ཝང་ཀྲུང་། གངས་ལྗོངས་ས་མཐོའི་བདེ་ཐང་གི་ཨ་ལོང་སྒྲིག་མཁན་གྱི་སྨན་པ་བྱམས་སེམས་ཅན།

ཝང་ཀྲུང་། སྐྱེས་པ། རྒྱ་རིགས། ཀྲུང་གུང་ཏང་ཡོན། 1979ལོའི་ཟླ་3པར་སྐྱེས་ཤིང་། སི་ཁྲོན་ཁྲེང་ཏུའུ་བ་ཡིན། ད་ལྟ་དཀར་མཛེས་ཁུལ་གསེར་རྟ་རྫོང་མི་དམངས་སྨན་ཁང་གི་ཚོགས་པ་རྣམ་པའི་སྨན་བཅོས་རོགས་སྐྱོར་རུ་དཔོན་དང་།

དཀར་མཛེས་ཁུལ་གསེར་རྟ་རྫོང་སྨན་བཅོས་ཐུན་མོང་སྒྲིག་གཞིའི་ཏང་ཨུའི་ཧྲུའུ་ཅི་གཞོན་པ། རྫོང་མི་དམངས་སྨན་ཁང་ཏང་ཀྲི་པུའུ་ཡི་ཧྲུའུ་ཅི་གཞོན་པ། ཡོན་ཀྲང་བཅས་ཡིན། ཁོང་གིས་ཏང་ཀྲུང་དབྱང་གི་འབོད་སྐུལ་དང་ལེན་ཧུར་ཐག་བྱས་ཏེ། གངས་ལྗོངས་ས་མཐོའི་སྨན་བཅོས་རོགས་སྐྱོར་བྱ་གཞག་ནང་བློ་བརྟན་འགྱུར་མེད་ཀྱིས་མཚོ་འཕགས་སྨི་4000ལྷག་ཡོད་པའི་གསེར་རྟ་རྫོང་དུ་ཉིན་400ལྷག་ཙམ་འབད་བརྩོན་བྱས་པ་རེད། ཁོང་གིས་གུང་ཁྲན་ཏང་ཡོན་གྱི་ལྷག་བསམ་དང་སྨན་པ་རྣམས་ཀྱི་བྱམས་སེམས་དང་སྙིང་རྗེ་ལ་བརྟེན་ནས། ཚོགས་པའི་སྣེ་ཁྲིད་དེ་གྲང་ངར་ཆེ་ཞིང་དབྱང་རླུང་མི་འདང་བའི་དཀའ་ཁག་ཁྱད་དུ་བསད་དེ། འབྲོག་ཁུལ་གྱི་སྦྲ་གུར་འགྲིམ་ནས་ས་མཐོའི་ནད་རིགས་ལ་དམིགས་ཏེ་བོད་རིགས་སྤུན་ཟླའི་བདེ་ཐང་སྲུང་སྐྱོང་བྱས། བོད་ལ་རོགས་སྐྱོར་བྱེད་རིང་། གསེར་རྟ་རྫོང་གི་2024ལོའི་ཕུལ་བྱུང་གུང་ཁྲན་ཏང་ཡོན་དང་ཁྲེང་ཏུའུ་གྲོང་ཁྱེར་ཆེད་ལས་ཚན་ཁག་གི་ཆེད་ལས་ནད་ཀྱི་འཚོ་བཅུད་ཁོངས་ཀྱི་དགའ་བསུ་ཐོབ་པའི་སྨན་པ་བཅུ་སོགས་གཟི་བརྗིད་མཚན་སྙན་ཐོབ་པ་རེད།

ཐོག་མའི་བསམ་འདུན་ས་མཐོའི་ཡུལ་ལ་བཅངས། མི་རིགས་མཐུན་སྒྲིལ་བདེ་ཐང་ལས་ཀྱིས་སྲུང་།

བློ་མཐུན་ཝང་ཀྲུང་གིས་ཐོག་མཐའ་བར་གསུམ་དུ་ཏང་ཡོན་གྱི་ཐོག་མའི་བསམ་འདུན་དང་ལས་འགན་སེམས་སུ་བཟུང་ཞིང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འཕྲོད་བསྟེན་བདེ་ཐང་དང་མི་རིགས་ལས་དོན་སྐོར་གྱི་མཛུབ་སྟོན་གལ་ཆེན་དང་མཆན་བཀོད་མཛུབ་སྟོན་གྱི་དགོངས་དོན་ཁྲིད་སྟོན་དུ་བཟུང་ནས། ས་མཐོའི་མི་རིགས་ཁག་གི་མང་ཚོགས་ཀྱི་ཚེ་སྲོག་བདེ་ཐང་འགན་སྲུང་བྱ་རྒྱུ་ནི་ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་སྲ་བརྟན་གཏོང་བའི་རྨང་རྡོ་ཞིག་ཡིན་པ་ངོས་འཛིན་གཏིང་ཟབ་བྱུང་། ཐོག་མར་གསེར་རྟ་རུ་སླེབས་སྐབས། གཞི་རིམ་གྱི་སྨན་བཅོས་ཆ་རྐྱེན་རྗེས་ལུས་ཡིན་པ་དང་། མང་ཚོགས་ཀྱིས་སྨན་བཅོས་བྱེད་པར་ལ་དང་ལུང་པ་བརྒལ་ནས་འགྲོ་དགོས་པའི་སྣང་ཚུལ་གྱིས་ཁོང་ལ་བག་ཆགས་ཟབ་མོ་བཞག།།

ངེས་པར་དུ་ས་ཆ་འདིའི་ཐོག་ནས་མི་སེར་གྱི་བདེ་ཐང་ལ་རྩ་བ་བཙུགས་ནས་དོན་དག་དངོས་བསྒྲུབ་དགོས་ཞེས་ཁོང་གི་ས་མཐོའི་རྩ་བ་ཚུགས་པ་དང་མཐའ་མཚམས་ལ་ཞབས་འདེགས་ཞུ་བའི་ཆོད་སེམས་ཆེན་པོ་བཅངས། ཁོང་གིས་ཚོགས་པའི་སྣེ་ཁྲིད་དེ་ཏང་གི་ཐུགས་ཁུར་དེ་བྱེ་བྲག་གི་བྱ་སྤྱོད་དུ་བསྒྱུར་ནས་གསེར་རྟ་རྫོང་གི་མི་རིགས་ཁག་གི་མང་ཚོགས་ཀྱི་ཚེ་སྲོག་བདེ་ཐང་སྲུང་སྐྱོང་བྱ་རྒྱུ་དེ་འགན་འཁྲི་གཙོ་བོར་བརྩིས་ཡོད། ཁོང་གིས་སྣེ་ཁྲིད་ནས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སློབ་སྦྱོང་དང་ལག་བསྟར་བྱས་ཏེ་བསམ་བློའི་རྨང་གཞི་རྒྱུན་ཆད་མེད་པར་བརྟན་དུ་བཏང་བ་དང་། གཏན་འཁེལ་གཉིས་ལ་བརྩི་བཀུར་བརྟན་པོ་དང་། འདུ་ཤེས་བཞི་ཤུགས་ཆེར་གཏོང་བ། ཡིད་ཆེས་བཞི་བརྟན་དུ་གཏོང་བ། སྲུང་སྐྱོང་གཉིས་མངོན་འགྱུར་བཅས་བྱས་ཏེ། རོགས་སྐྱོར་ལས་དོན་གྱི་ཁ་ཕྱོགས་ནོར་བ་མེད་པ་དང་གཙོ་གནད་འཐུས་མི་ཤོར་བར་ཁག་ཐེག་བྱས་ཏེ། མི་རིགས་མཐུན་སྒྲིལ་གྱི་ས་བོན་གངས་ལྗོངས་ས་མཐོའི་སྨན་བཅོས་ཞབས་ཞུའི་ལས་གཞིའི་ཐོག་གཏོར་ཡོད།

