མི་ཉག་ར་རྔ་ཁའི་སྟོན་མདངས། ལི་ཁང་གིས་པར་བླངས།
新都桥秋色 图 / 李康
ཕ་སྐད་སློབ་གསོ་ནི་མི་རིགས་སུ་ཞིག་གི་སློབ་གསོ་ལེགས་པོར་ཡོང་བའི་རྩ་བའི་ལྡེ་མིག་ལྟ་བུ་དེ་ཡིན། ང་ཚོ་བོད་རིགས་ཀྱིས་ཀྱང་དེ་བཞིན་དུ་སློབ་གསོ་ཆོས་ཉིད་དང་མཐུན་པའི་ཕ་སྐད་སློབ་གསོ་ཞིག་སྤེལ་དགོས་པར་སྨོས་ཅི་དགོས།
སྤྱིར་ཕ་སྐད་དང་རང་མི་རིགས་ཀྱི་རུས་སྐད་ཅེས་པ་ནི་མི་སྒེར་རང་ཉིད་ཁོངས་སུ་འདུས་པའི་མི་རིགས་ཀྱི་སྐད་ཡིག་དེར་གོ ཕ་སྐད་དང་རང་གི་རུས་སྐད་ནི་གཞན་གྱི་རུས་དང་ཕྱི་ཡི་སྐད་ཡིག་ལས་དམིགས་སུ་བཀར་བའི་མཚན་ཉིད་ཀྱི་གོ་དོན་ཡིན་པར་སེམས། དེ་བས་མི་རྣམས་ཀྱིས་དུས་རྒྱུན་དུ་རང་གི་རུས་སྐད་ཀྱིས་ཕ་སྐད་ཀྱི་ཚབ་བྱེད་དེ། སྐད་ཡིག་གིས་མི་རིགས་ཀྱི་ཁྱད་ཆོས་དེ་འབུར་དུ་བཏོན་པ་རེད།
ལྷ་སྒང་མཆོད་རྟེན། ཀྲང་ཁྲིན་ཞིན་གྱིས་པར་བླངས། 晖映 图 / 张成信
ང་ཚོས་མིའི་རིགས་ཀྱི་སློབ་གསོའི་ལོ་རྒྱུས་ལ་ཕྱིར་མིག་ཙམ་ལྟ་དུས་ང་ཚོའི་སློབ་གསོ་ནི་གནའ་སྔ་མོའི་སྤྱི་མཚན་སློབ་གསོ་ལས་ནས་བྱེ་བྲག་སློབ་གསོའི་ཕྱོགས་སུ་སྐྱོད་པ་དང་། གཏིང་ཟབ་མོའི་ངང་ནས་ཞིབ་འཇུག་དང་རྟོགས་དཔྱོད་བྱེད་པའི་རྒྱུད་རིམ་ཞིག་རེད། སྤྱིར་སྐད་ཡིག་ནི་མི་རྣམས་ཀྱི་དུས་རྒྱུན་འཚོ་བའི་ཁྲོད་ཀྱི་འབྲེལ་འདྲིས་ཀྱི་ལག་ཆ་གཙོ་བོ་ཞིག་ཡིན་པར་མ་ཟད། རིག་གནས་ཤིག་ཀྱང་ཡིན། སྐད་ཡིག་དེས་ས་ཁོངས་ཤིག་གི་རིག་གནས་རིན་ཐང་དང་གཤིས་རྒྱུད་རང་བཞིན་དེ་མཚོན་ཡོད། མི་རྣམས་ཀྱི་རིག་གནས་མཐོང་རྒྱ་མི་གཅིག་པ་ལས་སློབ་གསོར་གོ་བ་ལེན་ཚུལ་དེའང་མི་གཅིག