་ཟླ་11པའི་ཚེས་10ཉིན་ནས་ཚེས་15ཉིན་བར། མཐུན་ཚོགས་ཀྱིས་ཧང་ཀྲོའུ་གྲོང་ཁྱེར་སྐྱེད་ཚལ་རིག་གནས་ཤུལ་བཞག་ཅུས་གདན་འདྲེན་ཞུས་ཤིང་སྤེལ་རེས་ཚོགས་པ་སྒྲིག་འཛུགས་བྱས་ཏེ་དཀར་མཛེས་ཁུལ་མི་རིགས་དངོས་མང་བཤམས་སྟོན་ཁང་དང་ཧང་ཀྲོའུ་གྲོང་ཁྱེར་སྐྱེད་ཚལ་རིག་གནས་ཤུལ་བཞག་ཅུས་ཀྱིས“ཧང་ཀྲོའུ་དང་དཀར་མཛེས་བཟོ་རྩལ་མཛེས་རྩལ་མཁས་ཆེན་མཉམ་འབྲེལ་གསར་གཏོད་ལྟེ་གནས”ཀྱི་སྒོ་བྱང་བཀལ་བ་དང་། ས་གནས་གཉིས་ཀྱི་མངོན་མིན་རིག་གནས་ཤུལ་བཞག་མཚོན་བྱེད་རང་བཞིན་གྱི་རྒྱུན་འཛིན་མི་སྣའི་ལག་རྩལ་མཉམ་དུ་ལས་འགོ་ཚུགས་པ་རེད། 2024ལོའི་ཟླ་11པར“ཁམས་པའི་འབྱོངས་བློ། དཀར་མཛེས་ནོར་མཆོག”ཅེས་པའི་མངོན་མིན་རིག་གནས་ཤུལ་བཞག་སྤུས་ལེགས་འགྲེམས་སྟོན་དེ་པེ་ཅིན་ཐའོ་རན་ཐེན་མཛེས་རྩལ་ཁང་དུ་2025ལོའི་ཟླ་3པའི་བར་འགྲེམས་སྟོན་བྱས། པེ་ཅིང་སློབ་ཆེན་ཀྲུང་གོ་རི་མོ་ལུགས་ཀྱི་ཞིབ་འཇུག་ཁང་གི་ཡོན་ཀྲང་ཧྥན་ཙེང་སོགས་མཁས་དབང་གྲགས་ཅན་ཀྱིས་བསྔགས་བརྗོད་ཆེན་པོ་མཛད། 2024ལོའི་ཟླ་11པའི་ཟླ་མཇུག་ནས་ཟླ་12པའི་ཟླ་སྟོད་བར། ཡང་བསྐྱར་ཐའེ་ཀྲོའུ་ལ་བསྐྱོད་ནས་རིག་གནས་སྤེལ་རེས་བྱེད་སྒོ་སྤེལ། 2025ལོའི་ཟླ་4པར“སི་ཁྲོན་རི་རྒྱལ། གངས་དཀར་ཞལ་སྟོང”འོས་སྦྱོར་འདུ་ཚོགས་ལ་ཞུགས། ཟླ་4པའི་ཚེས་25ཉིན་ནས་ཟླ་6པའི་ཚེས་25ཉིན་བར། “ཁམས་པའི་འབྱོངས་བློ”ཡི་སྲོལ་རྒྱུན་ལག་ཤེས་བཟོ་རྩལ་སྤུས་ལེགས་འགྲེམས་སྟོན་དེ་ཀྲུང་གོ་གྲི་ཆས་དངོས་མང་བཤམས་སྟོན་ཁང་（ཧང་ཀྲོའུ）ནས་སྤེལ། ཟླ་5པར། མངོན་མིིན་རིག་གནས་ཤུལ་བཞག་གི་རྣམ་གྲངས་ནུབ་ཕྱོགས་དངོས་མང་བཤམས་སྟོན་འདུ་ཚོགས་དང་ཀྲུང་གོ་ཁྲེང་ཏུའུ་རྒྱལ་སྤྱིའི་མངོན་མིན་རིག་གནས་ཤུལ་བཞག་འདུ་ཚོགས་སྐབས་དགུ་པའི་ནང་བཤམས། ཟླ་7པའི་ཚེས་1ཉིན། དམར་དམག་རྒྱང་སྐྱོད་སི་ཁྲོན་དུ་བསྐྱོད་ནས་ལོ་90འཁོར་བར་དྲན་གསོ་ཞུ་བའི་གསར་བརྗེའི་མངོན་མིན་རིག་གནས་ཤུལ་བཞག་དམིགས་བསལ་འགྲེམས་སྟོན”（པེ་ཅིན་ས་ཚུགས）པེ་ཅིན་སོག་བོད་སློབ་གྲྭའི་ཤུལ་རྙིང（ཀྲུང་ཧྭ་མི་རིགས་གཅིག་མཐུན་ཚོགས་པའི་མྱོང་རོལ་ཁང་）དུ་སྤེལ་བ་དང་།

ཟླ་7པའི་ཚེས་11ཉིན་ཅི་ལིན་ཞིང་ཆེན་དུ“གངས་ལྗོངས་འབྱོངས་བློ་དཀར་མཛེས་ནོར་མཆོག”ཅེས་པའི་མྱོང་རོལ་འགྲེམས་སྟོན་དང་། ངོ་འཕྲད་གྲོས་མོལ་ཆེད་དོན་ཁུལ་དང་ཁྲོམ་ར་རྒྱལ་ཁའི་ངང་གཉེར་བ་དང་། བྱང་ཤར་ས་ཁུལ་ལ་དཀར་མཛེས་ཁུལ་གྱི་མངོན་མིན་རིག་གནས་ཤུལ་བཞག་གི་འགྲེམས་སྟོན་ཐེངས་དང་པོ་སྤེལ་བ་རེད། འདི་འདྲའི་ཚད་གཞི་མཐོ་བ་དང་ཁྱབ་རྒྱ་ཆེ་བའི་ཚན་བསྟར་སྤེལ་རེས་བྱེད་སྒོ་སྤེལ་བ་དེས་དཀར་མཛེས་ཁུལ་གྱི་མངོན་མིན་རིག་གནས་ཤུལ་བཞག་གི་སྐད་གྲགས་དང་ཤུགས་རྐྱེན་ཆེ་རུ་ཕྱིན་པ་དང་། མི་རིགས་ཁག་གི་རིག་གནས་ཕན་ཚུན་དཔྱད་གཞིར་འཛིན་པའི་མཉམ་འདྲེས་ལ་སྐུལ་འདེད་ནུས་ལྡན་བཏང་།

འབྱོངས་བློ་བསྐྱེད་པས་དམངས་འཚོར་ཕན། ལག་རྩལ་རྒྱུན་འཛིན་བྱས་པས་ཡོང་འབབ་འཕར།

མཐུན་ཚོགས་གྱིས་ལག་རྩལ་རྒྱུན་འཛིན་དང་དམངས་འཚོ་ལེགས་སུ་གཏོང་བའི་འབྲེལ་ཆོས་གནད་ལ་འཁེལ་བར་དམིགས་ནས།  མངོན་མིན་རིག་གནས་ཤུལ་བཞག་བཟོ་ཁང་+”གི་ནུས་པ་འདོན་སྤྲོད་རྣམ་པ་གསར་གཏོད་བྱས། ཁུལ་ཡོངས་ཀྱི་ཞིང་འབྲོག་ཁུལ་དུ་ཚན་རིག་དང་མཐུན་པའི་བཀོད་སྒྲིག་བྱས་ཏེ་དམིགས་ཚད་མཐོན་པོའི་སྒོ་ནས་མངོན་མིན་རིག་གནས་ཤུལ་བཞག་གི་བཟོ་ཁང་མང་པོ་བསྐྲུན་པ་དང་། ལག་རྩལ་རྒྱུན་འཛིན་དང་ལས་ཞུགས་འདྲེན་སྐུལ། ཡོང་འབབ་འཕར་བར་སྐུལ་འདེད་བཅས་ཀྱི་ཕྱོགས་བསྡུས་ཅན་གྱི་སྟེགས་བུ་བསྐྲུན་པ་རེད།  