རྨོངས་མུན་དཀྲོག་པའི་འཚེར་སྐད་དང་སུག་བཞིའི་འགྲོས་ལ་བསྟུན་ནས་རྟ་ལོའི་ལོ་སར་ཐོན། རྟ་ནི་ཁ་བ་གངས་རིའི་ལྗོངས་ཀྱི་བོད་མི་རྣམས་ལ་མཚོན་ན་མེད་དུ་མི་རུང་བའི་གྲོགས་པོ་བཟང་པོ་དང་མི་རིགས་ཀྱི་སྙིང་སྟོབས་མཚོན་བྱེད་ཅིག་རེད་ལ། གང་དུ་སོང་ན་དེར་ཞོན་ནས་འགྲོ་དགོས་པ་ཞིག་རེད། དེ་ཡང་མིང་གི་རྣམ་གྲངས་ལ་མགྱོགས་འགྲོ་དང་། རླུང་ལས་སྐྱེས། གཤོག་པ་ཅན། རྒྱ་མཚོ་སྐྱེས་སོགས་གང་མང་ཡོད་ཅིང་། རྟ་ནི་ཇ་རྟའི་གནའ་ལམ་ཐོག་གི་ཚོང་བྱེད་ཕོ་ཉ་ཡིན་པས་རྒྱ་བོད་མི་རིགས་ཀྱི་མཐུན་སྒྲིལ་དང་མཉམ་འདྲེས་ཀྱི་འབྲེལ་ཐག་ཡིན། དེང་སྐབས། རྟ་རྒྱུག་དང་རྟ་རྩལ་འཁྲབ་སྟོན་སོགས་བོད་འབྲེལ་ས་ཁུལ་གྱི་ཆེས་གལ་ཆེའི་དམངས་སྲོལ་རིག་གནས་བྱེད་སྒོ་དང་ཡུལ་སྐོར་ལྟ་ཡུལ་དུ་ཆགས་འདུག །དེ་བས་གནའ་ནས་ད་བར་རྟ་ནི་བོད་རིགས་མང་ཚོགས་ལ་མེད་དུ་མི་རུང་བའི་གྲོགས་པོ་བཟང་པོ་དང་འཚོ་བའི་རྟེན་གཞི་ཞིག་ཡིན།
