ཤར་བ་སྐྱིད། མོ། བོད་རིགས། མང་ཚོགས། 1988ལོའི་ཟླ་6པར་སྐྱེས། སི་ཁྲོན་ཞིང་ཆེན་ཁྲོ་ཆུ་རྫོང་གི་མི་ཡིན། རྔ་བ་ཁུལ་རྟེན་མཛོད་ཁང་གི་རྟེན་བཤད་པ། རྒྱུན་ལྡན་གྱི་རྟེན་བཤད་ཁྲོད་མོས་རིག་དངོས་གཞི་བཅོལ་ས་བྱས་ནས། ཀྲུང་ཧྭའི་ཤེས་དཔལ་སྣ་མང་གཞི་གཅིག་ཏུ་འགྱུར་བའི་བརྒྱུད་རིམ་ངག་བདེ་མོ་དང་ཚིག་སྒྲ་གསལ་བའི་སྒོ་ནས་ལྟད་མོ་བར་བརྗོད་ནས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་དྲིལ་བསྒྲགས་སློབ་གསོའི་བླ་མེད་ལས་འགན་བསྒྲུབས། དེ་སྔོན་རྔ་བའི་ཤེས་ལྡན་མི་སྣའི་འཆར་གཞི་ལས་རྔ་བའི་ཡུལ་སྐོར་སྣེ་ཤན་པ་གྲགས་ཅན་གྱི་མཚན་སྙན་སོགས་ཐོབ་མྱོང་།
འགན་འཁྲི་བློ་ལ་བརྟན་པོར་ངེས་ནས་རིག་གནས་ཁྱབ་སྤེལ་གྱི་སྦྲེལ་ཟམ་བྱེད་པ།
ཤར་བ་སྐྱིད་རྟེན་མཛོད་ཁང་དུ་ལས་ཞུགས་བྱས་རྗེས་མོས་རྟེན་མཛོད་ཁང་ནི་སྤྱི་ཚོགས་ཀྱི་སྤྱི་དམངས་ལ་སྤུས་ལེགས་རིག་གནས་ཞབས་ཞུ་མཁོ་འདོན་བྱེད་སའི་སྟེགས་བུ་གལ་ཆེན་ཞིག་ཡིན་པ་དང་མི་རིགས་ཁག་ཕན་ཚུན་རྒྱུས་ལོན་དང་ཕན་ཚུན་དཔྱད་གཞིར་འཛིན་པ། མཐུན་སྒྲིལ་ལ་ཤུགས་སྣོན་པའི་ཐད་གཞན་གྱིས་ཚབ་བྱེད་མི་ཐུབ་པའི་ནུས་པ་ཐོན་པ་གསལ་པོར་རྟོགས། རྟེན་བཤད་བྱེད་ཐེངས་རེ་ལ། མོས་རྟེན་མཛོད་ཁང་གི་རིག་དངོས་དག་གཞི་བཅོལ་ས་བྱས་ནས་རིག་གནས་ཀྱི་ནང་དོན་དང་རྒྱབ་ལྗོངས་ལྷུག་པོར་བརྗོད་ལ། ལྟད་མོ་བར་ཀྲུང་ཧྭའི་ཤེས་དཔལ་གྱི་སྣ་མང་གཞི་གཅིག་ཆགས་ཚུལ་དང་དངོས་དཔང་བྱས་ཚུལ་བརྗོད། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་ལས་འགན་དུ་བརྩིས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི"ཐུན་མོང་ལྔ"ཡི་བསམ་བློ་ཟབ་མོ་གཙོ་རྐང་དུ་བྱ་རྒྱུ་མཐའ་འཁྱོངས་ཀྱིས་མི་རིགས་ཁག་གི་ལས་བྱེད་པ་དང་མང་ཚོགས་མཐུན་སྒྲིལ་བྱས་ཚེ་ད་གཟོད་སྤྱི་ཚོགས་འཆམ་མཐུན་དང་མཐུན་སྒྲིལ་འཕེལ་རྒྱས་དང་ཡར་ཐོན་ཡོང་ཐུབ་པའི་བདེན་ལུགས་གསེད་བཀྲོལ་བྱས། རྔ་བ་ཁུལ་གྱིས་དུས་རབས་གསར་པའི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་འཛུགས་སྐྱོང་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་བྱས་རྗེས་བཞག །བྱས་རྗེས་ངོ་མཚར་ཅན་རེ་རེ་ད་གཟོད་མི་སེམས་འགུལ་བའི་མི་རིགས་མཐུན་སྒྲིལ་ཡར་ཐོན་གྱི་ལེའུ་ཞིག་ཏུ་གྱུར་ཡོད།
དྲིན་གཟོ་འབད་འཐབ་བྱས་ནས་མི་རིགས་མཐུན་སྒྲིལ་ཡར་ཐོན་གྱི་གཏམ་གླེང་མཁན་ཞིག་བྱེད་པ།
ཤར་བ་སྐྱིད་ཀྱིས་རྟེན་བཤད་པ་ནི་ལོ་རྒྱུས་ཀྱི་བདེན་དོན་བརྒྱུད་སྤྲོད་མཁན་ཞིག་ཁོ་ན་མ་ཡིན་པར་མི་རིགས་མཐུན་སྒྲིལ་ཡར་ཐོན་གྱི་ལག་ལེན་པ་ཞིག་ཡིན་པ་ཚོར། ལོ་ངོ་བདུན་གྱི་རིང་མོས་འབད་བརྩོན་གྱི་རྣམ་འགྱུར་ལས་རྔ་བ་ཁུལ་གྱི་མི་རིགས་རིག་གནས་དང་ལོ་རྒྱུས་ལས་དོན་ཁྲོད་ཞུགས་ནས། ཆེད་ལས་ཀྱི་བྱང་ཚད་མཐོ་རུ་བཏང་། ད་ལྟ་གཉིད་དུ་ཡུར་ཟིན་པའི་འགྲེམ་སྟོན་ཁང་གི་ཡིག་ཚགས་རེ་རེ་དང་ངག་རྒྱུན་གྱི་གཏམ་རྒྱུད་རེ་རེ། རིག་དངོས་སྟེང་བརྐོས་ཡོད་པའི་ལོ་ཟླ་ཡི་རྗེས་ཤུལ་རེ་རེ། ཡོད་ཚད་མོས་ཉིན་ཐོག་ཟླ་བཞག་དང་ཟླ་ཐོག་ལོ་བཞག་གི་བརྩོན་ཞིབ་ཁྲོད་ནས་སླར་ཡང་གསོན་ཤུགས་རྒྱས་ཏེ་ཡིད་སེམས་འགུལ་བའི་རིག་གནས་གཏམ་རྒྱུད་བཟོས། ལྟད་མོ་བ་འགྲེམ་སྟོན་ཁང་དུ་ཁྲིད་ཐེངས་རེ་ལ་ཤར་བ་སྐྱིད་ཀྱི་ངག་མགྲིན་པའི་སྦུབས་ནས་འགྲེམ་སྟོན་ཁང་གི་ངོ་མཚར་བའི་ལོ་རྒྱུས་ལ་གསལ་བཤད་བྱས། ཝུན་ཁྲོན་ས་ཡོམ་འགྲེམས་ཁུལ་ནས། མོས་ནམ་ཡང་ལྟད་མོ་བའི་མིག་གོང་མཆི་མས་བཀང་ཡོད་པ་མཐོང་ཐུབ། ཆག་གྲུམ་ཤོར་ཟིན་པའི་གྱང་རོ་དང་ཁང་པའི་འོག་ན་ལྕགས་ལྟར་མཁྲེགས་པའི་བློ་སྟོབས་ཡོད་ལ། ཕྱོགས་བཞི་མཚམས་བརྒྱད་ནས་ཕེབས་པའི་རོགས་སྐྱོར་པས་རི་ཆུ་སྟོང་ཕྲག་བརྒལ་ནས་ལག་ཟུང་དྲོན་མོས་དམ་པོར་འཇུ་བའི་སྐབས་སུ། ལྟད་མོ་བས་ད་གཟོད་ཤི་གསོན་མཉམ་གནས་ཀྱི་ཡང་སྙིང་རྟོགས། ཆིན་ཡུས་ཝུན་ཕ་བུ་གཉིས་ཀྱིས་ཏང་དར་སྲུང་སྐྱོང་བྱས་པའི་གཏམ་རྒྱུད་གླེང་སྐབས། དེ་ནི་ཁ་དན་ཚིག་གནས་ཀྱི་བདེན་དཔང་ཡིན་པར་མ་ཟད། མི་རིགས་ཁག་གི་སེམས་གཏིང་ན་གནས་པའི་རྟག་བརྟན་གྱི་གན་རྒྱ་ཞིག་དེ་བས་ཀྱང་ཡིན། ཁོང་ཕ་བུ་གཉིས་ཀྱི་གཏམ་རྒྱུད་ཐོས་མ་ཐག་ཞིང་ཆེན་གཞན་ནས་ཡོང་བའི་ཡུལ་སྐོར་བས་མིག་ཆུ་དབང་མེད་དུ་གཏོར། མི་རིགས་མཐུན་སྒྲིལ་ཡར་ཐོན་གྱི་འཛུམ་མདངས་གྱང་གི་མདུན་ནས། མོས་ལྟག་རྒྱབ་ཀྱི་མཉམ་འདྲེས་གཏམ་རྒྱུད་ལྷུག་པོར་བརྗོད་ནས། ཕྱི་རྒྱལ་གྱི་གྲོགས་པོ་ཚོས་ཀྱང་མཐེ་བོང་སྒྲེང་ནས་མོ་ལ་བསྟོད་བསྔགས་བྱས། རྒན་རབས་པ་རྣམས་ཀྱིས་དབང་མེད་དུ་གཏོར་བའི་མིག་ཆུའི་རྡོག་པ་རེ་རེ་དང་བྱིས་པ་ཚོའི་བློ་རིག་བསྒྲིམས་ནས་གཏམ་རྒྱུད་ལ་ཉན་པའི་རྐང་པའི་རྗེས་ཤུལ་རེ་རེ། ཕྱིའི་རྒྱལ་ཁབ་ཀྱི་མགྲོན་པོ་རྣམས་མིག་ཧད་དུ་གྱུར་པའི་རྣམ་པ་སོགས་དེ་དག་ཚང་མ་ནི་ཤར་བ་སྐྱིད་ཀྱིས་ལོ་ངོ་བདུན་གྱི་རིང་རང་གི་བློ་ངོ་ན་ཡོད་པའི་རིག་གནས་ཀྱི་བག་ཆགས་རེ་རེ་བཞིན་ལྷུག་པོར་བརྗོད་པའི་རྣམ་པ་གསོན་ཉམས་དོད་པོའི་ངང་མཆན་འགྲེལ་བྱས།
ཤར་བ་སྐྱིད་ཀྱིས་རང་གིས་བཏབ་པའི་ས་བོན་ལ་མྱུ་གུ་འབུས་བཞིན་པ་གཞི་ནས་ཚོར་ལ། ས་ཁོངས་དང་། མི་རིགས། རྒྱལ་མཚམས་ལས་བརྒལ་བའི་མཉམ་འུར་གྱིས་རང་གི་རྒྱན་གྱིས་རང་ཉིད་བརྒྱན། །རྒྱན་ཐོག་རྒྱན་བརྩེགས་ཐམས་ཅད་མཛེས། །ཅེས་པར་འགྲེལ་བཤད་གསལ་པོ་བརྒྱབ། ཤར་བ་སྐྱིད་ཀྱིས་དུས་རྒྱུན་དུ་ཆེད་ལས་ངོ་མ་ནི་རི་ལྟར་སྤུངས་པའི་ཤེས་བྱ་ཁོ་ན་མིན་པར། ལོ་རྒྱུས་ལ་གཏམ་སྨྲ་བར་འཇུག་པ་དང་རིག་དངོས་བརྒྱུད་སྤྲོད་ཀྱི་དྲོད་ཚད་མཐོ་རུ་གཏོང་བ། རིག་གནས་ཀྱི་རྒྱབ་ལྗོངས་མི་འདྲ་བའི་ལྟད་མོ་བ་ཚང་མར་ཀྲུང་ཧྭ་མི་རིགས་ཀྱི་ཐུན་མོང་གི་སྙིང་འཕར་ཚད་ལ་ཚོར་ཐུབ་པ་བྱ་རྒྱུ་དེ་ཡིན་ཟེར། སྐད་ཅིག་མ་འདི་དག་གིས་མོའི་བརྩེ་བས་མི་སེམས་འགུལ་བ་དང་རིག་གནས་ཀྱིས་མི་སེམས་བརླན་ཐུབ་པའི་རྟེན་བཤད་ཀྱི་སྒྱུ་རྩལ་ཡང་ངོམས་ཡོད་པ་རེད།
སྒྲོག་འགྲེལ་གཏིང་ཟབ་བྱས་ནས་མི་རིགས་མཐུན་སྒྲིལ་ཡར་ཐོན་གྱི་ཁྱབ་སྤེལ་བྱེད་མཁན་ཞིག་བྱེད་པ།
