བདེ་སྐྱིད་ཀྱི་གྲོག་མ་ཆུང་ཆུང་ཞིག

བདེ་སྐྱིད་ཀྱི་གྲོག་མ་ཆུང་ཆུང་ཞིག



                          耗ན་ཡུས་ཕེན་གྱིས་བརྩམས།
                          བོང་སྟག་པ་བསོད་ནམས་དར་རྒྱས་ཀྱིས་བསྒྱུར།

གལ་སྲིད་གླང་ཆེན  ཡང་ན་སྟག་གམ་སེང་གེ་ཅིའང་བྱ་ཐབས་མེད་ན
ང་རང་གྲོག་མ་ཆུང་ཆུང་ཞིག་བྱས་ཆོག ___ བདེ་སྐྱིད་ཀྱི་གྲོག་མ་ཆུང་ཆུང་ཞིག
གནས་མལ་གཙང་མ་ཞིག་ནས
ཆུང་མ་རྐེད་ཕྲ་མ་ཞིག་གམ  ཡང་ན་སྐྱེས་པ་སྟོབས་ཅན་ཞིག་དང་ལྷན
ཅི་ནས་ཀྱང་ཁ་བ་ལེབ་མོ་གཅིག་གིས་དོང་ཁ་ཆོད་པ་དང
འོད་སྣང་ཁྲི་གང་གིས་གནས་མལ་ལ་བཀྲག་མདངས་བཀྱེ་བ
བཏུང་ཆུ་ཕོར་གང་ཚེ་འདིར་བསྟེན་ཆོག་ཅིང
ཁྱིམ་མི་གང་བོའི་ཟླ་གཅིག་གི་ཁ་ཟས་ཀྱང་འབྲུ་དྲུག་སྙེ་ལོ་གཅིག་གིས་ཆོག་གོ

གྲོག་མ་ཞིག་གི་འགྲོ་གྲོན་ཡོད་ཚད  དེ་ཙམ་ལགས
དེ་ནི་ཧ་ཅང་ཕྲ་ཆུང་ཨང
ཡིན་ཡང་གྲོག་མ་རེ་རེའི་བདེ་སྐྱིད་ཀྱིས
ས་ཆེན་འདི་ལའང་བདེ་སྐྱིད་བསྐྲུན་གྱིན་ཡོད

གྲོག་མ་ཞིག  ཏག་ཏག་གྲོག་མ་ཞིག
ད་གཟོད་གླང་ཆེན་དང་སྟག  ཡང་ན་སེང་གེ་ཡི་སྡེར་འོག་དང
གས་ཁ་ཅི་སྙེད་ཅིག་གི་བར་གསེང་ནས  རང་དབང་ངང་མཁའ་དབུགས་རྔུབ་པ་དང
རྩྭ་ཕྲན་གཅིག་གི་མགོན་སྐྱབས་འོག  བདེ་བླག་ངང་ཁ་ཆར་བུ་ཡུག་ལ་བཤོལ་ཐུབ
མེ་ཏོག་ཅིག་གི་གང་བུའི་གསེབ་ནས
གྲོག་མ་གཞན་ཞིག་དང་རྩེ་དགར་རོལ་བཞིན་བུ་ཕྲུག་བསྐྱང་ཆོག་ཅིང
གད་མོ་བགད་པའམ་སྐད་ཅོར་ཇི་འདྲ་བརྒྱབ་རུང་གནམ་ས་དཀྲོགས་མི་སྲིད

གྲོག་མ  རང་ལ་མངའ་རྒྱུས་གསལ་མོ་ཡོད་དེ
རི་རབ་ཀྱི་རྩེ་མོ་ནས་འགྱིང་ཡང  སུས་ཀྱང་མཐོང་མི་སྲིད་པས
གསར་སྤྲོས་དཔེ་སྟོན་གྱི་དགོས་ངེས་མེད་ལ
རྒྱགས་ཉམས་ངོམ་སོའང་གཏན་ནས་བྱ་དགོས་དོན་མེད
དེ་ལས་ཧ་ཅང་གཞུང་དྲང་ངང  རང་ལ་འཚམ་པའི་ཚེ་གང་གི་ལོ་ཐོ་འཆར་འགོད་དང
ཉིན་གཅིག་ཀྱང་ཆུད་ཟོས་མི་བྱེད་པར
དགའ་མགུའི་ངང་རྒྱང་རིང་ནས་བསླེབས་འོང་བའི་གྲོགས་པོ་ཚོར་སྣེ་ལེན་དང
དེ་མིན་ད་དུང  གཞན་གྱིས་འཕྱ་སྨོད་བྱེད་པའི་རྨི་ལམ་ཆུང་ཆུང་དག་ཀྱང་འདོར་ག་ལ་ནུས
རྦ་ཀླུང་འཕྱུར་བར་སྐྲག་དོན་མེད་ལ  ཡིད་ལ་མི་ཤོང་བའི་འཇོན་ཐང་ཆེན་པོ་ལའང་
     རེ་དོན་མེད
དཀའ་སྤྱད་འབད་བརྩོན་དང  བྲེལ་བྲེལ་འཚུབ་འཚུབ་ངང་འཚོ་ཞིང
འཁང་ར་དང་སྟོང་འདང་གི་དུས་ཚོད་ཡོད་རེ་སྐན་པས
ཉི་མ་རེ་རེའང  ཧ་ཅང་དོན་ལྡན་གྱིས་བསྐྱལ་སྲིད

