ལོ་འདི་འགའི་རིང་བོད་ལྗོངས་ཡུལ་སྐོར་ལས་རིགས་འཕེལ་རྒྱས་འགྲོ་བ་དང་བསྟུན་ནས། ལྕེ་བདེ་ཞོལ་གྱི་མི་སེར་རྣམས་ཀྱིས་ཧུར་ཐག་གིས་བོད་ལུགས་པང་གདན་དང་། སྣམ་བུའི་རིགས་རྒྱུ་ཆ་བྱས་པའི་ཡུལ་སྐོར་ཐོན་རྫས་གསར་སྤེལ་བྱས་པས་མི་སེར་གྱི་ཡོང་འབབ་ལ་འཕར་སྣོན་ཆེན་པོ་བྱུང་། མིག་སྔར། གྲོང་རྡལ་ཡོངས་སུ་དུད་ཁྱིམ་600ལྷག་གིས་སྡོད་ཁང་གསར་དུ་བསྐྲུན་ཡོད་པ་དང་། དུད་ཚང་མང་པོས་ཁྱིམ་སྤྱོད་རླངས་འཁོར་ཉོས་ཡོད། གནའ་བོའི་སྣམ་བུ་འཐག་དྲུབ་སྒྱུ་རྩལ་གྱིས་ལས་ལ་བརྩོན་པའི་ལྕེ་བདེ་ཞོལ་གྱི་མི་སེར་རྣམས་འབྱོར་འབྲིང་འཚོ་བའི་ལམ་དུ་སྣེ་ཁྲིད་བྱེད་བཞིན་ཡོད་དོ། །
