སྤྱི་ཟླ་7པའི་ཚེས་1ཉིན། ཀྲུང་གོའི་གུང་ཁྲན་ཏང་དབུ་བརྙེས་ནས་ལོ་ངོ་105འཁོར་བར་རྟེན་འབྲེལ་ཞུ་བའི་ཚོགས་ཆེན་པེ་ཅིན་དུ་འཚོགས། ཚོགས་ཆེན་གྱི་ཡུལ་དངོས་སུ། ངོ་གདོང་ནག་ཅིང་མིག་མདངས་བརྟན་པའི་ཁམས་པའི་ཕོ་རྒོད་ཅིག་གིས་ནན་ཏན་སྒོས་ཚོགས་ཆེན་ལ་ཉན་བཞིན་འདུག །ཁོང་ནི་སི་ཁྲོན་ཞིང་ཆེན་དཀར་མཛེས་ཁུལ་རོང་བྲག་རྫོང་རྨུ་རྡོ་གྲོང་རྡལ་རྒྱས་ཁར་ཡུལ་གྲོང་ཚོའི་ཏང་ཀྲི་པུའུ་ཧྲུའུ་ཅི་སྐལ་བཟང་རེད། ད་ལོར། རྒྱས་ཁར་ཡུལ་གྲོང་ཚོའི་ཏང་ཀྲི་པུའུ་ལ་རྒྱལ་ཡོངས་ཀྱི་སྔོན་ཐོན་གཞི་རིམ་ཏང་རྩ་འཛུགས་ཀྱི་མཚན་སྙན་ཐོབ་པ་དང་སྐལ་བཟང་ནི་འཐུས་ཚབ་ཀྱི་ཆ་ནས་པེ་ཅིན་དུ་ཚོགས་འདུར་ཞུགས་པར་ཡོང་བ་རེད། སྤྱི་ལེ་1500ལྷག་ཙམ་གྱི་ས་བབ་མཐོ་ཚད་སྨི་2000ཟིན་པའི་རྒྱས་ཁར་ཡུལ་གྲོང་ཚོའི་གྲོང་མི་ཚོ་ཡང་སྔ་མོ་ནས་གྲོང་ཚོའི་ཏང་དང་མང་ཚོགས་ཀྱི་ཞབས་ཞུའི་ལྟེ་གནས་སུ་འཛོམས་ནས་མཉམ་དུ་ཐད་གཏོང་བརྒྱུད་ཚོགས་ཆེན་ལ་བལྟས་པ་རེད།
2025ལོའི་ཟླ་10པའི་ཚེས་17ཉིན། རོང་བྲག་རྒྱས་ཁར་ཡུལ་གྲོང་ཚོ2025ལོའི་ཆེས་མཛེས་པའི་ཡུལ་སྐོར་གྲོང་གསེབ་ཀྱི་མིང་ཐོར་ཚུད།
རྒྱས་ཁར་ཡུལ་གྲོང་ཚོའི་ཁོངས་གཏོགས་ཀྱི་གྲོང་མིའི་ཚོ་ཆུང་3ལ་ཁྱོན་དུད་ཚང་92དང་མི་408ཡོད་པ་དང་། དེའི་ནང་ཏང་ཡོན་38ཡོད་པ་དང་ཆ་སྙོམས་དུད་ཚང་2ནས་3བར་ཏང་ཡོན་རེ་ཡོད་པས། ཏང་རྩ་འཛུགས་དེ་མང་ཚོགས་དུད་ཚང་ཚང་མའི་འགྲམ་དུ་བཅར་ཡོད། ཉེ་བའི་ལོ་ཤས་རིང་། གྲོང་ཚོའི་ཏང་ཀྲི་པུའུའི་སྣེ་ཁྲིད་འོག །སི་ཁྲོན་ནུབ་རྒྱུད་ས་མཐོར་གནས་པའི་སྤྲིན་པའི་བང་རིམ་གྱི་བོད་གྲོང་དུ་འབོད་པའི་གྲོང་ཚོ་དེ་ཐག་རིང་ལུང་ཁུག་གི་རི་གྲོང་ཆུང་ཆུང་ཞིག་ནས་ཡུལ་སྐོར་པ་མང་པོས་ཡིད་སྨོན་བྱེད་པའི་མཛེས་སྡུག་ལྡན་ཞིང་སྟབས་བདེ་ཅན་གྱི་ཡུལ་སྐོར་གྲོང་ཚོ་ཞིག་ཏུ་གྱུར་ཡོད། དེ་བཞིན"སྔོ་ལྗང་རི་ཆུ་ནི་གསེར་རི་དངུལ་རི་ཡིན་པའི"འདུ་ཤེས་ལག་ལེན་བསྟར་ཆེད། རྒྱས་ཁར་ཡུལ་གྲོང་ཚོའི་ཏང་ཀྲི་པུའུ་ཡིས་མང་ཚོགས་ཀྱི་སྣེ་ཁྲིད་དེ་གནའ་བོའི་མཁར་རྫོང་གི་སྡོད་ཁང་ཉམས་གསོ་དང་སྲུང་སྐྱོང་བྱས་ནས་ལོ་ངོ་སྟོང་གི་བོད་མཁར་ཇི་མ་ཇི་བཞིན་དུ་ཉར་ཚགས་ཐུབ་པ་བྱས་ཡོད། དེ་དང་ཆབས་ཅིག །རྒྱས་ཁར་ཡུལ་གྲོང་ཚོའི་ཏང་ཀྲི་པུའུ་ཡིས་ལོ་ངོ་སྟོང་གི་བོད་རིགས་གྲོང་ཚོ་དེ་གསར་སྤེལ་བྱེད་པའི་ཐད"ཏང་ཀྲི་པུའུ+མཉམ་ལས་ཁང་+ཞིང་དུད"བཅས་ཀྱི་དཔེ་དབྱིབས་གསར་གཏོད་བྱས་པ་བརྒྱུད། རྒྱས་ཁར་ཡུལ་གྲོང་ཚོར་གཏོགས་པའི་འབྲེལ་ཐག་ཆ་ཚང་གི་རིག་གནས་ཡུལ་སྐོར་ཐོན་ལས་ཤིག་བཏོད་པ་རེད། "མུ་འབྲེལ་བྱེད་ཐབས"དེ་སྤྱད་པས་ས་གནས་དེ་གའི་རིག་གནས་ལ་གསོན་ཤུགས་རྒྱས་པར་མ་ཟད་ཡུལ་སྐོར་དེ་བས་དར་ཁྱབ་བྱུང་བ་རེད།
རོང་བྲག་རྫོང་རྒྱས་ཁར་ཡུལ་གྲོང་པའི་གྲོང་མི་ཚོས་དགའ་བའི་སྐོར་བྲོ་འཁྲབ་པ
ཏང་ཡོན་ཆོས་བཟང་ཞོགས་པ་སྔ་མོ་ནས་སྐྱིད་ཁར་ཡུལ་གྲོང་ཚོའི་ཏང་དང་མང་ཚོགས་ཀྱི་ཞབས་ཞུའི་ལྟེ་གནས་སུ་ཡོང་ནས་ཚང་མ་དང་མཉམ་དུ་ཐད་གཏོང་ལ་བལྟས། དེ་སྔ་ཞི་ཨན་དུ་ལས་ཀ་བྱས་ནས་ལོ་བརྒྱད་སོང་བའི་ཕོ་གཞོན་དེས་2023ལོར་ཕ་ཡུལ་གྱི་ཡུལ་སྐོར་ཐོན་ལས་ཡར་ངོའི་ཟླ་ལྟར་འཕེལ་བ་ཤེས་རྗེས་ཐེ་ཚོམ་སྤུ་ཙམ་ཡང་མེད་པར་ཕ་ཡུལ་དུ་ལོག་ནས། རང་ཁྱིམ་གྱི་ཁང་རྙིང་བསྐྱར་དུ་བཟོ་བཅོས་བརྒྱབ་སྟེ་གནས་ཚང་གཉེར་ནས"ཡུལ་སྐོར་སྤྲོ་འཆམ་གྱི་ལྟོ་ཆས"ཟ་ཐུབ་པ་བྱུང་། ཁོས་བཤད་རྒྱུར། དང་ཐོག་གང་ཡང་ཤེས་ཀྱི་མེད་པས་ཚང་མ་གྲོང་ཚོའི་ཏང་ཀྲི་པུའུའི་ཁོངས་མི་ཚོས་དམར་ཁྲིད་བྱས་པར་བརྟེན་པ་དང་། ཕྱིས་སུ་ང་རང་ཉིད་ཀྱང་མགྱོགས་མྱུར་ཀྲུང་གོའི་གུང་ཁྲན་ཏང་ནང་ཞུགས་པ་ཡིན། ཞེས་བཤད། ཆོས་བཟང་གིས་རང་ཉིད་ད་ཆ་གྲ་སྒྲིག་ཏང་ཡོན་ཞིག་ཏུ་གྱུར་ཡོད་པ་དང་དྲོ་སྐྱིད་དེ་བརྒྱུད་སྤྲོད་བྱ་ཆེད་ཁོས་ཀྱང་མང་ཚོགས་གཞན་དག་ལ་གནས་ཚང་འཕེལ་རྒྱས་གཏོང་རོགས་བྱེད་ཀྱི་ཡོད་ཅེས་བཤད།
གྲོང་མི་ལྷ་མོས་ཁྱིམ་སྒོ་རུ་བལ་སྐུད་འཁེལ་བཞིན་པ།