བཟོ་ཁང་གིས་མི་རིགས་ཁག་གི་མང་ཚོགས་ལ་ཁ་གཏད་ཅིང་། ལྷག་པར་དུ་དབུལ་སྒྲོལ་དུད་ཚང་དང་བུད་མེད་སོགས་ཀྱི་མང་ཚོགས་ལ་མ་ལག་ཅན་དང་གླ་མི་དགོས་པའི་ལག་ཤེས་བཟོ་རྩལ་གསོ་སྦྱོང་བྱས་པ་རེད། ཆེད་ལས་གྱི་མཛུབ་ཁྲིད་དང་ལག་ལེན་བཀོལ་སྤྱོད་ཟུང་འབྲེལ་བྱེད་པའི་བྱ་ཐབས་བརྒྱུད། རིམ་རྩིས་བྱས་ན་ཚད་ལྡན་གྱི་ལག་རྩལ་པ་500ལྷག་གསོ་སྐྱོང་བྱས་ནས་མང་ཚོགས་ཁག་ཅིག་གི་ལས་ཞུགས་རྩལ་ནུས་མི་འདང་བའི་གནད་དོན་ཐག་གཅོད་བྱས། དེ་དང་ཆབས་ཅིག་མཐུན་ཚོགས་ཀྱིས“དྲྭ་ཐོག་དང་དྲྭ་འོག”ལངས་གཟུགས་ཅན་གྱི་འགྲེམ་ཚོང་དྲྭ་རྒྱ་བསྐྲུན། འགྲེམ་ཚོགས་སྣ་ཚོགས་ནང་ཞུགས་པ་དང་གློག་རྡུལ་ཚོང་ལས་ཀྱི་སྟེགས་བུ་བཙུགས་པ། མངག་ཐོ་དང་ཐོན་ཁུངས་འབྲེལ་མཐུད་བྱེད་པ་སོགས་ཐབས་ལམ་སྣ་ཚོགས་སྒྲིག་འཛུགས་བྱས་པ་བརྒྱུད་ལོ་རེར་ཚོང་ཟོག་མངག་ཐོ་ཁྲི་ལྷག་ཡོང་བར་སྐུལ་འདེད་བཏང་། ཐབས་ལམ་འདི་དག་ལ་བརྟེན་ནས་དཔལ་འབྱོར་ཡོང་འབབ་མཐོ་རུ་ཕྱིན་པ་དང་ལོ་གཅིག་ལ་མི་རེར་ཆ་སྙོམས་ཡོང་འབབ་སྒོར་ཁྲི་1.5ལྷག་འཕར་ཡོད། “སོར་རྩེའི་ལག་རྩལ”དེ“སོར་རྩེ་དཔལ་འབྱོར་དངོས”སུ་བསྒྱུར་ནས་སྲོལ་རྒྱུན་གྱི་ལག་ཤེས་བཟོ་རྩལ་དེ་ས་ཁོངས་དཔལ་འབྱོར་འཕེལ་རྒྱས་དང་། དབུལ་ཐར་འགག་སྒྲོལ་གྱི་གྲུབ་འབྲས་དང་མི་རིགས་ཁག་མཉམ་དུ་དར་རྒྱས་ཡོང་བའི་སྟོབས་ཤུགས་བརྟན་པོར་གྱུར།

གསར་གཏོད་འཕེལ་རྒྱས་འཚོལ་ཞིབ་དང་། མཉམ་འདྲེས་མཉམ་འགུལ་གྱི་ལེའུ་གསར་པ་བྲིས།

མཐུན་ཚོགས་ཀྱིས་དུས་རབས་ཀྱི་གོམ་སྟབས་དང་བསྟུན་ནས་མངོན་མིན་རིག་གནས་ཤུལ་བཞག་སྲུང་སྐྱོང་རྒྱུན་འཛིན་དང་འཕེལ་རྒྱས་གཏོང་བའི་གསར་གཏོད་ཐབས་ལམ་འཚོལ་ཞིབ་བྱས། ཤེས་ལྡན་མི་སྣ་གསོ་སྐྱོང་ཐད་དེང་རབས་ཇུས་འགོད་ཀྱི་འདུ་ཤེས་ལྟ་བ་བསམ་གཞི་དང་ཁྲོམ་ར་ཚོང་གཉེར་ཤེས་བྱ་ནང་འདྲེན་བྱ་རྒྱུར་མཐོང་ཆེན་བྱས་ཏེ། རྒྱུན་འཛིན་པའི་ཕྱོགས་བསྡུས་བྱང་ཚད་དང་གསར་གཏོད་ནུས་པ་ཆེ་རུ་བཏང་ཡོད། སྟེགས་བུ་འཛུགས་སྐྲུན་ཐད་2024ལོའི་ཟླ་11པར་ཧང་ཀྲོའུ་གྲོང་ཁྱེར་སྐྱེད་ཚལ་རིག་གནས་ཤུལ་བཞག་ཅུས་དང་དཀར་མཛེས་ཁུལ་མི་རིགས་དངོས་མང་བཤམས་སྟོན་ཁང་གིས“ཧང་ཀྲོའུ་དང་དཀར་མཛེས་བཟོ་རྩལ་མཛེས་རྩལ་མཁས་ཆེན་མཉམ་འབྲེལ་གསར་གཏོད་ལྟེ་གནས”མཉམ་སྐྲུན་བྱས་ནས། ས་གནས་གཉིས་ཀྱི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་ཡུན་རིང་དང་བརྟན་བརླིང་གི་ལག་རྩལ་མཉམ་ལས་དང་གསར་གཏོད་ཞིབ་འཇུག་སྟེགས་བུ་བསྐྲུན་ཞིང་། ས་ཁོངས་བརྒལ་བའི་མངོན་མིན་རིག་གནས་ཤུལ་བཞག་མཉམ་ལས་བྱེད་སྟངས་གསར་པ་བཏོད། ཐོན་ཁུངས་སྡེབ་སྒྲིག་ཐད་དཀར་མཛེས་ཁུལ་རིག་གནས་རྒྱང་བསྒྲགས་བརྙན་འཕྲིན་དང་ཡུལ་སྐོར་ཅུས། དེ་བཞིན་འབྲེལ་ཡོད་སྡེ་ཁག（དཔེར་ན་ཁུལ་མི་ཤུགས་སྤྱི་ཚོགས་འགན་སྲུང་ཅུས། ཞིང་ཆེན་མི་ཤུགས་སྤྱི་ཚོགས་འགན་སྲུང་ཐིང་）གི་རྒྱབ་སྐྱོར་ལ་བརྟེན་ནས། ཁྲུང་ཆིང་དང་ལུའུ་ཀྲོའུ། གཡག་རྔ་སོགས་སུ་སྒྲིག་འཛུགས་བྱས་པའི་འགྲེམས་སྟོན་བྱེད་སྒོར་ཞུགས་པར་མ་ཟད་ཚད་མཐོའི་ཁས་ལེན་དང་གཟེངས་བསྟོད་ཀྱང་ཐོབ། དྲིལ་བསྒྲགས་ཐད་དངོས་ཚན་འགྲེམས་སྟོན་ལ་བརྟེན་པར་མ་ཟད། འཕྲིན་སྦྱོར་གསར་པ་སྤྱད་ནས་དགེ་མཚན་ལྡན་པའི་ཤུགས་རྐྱེན་ཐེབས་པར་བྱས་ལ་གསར་གཏོད་རང་བཞིན་གྱི་སྒོ་ནས་མངོན་མིན་རིག་གནས་ཤུལ་བཞག་འགྲེམས་སྟོན་དང་གསར་བརྗེ་རིག་གནས（དཔེར་ན་དམར་དམག་རྒྱང་སྐྱོད་སི་ཁྲོན་དུ་བསྐྱོད་ནས་ལོ་90འཁོར་བར་དྲན་གསོ་ཞུ་བའི་དམིགས་བསལ་འགྲེམས་སྟོན）དང་ཡུལ་སྐོར་ངོ་སྤྲོད（དཔེར་ན་སི་ཁྲོན་རི་རྒྱལ·གངས་དཀར་ཞལ་སྟོང་ལྟ་བུ）མཉམ་འདྲེས་གཏིང་ཟབ་ཡོང་བར་བྱས་པ་དང་། མངོན་མིན་