ལག་རྩལ་སློབ་ཁྲིད་དང་ཤེས་ལྡན་མི་སྣ་གསོ་སྐྱོང་བྱས་ནས། སྨན་བཅོས་རོགས་སྐྱོར་གྱི་ནུས་པ་འདོན་སྤེལ་བྱས།

ཝང་ཀྲུང་གིས་འགྲོ་མི་དགོས་པའི་ཆུ་ཚད་མཐོ་བའི་སྨན་བཅོས་རུ་ཁག་ཞིག་གསོ་སྐྱོང་བྱ་རྒྱུ་ནི་རོགས་སྐྱོར་གྱི་སྲོག་ཤིང་ཡིན་པ་ཤེས་ཀྱི་ཡོད། ཁོང་གིས་ཚོགས་པས་ཚོགས་པ་ཁྲིད་པ་དང་དགེ་རྒན་གྱིས་སློབ་མ་ཁྲིད་པའི་གནད་ལ་འཁེལ་བའི་གསོ་སྐྱོང་བྱེད་སྟངས་རྒྱུན་འཛིན་བྱས་ཏེ། 1:3གྱི་སློབ་ཁྲིད་ཀྱི་གྲོས་མཐུན་བཞག་པ་དང་། ལས་སྒོའི་གསོ་སྦྱོང་ཐེངས་20ལྷག་གཉེར་ཞིང་། རྫོང་དང་ཡུལ་ཤོག་གི་སྨན་དོན་མི་སྣ་མི་ཐེངས་900ལྷག་ལ་ཁྱབ་བཅུག་ཡོད་པ་རེད། ཁོང་དང་རོགས་སྐྱོར་ཚོགས་པའི་རོགས་རམ་འོག།།ས་གནས་དེ་གའི་སྨན་དོན་མི་སྣ་མང་པོ་ཞིག་ལས་གཉེར་ཐོབ་ཐང་གི་རྒྱུགས་ལེན་པ་དང་། གོ་མིང་གོ་གནས་འཕར་བ་ལེགས་གྲུབ་བྱུང་བར་བརྒྱུད། སྨན་བཅོས་ནུས་པ་གོང་འཕར་ཆེན་པོ་བྱུང་། གསེར་རྟ་གློ་གཅོང་ནད་འགོག་བཅོས་ཀྱི་ཞན་ཆ་ལ་དམིགས་ནས། ཁོང་གིས་ས་གནས་དེ་གའི་ཞིབ་དཔྱད་ཚད་ལེན་གྱི་རྐང་འཛིན་གཉིས་གཙོ་གནད་དུ་གསོ་སྐྱོང་བྱས་ཏེ། ལུད་པ་4274དང་། ཆ་རྡུལ་ཞིབ་དཔྱད་ཚད་ལེན་1595སྨན་འདྲེད་རྒྱུད་རྒྱུ་ཞིབ་དཔྱད་ཚད་ལེན་6བཅས་ཚད་ལྡན་ངང་ལག་ལེན་བསྟར་ནས། ས་མཐོའི་སྐྱེ་དངོས་ཕྲ་རབ་ཞིབ་དཔྱད་གནད་ལ་འཁེལ་བའི་ལག་རྩལ་གྱི་བཀག་རྒྱ་ཐེངས་གཅིག་གིས་ཁྱད་བསད་བྱས། ཁོང་གིས་པུས་ཚིགས་བརྗེ་བ་སོགས་དཀའ་ངལ་ཆེ་བའི་གཤགས་བཅོས་གྲུབ་འབྲས་ཐོབ་པའི་ངང་སྤེལ་རྒྱུར་སྐུལ་འདེད་བཏང་སྟེ། རོགས་རམ་བྱེད་པ་ནས་རང་མགོ་ཐོན་པའི་འགག་རྩའི་གནད་དོན་ཐག་གཅོད་བྱས། རྒྱལ་སྤྱིའི་སྙིང་དང་གློ་བའི་སླར་གསོའི་དབང་གྲགས་གསོ་སྦྱོང་རྣམ་གྲངས་ནང་འདྲེན་མཐུན་སྦྱོར་ཧུར་ཐག་བྱས་ཏེ། རྫོང་ཡོངས་ཀྱི་འཕྲལ་བཅོས་མྱུར་སྐྱོབ་ནུས་པ་ཆེ་རུ་བཏང་བ་དང་། རྐང་འཛིན་10ལྷག་གོང་རིམ་སྨན་ཁང་དུ་ཟབ་སྦྱོང་དང་ཉམས་མྱོང་བསྡུ་ལེན་བྱེད་པར་བཏང་། ཁུང་རྐྱང་གསུས་ཁོག་ཤེལ་གཤགས་བཅོས་སོགས་ལག་རྩལ་གསར་པ་10ལྷག་ནང་འདྲེན་དང་བེད་སྤྱོད་བྱས་ཤིང་། དངོས་སྦྱོང་མི་སྣ་19ཚད་ལྡན་ཅན་དུ་གསོ་སྦྱོང་བྱས་ནས། གསེར་རྟའི་འཕྲོད་བསྟེན་བྱ་གཞག་ཡུན་རིང་འཕེལ་རྒྱས་འགྲོ་རྒྱུར་རེ་བའི་ས་བོན་བཏབ་ཡོད།

མང་ཚོགས་ཀྱི་སྨན་བཅོས་བྱེད་དཀའ་བ་དང་སྨན་བཅོས་བྱེད་ཐག་རིང་པའི་དཀའ་གནད་ལ་ཐད་ཀར་གདོང་གཏད་དེ། ཝང་ཀྲུང་གིས་ཚོགས་པའི་སྣེ་ཁྲིད་དེ་ནུས་ཤུགས་ཡོད་རྒུས་རྫོང་སྨན་ཁང་གི་ཕྱོགས་བསྡུས་སྟོབས་ཤུགས་ཆེ་རུ་བཏང་བ་རེད། རོགས་རམ་བྱེད་རིང་སྨན་ཁང་གི་སྒོ་བསྟེན་འཕྲལ་བཅོས་མི་གྲངས་4.84%འཕར་བ་དང་། སྨན་ཁང་དུ་སྡོད་པའི་མི་གྲངས་5.83%འཕར་བ། གཤགས་བཅོས་སྟེགས་བུའི་ཐེངས་4.19%འཕར་བ། རིམ་པ་གསུམ་པ་དང་བཞི་པའི་གཤགས་བཅོས་ཀྱིས་བཟུང་བའི་བསྡུར་ཚད་2.95%འཕར་བ། ནད་པ་ཕྱི་ལ་སྐྱེལ་ཚད་33.3%མངོན་གསལ་དོད་པོས་ཆགས་ཡོད་པ་རེད། ཁོང་གིས་གཙོ་ཁྲིད་བྱས་ནས་ལོ་རྒྱུས་རང་བཞིན་གྱི་མཆོང་སྐྱོད་མང་པོ་མངོན་འགྱུར་བྱས་པ་སྟེ། གསེར་རྟའི་ཀླད་པའི་གཟའ་གྲིབ་དང་སྙིང་རྩ་འགག་པའི་རེ་ཞུའི་སྨན་བཅོས་ཐེངས་དང་པོ་གྲུབ་འབྲས་ཐོབ་པའི་ངང་ལག་བསྟར་བྱས་ནས། ཚེ་སྲོག་སྐྱོབ་བཅོས་བྱེད་པའི་མགྱོགས་མྱུར་གྱི་བགྲོད་ལམ་བསྐྲུན། ས་མཐོའི་ས་ཁུལ་དུ་སྔོན་ལ་ནད་ལྕི་གསོ་རིག་ཚན་ཁག（ICU）བཙུགས་ནས། སྐྱེ་སྐབས་སྙིང་གི་ལྡིང་ཚད་དང་དབུགས་འབྱིན་རྔུབ་མེད་པའི་ཕྲུ་གུ་དམར་འབྱར་ཚུད་པའི་ཉེན་ཁ་ཆེ་བའི་ནད་པ་20ལྷག་གི་ཚེ་སྲོག་བདེ་བླག་ངང་སྐྱོབ་ནས་འགོག་སྲུང་འཛིང་རགས་བརྟན་པོ་བསྐྲུན་པ་རེད། མྱུར་སྐྱོབ་ཚན་ཁག་གིས“དཀར་མཛེས་ཁུལ་ཁུལ་རིམ་པའི་གཙོ་གནད་རིག་ཚན་བདེ་བླག་ངང་གསར་འཛུགས་བྱས། ནད་ཐོག་ལྟེ་གནས་ཆེན་པོ་ལྔ་ཁྱོན་ཡོངས་ནས་ཚད་ལ་སླེབས། སོ་ནད་ཚན་ཁག་གི་སྒོ་བསྟེན་སྨན་ཁང་རྒྱ་སྐྱེད་བཏང་ནས། མང་ཚོགས་ཀྱི་སོ་ནད་སྨན་བསྟེན་དཀའ་བ་ནུས་ལྡན་ངང་ཐག་གཅོད་བྱས། རྒྱང་རིང་སྨན་བཅོས་མ་ལག་3བསྐྲུན་ནས། བརྡ་འཕྲིན་རབས་ལྔ་པ་དང་རིག་ནུས་སྨན་ཁང་ཟུང་འབྲེལ་གྱི་ནུས་ཆེའི་འཁོར་སྐྱོད་མངོན་འགྱུར་བྱས་ཏེ། སྤུས་ལེགས་སྨན་བཅོས་ཐོན་ཁུངས་རི་ཆུ་བོ་ཁྲི་སྟོང་ལས་བརྒལ་ནས་ནུས་པ་ཐོན་པར་བྱས། གྲུབ་འབྲས་དེ་དག་གིས་གསེར་རྟ་རྫོང་ཁོངས་ཀྱི་སྨན་བཅོས་རང་བདག་ཞབས་ཞུའི་ནུས་པ་མངོན་གསལ་དོད་པོས་ཆེ་རུ་ཕྱིན་པ་དང་། མང་ཚོགས་ཀྱི་སྨན་བཅོས་ཐད་ཐོབ་པའི་ཚོར་བ་དང་། བདེ་སྐྱིད་ཚོར་བ། བདེ་འཇགས་ཀྱི་ཚོར་བ་བཅས་རིམ་བཞིན་ཇེ་མཐོར་ཕྱིན་ཡོད།