2025ལོའི་ཟླ་10པར། རྒྱས་ཁར་ཡུལ་གྲོང་ཚོ་དེའི་གཏིང་ཟབ་པའི་རིག་གནས་ཀྱི་ནང་དོན་དང་མཛེས་སྡུག་ལྡན་པའི་སྣོད་བཅུད་ཀྱི་ཉམས་འགྱུར་ལ་བརྟེན་ནས་མཉམ་འབྲེལ་རྒྱལ་ཚོགས་ཀྱི་འཛམ་གླིང་ཡུལ་སྐོར་རྩ་འཛུགས་ཀྱི"ཡུལ་སྐོར་གྲོང་ཚོ་ཡག་ཤོས"ཀྱི་མིང་ཐོའི་ནང་བདེ་བླག་ངང་བདམས་པ་དང་།ཏང་ཀྲི་པུའུའི་སྣེ་ཁྲིད་འོག་གྲོང་ཚོ་དེ་ཡོངས་ཀྱི་གྲོང་མི་90%ཡན་ལ"ཡུལ་སྐོར་སྤྲོ་འཆམ་གྱི་ལྟོ་ཆས"རག་ནས་མི་རེའི་ཆ་སྙོམས་ལོ་རེའི་ཡོང་འབབ་སྒོར་ཁྲི་4ལས་བརྒལ།ཁོས་བཤད་རྒྱུར། ད་ཆ། ངའི་སེམས་པ་ཧ་ཅང་སྐྱིད་པོ་འདུག །ཚོགས་ཆེན་ཐོག་སྤྱི་ཁྱབ་ཧྲུའུ་ཅིས“མི་དམངས་ལྟེ་བར་འཛིན་དགོས”ཞེས་གསུངས་མ་ཐག་པའི་སྐད་ཆ་དེས་ང་ལ་མྱོང་ཚོར་ཧ་ཅང་ཟབ་མོ་བྱུང་བས། ང་ཚོ་རྒྱས་ཁ་ཡུལ་གྲོང་ཚོས་ཉེ་བའི་ལོ་ཤས་རིང་མང་ཚོགས་ལ་དམ་པོར་དམིགས་ནས་ཡུལ་སྐོར་ལས་རིགས་འཕེལ་རྒྱས་གཏོང་བ་དང་དམངས་འཚོའི་གནད་དོན་ཐག་གཅོད་ཡག་པོ་བྱས་པས། གཞི་ནས་དེ་རིང་གི་མཚན་སྙན་དེ་ཐོབ་བྱུང་། ཚོགས་ར་ནས་ཐོན་པའི་སྐལ་བཟང་གིས་སེམས་འགུལ་ཚད་མེད་ཐེབས་བཞིན་དུ་རྒྱས་ཁར་ཡུལ་གྲོང་ཚོའི་འབྱུང་འགྱུར་གྱི་འཆར་གཞིའི་སྐོར་ལ་ཁོང་ལ་འཆར་འགོད་དེ་བས་གསལ་བ་དང་ཡིད་ཆེས་དེ་བས་བརྟན་པོ་ཡོད་པས། རྒྱས་ཁར་ཡུལ་གྲོང་ཚོའི་ཏང་ཀྲི་པུའུ་ཡིས་མང་ཚོགས་ཀྱི་བྱ་བ་མུ་མཐུད་ཨང་དང་པོར་བཞག་ནས་ཏང་ཡོན་གྱིས་སྣེ་ཁྲིད་དེ་གྲོང་གསེབ་ཀྱི་རིག་གནས་ཡུལ་སྐོར་ཐོན་ལས་སྟོབས་ཆེར་གཏང་རྒྱུ་མཐའ་འཁྱོངས་དང་དམངས་ཆེད་བྱ་བ་བསྒྲུབ་རྒྱུ་མཐའ་འཁྱོངས་བྱས་ཏེ། ཚང་མའི་སྣེ་ཁྲིད་ནས་དེ་བས་ལེགས་པའི་མཛེས་སྡུག་ལྡན་པའི་གྲོང་གསེབ་འཛུགས་སྐྲུན་བྱས་ནས་མི་སེར་གྱི་འཚོ་བ་ཇི་ཙམ་བསྐྱལ་བ་དེ་ཙམ་གྱིས་ཡག་ཏུ་གཏང་རྒྱུ་ཡིན། ཞེས་བཤད།
རྒྱས་ཁར་ཡུལ་གྲོང་པའི་ཁྱད་ལྡན་བོད་ཁང་།
རྒྱས་ཁར་ཡུལ་གྲོང་པའི་མཛེས་ལྗོངས་ཀྱིས་རྒྱལ་ཕྱི་ནང་གི་ཡུལ་སྐོར་བ་རྣམས་མགྲོན་དུ་བསུ་བ།
གྲོང་མི་ཚོས་མཉམ་དུ་རྒྱས་ཁར་ཡུལ་གྲོང་པའི་གཏམ་རྒྱུད་ལ་ཉན་བཞིན་པ།