གྲོག་མ་ཆུང་ཆུང་ལ་ལན་རེར་ཁེར་རྐྱང་གི་སྣང་བ་རེའང་འཁོར་ངེས
སུན་སྣང་སྐྱེས་པས  གཞན་གྱིས་བལྟས་མ་ཉིད་དུ་དེ་ནི་གྲོག་མ་ཞིག་ཡིན་པ་ངོས་ཟིན་ཐུབ
ཡིན་ཡང་གྲོག་མ་དེ  གྲོག་ཁྱུ་དང་འདྲེས་ཚེ
སུ་ཞིག་གིས་ཀྱང་དེ་དག་ལ་ཁྱད་པར་འབྱེད་ཐབས་བྲལ
གྲོག་མའི་ཁ་མིག་ལ་ཁྱད་ཆོས་དབེན་ཞིང  ལུས་གཟུགས་ལའང་ཁྱད་པར་བ་ཞིག་མེད་ནའང
ཁོ་ཚོས་རང་སྣང་གང་ཤར་གྱི་བྱ་སྤྱོད་ལས
ཐུན་མོང་གི་སྟོབས་ཤུགས་ལ་ཡིད་ཆེས་བླ་མེད་བྱེད་པ་སྟེ
གྲོག་མ་ཞིག་ལ
ཚེ་ཡི་འདུ་བྱེད་སྟོང་རག་བར་དུ་མིང་ཙམ་ཡང་མེད་ན་ཐང་མོད
ཡིན་ཡང་ས་ཆེན་གྱིས་ཁོ་ཚོས་རྨིས་པའི་རྨི་ལམ་དང  དགའ་མྱོང་བའི་བྱེ་མ
ཡང་ན་རྡུལ་ཕྲན་ལའང་མི་དོ་བའི་དགའ་སྐྱོ་ཡོད་ཚད་ཚོར་ངེས་ཡིན

སྤྱིར་ན་གྲོག་མ་ཆུང་ནའང
ཉི་ཟླ་དང་རི་རབ་ཀྱི་རྩེ་མོ་ཡོད་ཚད་མཐོང་ཡོད་ལ 
སྐྱེས་ཆེན་ནང་བཞིན་མུ་མཐའ་བྲལ་བའི་ས་གཞི་དང  
དྭངས་གཙང་གི་མཁའ་དབུགས་ལ་སེམས་གཏིང་ནས་དགའ་མྱོང
གྲོག་མ་ཆུང་ཆུང་དག
བདེ་འཇགས་ངང  བདེ་ཐང་གིས  ལས་ལ་བརྩོན་ཞིང  དགའ་མགུས་ཁེངས་ནས
འཁོར་བའི་འཇིངས་སུ
ཧ་ཅང་བློ་ཚིམ་དང་འཁོས་ཆུང་ངང་འཚོ་ཞིང་གཞེས
གྲོག་མ་ཆུང་ཆུང་དག་གིས
ཧ་ཅང་བག་ཡངས་ཀྱིས་བླ་མེད་ཀྱི་མཛད་སྒོ་དེ་དག
གཟབ་རྒྱས་དོན་ལྡན་དང   གྲག་མེད་འགུལ་མེད་ངང་ཡང་ཡང་བསྐྱར་ཟློས་བྱེད

གལ་སྲིད་གླང་ཆེན  ཡང་ན་སྟག་གམ་སེང་གེ་ཅིའང་བྱ་ཐབས་མེད་ན
ང་རང་གྲོག་མ་ཆུང་ཆུང་ཞིག་བྱས་ཆོག ___ བདེ་སྐྱིད་ཀྱི་གྲོག་མ་ཆུང་ཆུང་ཞིག
བརྟན་བརླིང་གི་ས་གཞིའི་སྟེང
ག་ས་གང་དུའང་ང་ཚོའི་བྲེལ་འཚུབ་ཀྱི་གྲིབ་གཟུགས་ཡོད

                            ༢༠༡༦ལོའི་ཟླ༡༢པའི་ཚེས༣༡ཉིན་གཏེར་ལེན་ཁ་ནས་བསྒྱུར།

མཆན།
     སྙན་རྩོམ་འདིའི་མ་ཡིག་མཆོ་སྔོན་མི་སློབ་ཆེན་བཙུགས་ནས་ལོ་འཁོར67ལོན་པའི་ཆེད་བསྒྲིགས་ཚགས་པར2016ལོའི་ཟླ12པའི་པར་ངོས་སུ་གསལ།