གདུང་སེམས།

夏季 图 / 格登达吉

མདང་ནུབ་ང་ཡི་རྨི་ལམ་ཁྱེད་ལ་བསྐུར། །
ལས་ཀྱི་རླབས་ལ་བསྙབས་པའི་རླུང་བུ་བཞིན། །
མི་དེས་སྲིད་པའི་མེ་ལོང་ཕྱིས་པ་སྟེ། །
མདུན་གྱི་རི་བོ་སེམས་ལ་ལྕི་བའི་རྡུལ། །
གྲིབ་མའི་ལྗོན་པའི་སྟེང་དུ་ཉི་ཟེར་གཏོར། །
མུན་པས་བསྡམས་པའི་མཚན་མོ་འདི་རུ་བཙལ། །
ཟླ་བའི་ངོས་སུ་སྐར་མའི་ཟིལ་བ་འཐོར། །
ལས་ཀྱི་གདུང་སེམས་འདི་ཡང་སྐྱོ་བ་ཞིག །
དོ་ཞག་ཁྱོད་ཀྱི་ལང་ཚོའི་ཞེན་ཆགས་ལ། །
ཨ་ཅག་སྐེ་དཀྲིས་སྟེང་གི་དབྱངས་ཡིག་འཐོར། །
ཁྱོད་ནི་ངག་གི་རྨི་ལམ་འཁོར་ཕྱོགས་ཤིག །
རྒྱང་རིང་དེ་ན་སེམས་པ་རབ་ཏུ་འཁྱགས། །
ཀྱེ་མ་ཁྱོད་ཀྱང་རྨི་ལམ་བཞིན་དུ་ཡལ། །
ད་ཆ་བདག་གི་མིག་ཟུང་རབ་རིབ་གྱུར། །
སེམས་ལ་ཐོགས་པའི་ལས་ཀྱི་གྲིབ་མ་ཡང་། །
སྐབས་རེར་མེ་ལོང་ངོས་ལྟར་འཇམ་པ་ཨང་། །