ཁྱེད་ལ་ཕུལ་བ།

ཁྱེད་ལ་ཕུལ་བ།


                                          བདའ་ཚང་སྙེམས་གྲོལ། (ཁྲིན་ཏུའུ)

སྐབས་རེར  ཉི་འོད་ཀྱིས་ཡིན་ནམ་ཅི་སྟེ
ཁྱེད་རང་དམར་ཐག་ཆོད་ནས་ཤར་ཕྱོགས་སུ་ནུབ་པར་བྱེད
ངས་རྡོ་ལྟར་སྲ་བའི་སེམས་ཀྱིས་ཁྱེད་ལ་སྐད་ཆ་འགའ་བཤད་པ་དེ
ལམ་འགྲམ་དུ་རྡུལ་གྱིས་གཡོགས་ནས་མཐོང་བའི་རྡོ་བ་དེ་དག་དང་འདྲ་ལ
ཁ་བའི་ཁྲོད་ཀྱི་མེ་ལྟར་འབར་བའི་རི་དྭགས་ཤིག་དང་ཡང་འདྲ་སོང

ཉི་མས་ལྷམ་གྱི་སྣ་རྟིང་ཤེད་ཀྱིས་འཚིག་དུས
ཆོས་ཐམས་ཅད་ཀ་ནས་དག་སྟེ་འོད་ལམ་ལམ་བྱེད་ཀྱང
ངས་གློ་བུར་གྱི་གྲོང་ཁྱེར་ལ་གློ་བུར་གྱི་བརྩེ་བའི་ཐ་གུ་བསླེས

ངས་གློ་བུར་དུ་སྤྲིན་རྣམས་ལང་ལིང་གིས་སྐྱོད་ཀྱིན་པ་དེ
ཁྱེད་ཨེ་ཡིན་སྙམ་ནས་ངང་ཙམ་ལུས་དུས
ཁྱེད་རང་ནི་སྤྲིན་རྣམས་ཀྱི་ཕ་རོལ་གྱི་ཕ་རོལ་ན་ཡོད་པའང་དྲན་འོང

རྟག་ཏུ་སེམས་པ་རྡུལ་གྱིས་མནན་ནས་ཡོད་དུས
ཕྱགས་མ་བཟུང་ནས་སྤྱུགས་མཁན་དེ་ཁྱེད་ཡིན་སོང

ངས་དོ་ནུབ་ཁྱེད་ཀྱི་ནམ་མཁའ་རུ་ཟླ་བ་ཞིག་བྲི
ཟླ་བ་དེའི་ཕྱེད་ཀ་ཁྱེད་ཡིན  ཕྱེད་ཀ་ང་ཡིན