ཁོང་གིས་འགག་སྒོ་མདུན་དུ་སྤོ་རྒྱུ་དང་སྔོན་འགོག་གཙོ་བོར་འཛིན་རྒྱུ་མཐའ་འཁྱོངས་བྱས་ཏེ། ཚོགས་པའི་སྣེ་ཁྲིད་དེ་འབྲོག་ཁུལ་གྱི་རྩྭ་ཐང་དང་ཞིང་པའི་སྒོ་ར་གང་སར་སོང་ནས་འོས་འགན་སྨན་བཅོས་ཐེངས་30ལྷག་བྱས་པ་དང་། རིན་ཐང་སྒོར་5000ལྷག་རི་བའི་རྒྱུན་སྤྱོད་སྨན་རྫས་རིན་མི་དགོས་པར་སྤྲད། ཐུམ་འབུ་ནད་ཕོག་མཁན་དང་སྦྲུམ་མ་སོགས་གཙོ་གནད་མི་ཚོགས་ལ་ཞིབ་ཕྲའི་བདེ་ཐང་སྲུང་སྐྱོང་བྱས་པ་རེད། ཁོང་གི་ཞབས་རྗེས་མཐོ་སྒང་མང་ཚོགས་ཀྱི་སེམས་པའི་གཏིང་དུ་བཞག་ཡོད་ལ། མང་ཚོགས་ཀྱིས་ཁོང་ལ་ཆེས་གཅེས་སུ་འོས་པའི་ཤ་ཉེ་ཞེས་འབོད་བཞིན་ཡོད།

