འཆར་ཀའི་ཉི་ཟེར།

བྱང་ཐང་གི་སྲོད་དུས།

牧归

འཆར་ཀའི་ཉི་ཟེར་གྱི་མདངས་ནི་ཡིད་དབང་འཕྲོག་པའི་འོད་ཀྱི་གོང་བུ་ཞིག་ཏུ་དོགས་པས། ཐོ་རེངས་སུ་སྒང་གཤོང་དང་ཉག་ག་སོ་སོའི་འགྲུལ་བཞུད་པ་ཚོས། ཉི་ཟེར་གྱི་མདངས་ལ་རེ་སྒུག་བྱེད་ཅིང་། ཉི་ཟེར་མ་ཕོག་པའི་རི་གྲོང་དག་ནི་དྲོད་རླབས་མེད་པའི་ནམ་ཟླ་ལྟར་དུ་བགྲང་ནས་ཡོད། ཉི་ཟེར་གྱིས་འཚོ་བའི་འགྲུལ་བཞུད་པ་ཚོས་ཉི་ཟེར་ལ་དོགས་སེམས་འཆིང་བཞིན། ཉི་ཟེར་གྱིས་རང་ཉིད་ལ་འཚོལ་སྙེག་སྨིན་ཐུབ་པའི་ཡིད་ཆེས་བྱེད་བཞིན་མཆིས།

འཆར་ཀའི་ཉི་ཟེར་ནི་སྨུག་པས་བཟུང་བས་འགྲུལ་བཞུད་པས་བྲེལ་འཚབ་འཚུབ་ཀྱིས་སྨུག་པ་ལ་བསྐུངས་པའི་ཉི་ཟེར་གྱི་མདངས་མ་མཐོང་། ཁོའི་ངུ་དབྱངས་ཀྱི་འགྱུར་ཁུགས་དེ་གཙང་པོ་དང་ལྷན་དུ་བསྲེས་ཏེ་མཐའ་མེད་པའི་གངས་ཐང་ལ་ཞབས་ཀྱིས་བཅགས་རུང་། བརྒལ་མཐའ་བྲལ་བའི་མདུན་གྱི་རི་ལུང་ཐང་གསུམ་ནི་སྔར་བཞིན་མཁའ་དབྱིངས་ཀྱི་གཏིང་རིམ་ལ་ཟུག་ནས་ཡོད།

འགྲུལ་བཞུད་པས་མིག་ཆུ་བཙན་གྱིས་ཕྱིས་དེ་ཡོམ་ཡོམ་དུ་འཕག་བཞིན་པའི་རི་གཡང་དེར་ཚུགས་ཀྱིས་བཞུད་རུང་། མཐོང་བཞིན་པ་ནི་ཉི་ཟེར་མིན་པ་གཏན་ནས་མ་ཤེས། ད་དུང་ཁོས་ཉི་ཟེར་དེ་ནུབ་རིའི་ཕག་ཏུ་ཡིབ་པར་སྒོམ་བཞིན་མདུན་ནས་མདུན་དུ་ཆས། ཡིན་རུང་། ཉི་ཟེར་ནི་སུས་ཀྱང་མཇལ་བར་ངལ་བའི་ལྷ་ཚོགས་ཇི་བཞིན། སུ་ཞིག་གི་སེམས་ཀློང་གི་སྒྱུ་རྩལ་གྱི་ནང་དོན་དང་གཉིས་སུ་མེད་པས། འགྲུལ་བཞུད་པའི་རྐང་སེན་འཆིལ་མས་ཟིན་རུང་ཉི་ཟེར་ནི་ཡེ་ནས་མཐོང་མ་སོང་།

མ་གཞི་ཉི་ཟེར་ནི་གླིང་ཆེན་པོར་ཤུགས་ཀྱིས་བཞུད་པའི་འོད་ཀྱི་དཀྱིལ་འཁོར་ཞིག་ཏུ་གྲུབ་ཀྱང་། འགྲུལ་བཞུད་པ་ལ་གཞལ་ན་ཉི་ཟེར་ནི་རྙེད་ཐབས་དབེན་པའི་ཆོ་འཕྲུལ་གྱི་གོང་བུ་ཞིག་ཏུ་གྱུར་ཡོད། དུས་བཞིའི་འགྱུར་བག་དང་འགྲོགས་ཏེ་ཉི་ཟེར་ལ་གཏན་སྒུག་བྱེད་སྲིད་ཀྱང་། ཉི་ཟེར་ནི་སྨག་རིམ་དང་གྲིབ་མའི་མལ་ལས་ལངས་མི་འདུག་པས། འགྲུལ་བཞུད་པ་ལ་ངལ་བ་མི་ཆེའམ།

ཡང་དང་བསྐྱར་དུ་གླེང་དུས། ཉི་ཟེར་ནི་ལྷ་ཡུལ་གྱི་སྣོད་བཅུད་ལ་འདྲེས་པའི་སྲིད་པ་འཁོར་ལོ་དང་མཚུངས་པས། ནན་གྱིས་འགྲེང་བའི་འགྲུལ་བཞུད་པར་སུན་སྣང་དང་བློས་བསླངས་ཀྱིས་བཞེངས་པའི་གྲུ་ཟུར་དེ་ནས་སུ་ལའང་ཡིད་རྟོན་མེད་པར་གྱུར། སྐབས་དེར་ལང་ལོང་འཕྱུར་བའི་སྨུག་པ་དུམ་བུ་ཞིག་ལས་ཅི་ཡང་མི་སྣང་། དེ་ནི་འགྲུལ་བཞུད་པས་རྒུམ་པའི་འབྲས་བུའི་སྙེ་མ་རྡོག་གཅིག་དེ་ལོས་ཡིན།

འགྲུལ་བཞུད་པས་འཆར་ཀའི་ཉི་ཟེར་རྨི་ལམ་དུ་སྒོམ་ཞིང་འདྲེན་པར་བྱས། རྨི་ལམ་ནང་གི་ཉི་ཟེར་ནི་མཛེས་ཆ་དོད་པའི་འཇའ་རིས་ཇི་བཞིན། འགྲུལ་བཞུད་པའི་སེམས་དང་སེམས་བྱུང་ཡོད་ཚད་མྱོས་པར་བྱས་ཤིང་། ཉི་ཟེར་ནི་རང་ཉིད་ཀྱི་དཔུང་གཉེན་དམ་པ་ཞིག་ཏུ་མོས་ནས་སླར་ཡང་གཉིད་དུ་ཡུར་བར་གྱུར། ཡིན་རུང་། རྨི་ལམ་ནང་གི་ཉི་ཟེར་ནི་རྫོང་མཐུག་པའི་བག་ཆགས་ཤིག་ཡིན་པ་ལས། ཁོའི་བསམ་པའི་མཛེས་སྡུག་གི་གཟུགས་རིས་དེ་ལར་ནས་ཡིན་མི་སྲིད་པས། འགྲུལ་བཞུད་པའི་རེ་འབྲས་ནི་རྨི་ལམ་ལས་རྨི་ལམ་ཞིག་ཏུ་གྱུར་སོང་། །