ང་མ་འོངས་ལོ་ཟླའི་ཁྲོད་དུ་ཕྱིན་དུས
ཁྱེད་རང་བར་སྐོར་གྱི་གྲུ་ཟུར་ཞིག་ཏུ
གཉིད་ལྕོག་རྒྱག་གིན་ཙོག་འདུག
ང་ད་ལྟའི་ལོ་ཟླའི་ཁྲོད་དུ་ཕྱིན་དུས
ཁྱེད་རང་དར་མདོའི་སྲང་བར་ཞིག་ནས
རྒྱ་མི་སྐྱེས་པ་ཞིག་གི་དཔུང་བར་འཁྱུད་དེ་འགྲོ་བཞིན་འདུག
ང་འདས་པའི་ལོ་ཟླའི་ཁྲོད་དུ་ཕྱིན་དུས
ཁྱེད་ཀྱིས་ཙོང་ཁའི་རི་འདབས་ཤིག་ཏུ
ཁྱོ་གའི་འདས་མཆོད་སྒྲུབ་བཞིན་མཆིས
ང་འདས་པའི་འདས་པའི་ལོ་ཟླའི་ཁྲོད་ཕྱིན་དུས
ཁྱེད་ཀྱིས་གདོང་ག་འོ་མས་འཁྲུད་བཞིན
ཡ་གླིང་གི་ནམ་མཁའ་ལ་མཛའ་གཞས་འགུག་བཞིན་མཆིས