རི་མོ་བ་ཚེ་རིང་སྒྲོལ་མ།
བོད་ཀྱི་རི་མོ་བ་ཚེ་རིང་སྒྲོལ་མ་ནི་སྤྱི་ལོ་1966ལོར་གྲོང་ཁྱེར་ལྷ་སར་ལྟེ་ཁྲག་འཕོས་ཤིང་བོད་ཀྱི་སྲོལ་རྒྱུན་རིག་གནས་ཀྱི་ཁ་དབུགས་སྟུག་པའི་ཁོར་ཡུག་ཁྲོད་ཁོ་མོར་རི་མོ་སྦྱངས་འདོད་ཀྱི་ཀུན་སློང་ངང་གིས་བྱུང་། ན་གཞོན་གྱི་སྐབས་སུ་ཁོ་མོས་བོད་ཀྱི་ཐང་ག་དང་བོད་ཀྱི་སྲོལ་རྒྱུན་གྱི་བཟོ་རྩལ་སོགས་སྦྱངས་མྱངས་ལ་དེ་རྗེས་བོད་ལྗོངས་གནའ་བོའི་བཟོ་སྐྲུན་རུ་ཁག་ནང་ཞུགས་ཏེ། གནའ་བོའི་བཟོ་སྐྲུན་དང་གནའ་རྫས་སོགས་ལ་ཉམས་གསོའི་ཕྱག་ལས་གནང་། 1982ལོར་སི་ཁྲོན་མཛེས་རྩལ་སློབ་གླིང་གི་དགེ་རྒན་ཧྥེང་ཀྲོང་ཞིན་གྱིས་ལྷ་སར་མཛེས་རྩལ་སྦྱོང་བརྡར་འཛིན་གྲྭ་ཞིག་བཙུགས་ཤིང་། ཁོ་མོར་རི་མོ་སློབ་གཉེར་གྱི་གོ་སྐབས་ཐོབ། ལོ་གཅིག་ལྷག་གི་སློབ་གཉེར་གྱི་བརྒྱུད་རིམ་ཁྲོད། ཁོ་མོས་ཀྲུང་གོའི་སྲོལ་རྒྱུན་གྱི་རི་མོ་སྦྱངས་ཐུབ་པར་མ་ཟད་སྔར་མཐོང་མ་མྱོང་པའི་ནུབ་ཕྱོགས་ཀྱི་རི་མོ་སྐོར་ཀྱི་ཤེས་བྱ་ཡང་རྒྱུས་མངའ་ཡོད་པར་གྱུར། གོ་སྐབས་དེ་ཡིས་ཁོ་མོ་བོད་རང་ཉིད་ཀྱི་སྲོལ་རྒྱུན་རི་མོ་ལས་མི་རིགས་གཞན་གྱི་སྒྱུ་རྩལ་གྱི་འཇིག་རྟེན་ལ་རྒྱུས་ལོན་བྱུང་པའི་སྒེའུ་ཁུང་དེ་ཕྱེས་པ་ལགས། དུས་དེ་ནས་བཟུང་ཁོ་མོའི་སེམས་སུ་རང་ཉིད་ལ་སྒོར་མོ་མེད་ནའང་རི་མོ་འབྲི་མཁན་ཞིག་ཡིན་ན་ཅི་མ་རུང་པའི་སེམས་འདུན་སྔར་ལས་ཕུར་ཚུགས་སུ་གྱུར། 1986ལོར་ཁོ་མོ་ན་གཞོན་ཡོངས་ཀྱིས་ཡིད་སྨོན་བྱས་པའི་བོད་ལྗོངས་གནའ་བོའི་བཟོ་སྐྲུན་རུ་ཁག་གི་ལས་དོན་ལ་དགོངས་ཞུ་བྱས་ནས་བོད་ལྗོངས་སློབ་གྲྭ་ཆེན་མོའི་སྒྱུ་རྩལ་སྡེ་ཁག་གི་རི་མོའི་ཆེད་སྦྱོང་འཛིན་གྲྭར་ཞུགས། ལོ་ལྔའི་སློབ་གཉེར་གྱི་བརྒྱུད་རིམ་ཁྲོད། ཁོ་མོའི་དགའ་ཕྱོགས་སམ་ལྷན་སྐྱེས་ཀྱི་ལག་རྩལ་ལ་བརྟེན་ནས་རི་མོའི་བྲིས་རྩལ་ཇེ་ལེགས་ཇེ་ཡག་ཏུ་གྱུར། སློབ་མཐར་ཕྱིན་རྗེས་ཀྱི་ཚེ་རིང་སྒྲོལ་མས་སྔར་ལྟར་བློ་བརྟན་འགྱུར་མེད་སྒོས་རང་ཉིད་ཀྱི་དགའ་ཕྱོགས་དེ་རྒྱུན་འཁྱོངས་བྱས་ཏེ་མུ་མཐུད་དུ་ཅང་སུའུ་སློབ་གསོ་སློབ་གླིང་དང་ནན་ཅིང་དགེ་འོས་སློབ་གྲྭའི་རི་མོ་སློབ་གླིང་དུ་རང་ཉིད་ཀྱི་ཆེད་ལས་དང་འབྲེལ་བའི་སློབ་སྦྱོང་གི་གོ་སྐབས་མང་པོ་ཐོབ། ལོ་མང་པོའི་སློབ་གཉེར་དང་འབད་བརྩོན་གྱི་ལམ་བུའི་ཁྲོད་ཁོ་མོ་ནི་ཀུན་གྱིས་མིག་དཔེ་ལྟ་ཡུལ་དང་སློབ་སྦྱོང་བྱེད་ཡུལ་དུ་གྱུར།
བང་སེལ།
དེ་ཡང་2003ལོར་གྲོང་ཁྱེར་ལྷ་སའི་བུད་མེད་རི་མོ་བའི་རི་མོ་འགྲེན་སྟོན་ཐོག་མ་སྤེལ་བ་ནས་བཟུང་། མོའི་བརྩམས་ཆོས་དག་སྔ་རྗེས་སུ་སྐབས་ཉི་ཤུ་པའི་བོད་ལྗོངས་སློབ་གྲྭ་ཆེན་མོའི་སློབ་གྲོགས་ཀྱི་མཛེས་རྩལ་འགྲེམ་སྟོན་དང་སྐབས་དྲུག་པའི་ཀྲུང་གོའི་མི་རིགས་ཡོངས་ཀྱི་རི་མོ་འགྲེམ་སྟོན་སྟེང་འགྲེམ་སྟོན་བྱས། སུང་ཆིན་ལིང་སྐུ་གཤེགས་ནས་ལོ་ཉེར་ལྔ་ལོན་པའི་དྲན་གསོ་ཞུ་པའི་ཀྲུང་ཧྭ་བུད་མེད་ཀྱི་རི་མོ་བརྩམས་ཆོས་འགྲེམ་སྟོན་སོགས་སྔ་གཞུག་ཏུ་ལྗོངས་དང་རྒྱལ་ཁབ་རིམ་པའི་བྱ་དགའ་མང་པོ་ཐོབ། མོའི་རི་མོའི་བརྩམས་ཆོས《ལམ་བུ།》དང《རྐང་རྗེས།》《བཀྲ་ཤིས་བདེ་ལེགས།》སོགས་ཕུལ་བྱུང་གི་བརྩམས་ཆོས་གང་མང་རྒྱལ་ནང་གི་མིང་དུ་གྲགས་པའི་འགྲེམ་སྟོན་བྱེད་སྒོའི་སྟེང་འགྲེམ་སྟོན་བྱས་པར་མ་ཟད། བརྩམས་ཆོས་མང་པོར་རྒྱལ་ཁབ་ཕྱི་ནང་གི་སྒྱུ་རྩལ་ལས་ཁུངས་དང་མི་སྒེར་གྱིས་ཉར་ཚགས་བྱས་ཡོད།
སྤུར་དོན།
ཚེ་རིང་སྒྲོལ་མ་ཡིས་རང་ལ་རི་མོའི་སྒྱུ་རྩལ་གྱི་གསར་རྩོམ་དང་ཉམས་མྱོང་གི་ཐད་ནས་ཞན་ཆ་མང་པོ་ཡོད་པས་ད་དུང་མུ་མཐུད་དུ་སློབ་སྦྱོང་བྱེད་དགོས་ལ། རི་མོ་བ་ཞིག་ནས་སྒྱུ་རྩལ་བ་ཞིག་ལ་འགྱུར་རྒྱུར་ད་དུང་བར་ཐག་རིང་པོ་ཡོད་པ་རེད་ཅེས་གསུངས་། ཁོ་མོའི་རྒྱུན་འཁྱོངས་ཀྱི་སྙིང་སྟོབས་དང་སྒྱུ་རྩལ་ལ་བཅངས་པའི་བརྩེ་བ་ལས་འཁྲུངས་པའི་བརྩམས་ཆོས་རེ་རེས་ལ་གཞན་མཚུངས་མ་ཡིན་པའི་ཁྱད་ཆོས་དང་འགུག་ཤུགས་ཆེན་པོ་ལྡན། །
དམྱལ་ཁམས།
དྲི་ཟ།
རྣམ་ཤེས།
གཉེན་ཉེའི་བརྩེ་དུང་།
དུར་མཆོད་ཀྱི་རྣམ་པ།
ཉན་འཇོག