ལས་ཀྱི་མཁར་གྱང་གཡོ་བ་དེ། །
མཁར་ཐོག་ཉི་མ་ལ་བ་དེ། །
གྲིབ་མ་མང་པོ་ལག་སྦྲེལ་གྱིས། །
སྣང་གསལ་ཡོལ་བ་བསུམ་པ་དེ། །
དུས་ནི་དབྱར་གྱི་གནམ་ངོ་བཞིན། །
ཁ་མདོག་ཡང་ཡང་རྗེ་བ་དེ། །
བཤད་ན་ཆ་མེད་ཆ་མེད་ཅིག །
ཚེ་ཡི་སྐལ་ནི་ཅི་ཆ་ཨང་།
ལས་ཀྱི་མཁར་གྱང་ཅི་ཆ་ཨང་། །
གསལ་བ།
ཉི་འོད་གྱིས་ནི་སེམས་ཉིད་གསལ། །
སེམས་ཉིད་སྣང་བའི་ལྗོན་པར་གསལ། །
ལྗོན་པའི་སྟེང་གི་རྡུལ་རྣམས་ལ། །
ལས་ཀྱིས་གནང་བའི་རྨི་ལམ་གསལ། །
དེ་ལྟར་གཅིག་ལ་གཅིག་གསལ་བས། །
ཁྱོད་ཀྱི་གཟུགས་དང་གྲིབ་མ་གསལ། །
གྲིབ་མའི་དབྱིབས་དང་ཁ་དོག་ལ། །
རྟེན་འབྲེལ་སྣག་བུམ་སླར་ཡང་གསལ། །
སྣག་བུམ་ཁ་ཡི་གེ་སར་དག །
ཇི་ལྟར་བཞད་དམ་སོམ་ཉི་འོ། །
ལྷ་མོ།
བདག་གི་སྣང་བའི་སྤྲིན་ཕུང་ལ། །
ལྷ་མོ་ཁྱོད་ནི་འཇའ་ཚོན་བཞིན། །
བདག་གི་བརྩེ་བའི་ཕོ་བྲང་ལ། །
ལྷ་མོ་ཁྱོད་ནི་མེ་ལོང་བཞིན། །
རྣམ་པར་མི་ཕྱེད་དབྱངས་དག་ལ། །
ལྷ་མོ་ཁྱོད་ནི་སྙོམས་འཇུག་བཞིན། །
མངོན་པར་དགའ་བའི་བསམ་གཏན་ལ། །
ལྷ་མོ་ཁྱོད་ནི་མཉམ་བཞག་བཞིན། །
བདག་ཡིད་སྒུལ་བའི་ཤིང་རྟ་ལ། །
བརྩེ་ཆེན་བསོགས་པའི་མཆོད་སྦྱིན་སྤུངས། །
ལྷ་མོ་ཁྱོད་ནི་གང་དུ་ཡང་། །
བདེ་བ་ཆེན་པོའི་མ་མར་འབོད། །