རིག་གནས་ཤུལ་བཞག་གི་འགྲེམས་སྟོན་དང་བཀོལ་སྤྱོད་རྣམ་པ་རྒྱ་སྐྱེད་བཏང་། གསར་གཏོད་ལག་ལེན་འདི་དག་གིས་དཀར་མཛེས་ཁུལ་མངོན་མིན་རིག་གནས་ཤུལ་བཞག་ལ་གསོན་ཤུགས་གསར་པ་བསྣན་ནས་རྒྱུན་འཛིན་ཁྲོད་འཕེལ་རྒྱས་ཡོང་བ་དང་འཕེལ་རྒྱས་ཁྲོད་གསོན་ཤུགས་གསར་པ་མངོན་པར་འགན་ལེན་བྱས།

ཐེངས་རེ་རེའི་མངོན་མིན་རིག་གནས་ཤུལ་བཞག་གི་འགྲེམས་སྟོན་ནི“མཛེས་རྩལ་མཉམ་ལྡན”གྱི་གསོལ་སྟོན་ཞིག་ཡིན་ལ། དེས་མི་རིགས་མི་འདྲ་བའི་སྤུན་ཟླས་ཐུན་མོང་གི་རིག་གནས་རང་འཚེངས་ཁྲོད་དུ་གཅིག་མཐུན་གཅིག་སྒྲིལ་བྱེད་པ་དང་། ཕན་ཚུན་མྱོང་རོལ་དང་བསམ་ཤེས་བྱེད་པའི་ཁྲོད་བར་སྟོང་སེལ་བ། མཉམ་ལས་རྒྱུན་འཛིན་དང་གསར་གཏོད་ཁྲོད་ངོས་འཛིན་གཅིག་མཐུན་ཟབ་ཏུ་གཏོང་བ་བཅས་བྱས་ཡོད། འདི་འདྲའི་རིག་གནས་རྒྱུད་རྒྱུའི་མཉམ་འདྲེས་གཏིང་ཟབ་སྤེལ་བ་དེས་མི་རིགས་ཁག་གི་ཕུགས་བསམ་དང་དད་དོན། བརྩེ་དུང་། རིག་གནས་བཅས་ཀྱི་ཐད་མཐུན་སྒྲིལ་གཅིག་གྱུར་ཡོང་བར་སྐུལ་འདེད་ནུས་ལྡན་བཏང་བར་མ་ཟད། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་བཙུགས་པའི་གསོན་ཉམས་ལྡན་པ་དང་ལག་ལེན་ཁྲོད་ཀྱི་ཐབས་ལམ་ཞིག་རེད། ཐུན་མོང་གི་རྩ་བ་སྲུང་སྐྱོང་དང་བསམ་པའི་ཁྱིམ་གཞིས་དར་རྒྱས་ཡོང་བ་བརྒྱུད། མངོོན་མིན་རིག་གནས་ཤུལ་བཞག་སྤེལ་རེས་འགྲེམས་ཚོགས་ཀྱིས་མི་རིགས་མཐུན་སྒྲིལ་ཡར་ཐོན་གྱི་ལས་དོན་བྱ་གཞག་གཏིང་ཟབ་ལ་ཡུན་རིང་པོའི་རིག་གནས་སྟོབས་ཤུགས་བསྣན་ཡོད། “ཀྲུང་ཧྭ་མི་རིགས་ཁྱིམ་ཚང་གཅིག་ལྟར་འཆམ་པ་དང་། སེམས་པ་གཅིག་མཐུན་གྱི་ཀྲུང་གོའི་ཕུགས་འདུན་འཛུགས”ཞེས་པའི་གཙོ་དོན་དེ་མངོན་མིན་རིག་གནས་ཤུལ་བཞག་མི་རབས་ནས་མི་རབས་བར་བརྒྱུད་པའི་ཁྲོད་སྔར་བས་སྐད་གྲགས་ཆེ་རུ་ཕྱིན་ཡོད་དོ། །