རྟེན་རྫས་རྟེན་མཛོད་ཁང་གི་གཞི་རྩའི་བཤམས་སྟོན་གྱི་རྟེན་བཤད་ལས་གཞན། མོས་ད་དུང་འགྲེམས་སྟོན་ཁང་དང་བྱ་འགུལ་སྣ་ཚོགས་ལའང་རྟེན་བཤད་དང་མདོ་འཛིན་གྱི་འགན་ཁུར། ལྷག་པར་དུ་བཤམས་སྟོན་ཁང་གིས་རྔ་བ་ནས་དམར་དམག་རྒྱང་བསྐྱོད་བྱས་པའི་པར་རིས་འགྲེམས་སྟོན་བྱས་རྗེས་གསར་བརྗེའི་རིག་གནས་སློབ་གྲྭ་དང་། སྡེ་ཁུལ། དམག་སྒར་རུ་སོང་ནས་བྱེད་སྒོ་སྤེལ་བའི་རིང་ལ། མོས་མི་ཚོགས་མི་འདྲ་བར་དམིགས་ནས་བྱེད་ཐབས་མི་འདྲ་བ་སྤྱད་དེ་རྟེན་བཤད་བྱས་ནས་གཞོན་ནུ་ལོ་ཆུང་ཚོའི་ཡིད་ཀྱི་ཞིང་སར་གུང་ཁྲན་ཏང་མེད་ན་ཀྲུང་གོ་གསར་པ་མེད་པའི་ས་བོན་བཏབ་ལ། སྤྱི་ཚོགས་ཀྱི་དམངས་ཡོངས་ལ་མི་རིགས་ཁག་སེ་འབྲུ་བཞིན་དམ་པོར་འཁྱུད་དགོས་པའི་ངོས་འཛིན་སྐྱེ་རུ་བཅུག དམག་མི་ཚོར་དམག་གིས་དམངས་ལ་གཅེས་པ་དང་། དམངས་ཀྱིས་དམག་ལ་བཀུར་བ། དམག་དམངས་མཐུན་སྒྲིལ་དང་དམངས་སེམས་མཐུན་ན་ལྕགས་རི་ལས་ཀྱང་བརྟན་པའི་སྲོལ་རྒྱུན་གཟི་བརྗིད་ཅན་དར་སྤེལ་གཏོང་དགོས་པའི་གཏམ་དེ་དག་གིས་ལྟད་མོ་བའི་ཚུར་སྣང་ཆེན་པོ་སློང་ཐུབ། རྔ་བ་ཁུལ་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་བརྗོད་བྱ་གཙོ་བོའི་འགྲེམས་སྟོན་ཁང་སྒོ་ཕྱེ་རྗེས། མོས་མ་སྐུལ་དང་ལེན་གྱིས་ཡིག་འབྲུ་ཁྲི་ལྷག་ཡོད་པའི་རྟེན་བཤད་ཀྱི་ནང་དོན་དུས་ཚོད་ཐུང་ངུའི་ནང་བློར་བཟུང་བར་མ་ཟད། ཡིག་འབྲུ་རེ་རེ་དང་པར་རིས་རེ་རེའི་ལྟག་རྒྱབ་ཀྱི་མི་རིགས་མཐུན་སྒྲིལ་ཡར་ཐོན་ཅན་གྱི་རྔ་བའི་གཏམ་རྒྱུད་ལ་རྒྱུས་ལོན་དང་བརྩེ་བ་ཟབ་མོའི་སྒོ་ནས་བརྗོད།
རྔ་བ་ཁུལ་གྱི་ལས་བྱེད་ལས་བཟོ་པ་རྣམས་རེས་མོས་ལྟ་སྐོར་བྱེད་སྐབས། མོས་རྔ་བ་ཁུལ་གྱི་མི་རིགས་མཐུན་སྒྲིལ་ཡར་ཐོན་ལས་དོན་ཁྲོད་ཐོབ་པའི་གྲུབ་འབྲས་སྒྲོག་འགྲེལ་བྱས་པ་ཡིས། མོས་མི་རིགས་མཐུན་སྒྲིལ་ཡར་ཐོན་ལས་དོན་ལག་ལེན་དུ་བསྟར་བའི་རྣམ་འགྱུར་དང་སོ་སོའི་ལས་གནས་ལ་བཅངས་པའི་དུང་བ་མཚོན་ཡོད།