དཔེར་ན། ཨ་རི་བ་ཞིག་གིས་རྒྱ་ཡིག་གི་ལམ་ནས་བྱ་དངོས་ཐམས་ཅད་ལ་རྒྱུས་ལོན་བྱེད་པ་ལས་དབྱིན་ཡིག་གི་ལམ་ནས་རྒྱུས་ལོན་བྱས་ན་མི་དེའི་བརྩེ་དུང་མངོན་གསལ་དོད་པོ་ནས་བརྗོད་ཐུབ། དེ་ནི་རང་ཉིད་ཀྱི་ཕ་སྐད་དང་ཕ་སྐད་ལ་དབང་བའི་རིག་གནས་ཀྱིས་ནུས་པ་ཐོན་པ་ལས། སྦྱངས་སྟོབས་ཀྱི་བརྩོན་འགྲུས་མ་འདང་པ་ཞིག་གཏན་ནས་མིན། མི་ཞིག་གིས་རིག་གནས་ལ་གོ་བ་འདྲ་མིན་བླངས་པ་དེ་མི་དེའི་ཕ་སྐད་ལས་བྱུང་བའི་ཐོག་མའི་རིག་གནས་རྨང་གཞིའི་སྟེང་དུ་གྲུབ་པ་དང་། སྐད་ཡིག་གིས་སྐད་ཡིག་དེ་ཉིད་བཀོལ་སྤྱོད་བྱེད་པ། དགའ་སྐྱོ་ཆགས་སྡང་། ཤེས་རབ། བློ་གྲོས་བཅས་རྒྱབ་ཏུ་ཁུར་ཡོད་དེ་སྐད་ཡིག་དེ་ཉིད་ཀྱིས་སློབ་གསོར་གོ་བ་ཁྱད་དུ་འཕགས་པ་ཞིག་བླངས་ཡོད་པ་དེ་སྐད་ཡིག་གཞན་གང་ཞིག་གིས་ཀྱང་ཚབ་མཚོན་མི་ནུས་པར་གྱུར་ཡོད། དེ་བས་མི་སུ་ཞིག་ལ་མཚོན་ནའང་ཕ་སྐད་བཤད་རྒྱུ་དེ་ཤིན་ཏུ་གལ་འགངས་ཆེན་པོ་ཞིག་ཆགས་ཡོད། དེ་དང་འདྲ་བར་ཕ་སྐད་སློབ་གསོ་སྤེལ་དགོས་པར་དེ་བས་ཀྱང་སྨྲ་ཅི་དགོས། དེར་བརྟེན་ངེད་ཅག་གིས་ཕ་སྐད་ཀྱི་རིག་གནས་ཁྱིམ་ར་ནས་ཕྱིར་བུད་དེ་སློབ་གསོ་དང་བཅས་པའི་བྱ་དངོས་མཐའ་དག་ལ་གོ་བ་དང་རྒྱུས་ལོན་བྱེད་པ་ནི་རྩྭའི་རྩི་མགོ་ཙམ་འབྲེག་པ་ཇི་བཞིན་དུ་ཕུགས་ཐག་ནམ་ཡང་ཆོད་ག་ལ་སྲིད། བཞི་པ། བོད་ཁུལ་ཕ་སྐད་སློབ་གསོ་དང་སྐད་གཉིས་སློབ་གསོའི་ངོ་བོ་མཚན་ཉིད།
ཕྱིར་ལོག 回家 图 / 康定县宣传部、旅游文化局提供
ཕ་སྐད་སློབ་གསོ་དང་སྐད་གཉིས་སློབ་གསོའི་སྐོར་བགྲོ་གླེང་བྱེད་དུས་དོན་གནད་དེར་མ་འཐམ་ནས་འཐབ་ཕྱོགས་གཅིག་འགྱུར་དང་དུས་ཡུན་སྲ་བརྟན་དེ་ནམ་ཡང་ཕ་སྐད་སློབ་གསོ་དང་སྐད་གཉིས་སློབ་གསོའི་ངོ་བོ་དེ་ཡིན་མིན་བྱེད་པ་དེ་ཡིད་སྐྱོ་དགོས་པ་ཞིག་རེད། དེ་ན་ང་ཚོས་གོང་གི་ཕ་སྐད་སློབ་གསོ་དང་སྐད་གཉིས་སློབ་གསོའི་ངོ་བོ། མཚན་ཉིད་དངོས་བཤད་དེ་བོད་ཁུལ་ཕ་སྐད་སློབ་གསོ་དང་སྐད་གཉིས་སློབ་གསོའི་གནས་ཚུལ་དེ་ཞིབ་འཇུག་བྱེད་མཁན་ཞིག་ཡིན་པའི་ཆ་ནས་བདེན་པ་རགས་བཤད་བྱེད་པ་དེ་ཡིན། །