མི་སེར་ལ་རེ་འབོད་ཡོད་ན། ཁོང་གིས་དུས་ཐོག་ཏུ་རོགས་རམ་བྱེད་བཞིན་ཡོད། ཁོང་གིས་རང་འགུལ་ངང་མི་སྒེར་གྱི་ཐོན་ཁུངས་ཀྱི་ལེགས་ཆ་འདོན་སྤེལ་བྱས་ནས། མང་ཚོགས་ལ་ཞིང་ཆེན་ཡོངས་ཀྱི་ཆེས་སྤུས་ལེགས་སྨན་བཅོས་ཐོན་ཁུངས་དང་འབྲེལ་མཐུད་བྱས་པ་སྟེ། ཧྭ་ཞི་སྨན་ཁང་དང་། ཞིང་ཆེན་སྨན་ཁང་། ཞིང་ཆེན་སྐྲན་ནད་སྨན་ཁང་། ཁྲེང་ཏུའུ་གྲོང་ཁྱེར་མི་དམངས་སྨན་ཁང་ལྔ་པ་སོགས་ཞིང་ཆེན་ཡོངས་ཀྱི་སྤུས་ལེགས་སྨན་བཅོས་ཐོན་ཁུངས་དང་འབྲེལ་བ་བྱས་ཏེ། སྨན་བཅོས་རོགས་རམ་བྱས་ཤིང་། སྨན་ཨང་མི་རག་པ་དང་སྨན་པ་འཚོལ་དཀའ་བའི་གནད་ཐག་གཅོད་བྱས་ཏེ། མིག་སྔའི་བར་མང་ཚོགས་200ལྷག་ལ་རོགས་རམ་བྱས་ཡོད་པ་དང་། ཞབས་ཞུའི་ཁྱབ་ཁོངས་ཁུལ་ཡོངས་ཀྱི་རྫོང་18ལ་ཁྱབ་ཡོད། ཞབས་ཞུ་རེ་རེའི་ཁྲོད་ནས། མི་རིགས་མཐུན་སྒྲིལ་གྱི་བརྩེ་དུང་གི་འབྲེལ་ཐག་ཇེ་བརྟན་ནས་ཇེ་བརྟན་དུ་ཕྱིན་ཡོད།