འབད་འཐབ་མདུན་སྐྱོད་བྱས་ནས་རིག་གནས་རྒྱུན་འཛིན་གྱི་ལག་ལེན་པ་ཞིག་བྱེད་པ།
རྔ་བའི་ཡུལ་སྐོར་སྣེ་ཤན་པ་ཞིག་ཡིན་པའི་ཆ་ནས། ཤར་བ་སྐྱིད་ཀྱིས་ཐོག་མཐའ་བར་གསུམ་དུ་ཁེངས་སྐྱུང་གི་བསམ་པར་བརྟེན་ནས་འགན་འཁྲི་ལག་ཏུ་བསྟར། བློ་བརྟན་འགྱུར་མེད་ཀྱིས་ཕུགས་འདུན་ལ་བརྟེན་ནས་མཐུན་སྒྲིལ་གྱི་ས་བོན་བཏབ། མོས་བསམ་ན། གཟི་བརྗིད་མཚན་སྙན་འདི་ནི་ཡུལ་ལུང་འདི་རུ་མི་རིགས་མཐུན་སྒྲིལ་ཡར་ཐོན་གྱི་གཏམ་རྒྱུད་བརྗོད་པར་འབད་འཐབ་བྱེད་བཞིན་པའི་མི་བུ་ཡོངས་ལ་དེ་བས་ཀྱང་དབང་བ་རེད། སློབ་ཕྲུག་བསྐྱེད་སྲིང་བྱེད་པའི་ཐད་ནས་མོས་བློ་སེམས་གཅིག་ཏུ་སྒྲིམ་ནས་ན་གཞོན་གྱི་རྟེན་བཤད་པ་རྣམས་ལ། རྟེན་བཤད་ནི་ལོ་རྒྱུས་ཀྱི་ཡིག་ཚགས་དེ་དག་བློར་སྟབས་བདེ་ཙམ་ཞིག་འཛིན་པ་མིན་པར། སེམས་རྣལ་དུ་ཕབ་ནས་འགྲེམས་སྟོན་གྱི་བརྩམས་ཆོས་རེ་རེའི་རྒྱབ་ངོས་ན་འཕར་ལྡིང་བྱེད་བཞིན་པའི་ལོ་རྒྱུས་ཀྱི་ཁྲག་རྩ་ཡིན་ཞེས་བཤད། མོའི་ངག་སློབ་དཔེ་སྟོན་འོག་དངོས་མང་བཤམས་སྟོན་ཁང་གི་རྟེན་བཤད་ཚོགས་པར་ཐུན་མོང་མ་ཡིན་པའི་ལས་རིགས་གོམས་གཤིས་ཤིག་ཆགས་ཡོད་ལ། བཤམས་སྟོན་ཁང་གི་སྒོ་བརྒྱབ་རྗེས《ལྟད་མོ་བའི་སྐད་འཇོག་སའི་ཟིན་བྲིས》རེ་རེ་བཞིན་ནན་ཏན་གྱིས་ཀློག་ནས། ཡི་གེའི་ཚེགས་བར་ནས་མཐོར་འདེགས་ཀྱི་ཁ་ཕྱོགས་དང་ལེགས་བཅོས་ཀྱི་སྒུལ་ཤུགས་འཚོལ།
འདས་སོང་བའི་ལོ་ངོ་བདུན་གྱི་ནང་ལ། མོའི་རྟེན་བཤད་ཀྱི་ནང་དོན་ཡང་ནས་བསྐྱར་དུ་བརྗེས་མོད། ཡིན་ཡང་ཕ་ཡུལ་གྱི་གཏམ་རྒྱུད་སྒྲོག་པའི་བསམ་འདུན་ནམ་ཡང་འགྱུར་མ་མྱོང་། འབྱུང་འགྱུར་གྱི་རེ་ལྟོས་གླེང་སྐབས་ཤར་བ་སྐྱིད་ཀྱི་མིག་ཟུང་སྐར་མ་འོད་ཆེན་ཞིག་དང་འདྲ་བར་འོད་ལམ་ལམ་འཚེར། མོ་རྔ་ལྗོངས་ཕྱུག་མོའི་གྲོང་སྡེ་ཚང་མར་བསྐྱོད་དེ་མི་རིགས་མཐུན་སྒྲིལ་ཡར་ཐོན་གྱི་གཏམ་རྒྱུད་གསོན་ཉམས་ཅན་མང་པོ་འཚོལ་བསྡུ་བྱས་ནས། མི་དེ་བས་མང་པོར་མཐོ་སྒང་གི་མཐུན་སྒྲིལ་གྱི་རླབས་སྒྲ་ཐོས་ཐུབ་པར་འཇུག་རྒྱུ་ཡིན་ཟེར། གལ་སྲིད་ད་དུང་ཉན་འདོད་མཁན་ཡོད་ཚེ། མོས་མུ་མཐུད་དུ་བཤད་དེ་མི་རིགས་མཐུན་སྒྲིལ་ཡར་ཐོན་གྱི་གཏམ་རྒྱུད་ནམ་ཡང་དར་ཁྱབ་དུ་གཏོང་རྒྱུ་ཡིན་པ་རེད།
མོས་མི་རིགས་མཐུན་སྒྲིལ་ཡར་ཐོན་ནི་རྟག་བརྟན་གྱི་བརྗོད་བྱ་གཙོ་བོ་དང་རྔ་བ་ཁུལ་གྱི་རིག་གནས་ཀྱི་སྲོག་རྩ་ཡིན་པ་གསལ་པོ་ཤེས་ཡོད་པས། མ་འོངས་པར་མོས་ད་དུང་རིག་གནས་སྤེལ་རེས་ཀྱི་རྣམ་གྲངས་བརྒྱུད་ནས་ཡུལ་ཕྱོགས་གཞན་གྱི་ན་གཞོན་མང་པོ་ཞིག་རྔ་བར་ཡོང་ནས་ཚོན་མདངས་རྣམ་པར་བཀྲ་བའི་མཐོ་སྒང་གི་ཡུལ་གྲུ་འདིའི་ཉེ་སར་བཅར་ནས། དུས་དང་བར་སྟོང་བརྒལ་བའི་མཐུན་སྒྲིལ་གྱི་སྙིང་སྟོབས་ལ་དངོས་སུ་ཉམས་ལེན་བྱ་རྒྱུའི་འཆར་གཞི་ཡོད་པ་རེད། རིག་གནས་ཀྱི་རྒྱུན་འཛིན་འདི་ལྟ་བུའི་ཁྲོད་དུ་མི་མང་པོ་ཞུགས་ན་མི་རིགས་མཐུན་སྒྲིལ་གྱི་མེ་རྟ་ཡིས་ད་གཟོད་ལུང་ཐག་རིང་བའི་ཡུལ་གྲུ་ལ་འོད་སྣང་སྦྱིན་ཐུབ་པར་མོ་ལ་ཡིད་ཆེས་བརྟན་པོ་ཡོད། མོའི་རྟེན་བཤད་ཀྱི་རྒྱབ་ལོག་ན་གཏམ་རྒྱུད་བགྲང་གིས་མི་ལོང་བ་ཡོད་པ་དང་གཏམ་རྒྱུད་དེ་དག་གི་ཁྲོད་དུ་ཚེ་སྲོག་གི་སྟོབས་ཤུགས་དང་འབད་འཐབ་ཀྱི་རྟགས་ཐམ། མི་རིགས་ཀྱི་འབྱུང་འགྱུར་ལ་སོགས་པ་ཡོད།
འབྱུང་འགྱུར་ལ་རྒྱང་ལྟ་བྱེད་སྐབས། ཤར་བ་སྐྱིད་ཀྱིས་མུ་མཐུད་དུ་རང་གི་ཡིད་དབང་འགུག་པའི་རྟེན་བཤད་ཀྱི་སྒྱུ་རྩལ་ལ་བརྟེན་ནས་དངོས་བྱུང་གི་གཏམ་རྒྱུད་སྒྲོག་ནས། མི་རིགས་མཐུན་སྒྲིལ་ཡར་ཐོན་གྱི་གསུང་དབྱངས་རྔ་བ་ཁུལ་གྱི་འཛིན་མའི་ཁྱོན་ལ་ཁྱབ་དུ་འཇུག་རྒྱུ་ཡིན། མོས་རང་གི་འབད་བརྩོན་ལ་བརྟེན་ནས་རྔ་བ་ཁུལ་རྟེན་མཛོད་ཁང་དེ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་གཅིག་ཏུ་སྒྲིལ་བའི་བསམ་པའི་མཐོ་ས་ཞིག་ཏུ་འགྱུར་ངེས་ཡིན་པ་དང་མི་རིགས་མཐུན་སྒྲིལ་ཡར་ཐོན་གྱི་མེ་ཏོག་གངས་རིའི་ལྗོངས་ནས་རྣམ་པར་བཞད་དེ་བཀྲག་མདངས་རབ་ཏུ་འཚེར་ཐུབ་པར་ཡིད་ཆེས་ཀྱིས་ཁེངས་ཡོད་དོ། །