ཉམས་ཉེན་གྱི་སྐབས་སུ་ལག་པ་བསྲིངས་ནས། ཚེ་སྲོག་གཙིགས་སུ་འཛིན་པ་ཨ་ལོང་སྦྲེལ།

ཝང་ཀྲུང་གི་འགན་འཁྲི་ཁུར་སེམས་དེ་ཉེན་ཁའི་སྐབས་སུ་དེ་ལས་ལྷག་པ་ནུས་པ་ཐོན་བཞིན་ཡོད། 2025ལོའི་ཟླ་4པའི་ཚེས་15ཉིན། གཞུང་དོན་དུ་ཕེབས་ནས་ཕྱིར་ལོག་པའི་ལམ་བར་དུ་ཁོང་གིས་རང་ཉིད་ལ་རྫ་དུག་ཕོག་ཡོད་པར་མི་འཛེམ་པར་ཅ་ཞུའེ་གྲོང་རྡལ་ས་ཁོངས་ཀྱི་རླངས་འཁོར་དོན་རྐྱེན་བྱུང་ཡུལ་དུ་བརྒྱུགས། མགོ་ལ་རྨས་སྐྱོན་ཚབས་ཆེན་ཕོག་པ་དང་། མགོ་རུས་རྡིབ་པ། ཀླད་པ་གས་པ། ཚེ་སྲོག་ཉེན་ཁ་ཆེ་བའི་རྨས་སྐྱོན་མཐོང་དུས། ཁོང་གིས་ཉེན་ཁའི་མདུན་དུ་སྐྲག་སྣང་མེད་པར་ཆེད་ལས་བྱང་ཚད་ལ་བརྟེན་ནས་མགྱོགས་མྱུར་ངང་ཚན་རིག་དང་མཐུན་པའི་སྒོ་ནས་མྱུར་སྐྱོབ་སྒྲིག་འཛུགས་བྱས་པ་དང་། རྨས་སྐྱོན་གྱི་གནས་ཚུལ་བརྡར་གཅོད་ཡང་དག་བྱས་པར་མ་ཟད། འགག་རྩའི་བཀའ་བརྡ་ཡང་བཏང་སྟེ། རྗེས་མཐུད་ཀྱི་སྨན་བཅོས་ལེགས་འགྲུབ་ཡོང་བར་དུས་ཚོད་དམ་འཛིན་བྱས། འཆི་གསོན་དང་འབྲེལ་བ་ཡོད་པའི་དུས་འདིར། ཁོང་གིས་གུང་ཁྲན་ཏང་ཡོན་གྱི་ལྷག་བསམ་དང་སྨན་པ་རྣམས་ཀྱི་སྙིང་རྗེ་ཆེན་པོའི་ཐོག་ནས་ཚེ་སྲོག་གི་རྒྱུན་ཐག་མཐུད་པ་རེད། ཁོང་གི་བྱ་སྤྱོད་ནི་མི་རིགས་ཀྱི་དབྱེ་མཚམས་ལས་བརྒལ་བའི་ཚེ་སྲོག་སྲུང་སྐྱོབ་བྱེད་པ་ཞིག་ཡིན་ལ། ས་མཐོའི་ཕན་ཚུན་བརྟེན་པའི་སེ་འབྲུ་དང་འདྲ་བར། ཀྲུང་ཧྭ་མི་རིགས་ཀྱི་སྤུན་ཟླ་ཕན་ཚུན་འབྲེལ་འདྲིས་དང་། ཕན་ཚུན་རོགས་རམ་བྱེད་པའི་བརྩེ་དུང་ཟབ་མོ་གསལ་འགྲེལ་གཏིང་ཟབ་བྱས་ཏེ། མི་རིགས་མཐུན་སྒྲིལ་གྱི་མེ་ཏོག་དེ་ཉེན་ཁའི་དུས་སུ་སྔར་བས་འོད་དུ་འཚེར་བ་ཤེས་སུ་བཅུག

ཏང་དང་མི་དམངས་ཀྱིས་ང་གསོ་སྐྱོང་བྱས་པ་ཡིན། ངས་ས་མཐོར་རྩ་བ་ཚུགས་པའི་རི་ཐང་གི་ནས་ཤིག་བྱས་ཏེ་མི་རིགས་ཁག་གི་སྤུན་ཟླ་ཚོའི་བདེ་ཐང་སྲུང་སྐྱོང་ཡག་པོ་བྱས་ནས། མི་རིགས་མཐུན་སྒྲིལ་ཡར་ཐོན་གྱི་སྡོང་པོ་ལ་རྩ་བ་བརྟན་ཞིང་ལོ་འདབ་རྒྱས་པ་དང་།

འབྲས་བུ་ཕུན་སུམ་ཚོགས་པོ་ཐོན་དུ་འཇུག་འདོད་ཡོད་ཅེས་ཝང་ཀྲུང་གི་བབ་ཆགས་དང་ལྷག་བསམ་ཟོལ་མེད་ཀྱི་སེམས་གཏམ་རེད། ཁོང་གིས་ཕུལ་དུ་བྱུང་བའི་དོ་དམ་དང་། ཕུལ་དུ་བྱུང་བའི་སྨན་བཅོས་ལག་རྩལ། སྒེར་སེམས་མེད་པའི་བློས་གཏོང་གི་བསམ་འདུན། འགག་རྩའི་དུས་སྐབས་ཀྱི་སྒམ་བརླིང་གི་གཤིས་ཀས་གངས་ལྗོངས་ས་མཐོར་མི་རིགས་མཐུན་སྒྲིལ་ཡར་ཐོན་གྱི་དར་ཆ་བསྒྲེངས་ཤིང་། དུས་རབས་གསར་པའི་མི་རིགས་ཁག་གི་འགྲོ་འོང་སྤེལ་རེས་མཉམ་འདྲེས་ལ་སྐུལ་འདེད་གཏོང་བ་དང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བར་ཕུལ་དུ་བྱུང་བའི་མིག་དཔེ་བཞག་ཡོད།